ليش تتقبل المرأة خيانة زوجها اما هو لا ...؟

[دمعة خجولة]

السلام عليكم

شحالكم ؟؟

:eh_s(15):

ليش المرة لين خانها زوجها تتحمل و تتقبل الشي و بالعكس تهتم فيه أكثر و تصبر عشانها و عشان عيالها اما هو لين خانته مرته فضحها او يطلقها او يعيشها في عذااااب ؟!!!!

اتكلم عن معظم الناس و ليس الكل :eh_s(7):


اتمنى الاقي وجهة نظركم في الموضوع

 

[شوق العتبان]

حتى انا اسال نفس الشي
ليش الحرمه تذل نفسها وتمسك بنوجها معنه خاين وتغفر له اخطائه وتعطيه فرصه الا فرص يتسنع
واهي لاجها الدوريقولها روحي لبيتواهلج والورقه وراج هذا اذا ماضربها ولعن ابو خامسه
هو عادي هي لا ثم لا

تحياتي لج ياقمر

 

[دمعة خجولة]

مشكوووورة حبيبتي على المرور

 

[المرتاحة]

بصراحه انا ما تعجبني المره اللي جذي كلش و اللي يفقع مرارتي يصورونها انها المراه الحكيمة !!! الحمد الله و الشكر

انا اعتقد سبب تحملها لانها ما تبي تشتت عيالها على حساب نفسيتها ..يقولون الام تتحمل الضيم و الظلايم بس علشان عيالها

بس انا من وجهة نظري ان الحياة نعيشها مره يا اما اعيشها وقلبي مرتاح ولا بلاها من عيشه ..والعيال ما يضيعون اهم شي التربية الزينه

 

[•Brown•Sugar•]

جوابه بسيط

لان الرجل خلق ليخون
والمرأه خلقت لتسامح

 

[kuwait_queen82]

انا عن نفسي اكره المرا الي تخون لي اسباب وايد واهمها انها اتخلت عن مشاعرها و انوثتها كامراءه لاه المرا حساسه ابطبعها اشلون يهون عليها تخدع و تلعب امشاعر زوجها
و ثانا و اهم سبب الي اهو اختلاط الانساب و هذا شي اكبير لا يستاهن فيه (اذا هانت عليها نفسها ماعتقد الطفل الي راح ينولد يشيل ذنب انه نسببه مو معروف(لانه حتى الدي ان ايه مو مضمون 100% )

 

[ام اريج 22]

عاد حبيبتي هدا اللي كاتبه لها الله غصب عليها تبلعها وتحتسبها عند رب العالمين ربي ياجرها على بلوتها ومايضيع حقها

 

[KOKO_284I]

الانثين غلط بس المجتمع عطى حق الريال اكبر من حجمه لين صدق ان اهو مسموحله يغلط واهي لا

 

[Freakya]

الخيانة بحد ذاتها ذنب كبير

لكن المجتمع اهو اللي حكم بهالشي

 

[برنسس كاتي]

الخيانة عقابها عند ربي واد باختلاف الجنس
لكن ببساطة المجتمع يرحم الرجل ولا يرحم المراة
بعدين الريال عادي ممكن يطلقج ويتزوج ١٠٠ وحدة ثانية
بس احنا المساكين لي تطلقنا ممكن نقعد في بيوتنا محد درا عنا
فشنسوي الوحدة مالها الا الصبر عشان عيالها وبعد تحاول تحافظ على تماسك بيتها وبها الاجر

 

[دمعة خجولة]

شكـرآ على الردود ..

 

[Tulips]

لانه الناس تمشي على المثل الغبي

" الريال شايل عيبه "

بس عند الله اثنينهم سواسيه بالعقاب

 

[جلكسيه اس 3]

لان اهمه عاجبهم الوضع. و مستانسين صراحه ما يعجبني اللي يقول شايل عيبه. عند الله سبحانه ماكو احد شايل عيبه

الحين الرجل يسوي كل شي و يخربط و يلعب محد يشوف لاكن يكفي الله سبحانه فوقه

 

[خالف تعرف]

همن انا بعرف السبب

 

[دمعة خجولة]

thanx for visit

 

[pusy cat]

الرجال مثل البعير حقود وماينسى حتى لو شي صار قبل الزواج

المره كمخه بسرعه تعصب وتنهار وبكلمتين ترضى وتسامح

اتوقع السالفه لها علاقه بالعاطفه لأن المره عندها عاطفه وتحب وتقدس اللي تحبه فممكن اتسامحه اما الرجال ماعنده هالشي او عنده بس مو مثل المره يعتبر شي ثانوي بالنسبه له

المره تحب زوجها اكثر من نفسها والزوج يحبها بس مو اكثر من نفسه

 

[مطيريه ماركه]

مآكو آمرآة تحترم نفسهآ تقبل خيآنة زوجهآ
هذي وجهة نظـري

 

[دمعة خجولة]

ثاااانكس على المرور

نورتوا الموضوع

 

[بانانا]

ليش الله حلل للريال يتزوج 4 حريم وما حلل للمرأة هالشي ؟؟

المرأة حبيبتي خيانتها يعني أولا أنها تتخلى عن فطرتها ،، وهي الوفاء والاخلاص حق ريال واحد بس !!
الله خلقنا جذي هذه فطرتنا وهذه فطرتهم
شوفي الحريم اللي أعوذ بالله عندهم خرابيط
حتى الويه تشمئزين منه أعوذ بالله
ثاني شي وهو المصيبة حبيبتي خيانة المرأة مو شي يستهان فيه لأن معناتها خلط أنساب !
تدرين شنو يعني خلط أنساب ؟؟

الله يستر على عباده ويكافينا الشر

بس هذا طبعا مو معناته أن خيانه الريال مشروعه ولا شي عادي
بس الوحده فينا تحاول تملي عينه عشان مايطالع بره ..
واذا صار وخان ليش أخرب بيتي عشان بنت شوارع ؟!!
أحافظ على بيتي وأشوف الخلل والسبب شنو وأعالجه
ولا أخلي بنت شوارع تنتصر علي وتدمر بيتي

والله كريم

 

[احلى من القمر]

والله ياحبيبتي لادين ولاعقل يسوغ اويقبل خيانة الزوج ولا خيانه الزوجه والعقوبه تلحق بالخاين في الدنيا قبل الاخره بس شنقول حق المجتمع المتخلف اللي يغض النظر عن الريال.
والمره لوخانت وتعاقبت هذا يزاها واقل من يزاها ولااحد ينكر هالشي بس ليييييييييييش الريال يكون اخف اقولج المجتمع والمجتمع والمجتمع اللي خالق هالشي ولااحديقدر يغيره