ليش بنات الكويت صارو كلهم مثل مثل؟؟

[katko0ota]

ana wa7da 3an nafsy albs ely ya3jbny

swa kan mo'6a wela la

ma 3alay men a7ad

o dayman a7b amayz nafsy

 

[بنت من الكويت]

المشكله انا ايام اول بالتسعينات ايام الجامعه مافي تقليد كل من له ستايله ... السالفه هذي بس صارلها جم سنه لما هبو الناس يلبسون نفس بعض وصار الستايل واحد ....

قبل كل من يتميز بلبسة وستايله ... وهذي مو بس ملاحظتي ملاحظة الكل ...

 

[^ليلاس^]

هذي الموضه الدراجه يعني معقوله ولا وحده منكم ما مشت على هالموضة او خذت شي منها

 

[*سكون*]

بصراحه أنا وحده ما مشيت مع هالهبات .. وأكيد مثلي واااااااايد

يعني مو كل الكويتيات هبه .. اللي يعجبني ألبسه واللي ما يعجبني أتركه

 

[zeen_el_q8]

للأسف في الكويت

كل شي صار موضة عن البنات


و انعددددددددم الوازع الديني ..!!

و يحطون الحجة الموضة و السوق ..

التفصخ و الشخلعة موضة ..!!

المتحجبة لابسة و مو لابسة .. حتى مرات استغرب من بعض البنات .. يعني دامج متحجبة احترمي حجابج .. ليش كل هالترصص ..!!

للاسف حتى الحجاب صار موضة عند البنات .. صاروا اللي يتحجبون ما يتحجبون لانه فرض ديني .. لا .. لأنه موضة ..!!

و يا ريت على كل هذا في ذرة ذوق ..!!

تنسيق الوان أرف .. و لبس أرف .. موديلات ماادري شلون لبسوها ..!!

طبعاً في بنات ذوقهم راقي و لبسهم حده مرتب .. بس للاسف الاكثرية ماكو ذوق ..

و كللله صوووووب .. و سالفة التخزز صووووووب ..!!

يقطعون الوحدة تقطع .. و لا بعد نظرات احتقار ..!!

تقولين بايقين حلال ابوها .. خير يمه ..!!

ما أقول إلا الله يهديهم

 

[bnt_7waa]

حلو انج تمشين على الموضه انتي نفسيا بتكونين مرتاحه بس بدون مبالغه ويكون هشي بينج وبين اهلج ومحارمج

انا عن نفسي بكل ثقه اطلع وانا مو حاطه مكياج ولابسه عبايتي افتخر بهشي وخصوصا بعد لمه اشووف احد مثلي يقلدني بستايلي هذا

وكشخه والمكياج اكيد لها اوقاتها ..

 

[زبــــــــدة]

مافيها شي ترى كلها مووضه مو سالفة تقليد!!!

واايد اشوووف بناااات ستايلهم حلووو بس مو مع الموووضه

يعني بالعكس كل وحده تلبس اللي يعجبها

يعني مو معقووله انا بلبس شي مو حلووو علي على بو ان مووضه او تقليييد!!

اي شي يعجبني البسه موضه او لا^^.

 

[*^*مــــزيــــانــــا*^*]

انا اتفق مع أغلب البنات

انه ... هذه موضـــــه ومو تقـــــليــــد ....

وبعديــــن ...

مو شرط وحده مشت مع الموووضه سوت شي غللللط

في نـــاس ما يمشوون مع المووووضه ... ولبسهااا ترصص وضيج .. والعكـــس صحيح

احنـــا المفروووض ما نعمم ..

وانا وحده أمـــشي مع الموووضه .. والبس لبس ال يهبووون فيه البنات

طالما .. هاللبس عاجبني ... واحس انه راقي وســـاتر غير جذي لا

البس ملافع شورافسكي .. احط ميك أب ... وجينزات..و اتكشخ في المكان المناسب

والبس عباتي .. وما احط ميـــك أب .. هم في المكـــان المنـــاسب ...

ويعديــــن خلوووا بنـــات العالم يمشوووون على المووووضه ...


واللي بيــتـه من زجـــــاج ... لا يرمـــي النــــاس بحجــــر



يعني مثلا خالتي ... كله تتطنز على هالبنات .. وعلى لبسهم ..

وبناتهااا أول من يلبس ... هالسوالف


وبالعكس حلووه تكووون ديرتنـــا وبنـــاتنا كشخــــه وماشيين على الموووضه

واللي تلبسه بذرابه وباحتشـــأم .. كيفهاااا

واللي تلبسه ... من غير احتراام هم كيفهاااا


منو احنا عشـــان نحـــاسبهم ...

لهم ربهم اللي يحـــاسبهم ...

 

[*ستايل*]

مو بس بنات الكويت مثل مثل كل بنات العالم جذى وكل ديره تشوفينهم يتشابهون بالستايل والشكل

روحى السعوديه شوفو لبسهم نفس بعض روحى الامارات روحى البحرين روحى الدول العربيه ​

 

[بنت الكويت العسل]

بصراحه في شغلات وايد هلاقه
الامطه اللي تافخه الراس هلاقه
الليقنز الستريتش هلاقه على المتحجبات
والتخزز هلاقه
وايد الحين صاروا الناس ماادري شلون للاسسسسسسسسسسسسسسسف

 

[بنت الكويت العسل]

الموضه والسوق نزل هالسوالف فالبنات تشتري بس اشتروا بعقل مو كل شي مايناسب تشترونه وفي شغلات وايد تناسب ومتوفره بس الناس حاليا تحب الخرابيط والتفصخ الا من رحم ربي

 

[عسولة الكويت]

اصلا كل بنات الكويت صاروا يشبهون بعض ولا هالحاجب الطاير بيذبحني هههههههههه

 

[yam_yam]

أنتوا الحين ليش معصبين ههههههههه
مجرد وجهة نظر و أكرر و أقول كل شي له وقته سواء بسوق أو بدون
وأنا ترا كويتية و أول وحدة ألبس على الموضة ( لكن اللي يناسبني ) بس أنتوا تعرفون نظرات بعض البنات اذا كانت كاشخة تطلع الثانية جنها فيهاشي غلط مو أكثر و هذي بعض الفئات مو كل البنات و أنا ماجمعت
بعدين أنا في شي محيرني ليش لما الوحدة تقول وجهة نظرها جنها سابتكم ... يعني الحين بتقنعوني أن قي بنات ماتطالع بطرقة غريبة حتى المتزوجة اذا طالعة مع ريلها هم يخزونها
و في ناس يروحون السوق بس عشان يطالعون غيره
و أنا تكلمت عن البعض مو الكل و ماغلطت على أحد و لا سبيت أحد لكن هذي فئة موجودة و مانقدر ننكر هالشي

و لا تحسبون أني ضدكم بالعكس البنت الكويتية من أرقى البنات في الخليج يكفي باقي الدول يشوفون الكويتية شنو تلبس عشان يقلدونها
لكن أنا اللي كنت أقصده أن الشي اللي نلبسه لازم نراعي فيه الله سبحانه و نلبس اللي يناسبنا يعني مو معقوله وحدة جسمها مو حلو تترصص و لا متحجبة هذا غلط
و كل بنت لها لبسها على جسمها و عمرها و شكلها
مو أكثر
رجاء بنات كويتيات لحد يفهمني غلط أنتوا كلكم تدرون أني أحبكم و لا أرضى على أي كويتية لكنا كنا نتكلم عن بعض البنات مو الكل :tek:


و في النهاية أحنا قاعدين نسولف مو أكثر و اختلاف الرأي لا يفسد للود قضية :ggdw:

تحياتي yam_yam

 

[softlady]

انا مو قاهرني ولا بط جبدي الا شيين

الرمووووووووووووووش حق السوق والمجمعات تقوليييييين مهفااااااات

وهبه الحزام العريض الي بعضهم خصرها كبر دواااااااااار العظام واردافها تفاخيات وحاطه حزام عريييييييييض ما ادري شنو بتورينا ويع ويع ويع


والصراحه اسمحولي بعض البنات ماكو شخصيه تركز ورا الموضه

اذكر قبل اغنيه حق عمرو دياب البنات لابسين قجري

كل بنات الجامعه البسوا قجري

صاروا البنات مثل بيوت الحكومه مثل مثل

والله الحمدالله كل ما لعب براسي الشيطان وشفت وشفت

اقول بيني وبين نفسي انا مستحيل اقلد احد ليش وين شيخصيتي

ماسويت جايننز ولا لبست الجاكيت الصغير ولا البس كعب الا حق الحفلات والمطاعم

دوام وسوق مستحيل

وكتبت مره موضوع على الشباصه تحت الملفع حرااااااااااااااااااااااااااام



اتصدقين في كل شي انقلد مو بس بالبس في الاستقبالات والحفلات

حتى بالولاده والمستشفيات

وشنو نازل اشكال كاكاو يديده والا مواعين يديده

كل شي

 

[zeen_el_q8]

للبنات اللي يقولون .. موضة و موضة ..

ودي اسألهم بس ..

انتوا مسلمات ؟؟ ولا مسلمات بالاسم بس ؟؟!!

الليغنز و الترصص .. الله يرضى فيهم ؟؟

انا وحدة البس عالموضة بس الشي الراقي .. ما سويت تفخت راسي نفس ما يسوون .. ولا لبست الليغنز بالسوق و الدوام .. ولا صبغت ويهي و طلعت ..!!

المشكلة في الكويت .. انه الوازع الديني انعدم و المشكلة الاكبر ان البنات شايفين نفسهم صح .. بس هم شرهتي عالاهالي اللي مخلين بناتهم يطلعون بهالاشكال

مرة نبيل العوضي قال سالفة بأحد برامجه .. انه مرة كان في واحد صديق زاير الكويت .. و نزل احد المولات .. و لما شاف اشكال بنات الكويت .. للأسف تعليقه كان .. " كل هذولي بنات ليل عندكم ؟؟ "

استغرب و رد عليه .. طبعاً لا .. بس هم ماعرف شيقوله ..!!

ما اقول غير الله يهدي هالبنات و يتذكرون ان وراهم حساب و عقاب و ان هالترصرص و المكياج مو نافعهم

 

[Alia]

انا بتكلم عن نفسي اتابع الموضة لكن ما البس الا اللي يناسبني يعني مو كل شي هبه لازم وواجب والزامي البسه!!!؟

وعن البنات انا الصراحة مالي شغل باحد البس اللي يعجبني وماطالع غيري ولا اعور راسي لووووووووول

 

[om al ghaleen]

والله ماكو احلى واستر من العبايه لاموضه ولابتاع انا كشخه

اهم شي ارضى ربي ونفسي ولاتهمني ان وحده قالت عني ستايلج قديم مع اني بالعشرينات

بس الصراحه ماارضى احد يدقق على جسمي على ابوا موضه !!

ولااحب اكون طماشه للشباب ومصخرتهم

كشختي ولبسي ومكياجي كله حق اهلى وزوجي الله يخليهم

:

 

[رايقة1980]

ماقلنا لاتتبعون الموضة


لكن اللي نشوفـــه عجب العجاب...



قصة سعاد حسني ما شفتها الا هالسنة وينهم عنها من قبل؟؟؟


الشي اللي يضحك

في بنات مو مناسبتهم القصة بالمرة شكلهم فيها قبيح

والحجاب اللي حاطين تحته مدري شنو.. لدرجة فيه بنات موصلين السنام اللي على رووسهم لقمة راسهم شكلهم بجد بجد مضحك....



والسوق ؟؟؟ كنك رايحة حفل مو سوق



ياناس ياعالم ... فيه شي اسمه ثقافة لبس


الدوام له لبسه والسوق له لبسه والعرس له لبسه


والا وحده رايحة المستشفى لابسة زري؟؟؟وثوب يبرق؟؟؟؟



؟؟؟

 

[أمواج البحر]

الموضه ما نقدر نستغني عنها لكن للاسف في بعض البنات يلبسون اشياء ما تناسبهم

اي صح الحين البنات هابين بهبه يديده

كل وحده تلبس عدسه تصور عيونها و تحطها بالمنتدى خخخخخخخخخخخخخخ و ساعات تحط جزء من الميك اب عشان نشوفه :dddds:

والله ياخوفي باجر تصير السالفه خري مري و يحطون صورهم بالنت :eh_s(1):

 

[[ . . Jee Jee . . ]]

.تذكرون ايام قبل اول ماهبينا في الحجابات الكريب وكل وحده زانطه روحها ههههههههه ...​

عيوني دمعت من هالكومنت

مت ضحك لوووول اللهم لك الحمد ياربي

والله عندي صورة حق روحي بحجاب ستان كل ماضاق خلقي من روحي الحين شفتها وارتحت لوووول

شلون الكريييب استغفر الله ياربي بس


هارموني والله انا نفسج ولا هبه من اللي قالوهم البنات مارستها بأي شكل من الاشكال
بس اشيل الشوارفسكي لبست عشان ماجذب


وعلى الموضوع .. آنا من زمان اقول الحين الكويتيين صاروا " الاغلبية " ناس سطحيين بشكل كبير
ومعاج حق سالفه الخز اللي لما ماتحطين مكياج مادري شسالفتها !!

ناس وقحين من صج .. صارت طلعة السوق شي يضيق الخلق بسبتهم !

اللي قالت ماحب الافنيوز بالويك اند .. انا كل المجمعات ماطبها بالويك اند شرايج ؟

الله يرحم ايام قبل ماكو احلى منها ولا ابسط منها



اللي قالوا بما معناه انه مالكم دخل لا تحجون بالموضوع .. انا ماشوف انه البنات غلطوا كل وحده قاعده تقول رايها باللي صاير وكل بنيه هني حرة برايها ..

وميرسوو :eh_s(17):