ليش كل شي عندكم والله مااقعد عنده والله لا اواجهه ويين العقل ؟

[q8sweeta]

السلام عليكم


الصراحه كل مااقرى موضوع بنت
زوجي خاني
زوجي عنده وزوجي سوا
على طول البنات واجههيه
قوليله
هديه
الا الزنا
ولا اذا وحده كتبت انا زوجي زين بس مايصلي
تردون عليها
هديه الريال اللي مافيه خير يصلي مافي خير لج
واللي ترد ويع اشلون تقعدين مع واحد كافر مايصلي (حسبي الله على ابليسج كفرتي الريال)

اول شي قبل هالردود
انتو مافكرتوا انكم قاعدين تسمعون المشكله من طرف واحد
ثاني شي يمكن اللي كتبت الموضوع فيها عيب او فيها شي اهي ماتدري مو منتبهه عليه
خو مافي بني ادم كامل
يمكن اهي هامله روحها
سواء لبس او مكياج او جسم او اهتمام وريال يطالع بره
خل نفرض اهي زبن كله ومهتمه لكل شي وريلها هم عينه زايغة
الحل عمرة مايكون هديه وتركيه
حتى لو يزني
ليش اتشجعونه تهده
حتى لو مايصلي
ادري انه من اكبر الكبائر
لكنك لا تهدي من احببت ولكن الله يهدي من يشاء
العقليه والتربيه تلعب دور الريال لو شنو يسوي الكل يقوله شايل عيبك وهذا اللي احنا نزرعه بعيالنا للحين
وباجر يطلع يخون مرته
منو فيكم بالذمه تدعي حق زوجها بالصلاة او تدعي حق زواجها بكل صلاة ولا تقول بويهه لمه تشوفه
عسى ربي يهديك ويبعد عنك الحرام يارب
قليل اللي يسون جذيه
اهتمي بنفسج اذا ريلج هاملج او شايف شوفه ..اهتمي برشاقتج ببشرتج قطي فلوسج على روحج سنعي نفسج
خلي انتي لمه تشوفين روحج بالمنظرة تقولين الله شهالجمال شهالجسم
لبسي مو حقه حق نفسج دلعي روحج اهو بيدلعج
ريلج مو مهتم لج كوني غامضه معاه تحسين عنده سوالف لا تواجهينه خلي المواجهه اخر الحلول وحسب شخصية الريال
حاولي تحولين تفكيره من اي شي ثاني عليج
ادري بتتعبين بس بتحصلين نتيجة ترضيج بعدين
مو احسن من انه تخربين بيتج وتشتتين اسرة
مسكي بيتج مو كل شي هدي الريل هدي الريل
كلام الناس والبنات والمجتمع هدي وتركيه
منو اللي يقولج صلحي من نفسج ويواجههج بعيوبج او ادعي واستخيري والله يهديه
او عطي ماي مقري اقري عليه سورة الضحي وكرري الم يجدك ضالا فهدى
جابلي ربج حطيه جدام عيونج وقولي حسبي الله ونعم الوكيل على كل من ارادني انا واهلي بسوء
ادعي دايما اللهم سخري لي زوجي وجعله طوع امري معمي عن غيره وصب محبتي في قلبه صبا وارني ذلك
قولي هالدعاء دايم خلي على اللسانج
حتى لمه ريلج تشوفينه يطالع افلام جنسيه ولا صور
مو ترحين تحطينه تبهذلينه قبل كل هذا طالعي الصور شوفي ذوقه
شنو اللي شاده وايد
عرفي ذوقه
سأليه
ابدعي معاه بالجنس
بعدين طلبي منه بكل هدوء ودلع انه يمسح هالصور لانه هالشي يجرحج
وسأليه انتي مقصره معاه اهو في خاطرة شي سويه
تعلمي اشتري كتب واذا سافرتي اشتري كتب وضعيات جنسية طبعا رسم وشرح مو صور اشخاص عن الحلال والحرام
او فنون الجنس
كتب فوزيه دريع اشحلاتهم
اقري كتب تثقفي
لا تتسرعين وتهدمين بيت
و لا تدعين على زوجج اذا اهو في ضلاله لمه تدعين عليه الله بيضله اكثر
ادعيله بالهدايه مو عشانه عشان نفسج وبيتج وصحتج
وادري اللي بتقولي زنا امراض ادري
بكل بساطه اتسوي كشف وتحليل على روحها تتأكد من صحتها اول وتطلب من زوجها هالشي انه يسوي كشف
بعد ما تسنع من روحها وتقضي على الاسباب وتقوله تعال نسوي تحاليل دوريه عشان صحتنا شوف بو فلان يسوي تحليل
وانت صحتك عندي بالدنيا
وتذكري دام زوجج خاش عليج خرابيطه لانه خايف تعرفين محترم مشاعرج لو فضحتي السالفه يمكن يكمل على سلوكه ويقول الحين تدري عادي وساكته وقاعده
او انه يترك الشي اللي يسويه
فاحسن شي مايدري انج تعرفين عن خرابيطه
وتعطيه قصص سمعتها حتى لو تألف وعن الامراض اللي فيهم بس

وبنات خافوا الله في نصايحكم وردودكم
واللي تكتب موضوع تتبع نصايح البنات هديه وتركيه
بقولها كلمه وحده
اللي ايده في النار مو نفس اللي ايده في الماي مو كل شي الشخص يقوله معناه يطبقه

وسوري طولت
وبس حبيت اقول اخر شي
الله يوفق الجميع ويهدي الجميع ​

 

[q8 83]

و الله كلامج عدل الوحده لازم ما تتخلى عن ريلها مني و الطريج اعتبرية غلط و حاولي تسامحينه و تساعدينه يعدل غلطة

انا ما اعم على الجميع بعد في ريايل الوحده لازم ما تقعد معاهم ول دقيقة لان كل دقيقة ممكن تهدم فيها شخصية عيالها هذا غير الي تدري ان ريلها في امراض من الخرابيط و قاعده معاه عشان عيالها ما تدري انها قاعده تدمر عيالها


احنا نتكلم المشاكل الي ممكن الواحد يحلها و الاغلاط الي ممكن يعديها وتظل صاحبة المشكلة اهي ادرى بوضعها و اذا تقدر تكمل مع الزوج ول لا بس بالاخير احنا نقول حق الي يشيشون البنات خلكم محضر خير

 

[q8sweeta]

q8 83
عدل كلامج
بس المفروض الوحده تحاول كل شي قبل لا تفكر تترك الزوج
وبعدين البنات هالوقت مو محصلين رياييل الف من تتمنى تتزوج ريلج حتى لو بتعيش بمشاكل ماعندها مانع بس من بره وجبال الناس بتقول لا شبي فيه واهي ودها
حتى البنات اللي يسمعون سوالف ومشاكل المتزوجات يسمعون ويدرون بعلة الريل واخر شي تتزوجه وتاخذه وتلفيه عندها لانه تبي ريل

 

[& أم جمال &]

عدل كلامج

 

[ام كوشه منكووشه]

رد : ليش كل شي عندكم والله مااقعد عنده والله لا اواجهه ويين العقل ؟

يعطيج الف عافيه

كلامج عدل 100%

 

[sharshora80]

رد : ليش كل شي عندكم والله مااقعد عنده والله لا اواجهه ويين العقل ؟

صاجه حبيبتي
الله يجعله بميزان حسناتج

 

[G!RLooNa]

ما نشجع الوحده تتطلق و تخرب بيتها لكن في اشياء ما ينسكت عنها و نقول ندعيله و بس

يعني الزنا الله لا يبليني بريال زاني مستحيل ادري ان ريلي زنا و اسكت و ادعيله الله يهديه!!

و نفس البنت اللي حطت ان ريلها مدمن .. مدمن و اقعد معاه شحادني اذا ماعابل بروحه و تعالج و شفت ان صج تغير اقول اصبر و اصبر اخر شي ايب منه كوكش يهال لا اهوا اللي تعالج و لا انا اللي برتاح بعيشتي ويا انسان مدمن

الدعاء مهم محد ينكر بس في شغلات ما يبيلها دعاء و الله يهديه و احط ايدي على خدي اطالعه لازم نتحرك

 

[قل علها خيره]

رد : ليش كل شي عندكم والله مااقعد عنده والله لا اواجهه ويين العقل ؟

كلااااااامج عددددل وهذا المفروض بس وين الي تتحمل وتصبر الحين ؟؟

 

[q8sweeta]

بنات انا موقاعدة اقول قعدوا مع رياييلكم اذا موزينين وماتعدلوا
اللي اقوله حاولوا وجربوا كل شي ممكن بما يرضي الله تصلحون حالة الزواج
وقبل لا الوحدة توصل مرحلة تهده وتطلق منه
تفكر مليون مرة هل اهي جربت كل الحلول
تحط ايجابيات الزوج وسلبياته اتقارن وتشوف شاللي ممكن يتغير ويتصلح
وهل تقدر تعيش معاه ولا لا
هل في مجال تتعدل حالة الزوج
تشوف تفكر وتوازن وتستشير ناس ينصحون عندهم خبرة وفكر وتاخذ رايهم
تعطي روحها مجال للتفكير بروحها مو علي طول اتطلق وتهد
تري الوحدة مو كل يوم لها ريل
ومحد بعيش حياتها غيرها
وتفكر بحالها بعد طلاق ايجابيات وسلبيات
في شغلات البنات الله يهداهم مايفكرون فيها
الناس والمجتمع والعيال وظروف المادية والسكن

 

[q8sweeta]

بنات انا موقاعدة اقول قعدوا مع رياييلكم اذا موزينين وماتعدلوا
اللي اقوله حاولوا وجربوا كل شي ممكن بما يرضي الله تصلحون حالة الزواج
وقبل لا الوحدة توصل مرحلة تهده وتطلق منه
تفكر مليون مرة هل اهي جربت كل الحلول
تحط ايجابيات الزوج وسلبياته اتقارن وتشوف شاللي ممكن يتغير ويتصلح
وهل تقدر تعيش معاه ولا لا
هل في مجال تتعدل حالة الزوج
تشوف تفكر وتوازن وتستشير ناس ينصحون عندهم خبرة وفكر وتاخذ رايهم
تعطي روحها مجال للتفكير بروحها مو علي طول اتطلق وتهد
تري الوحدة مو كل يوم لها ريل
ومحد بعيش حياتها غيرها
وتفكر بحالها بعد طلاق ايجابيات وسلبيات
في شغلات البنات الله يهداهم مايفكرون فيها
الناس والمجتمع والعيال وظروف المادية والسكن

 

[برونزية رشيقة]

والله صاجة يا أختي بكل كلمة قلتيها ..

أنا أحط في بالي دايما هالشي ..

وعمري ما شجعت وحدة إنها تترك ريلها أو تتطلق بالعكس دايماااااااااااا أنصحهم يشوفون وين الغلط
أو

أدعي أن تهدي بينهم النفوس ويصلح ما بينهم ..

حتى شوفي ردودي اهني بالقسم ..


بس مثل ما قلتي : البيئة تلعب دور والثقافة تلعب دور ..

حطي في بالج أن المنتدى وخصوصا هالقسم : تدشه أم شهادة متوسطة وثانوية والجامعية وأللي عندها ماجستير وأللي
مخلصة دكتوراة ..

ويدشونه جميع فئات المجتمع : من بدو وحضر بقسميهم سنة وشيعة .. وناس غير كويتيين مجنسين ( تلقين أصلها لبنانية أو سورية أو فلسطينية ... إلخ )

دايما تلاحظين بيئة الوحدة وثقافتها وأخلاقها من ردودها ..

وسوري على الإطالة بس كنت بشرح لج هالنقطة .

 

[اشتياق]

مالج امل تقنعين حزب الطماشه برايج <<قاطه نغزه عمدا لووووووووووووول
مشكوره حبيبتي ونعم النصيحه والله
اهم شي معدن الريـال طيب اهم شي طيب وحبوب والباجي مقدور عليه بعون الله

 

[lolab]

صاجه والله وكلامج صح وعين العقل عسالله يكملج بعقلج والباجين اتجعون انا لما اقرا بالمنتدا سوالف البنات واشوف ردودهم اندم اقول حريم الكويت جذيه ؟ وين قبل امهاتنا وسنعهم وصبرهم

 

[رحيل المرافيء]

رد : ليش كل شي عندكم والله مااقعد عنده والله لا اواجهه ويين العقل ؟

للاسف اغلب البنات اتيي تقولج انا كاملة مكملة مو مقصرة وريلي فيه وبلاه
وبالاخير تطلع هي الغلطانة
تبي الريال يتغير وهي ماتبي تغير من روحها
ولاتسنع روحها
وتقولج انا موظفة ماني محتاجته واتطلق واشرشحه بالمحاكم بالنفقة
للاسف هذا تفكيرهم
ونسوا انه الطلاق هي اول المتضررين الريال مايضره مرة بدالها غيرها بس هي من بيتزوجها بعد الطلاق

 

[ELFAD3Ah]

رد : ليش كل شي عندكم والله مااقعد عنده والله لا اواجهه ويين العقل ؟

صح لسانج

 

[G!RLooNa]

لول اشتياق جنا عني؟؟

ترا انا ما اقول الوحده من تشوف غلطه عالريال تسوي سالفه كبيره و لا تهد البيت ولا لا

بس توصل لي زنا ولا ادمان و اسكت !! بس اقول الله يهديه و اسكت!!

زنا هذا من الكبائر عصى ربه و ما احترم العشره اللي بينا و ساوى بيني و بين زباله لاقطها من الشارع اهان كرامتي غير البلاوي اللي يمكن ينقلها حقي من خرابيطه

و اسكت!؟

لا والله الا هذي ما ينسكت عنها كلش كلش مالي قعده و يا ريال زاني ولا يقرب صوبي ولا يلمس شعره من راسي و لو افكر اردله عقب زعله جايده حييييل و ايي يزحف يبوس ايدي و ريلي عشان ادله و افكر اردله ولا لا ة ان شفت خيانه منه بعد لو نظره مالي قعده وياه!!!!

زناااااااا هذاااا امبيييه الله يهنيكم على برود اعصابكم!

 

[q8sweeta]

مشكورين بنات الله يجزيكم الخير كله
الزنا اوكي من اكبر الكبائر بس الله يغفر البني ادم مايغفر ليش ويسامح
انا اللي بوصله حافظوا على بيتكم
وعلى قولة المثل داري على شمعتك تأييد
اقول حق البنات اقروا كتب تثقفوا دوروا حلول منطقية مو كل شي طلاق وتاركة البيت مايصير
فكروا وشفوا
وترى ردودكم ادري انها تعبر عن رايكم
وانا بعد اعبر عن راي كنت قبل
بس بعدين قعدت افكر احنا ليش اي شي يطري على بالنا نقوله ردة فعل منا ادري
ليش مانفكر ونفكر بحل للمشكله ونقولها تالي
ليش نكتب مشاعرنا السلبية على طول
البنت لمه طلبت نصيحة تتوقع ناس تهديها تنصحها تواسيها مو تشيشها
g!rlona اهو مو برود اعصاب
كثر ماهو نظرة مستقبلية بعيدة نرسمها لروحنا وكل وحده وظروفها