ليش بفترة الدورة اتزيد العصبية !!!!

[Ryo0ona]

عصبيه وبكــي ونرفزه على اي شي

اوووووووف الله يعين بس

الحال واحد حبوبه

 

[* فطامي *]

هلا والله بأهل بحرين

أي حبوبه أنا مثلج أصير عصبية حييل ومالي خلق ومتنرفزه على أتفه الاسباب أتناجر

مو بس جذي اتيه مرات كله نايمه وأحس بخمول مو طبيعي أمبيه حتى بالمحاضرا عند الدكتور أنام ما أحس بعمري
أوأحب آكل شي معين مثل كاكاو او لبن

الله يعينا هذي كله بسبب الهرمونات بس الريل لازم يراعي زوجته وما يخليها تعصب بهل الفتره

 

[&شوارفسكيه&]

حبيبتي شي طبيعي العصبيه بهالوقت
انا كنت جذيه بس من اول ما احس بعوار الدوره
على طول اشرب شاي اخضر لانه يهدي الاعصاب واكون طول والوقت ريلاكس
جربيه قبل الدوره بيومين واشربيه الين خامس يوم بالدوره وان شاء الله تنحل مشكلتج يا الغاليه
ولا تنسين ان حبوب المانع لها دور رئيسي في توتر الاعصاب والعصبيه
انا حبوب المانع خلوني مجنووووووووونه
بس شر لا بد منه شنسوي بعد

 

[الكويت غالية]

انا عصبية بدون الدورة

ولمن تزورني اصير شابة ضوو ابتهاوش مع كل ولحد يمر يمي

على شان جذي بهالفترة كله نايمة اريح زوجي شوية

 

[أم محمد و أحمد]

مشكورين حبايبي كلكم على الردود ، وشكر خاص لكل من رحب بأهل البحرين ، ترى طلعو الكويتيات ايحبون اهل البحرين ، خوش شئ ، لكم مني هديه كوطي حلوى ورهش ومتاي لما اتزورونا بالبحرين ، لا وبعد صبار مخرخش ، لأن لاحظت لما ايون البحرين كله ايطيحون بسوق الكيصيريه ، وايطحون طيحه في حلوى البحرين ، واليوم انا وايد في مزاج حلو والحمدلله ، ليش ، ليش ، لأني امس غاسله من الدوره ، وفديتكم على قولت اخواتي الكويتيات!!!:ada:

 

[بناتي حبيباتي]

يا هلا وغلا بأهل البحرين ويازين ريحة المتاي والحلوى البحرينيه الاصليه فديتج وفديت كل اهل المحرق والمنامه ومدينه حمد

حبيبني كل الحريم نفس مشكلتج عشان جذي الجنة تحت اقدام الامهات

لأنهم يعانون كل الشهر سؤاءا بحمل او بأيام الدوره

الله المستعاااان

مسكيييينه المره كلها معاناة وبسسسسس

 

[نجمة البحر]

اي والله انا بعد قبل لا تييني الدوره بيومين او ثلاث نفسيتي صفر ومالي خلق احد لا ريلي ولا عيالي
وعلى اقل كلمه اقعد ابجي ولما تنزل علي يومين واهدى -والحمد الله ان ريلي فاهم الوضع وتعود لان هذي حالتي كل شهر
الله يعينا احنا الحريم

 

[أم محمد و أحمد]

يا هلا وغلا بأهل البحرين ويازين ريحة المتاي والحلوى البحرينيه الاصليه فديتج وفديت كل اهل المحرق والمنامه ومدينه حمد

حبيبني كل الحريم نفس مشكلتج عشان جذي الجنة تحت اقدام الامهات

لأنهم يعانون كل الشهر سؤاءا بحمل او بأيام الدوره

الله المستعاااان

مسكيييينه المره كلها معاناة وبسسسسس[/quote
مشكوره حبيبتي وهلا وغلا فيج يا الغاليه ، وستر الله على بناتج حبيتاتج وياالله بجاه هاي الليله المباركة ، ليلة الجمعة الأ تعطيج على قد شعر راسج توفيق وهدايه وستر لج ولبناتج وكل من يمت لج بصله ، اللهم آمين .

 

[ريان الكويت]

انا قبل الدورة اعصاب ووقتها

 

[^طيوبه^]

وانا بعد وياكم قبل الدوره بجم يوم اتنرفز ومن تنزل اطخ ولمن اغسل ارد انعفس جم يوم ودور سالفه من تحت الارض عشان اتناجر معاه تالي ارتاح الحمد لله والشكر عقد

 

[FiOnKa]

انا بعد جذي اتوتر و اعصب وقت الدورة ,, اتوقع من الهرمونات ,, الله يعينه بس

 

[ودي بطفل احضنه]

انا العن منج لدرجه ان زوجي من يشوفني

عصبيه ايقولي اكييييييد يتج ههههههههههههههههههه

حتى قبها ب3 ايام نفسيتي تنقلب واعرف انها قربت

اتييني......

 

[نــعــوومــه]

انا الثلاث ايام اللي قبل الدوره نفسي بخشمي واللي يكلمني اتهاوش معااااه .. بس من تنزل اطخ ارتااح ارد مثل ما اكنت

وانــا بــعــد​

 

[أم زهرتين]

انا بعد على طول معصبة ونفسيتي زفت

 

[Miss moooooon]

شئ طبيعي لان تغير الهرمونات في جسم المراه يخليها عصبيه عاد انا من غبر دوره عصبيه ههههههههههههههههههه