ليش لما احط فاونديشن يطلع ويهي چنه مغبرر!!

[krkooora]

اكيد الدرجات اللي تاخذينها افتح منج باكثر من درجتين

 

[**(فـيـلا دانـتـيـل)**]

جاي حليب تكفين حطيلي صورهم ..

وبسألكم شنو المفروض احطه قبل الفاونديشن؟؟
بس مرطب!!

 

[عنووشه]

اعتني ببشرتج رطبيها كل يوم وحاولي تحطين كريمات الليل والنهار

عشان يبين علي وجهج النضاره

 

[@ DLOO3TAH@]

أب ^

 

[domage]

اختي انتي نفس حالتي بالضبط مرات يسألوني شفيج شنو حاطه على ويهج
اقول شنو ماكو كالعاده
كنت كله تتحطم وكرهت المكياج
لين لقيت السر والله ثم والله حبيت المكياج وصارت بشرتي طبيعيه ولونها حلو وموحد
مع ان أنا حنطاويه زيج

شوفي اختي اول حطي مرطب اي مرطب تحبينه أنا استخدم اولاي بالتوت البري
عقب ماينشف احط من كارولاين كريم اسمه
Camouflage creme
رقمه d 30
لونه برتقالي
إيه برتقالي لاتنصدمين تروحين تحطينه على ويهج حتى على العين عادي
تشوفين ويهج لونه برتقالي بس لاتخافين هذا تمويه راح يروح مع الفاونديشن والكونسيلر والبودره
عقب حطي كريمج وبودرتج والاضاء
ويوفي كيف بوهج طبيعي بدون ماتكونين مغبره ومشوهبه

وماري منج الا الدعاء لي بالتوفيق والله يسهل أموري


الله يوفقج*

 

[BeNt PaRiS]

تعليقات البنات تكفي !!!

 

[brettey]

بعدي عن الوردي لانه هلاقه
مادري اشلون هذا وانتي ماخذه نفس لون بشرتج معقوله يغبر ؟؟

 

[Chay7aLeeB]

جاي حليب تكفين حطيلي صورهم ..

وبسألكم شنو المفروض احطه قبل الفاونديشن؟؟
بس مرطب!!

هذي الصور

طبعا مو هاللون جربي honey or warm honey
روحي محلهم الي في 360 حبيت اللي تشتغل فيه بالها طويل .. في انواع وايد ترى بس انا افضل هذا وانتي جربي مو خسرانه

مكياجي 22k كنت ماخذه honey او gold اخذته بالشتا كان حلو وطبيعي بس حطي شويونه منه ويعطيج كفر طبيعي لاتكثرين لانه اصلا تحسين فيه ثقل شوي

محد مايعرفه الحين خاصه بعد يوتيوب كيم حلو اذا تبين تغطيه واذا تبين شي سريع حطي هالبرايمر وعليه بلشر او بدونه ينور بشرتج انا قمت استخدمه حق الدوام وااااااايد اريح بالصيف


MAKE UP FOR EVER HD Microperfecting Primer (yellow)

luminous silk foundation

وهذيل التوب فاونديشن الي جربتهم صيف وشتا لون طبيعي لاتجلح ولاتقطع ولا جفاف الحمدالله

واتمنى اكون فدتج​

 

[غلا-زوجي]

غيري ماركه كريمج وانتي بالمحل قوليلها تجرب على بشرتج نوع يناسبج

 

[Chay7aLeeB]

اي صج لاتشترين على طول روحي بدون فاونديشن او خليها تمسحه لج هناك بس بضمير وحطي الفاونديشن الي يعجبج واخذيلج فره بالسوق وشوفيه عليج انا اسوي جذي اذا بغير الماركه مرات عالايد والا الحنج حلو لونه بس من تمدينه على الويه كله مادري شلون يا الويه محتقن على مجولح وهذا يا افتح بدرجه او يكون على روز او الويه مصوفر .. حتى لو تبين ماركات ثانيه دوري الي على بيج وعسلي يعني لونج او اغمج بدرجه او حتى لو نص درجه ماراح يغمجج بالعكس يصفي وينور طبعا انا اتكلم عن البشره الحنطاويه على سمار (جاي حليب) اما البشرات الفاتحه مادري عنها

وان شاءالله اكون فدتج

 

[انواروه]

تصدقين اعاني من نفس المشكله وغيرت كريمي وراحت هالسالفه يمكن قديم الكريم بس من اخذته خايس عاد من ماك بس يمكن معطيني هذيل المكدسين عندهم *

 

[monati22]

قبل كريم الاساس حطي بيس للمكياج وممكن تختارين بيس من اي ماركة تحبينها وشوفي النتيجة ما يغبر المكياج ولا شي وادعيلي .