ليش الكل يستغل العروس ؟؟

[Leann]

السلام عليكم



عن اذنكم شوي عرووس و بتفضفض :krkrkr:


لي متى هالاستغلال ؟؟؟ الكل يرفع السعر بس عرفوا انج عروس

ابي ادور وحدة تحط مكياج ناعم و خفيف دقيت على الكل ابيهم اييون لي الفندق ما شاء الله اسعارهم من 600 لي 1200 دينار !!!!

و الله لمن اقول حق رفيجاتي امريكيات انصدموا .. مناك خبيرة المكياج و الشعر ما تاخذ اكثر من 150 دينار و اتييلج البيت بعد و هني اتيي و نفسها بخشمها و حضرتها ما تب ياقل من 300 دينار


و بالنسبه للصالات << ليش جذي الاسعار مرتفعه !! و جان زييييين لو شي سنع معظم القاعات سواء بفندق او بره مو مجهزة حق عرس .. لا فيها امكانيات و لا حتى مكان حلو .. المعازيم اييون ياكلون و اهمه واقفين الفندق حضرته ما يحط اكثر من 3 طاولات بقاعه البوفييه


و الملابس حدث ولا حرج افتريت كل شي اوفر يلوع الجبد و ما يستاهل سعره .. اشوه اني جهزت من بره الكويت .. قلوبي مع البنات اللي يجهزون داخل الكويت شلون نصب و احتيال عليهم


و التصوير .... ابي مصورة سنعه ذربه ما تدخل بخشم العروس لما اتيي ... عادة كل المصورات تصوير كلللللش مو بروفيشينال و ما عندها اسلوب و لازم تلصق فيج تصورج و الا ماكو


روحوا شوفوا مصورات بره شلون توقف من بعيد و تصور و تاخذ احلى اللقطات بكل احترافيه و ما تحط لج كشافات و شمسيات و بلاوي داخل القاعة تخرب تصميم العرس


و الدي جي .. شنو هالدعايات السخيفه الل يهابين فيها ؟؟ يكتوب اسمهم و رقهمهم علي السماعات !! حركات كلش واطيه و جان زين لو الشغل على قد لفلوس اللي ندفعها

انا مو ضد اني ادفع غالي !!! بس ضد اني ادفع غالي مقابل خدمات واااااطيه


و ضد ان يتم استغلالي بهالطريقه

لازم في طريقه نحاربهم و نوقفهم عند حدهم .. لي متى هالاستغلال يعني ؟؟؟

 

[جنى q8]

صااااااااااااااجه

 

[رفيعة الشآآن]

الله يعينج ويعين الكل وصح كلامج الكل يبي يستغل

انا لما اروح مع امي مشاغل عشان بدلات الاستقبال العادية اعصب على امي لما اتقول بنتي عروس لان اذا درت اني عروس بتطمع اكثر وترفع سعر

بعدين اول مرة ادري مكياج عروس 150 كل الي مريت عليهم ب 300 وفوق واذا بتطلع لبيت او صالة تضاعف السعر

 

[الـــغـــلآ]

بنات أنا اعرف وحده تروح المشاغل بس تشوف الموديل والخام وتروح هي تشتري خام وتفصله وما ياخذ مبلغ مثل المشاغل النصاااابين والله يقولون هذا من الامارات ومادري وين و بس روحي العربيد و شوفي الخام نفسسسه !!! يعني شغل نصب حده وهم بعد اعرف ثانيه والله توري خالتي الخام وخالتي تقول من صجج انتي موو حلوو بس تفصله يطلع روووعه و اكثر من روعه بعد ،، ترا هم جذي المشاغل يفصلون و يطلع حلوو أنتو بس تعودوا و راح يصير عندكم مثل المشاغل و أحلى بس عودو وفيكم على الخام والقصه و شوفوا المشاغل واللي يعجبكم و سوون بنفسكم*

 

[صآعده تحت}..]

الله يكون بالعووون

على قولتج جهزي من برا بعض الاشياء

الكويت ناار اسعارها بالعلالي كل مالها ترتفع

واهم شى افتري على كذا مكان

مو اول ماتروحين مشغل او غيره تشترين

تاني .. وافتري وقارني

انا الى منرفزني مو مكياج ولا مصوره

الثوب الابيض صار اجار ساعتين الفين وفوق

الله كريم ..! من وين جهزتي انتي

 

[أم*سلمان]

اي والله صح

كلامج


بس اذا حسيتي ان في احد يستغل لا تاخذين منهم حتى لو كنتي بحاجتهم ..


عشان يحسوون


دم ضروسي اللي يستغل

 

[مؤمنة بربي]

الثوره يا عرايس...خلونا نقاتل استغلال العرايس المساكين...الى الامام الى الامام الى الامام خلونا نطارد المحتالين شارع شارع بيت بيت زنقه زنقه

لا و الله صاجه خليتيني اشيش بنات لو اراويكم دراعه فصلتها ب 130 قصة علي اللي ما تخاف الله لما شافوها خواتي و رفيجتي قالو ما تسوا40 دينار اخخخ يا القهر بس....

 

[alsn3aa]

رد : ليش الكل يستغل العروس ؟؟

والله شنسوي هذا الموجود شنسوي بعد الله يخليج ياما حتعيشي وتشووفي يخيتي الاستغلال بكل مكان والاغلب ماهو راضي بس شنسوي وزارة التجاره كل يوم ناطه بالجريده وتصرح وتقول احنا نحارب رفع الاسعار واحنا مادري شنو و ..pla pla pla

واهم اللي ناهبينا وشاايفين الوضع اللي صاير وساكتين عنه يختي انا بروحي مقهوره وموضعج زاذ الطين بله
والله يا بنات بنات خالتي مفصلين نفنانيف ما تتعدى 50 دينار نفانيف اعراااس وراحو المهلب ولقووها 160 و170 وفوق شهالمصخره قهروالله
وبعد الناسمادري شلون صايره تفكيرهم اكس كبير عبالهم كل ما زاد سعر الشي يعني زين ما يدرون انهم صايرين مقصه ومستانسين
تخيلي بالعيد شاريتلي نفنوف يجنن وكان سعره 35 وامي كاسرت البياع وصلته لي 15 وخذيناه واهو يضحك ومستانس شنو هالاستغلال يعني اهو يسوى اقل من 15 بس يقص ع الناس يبيعه بــ 35
ياجماعه الغلط مو بالتجار الغلط فينا احنا احنا اللي سمحنا لهم يستغلونا جيكو ع السعوديه بضايعهم احلا من عندنا + ارخص بوواجد الناس هناك ما ترضى ان شي مو اصلي ينباع باسعار خياليه وتقاطع المنتج وتكون مقاطعه جاده اما احنا نتفاخر بالاسعار والله انا استحي اذا قطعه عاديه اروح اقول ترا سعرها السعر الفلاني خصوصا اذا كان غالي لان هالشي ي دل ع غبائي واني صرت مقصة لهم ... اسفة للاطاله تقبلي مروري

 

[الغدق]

اهو صح كلامج في أشياء وايد ماتسوى أسعارها بالذات الملابس
وبعدين ترا هم في أشياء زينه بالذات المصورات
الكشافات وهالسوالف اتحطهم بس بالصالون او المكان اللي اتصورين فيه
بس مو بالصالة وجدام الناس !!

 

[غنآآآتي]

رد : ليش الكل يستغل العروس ؟؟

اي ؤالله بنات رحت عند ؤحده الله يهديها تسؤي حمامات ؤخلطات مؤطبيعيه تجنن بس للاسف اكتشفت انها استغلااليه كنت باخد منها خلطه لإزالة البطن قالت لما درت اني عرؤس بـ30 ؤغيري باعتها على 15 يعني دبلت السعر !!
ماقؤل غير الله يعين ؤيسهل يارب

 

[عـآلي سـمآها]

رد : ليش الكل يستغل العروس ؟؟

اي والله صــاجه انا اول ايام تجهــيزي كنت احس النصب بعيونــهم

وقلت خلاص لما يعجبني شي افصله ولا اشتريه ما اقولهم اني عرووس

عاد نــصيحه لما تشترون شي لاتقولون انكم عرايس

 

[el lulu]

رد : ليش الكل يستغل العروس ؟؟

اي والله صاجه :eh_s(4):
الاستغلال مو طبيعي تحسين الفلوس تطير وليلحين وايد اشياء ما غطيتيها
بس مثل ما قالو البنات حاولي كثر ما تقدرين ما تقولين انج عروس
بس ساعات غصبن علينا نقول مثلا المصور لازم يعرف لانه بيكون موجود او الصالون الي بتحطلج ميك اب بتشوفج تلبسين نفنوف العرس ماادري شلوون
بس احسن شي انج جهزتي من بره انا هذا الي ناويه اسويه دام اني أدرس بره وزواجي بعد التخرج على طول من الحين قاعده اتسوق من هني
مستغله الفرصه لوول​

 

[إيمي1987]

اي والله ما تنلامين

شنو الحل شنو انسوي اذا اضطرينا عليهم يعني وشغلنا عندهم

 

[Leann]

شكرا علي التفاعل و فعلا مثل ما قالت وحدة من البنات الناس اهمه الي مشجعين الاستغلال .. البايع ما يحط سعر غالي الا اذا اهو متأكد انه ان في ناس بالهبل راح تشتري

صاعدة تحت << حبيبتي انا خذيت البدله و الشبكة من ايطاليا .. اما باقي هدومي و جذي شغلات من امريكا

الغدق <<< لا حبيبتي انا شايفه مصورات بالكشافات بالصاله و فوق هذا تلحق العروس ما تخليها تنتفس عشان تاخذ صورة .. مع ان التصوير فن و احتراف يعني المفروض تعرف تاخذ صور من مسافه مو داشه باخلاق الصور ... هذا غير عن التعامل الخايس ويا المعازيم مرة بعرس صديقتي قعدت اصور وياها علي الكوشة و بس صورت قالت لي بكل قلة ادب قومي من على الكوشة حتى صديقتي بطلت حلجها مصدومه تبي تتكلم .. انتي شكو انا قمت و الا قعدت ؟؟؟ ما ابارك حق البنت يعني


اخخخ بس :/

 

[آنهار]

طبعا يستغلونها لانهم يدرون ومتأكدين انه مهما كان السعر العروس راح تقط وماراح يهمها

لانها تبي هالشي ومحتاجته وفي عرايس يمشون ويخلونهم عشان يحرمون يرفعون الاسعار

وفي ناااس شتسوي مهما كان السعر تأخذه لانه ما ودها ترفرف وايد فتأخذ وخلاص او يكون عاجبها حييييل

والله يعينكم ويوفقكم

 

[غروري عاجبني]

واحنا عرايــس ونتحمــل هالمصاااريف يعني شنو نسووي اهم شيء نطلع واو ولو بااغلي الاسعار انتي قسمي مهرج وضبطي امورج ..<< الكلام للعرايس الي ماجهزووا مثلي

انتي اسااسا منتقده كل شـــيء بالكويت اذا انتي جهزتي من برا هذا شيء يرجع لذوقج ولبيئه اللي عايشتها وبعديــن برا الاقي درايع مثلاا اروح امريكا اشتري دراعه والا شنووو انا اتكلم على الاشياء اللي تخص عاداتنا وبعــدين اوكي مافي اشكال نروح نجهز بأي ديره مافرقـت بس مردي لديرتي الكويت كل شيء فيها و بعدين انتي مفضله المشتري برا الكويت هذا يرجع على الذووق والافضليه لج انتي لمن تتكلمين عن اي شيء بالكويت انتقدتيـه بالواطي ياليت ياروحي ترفعين مستوي الحديث اذا ممكن شنو تبينا نجيب مصووره من برا والمصورات تارسه الديره التجهيز مشيناه الصالات نصممم صالات ثانيييه .. والله يا اختي كلن وذووقـه على فكره اذا ماعندج خــبر في مصورات روسيات واجنبيات بالكويت يعني عادي مو شرط اروح اهناك .. حبيت اووضح لج بالختااام انا اعووذ بالله من كلمه انا مايده اجهز برا بس مو كل شيء اذا ابي عبايات ارووح ايطاليا اشتري عبايات والا المانيا دراريع .. سوري على الاطاله فققط للتوضيح ويامحلاج من ديره مامثلج ديــره

 

[Leann]

واحنا عرايــس ونتحمــل هالمصاااريف يعني شنو نسووي اهم شيء نطلع واو ولو بااغلي الاسعار انتي قسمي مهرج وضبطي امورج ..<< الكلام للعرايس الي ماجهزووا مثلي

انتي اسااسا منتقده كل شـــيء بالكويت اذا انتي جهزتي من برا هذا شيء يرجع لذوقج ولبيئه اللي عايشتها وبعديــن برا الاقي درايع مثلاا اروح امريكا اشتري دراعه والا شنووو انا اتكلم على الاشياء اللي تخص عاداتنا وبعــدين اوكي مافي اشكال نروح نجهز بأي ديره مافرقـت بس مردي لديرتي الكويت كل شيء فيها و بعدين انتي مفضله المشتري برا الكويت هذا يرجع على الذووق والافضليه لج انتي لمن تتكلمين عن اي شيء بالكويت انتقدتيـه بالواطي ياليت ياروحي ترفعين مستوي الحديث اذا ممكن شنو تبينا نجيب مصووره من برا والمصورات تارسه الديره التجهيز مشيناه الصالات نصممم صالات ثانيييه .. والله يا اختي كلن وذووقـه على فكره اذا ماعندج خــبر في مصورات روسيات واجنبيات بالكويت يعني عادي مو شرط اروح اهناك .. حبيت اووضح لج بالختااام انا اعووذ بالله من كلمه انا مايده اجهز برا بس مو كل شيء اذا ابي عبايات ارووح ايطاليا اشتري عبايات والا المانيا دراريع .. سوري على الاطاله فققط للتوضيح ويامحلاج من ديره مامثلج ديــره

حبيبتي مو عاجبج مستوى الحديث لا تردين و انا لما انتقد الوضع اللي وصلنا حقه .. قعد انبيه علي على هالاشياء عشان نرتقي .. اذا ينصكر عيونا و ندفن راسنا بالرمل ماراح يتغير الوضع و بتضل المشاكل موجودة ..

انتقدتييه بالواطي << هالكلمه محسستني اني قاعدة امشي و اسب و لو انتي تعرفيني و مسوينه stalking على بروفايلي جان شفتي انا شلون اتحجى

و لو سمحتي عن الغلط حتى انا احب ديرتي و ابيها ترد لؤلؤة الخليج مثل ما كانت قبل هالهيلق لا ايوون عندنا و يخربون الديرة

و لمن اجهز من بره هذا مو بس ذوق .. انا بره قعد ادفع مقابل شي يسوى قيمته .. مني ما في احد ما يستغل العروس و يبون يشفطون فلوسها و يضحكون عليها

و يعني لو كنت قايله اني مجهزة من الخبر او السعودية << كنتي راح تهجمين علي بهالطريقه المقرفه ؟؟؟


تبين تدفنين راسج بالرمل كيفج ...تبين تغمضين عيونج كيفج... بس ترا المشكله ما تنحل لما تنامين و تغمضين عينج .. انا ما عمري رديت بعصبيه علي عضوة غيرج .. و قاعد اشارك بكل الاقسام و الحمدلله ما عمري حطيت على احد .. بس كلامج اللي ينرفز و اتهامج اني ماحب ديرتي و انتقدها و اتكلم عنها بالواطي هذا حجي ما اراضاه


و لاني محللتج و لا ني مسامحتج و مابي اشوفج بمواضيعي مرة ثانيه ...

 

[احساس شفه]

رد : ليش الكل يستغل العروس ؟؟

آب
آب
آب

















<<<طمآشه

 

[حبي لكـ وهـم]

رد : ليش الكل يستغل العروس ؟؟

بنات شدعوه

شويه وتمسكون شووش بعص

صلوووا عالنبي

 

[Agatha]

رد : ليش الكل يستغل العروس ؟؟

اعتقد المشكله من المجتمع نفسه لانه يستخف بالرخيص ( مو قصدي بو طقه ... قصدي سعره معقول ) ويحبون الغالي
عشان في بعض الناس وليس الكل يحب يتفشخر ويقول انا دفعت وانا سويت .. ومن هالنمونه ارتفعت الاسعار سواء السلعة تسوى ولا ما تسوى رضينا ام ابينا حتى تلائم مستوى المجتمع و ينقال عنها " راقيه " و " فخمه " و " كشخه " وكله نصب واحتيال على قفانا .
يعني حتى الناس اللي مو مقتنعه بهالاسعار واللي معظهم الحين يشتكون من الغلاء .. مضطرين يشترون بهالسعر لان ماكو غيره ! للاسف
الا جان بتسوون حمله ضدهم يالله فوقه لووول
وزين سويتي انج جهزتي من بره .. تصرف سليم
وخووش موضوووع .. انا أؤيدج بشده .. واذا بتسوون ثورة انا معاكم يالله .. الشعب اسقط حكومات يالله نسقط الاسعار
لوول