ليش انخطبت ليش؟؟

[رؤى الحلوة]

والله يابنات اهيا بس كانت تكلمه والله بعمرها ما اطلعت معاه والله البنية غايبة واقدر احط عليها بس والله لا طلعت معاه ولا سوت شي غلط ومو كل وحدة تكلم واحد معناته تطلع معاه وتسوي السواية لا والبنية غصب عليها وافقت عالريال واهيا تبجي ما تبي تظلمه معاها مو قاعدة تلعب عالحبلين وحطو نفسكم مكانها لو انتي انخطبتي لواحد ماتبينه وكنت تحبين واحد فجأة لقيتي نفسج لازم تحبين وتتقبلين واحد ثاني صعبة واهيا حاسة بغلطها وتبي تبعد عن هالطريق ماتبي تمشي فيه

 

[رؤى الحلوة]

وصارلها 3سنين واهيا تحبه وما تكلمت معه إلا هالفترة الاخيرة والله واهو عمره 21 الحين وقبل 3 سنين عمره 19 تخيلو واحد عمره19 يكون متزوج وعنده عيال مستحيل يقدر يتحمل مسؤولية بس الحين اهو يدرس ويشتغل مايبي ياخذ من اهله فلوس يبي يخطبها بتعبه اهو

 

[ندى~~]

بصراحة سالفة يحبني واحبة ودموع واطلال ..احسها تعذيب على الفاضي

لانة باختصار شديد لو كان يبغاها كان تقدم لها وانتهى الموضوع

خليها تنبسط وتستعد للشخص اللي طلبها من اهلها

عموما الله يكتب لها الخير

 

[بحر هادي]

اللي يحبها لو يحبها صدق كان تقدم من اول..مو قعد يحتري لين انخطبت..
لاتقولين صغير ,يدرس, يجهز روحه,, ومن هالحكي..شبعنا من هالتصريفات..وحفظناها والله

شكثر نعرفهم وربي صغار ويدرسون توهم ماتخرجوا ويوم بغوا يتزوجون ماعاقهم شي..
واذا جت على واحد متعرف على وحده ومسوي الحبّيب..كل يوم طالع بسالفه عشان نتنظره..وبالاخر يروح عمرها لا هو تقدم..ولا هي وافقت على غيره..ويوم يبي يتزوج ترى بيسحب عليها ماراح يسوي مثلها يضيع فرحته وفرحة اهله..لان الرجال مو مثل البنت..يفكر بعاطفه..لاا مايهمه الا نفسه..
واذا صاح يوم قالتله..يااكثرهم يصيحون ويتبكبكون والله خررررط ونننصب..الرجال يوم يبي البنت يسوي موقف مو يتبكبك زي الحريم..يعني بالعقل صياحه وش بيسوي غير انه بياثر عليها<< وهذا اللي يبيه..انها تقعد معاه..
لكن لو يبيها صدق يتقدم حتى لو انخطبت..ترى انخطبت مو ملكة عشان نقول مايقدر..

خل توافق وهي مستانسه..لان اللي يبيها ويحبها هو اللي بيتقدمها ويبيها تصير ام عياله..

اما اللي حبني واحبك وسوالف وانتظريني وكل يوم عذر..هذا ماعنده سالفه ويبيها علاقه وبسسسس..
خل تتعض بغيرها قبل تصير هي عضه لغيرها..ياما قصص ترى مو اول مره هالسالفه ..

ربي يوفقها ويهديها وتبعد عن هاللي مسوي حبّيب ترى ماوراه زواج صدقيني..

 

[نونو العصله]

الواحد ما يدري وين فيه الخير

يمكن اللي خطبها يكون له احسن من اللي تحبه
وكل شي نصيب

 

[مولاي الفرج]

ماقريت كل الكلام

اذا مالجه حرام تكلمه خلاص اللي صار صار

بس اذا خطوبه بس كلام

ليش ما يا خطبها !!​

 

[عادت ذكرياتي]

الله يوفقها

 

[kuwaitya_zoGaa]

حبيبتى قولي لها توج صغيره وراح تنسين
واللى يبيج ليش ماطق بابج ؟؟
خل تقارن بينهم وبالعكس انا اشوف انه زوجها اهوه اللى شاريها خل تكمل معاه وبلا حب بلا عوار قلب

 

[bitter-sweetness]

البنات ما قصروا
و الله يهديها

 

[رُوحْ أهَلهآ]

،​

إذآ نيتهْ يتزوجهآ فعلاً ، وربّي كآتب انهُهم من نصيب بعضْ
صدقينيٍ مَحد بيقَدر يردَهم عن بعضْ سآعتهآ !
و خليهآ تستخير ، مآتدري وينْ الخيرَه : )



.​

 

[بدوردا الأموره]

ردينا على الأفلام الهنديه

بنت عاقله وماتحب الخرابيط وتكلم واحد شنو هالتناقض

ما أقول غير الله يهديكم ويصلحكم

 

[ASOMA]

الله يهديها

خل تنساه وتبعد عن هالطريق

 

[محبه nona]

انا اقول خل تنسى يمكن خيره لها هالريال احسن من اللي تحبه و ربي يحبها و يبي يوفقها و خل يكون تفكيرها اول شي باللي يرضي رب العالمين و الله يهديها ان شاء الله

 

[هيبة ملك]

البنات ماقصروا