ليش انخطبت ليش؟؟

[رؤى الحلوة]

السلام عليكم بنات شلونكم
رمضان مبارك
بنات عندي رفيجتي تعبانة وايد ومادري كيف اساعدها ومادري كيف بفوت بالموضوع اهيا بعمري 18سنة تقدم لها واحد طيب والكل يمدح فيه واهلهاعجبهم وايد وصارو يقولون لها مثله مابتلاقين وحلم كل بنية وليمتى بتستنين يعني ضغطو عليها وايد إذا بترفضه حست انها راح تخرب فرحة اهلها ومو هذي المشلكة اهيا تحب واحد ووكان نفس الشي يحبها وقال لاهله عنها بس ما قدرت تقول لا مابي الي تقدملي شنو بتقول لاهلها مابيه احب واحد ثاني اهو قالها مشان الله نطريني يوم بس والله لاتقدملج والله ويوم عرف انها انخطبت بجى والله ويقول ابي اردها لو اخر يوم بحياتي المهم انخطبت للي تقدملها بس ماكانت فرحانة دايما تبجي والله دايما تدعي يارب ابعثله الي تسره مو أنا ياربي انا قلبي مع فلان والله واهيا للحين تتكلم مع الي تحبه دايما تتصل علي وتقولي مو قادرة ابعد عنه ابي اوخر عن هالطريق موقادرة ساعدينيدايما ادعي ربي يارب نسيني موقادرة والكل كان يقولها قبل لاتنخطب وافقي والحين بعدما انخطبت الكل يقولها غبية انتي بعدج صغيرةحتى مع خطيبها تحاول تتقبله تقول ابي احبه ابي انسى الي احبه و بيصير زوجي وابو عيالي بس كل ماتقرب منه ماتقدر ودايما تبجي تقول ماله ذنب انا تافهة اهويستاهل احسن مني والله يابنات اهي موراعية خرابيط ودايما تقول للي كانت تقول للي تحبه انت تعرف بيتنا تعال تقدم الحين مو عارفة شنو تسوي تقول شلون بكمل مع خطيببي وانا موقادرة اتقبله مارح نعيش مرتاحين وشلون ابعد عن الي احبه واكره وحتى ضغظ الناس وانها بعدها صغيرة وغبية ليش انخطبت موعارفة شلون تحله اعرف الكلام مو مرتب بس تكفون ساعدوها والله مو عارفة شنو اسويلها دايما تبجي تقول ليش انخطبت ادري انه غيري يتمنى هالشي والحمدلله بس ليش مو الي تمنيته كان ماصار جذي كله من اهلي

 

[MiSs_6a7LooSHA]

مامليتوا من سالفة يحبها وتحبه ولي انخطبت من واحد ثاني ياحرام لصبي يتبجبج ويبيها !!

كا يدل يدل باب بيتهم شحقة ماخطبها ؟ !! سوري يعني بس اهيا ليش تحبه ؟ لأن جذاب

اي ماحط بذمتي جذاب ولا شحقة مايخطبها مايقدر يعني ؟ ماصدق !!

المهم قوليلها هالصبي جذاب لو يبيج تقدملج كل يوم واحنا نقول هالكلمة لصبي اذا يبي البنت شيسوي؟؟ شيسوي؟؟ يتقدم مو يكلمها ويماطل معاها بالتليفون لي متى يعني لبنية بتشوف نصيبها بعد ماراح تنطر سي السيد على مايحن قلبه ويرأف بحالها

اذا صج تحبينها قوليلها ابتعدي عنه عمرها 18 مو ياهل ترى واذا ماتبي هالريال اللي متقدم لها مو مشكلة تستخير وترفض وتنطر لين تعقل وتقلع عن هالمكالمات عشان تنسى ع قولتها اللي تحبه

ولمن تنسى اللي كانت تكلمه ذيج الساعة ويولها خطاطيب توافق عاد عالزين لأن العمر جدامها ان شاء الله أهم شي لا توافق على واحد اهيا مو مقتنعة فيه لأن اهيا بتعيش معاه مو أهلها حرام تظلم الريال معاها


وكلميها بنبرة حادة لا تتهاونين معاها اذا صج تحبينها دام انها رفيجتج لأن والله ملينا من هالسالفة ومن غباء بعض بناتنا سوري يعني بس شتسمونه هذا ؟

لا تزعلين ياقلبي من كلامي بس محترة من الوضع اللي نشوفه كل مرة لبنية دايم تصدق دايم اي ليش ؟ اعتبروا تكفون

 

[iLLuMinaTion]

الاستخاره مطلوبه

 

[BubbLe87]

حبيبتي خل تستعين بالله و الله بيعينها خلاص خل نتناسى اللي تحبه ليما صج تنساه اهو لو يبيها من قلبه جان خطبها من قبل وينه عنها من زمان و اذا يبيها صج يكلم اهله و يكون الشي رسمي عشان تفسخ خطبتها بالثاني و يقولون له ماكو نصيب و اذا ما يبي يسوي هالخطة خلاص الله رزقها بواحد غيره

 

[Vdieta]

اذا هذالكـ يحبها ليش ما تقدم لهــا
من اول شئ

 

[حكاية شهرزاد]

مخطوبة يعني مالجه ,, خلاص يعني في عداد المتزوجات ..

18 لا مو صغيرة ..

الحب اكثرنا حبينا وما طلنا ,, خلها تبتعد عنه لا يطمع فيها باجر ,, ويصير يبي منها اشيا,, وخلها تقتنع بزوجها وبتحبه ..

 

[رؤى الحلوة]

والله اهو تكلم مع امها وقاللها ابيها بس صارت ظروف منعته انه يتقدم اخوه صار معه حادث واهل رفيجتي مانطرو واهيا كانت تأجل بس سبحان الله تقدم لها فجأة والوضع ماساعد
والله اهيا تقول ابي اوخر عنه خلاص انا صرت مخطوبة وقالتله وقالها انا ما اقدر اغصبك عشي بس حتى لو كرهتيني والله العظيم لردج لي لو اخر يوم بعمري المشكلة الاثنين يبون بعض والله الصبي مو جذاب ومواقفه تثبت هالشي بس مو عارفة شتسوي والله دايما انصحها واقوللها ابعدي خلاص وارضي بالشي المكتوب بس ماكو فايدة تقول ادري بتتحجين علي بس مو بيدي حاولت بس كل ما ابعد ارد

 

[FeShinGoOo]

استغفر الله ياربي تدري شنو يعني مالجه وتخون ريلها يعني زانيه والعياذ بالله يعني الملائكه تلعنها ليل نهار حرام عليها والله بلا سوالف وحركات بنات ....... وخل اتوب لربها بسها سوالف ماترضى الله ورسوله
وبعدين هذاك الي على قولته يحبها وينه عنها طول هالمده ليش ماخطبها من قبل ؟؟
ماحلت بعينه الا يوم املجت وصارت على ذمته ريال ؟؟
وشنو هالظروف الي منعته ياخذها قبل ولما ملجت انزاحت هالظروف واي مايتعبون افلام هالشباب..!!!

 

[♥ SWeeRa ♥]

انقهر من النويه هذي
رفيجتج خليها ترضا بالواقع
وترضا باللي ربي كاتبه لها
يعني لي متى تفكر بواحد وهي مخطوبه لواحد

 

[رؤى الحلوة]

والله اهيا ما تدري انها بتكون جذي زانية واتصلت عليها وقتلها هالكلام وقالت والله انا مو جذي يارب سامحني واتصلت علي تحبه وقالت له انا ما فكرت بربي طول هالفترة أبيك تبعد عني والله اهيا تالحين لما قتلها هالكلام تقول ليش جذي وين صرت انا مابي اكون جذي وتقول خلاص لازم ابعد ادعولها يابنات تكفون الله يهديها

 

[classicyah]

من صجهآ هآذي تبجي على الأطلآل ؟

يبـآ خل اتعيش أحلى أيآم حيآتهآ و تستغل فترة الملجه صح ،

و تترك حبيبهآ ، لأن لو يحبهآ جآن سوآ المستحيل عشآن مآ تتزوجْ ،

بس شكله يبي يعيش دور الضحيه ، و يسوي اكشـن و جذيه

و اهيآ وآعليآ ، عآيشه بعد الدور . .

،

اشرآيج فيني بس ، أعرف أرمس كويتي ؟ هههه

الله يوفقهآ ان شآءالله ،

و خل تستآنس ، ترى الحيـآه حلـوه . .

غيرهآ مب محصليـن ريل ، و هي مآ تبـآ تتزوج !

خل تتعوذ من الشيطآن بس ،

و تسجد لربهآ سجدتين شكر ، لأنهآ اتزوجت و عفت نفسهآ ،

 

[عاشقة هواك]

البنات ما قصروا

 

[ڕۆۆحــي ڣــڍااگ]

الله يكتب لها اللي فيه الخير

 

[فاهييه]

الي دش من الباب وخطبها ويمكن يتزوجها
شنو ذنبه مشاعرها يكون شخص ثاني استهلكها .......... ويمكن جسمها بعد !!!!!!!!! < مااحط بذمتي اقول يمكن
والله ماالوم بعض شبابنا لي اخذوا من البوسنه والهرسك او من الدول العربيه بنات 14 توهم مفتحيين على الدنيا

 

[مجروحه واكابر]

خل تنسئ اللي فات وتفتح صفحه يديده مع الريال اللي دخل البيت من بابه

 

[سكوتي بذوقي]

كل وحده تقول احب واللي تحبه يضحك عليها ويتحجج

لو يبيها خطبها من قبل

اهيا بذمة رجال ثاني خلاص

تنسى الماضي وتحب زوجها أحسن لها

اي حب اي خرابيط ترى الحب يجي بعد الزواج

قبل مافيه حب كل الشباب نصابين يتسلون بالبنت

وقت الجد يحط الف عذر

الله يوفقها ويستر عليها يارب

 

[عالمي انا غير]

والله رفجتجج هذي ماتستاهل احد يخطبها شكو تحب واحد وتكلمة ومالجة يبا حرام عليكم وين اخلاقكم ماصارت هل المسلسلات التركية صج دمرت عقولكم حبني واحبك ولما تطيحون بنار وتعالي ابجي طلع نذل حقير اقول خافوا ربكم ترى ربكم فوقكم وانتم واعيات اكثر من الجيل اللي قبلكم التلفزيون الجرايد المصايب كلها توعي لاحول ولا قوة الا بالله ناس مو حاصلها ناس تقدملها والاخت طايحة غراميات وربنا ولا ع البال اهم شئ الحبييب

 

[جوك احلى جو]

دام ملجت خل تنساه

 

[somayh 88]

انا اقول خل تنساه هالنشبه بالبنات والله حرام بنات عفيفات محد يطق بابهم وبنات مسويه علاقه مع فلان وعلان بالحرام لاتقولون مو حرام الاحرام ونص يكلمها وتكلمه وهو محرم عليها ومسويه حب شريف وشريف وتصيح انقذوني احبه واحبه حبتج ماني بقايله ياختي عقلي ربي ستر عليج ارضي بالستر والا خبري الريال كود يروح يخطب وحده غيرج لا لها سوابق ولا لواحق

 

[mo0onya]

قوليلها خافي ربج بريلج واحمدي ربج عليه !!
​