ليش خذيتي قرض

[الشيخه فطامي]

سلام ياحلوين

خلصنا موضوع ال 4000 الحين بفتح موضوع ال قرض

كل وحده تقول ليش خذت قرض ؟

جم ؟

حسيتي انج صرفتيه كله بشي المفيد ولا فسفستي ؟

لو يرد فيج الزمن ماتاخذين؟

لو خلص راح تردين تاخذين؟

جم يقصون من راتبج؟ او هل الشي ماثر ولا عادي؟



حبايبي ادري مابي اعور قلوبكم كلنا علينا قروض

 

[قطوة@@]

الحمد لله ما عندي قرض

و الله يعين اللي عندهم قروض

 

[ام الدرر]

ماخذيت وعسى ربي يكفينا شر الدين

 

[أغلى حبيبه]

الحمدالله بما اني مااشتغل فبتكلم عن ريلي

عمره ماخذا قرض يعني اللي علينا بس اقساط سيارتي

حتى يوم كان يدرس كنا محتاجين البيزه عشان الجامعه ومصاريفها بس كنت ادش جمعيات مع اهلي عشان ندفع للجامعه

صج قصرنا على عمرنا اول السنين بس الحين الحمدالله الله عوضنا

 

[فطووومة]

اخذت والحمدلله ما ضاع على الفاضي بالعكس حيل استفدت منه


بس لو يرد الزمن ما اخذ

الصراحة ما انصح بالقرض يمكن انا ماكان عندي حل الا اهو



والحمدلله سددته وافتكينا منه

 

[الشيخه فطامي]

الله يرزقنا او يرزقكم يارب او يفكنا من القروض

بس كل وحده تكتب جم خذت او ليش ؟ يلا نبي الباجي

اغلى حبيبه صج الجمعيات تنفع صراحه انا جربتهم

بس في ناس تاخذ 20 الف 15 الف عساس تبي سياره او بالاخير تاخذ لها سياره ب 10 او الباجي تفسفس فيه

 

[mmloo7a]

انزين انا وحده خذيت انتي شكو ؟

 

[chakletaA]

ايهما افضل القرض والا فيزا كارد


ادري كل الطرق تؤدي الى روما

بنك الوطني ~♥ & بنك برقان ♥ من ارقي فن التعامل يستحقون الكوادر

 

[خفت أحبك وحبيتك]

انا ماشتغلت ليلحين ان شاءالله اتوظف

ريلي عليه قرض لاننا اثثنا شقتنا تزوجنا واهوا بس صارله 6 شهور موظف
واهله رفضو يساعدونه
وعليه قسط سيارة

طبعا المعاش مايبقى منه شي وريلي وايد متضايق من هالشي
بس الحمدلله على كل حال

انا ان شاءالله اتوظف واساعده لان ظروفنا تحتاج لمصدر دخل اني والله كريم

قسط القرض اللي على ريلي 200 وشي
والقسط مال السياره 180
ولا تنسين اجار الشقه
جني بديت اتشكي ..

 

[mmloo7a]

ويييي خفت أحبك وحبيتك

بس ان شاء الله تساهيل من ربج اهم شي انتوا مرتاحين وتساعدون بعض

نصيحه لاتخلين ريلج ساعديه لو بقدر اليسر اهم شي لاتخلينه متضايق يكفي عليه الاجار والقرض والقسط


الله يوفقج

 

[الشيخه فطامي]

مملوحه اذا ماتبين تقولين مو شرط دشين الموضوع من الاساس

طرى على بالي الموضوع او حبيت اشارك مافيها شي

بنواسي بعض عندج مانع

 

[سارة_kw]

الحمدلله ما عندي قرض بس لابد اقساط سياره

بتكلم عن زوجي اذبحته القروض وما يصفى من معاشه شيئ

الله يعينا يا رب متى ما خلص قيمة القرض يرد يسدد البالون والفوائد

صج ما نخلص منهم

 

[tooonaaa]

انا وزوجي ماخذين قرض حق البيت
ولما خلص ردينا خذينا عشان نرمم ونبني دور ثالث
والله يعيننا

 

[حجيه هيونه]

زوجي اذا ما ياخذ قرض يمرض لوول


الله يكفينا شر هالقروض شايله البركه من فلوسنا