ليش حظي جذي ؟

[شــــــــــــــوقــــه]

نار زوجي ولا جنة اهلي

 

[بنفسجيه_Q8]

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

 

[مدّهره !]

الله يشفيه ويريح بالك خيتي ^^

 

[متيمه فيه]

رددي هذي الايه((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))




الله يفرجها على كل متضايق​

 

[عزيز قلبي]

لا تمنين علي زوجج بصبرج عليه حتي لا تضييعين اجرج عند ربج
كل واحد والله يبتنتليه بشغله ودامه طيب لا تخسرينه وانا معاج يوم تفكرين
لو انا مكانه كان صبر اقولج لا ما في ريال بيصبر بس المره غير
وشدراج انج بتلقين الزوج اللي يريحج لا حبيبتي ابشرج كلهمم غثا وتعب
ياييلج سكران ويطق فيج وفي ولدج يا سرسري وخرابيطه مالها والي
وكل شوي مسافر اجكره للخرابيط يا مخدرات والخ الخ
ربي ولدج يا بنت الحلال وحمدي ربج في غيرج حريم يمر الشهر ولا يقرب منها ريلها

 

[هيبة ملك]

الحل بيدج. شنو تبين ؟تعيشين معاه وتربين. ولدج.والا تطلقين.اختاري.

 

[امـ خــزامـى]

الله يشفيه ويفرجها عليك

 

[Patcholli]

قولي الحمدلله
ريلج مو خاين ولازاني ولا سكير ولا راعي سفرات وخرابيط ولا بخيل ومايصرف عليج
بالعكس الريال مو مقصر بس ظروفه الصحيه اهي الي جابرته على جذي حرام عليج اتحملي هاذا زوجج
وخل يروح الطبيب يشوف شنو مشكلته وليش جذي يتعب ؟
وبعدين اذا مايقدر يطلع معاج مو معقوله ماعندج ارفيجات تطلعين معاهم ؟
انا اقول حمدي ربج ترى ريلج زين ومو بيده الي يصير فيه لاتصيرين انتي والزمن عليه
لاتصيرين قاسيه وعديمه احساس
ريلج اهم من الطلعات والسفرات والوناسه

 

[♥MaSteRiyA♥]

الله يعينج ويمسح على قلبج حبيبتي​

 

[Artq8]

مسكين زوجج الي رزقه وحدة ما تحبه و لا تخاف عليه انا رايي انفصلي خل يحصله وحدة تستاهله مو انانيه بس تفكر بوناستها اذا الريال مريض شنو بييدا و تقعدين تقولين لو كان مكاني جان خلاني جد مسكين

 

[احبك يايمه]

احتسبي الاجر والله يكون بعونكم
وانا مع كلام الاخت مناير

 

[ام خليففه]

مسكين زوجج الي رزقه وحدة ما تحبه و لا تخاف عليه انا رايي انفصلي خل يحصله وحدة تستاهله مو انانيه بس تفكر بوناستها اذا الريال مريض شنو بييدا و تقعدين تقولين لو كان مكاني جان خلاني جد مسكين

عفوا حبيبتي انا مو انانيه بالعكسس صارلي سنه صابره عليه وعلي فكره انا مومبينه له ابدا
يعني بس حبيت اهني افضفض ولو اني ماتحبه كان ماصبرت علييييه

 

[ام اريج 22]

زوجج لو يقرا اللي كاتبته بينصدم فيييييييييج الله يعينه اللي انتي زوجته تفكرين جدي

 

[بنت.المطيري]

بغض النظر عن كل شييي بتكلم عن نقطه وحده


ترا كل ريال وقدرته بعضهم مرتين بالشهر واهو مافيه شي ويحبون بعض بس ماتطري عليه السالفه او ماله خلق عادي ترا !!

 

[ريتاج_90]

شغلي الرقيه الشرعيه بعدين سورة البقره ورا صلاه العصر
في برنامج الرقيه الشرعيه بالايفون وحتى سورة البقره

وهم انتي اقريها
وادعي الله سبحانه

والله يهون عليج

 

[دلوعةمآمآ]

حبيبتي ام خلييفه

هونيها وتهون وتأكدي بهالدنيا مافيه احد مستريح !

لكن وككلي امرك لربك

وتأكدي مابعد الضيق إلا الفرج ,,, ربي قااعد يختبر صبرك

ولاتدعي على نفسك وتتمني الموت !!

لأن إحنا مهما نتقرب من الله بالطاعات نحس إننا مقصرين

وارقي نفسك وزوجك وشربيه ماء زمزم

والله يسعدك يارب

 

[Artq8]

بشنو صبرتي عليه !! انتي صارلج سنه متزوجه في هالسنه تسع اشهر حامل و نسات و تعب بعدها الله رزقج طفل الله يخليه لج يعني انتي كنتي مشغوله بنفسج طيب انتي تقولين كله تعبان شنو مرضه ما ذكرتيه ... طيب ترا مرتين بالاسبوع هذا الطبيعي .. لمه يه اخطبج ما قالكم ان مريض ؟!؟! و لا مرضه يه بعد ما تزوجج ... انتي تقولين احبه حسستيني ان صابرة عليه سنين كلها سنه و انتي حامل فيها ..انتي ودج تنفصلين بس خايفه لي انفصلتي ما تتزوجين و تردين لحكرة الاهل ...يعني حياتج معاه افضل من بيت اهلج احمدي ربج على هالنعمه ...يعني وجودج معاه مو حبا فيه و لا لو تحبينا ما كان فكرتي جذيه او تاففتي من مرضه عموما الله يشفيه و يهديج ... و يكتب لج الي فيه الخير

 

[دوووووووووووبا]

انا مع ام فرح الحلوة ماقصرت الله يجزاها خير

الله يشفي زوجج ويصبر قلبج يارب وولدج ربي يحفظه لج

اهلج مو دايمين لج ترى كلن لاهي مع الدنيا

احتسبي الاجر في زوجج المريض وهذا امتحان من الله يشوف قوة ايمانج وصبرج ع البلاء

 

[قصْر شآمخ~]

ليش التسخط


بدل لا تحمدين ربج ... ترى النعمة زوالة

 

[ام الحلوااات]

اللــــــه يـــفــــرج هــــمــــج ويـــشــــفـــي ريـــلـــج