ليش الركضه والهيله ورا الزواج ؟؟؟ لي هالدرجة الزواج حلو ؟؟؟

[كيوت_25]

اول شي اشكرج سما علي المووضوع


ثاني حاقه ياعزيزتي
بخصوص ليش البنات متصربعين علي القواز؟
صدقيني واااااااااااااااااااااااااايد هالشي يجول في خاطري
بس مو اي بنات البنات للي بسن الزواج اوكي يعني 23 وفوق
اقصد البنت ام تعش سبعتعش ثمنعتش تسعتعش عشرين واحد وعشرين وثنينع وعشرين


اول شي عارفين الزواج شنو علشان يبون يتزوجون وبسرعه وياربي متا ومتا وليش احنا ماتزوجنا وكل مناسبه ترتز وتستاااااااااانس لي ناس قالو ياحليلها فلانه وتبتدي اتدور اثاث بيت؟
علي بالهم الزواج طلعه ووناسه وترتز ابيت حموله ويركضون يصبون لها شاي
علي بالهم المتزوجه يعني علي راسها تاج
والناس تحطها بكاتوغري بروحها!


لي شفت هالبنات ودي اقولها تعالي حبيبتي خلاكلمج
الزواج يعني بيت بتكونين مسؤوله عنه من الابرررررررررررررررررررره ليييييييييييييين البتاغاز
تطلعين وتروحين وتردين امنا بالله بس هااااااااااا ترا بمزاج ريلج مو مزاجج ويمكن تكونين مستانسه واصله سما بس ايبج سابع قااااااااااااع ليش ؟ لان اللون اللي لابسته موعاجبج
شفتي مكياجج؟ بيصير موقع معارك
شفتي لبسج؟ بيصير ستايل غييييييييييييير موليه
شفتي فلوسج ومعاشج؟ ترا بيناجرج عليهم (احتمال مو اكيد بس الوضع الطبيعي اكويتي ان الرياييل شايلين شعار ايد وحده ماتصفق)
شفتي قلاص الماي اللي ايبونه لج ابيت ابوج ترا انتي بتهدين الي بايدج وتقومين تيبنه له وممكن اهو ايبلج اياه لي صرتي مريضه او لي كنتي ميته بجي هذا اذا يحبج من صج


علي بالج بيجابلج؟ علي بالج بيكتبلج كل القصايد والحكي عينيكي ومادري شنو ؟ لاحبيبتي ماتزوجتي مروان خوري !!!!! انتي متزوجه منتج وطني بحت
يمكن يقص عليج شهر
شهريييييييييييين بس بعدين بتصحين علي الواقع المر
ماكو اثنين ماسكين ايدينات بعض ويمشون علي البحر
ولا ناس يخزون عيون بعض وواقفه الصوره (من انولدت لي الحين ماشفتها الصراحه من صج)

علي بالهم العلاقه الجنسيه نفس المقاطع المقطعه
ترا جذذذذذذذذب ! ومبالغه والوحده لي تزوجت يبلها وقتتتتتت يالله تتقبل هالشي ووتتاقلم وياه !!!



اما ام 23 فمافوق اقول هذا التطور الطبيعي للحياه يعني دراسه وظيفه ريل عيال بيت خدم وتنتهي حياتك الخصوصيه الا يوم بالاسبوع اذا ربنا بيحبك
يعني تبي ريل يعصب يوم يرضا يوم تطلع وياه يوم ويكون يوم مطنقر ومايرد علي موبايله يعني حياه طبيعيه جدا جدا
حموله تعزهم وتقدرهم او يقلبون دنيتها يعني الحياه الطبيعه الكويتيه
رمضان دراريع رزه كشخه قرقيعان حملت ماحملت ولدت ماولدت بنت والا ولد ، وجبتي فلانه؟ مريتي علنتانه وهلم جر



اما بانسبه لي
انا تزوجت 21 سنه وكانت خطتي 23 بس ادي الله وادي حكتو والصراحه كانت في البدايه حياتي صعبه لاني مصدقه البرنامج الثاني وااااااااااااااااااااااااااااااااااااااااااااااااااايد علي بالي في رومانسيه ومفاجئات ويك اند ان هامبتونز وان المره تعصب وتصرخ والريال يركض يواسيها بعدين عشت الوضع الطبيعي وتفهمت الامور وصحيت للدنيا الواقعيه وريلي ولله الحمد احمد ربي عليه وابوس ايدي عدله ومقلوبه كويتي طبيعي حياته طبيعيه دوام وبيت ودوانيه وهلم جر ومشاكلنا عاديه ولله الحمد

انا كنت متردده اتزوج ريال مو كويتي بس كلامج شجعني ههههههههههههههههه

 

[spanish Guitar]

الزواج سنه الحياه ونعمه من رب العالمين مافي شي اسمه مستعيله واتحدى اي وحده تقول انا مابي اتزوج لانا الزواج حياة يديده اي وحده حابه تدش هالعالم .
انا احس انه كل ماتكبر البنت تحس انها تبي تملك اشياء خاصه فيها وتسويلها عالم حقها وهالشي مايكون الا بالزواج وانا عن نفسي ماقول مستعيله ولا غيره بس ما انكر اني ابي اتزوج لانا لا عيب ولا حرام وانا عن نفسي احس خلاص شبعت طلعاات وروحات وييات مابقى شي وتخرج من الجامعه بأذن الله فاا احس ودي استقر .
اما اني احتر من الي تزوجوا قبلي طبعا هذا غيررررررررررر وارد ابقاموسي لاني امشي على مبدأ حب لاخيك ماتحب لنفسك
ويمكن لانج متزوجه فا يااايلج هالاحساس .ما اعتقد لو كننتي مو متزوجه بتفكرين ابهتفكير.

 

[May3a]

لوول انا عمري 18 سنه وريلي عمره 19 سنه بيدش 20 صج استعيلنا بس احببه واموت فيه وهم يعني ماصارلنا وايد والله يستر من الي يااي

 

[مزيونه الحربي]

بالنسبة لي تزوجت ولد عمي عن حب وما اكذب اقول كنا نبي بعض بكل دقيقة وكنت ميته على اليوم الي اتزوجه لان بينا احلام كثيرة نضجت وصارت الطبخه الي بينا حارة حيل وان نطرنا بردت وراح الطعم وما تهنينها باللقمة فكل شي جا بوقته خصوصا ان احنا شباب والب براسنا بنسويه

 

[lolwah]

كل شي قسمه ونصيب
و لو ركضت ركض الوحوش غير نصيبك ماتحوش

فا ليش الواحد يستعيل دام اللي كاتبه الله اهو اللي بيصير ؟ وبدال لا يروح الوقت ب التفكير و المحاتاه الواحد لازم يشغل وقته بالوناسه والطلعات و الرياضه و القراءه لان باجر بتفقدين كل هالاشياء

 

[الريادة]

كل شي قسمة و نصييب ..
لا يوقف لا يوقف ...

 

[كيتي]

انا تزوجت ثلاث مرات وماكنت ملهوفه على الزواج لاني عارفه اني بتطلق بسبة السحر اللي محطوط لي

وانا الحين في اجراءات الطلاق الثالث


ونصيحتي طبعا الحذر لا يمنع القدر بس احرصي على اللي يخاف الله و خلوق لا فلوس ولا مزيون

وديروا بالكم من الاندونيسيات وحاولوا تبتعدون عنهم


وعسى الله يوفق الجميع

 

[عز ودلال]

الزواج ستر خصوصا في وقتنا الحاضر الزمن صار يخوف واعتقد البنت مهما كان عمرها صغير او كبير لازم ما ترد نصيبها ولا تاخره لانها ما تدري شمكتوب لها باجر

 

[عاشوا]

اوووكي بقووول لج حبيبتي ... انا وحده مو متزوجه طيب ... انا بعد عمري 22 .... وخلاااص تخرجت من الجاامعه وكل شي ... يعني لو اتزوج الحييييين جدا الوقت منااسب....

انا مثلج لمن تصير لي سالفة خطبه اموووت خووف وحتى نووم ماانااام ومو ذيييك الوناااسه

بس بيني وبين نفسي اتمنى اتزوج ... عشاان اسباااب واااجد واهمها انه صديقاااتي كلهم تزوجوا ... وحتى بنات عمي وبنات خالتي اللي كبري تزوجوا...اختي اللي اصغر مني هم تزوجت...فقااعده احس اني صاااايره غلط بييينهم ... حتى ماصااارت فيه مواضيييع مشتركه ولا في اهتمامات مشتركه ... واحس اني اتفشل في اغلب السوالف هم يسولفوون فيها عااادي بس انا بنت واصييير استحي حيييل ...فقااعده احس اني وحيييده ربعي حوولي ومو حوولي ...

سبب ثاااني ...اني خاايفه السنييين تطووول وانا بعدي ماتزوجت ... وفرص الزوااج تقل ... فأضطر اقبل بأي شي بس عشاان مااضل بدوووون زوااااج ....

سبب ثااالث ...حنة النااااااااااااس ... انتي حلوه ومتعلمه وبنت عايله و مو ناقصج شي غريبه ماتزوجتي ... ياااااااربي وانا شدراااااني يعني ؟؟

يعني في ضغوط نفسيه تخليييج تفكيرييين بالزوااج حتى لو هو مو ع باااالج

تقبلي مروووري ... شرووق

 

[مـعـجـبـة]

الموضووع عجبني حيل
وانا بصراحة بتكلم عن نفسي ... عمري 22 سنة .. ولأ مب ميتة عالزواج
وأحس نفسي للحين مب مهيأة نفسياً حق هالمرحلة ..

بس أحس نفسي شوي شاذة عن اللي حوالي ؛ تدرون ليش !
لأنه صديقاتي "هم مثلي ما تزوجوا" ، كل يوم ووحدة بسيرة فلان تقدم لي وفلان خطبني >> وحتى لو ما صار نصيب
بس أكو قصة تقولها ، وأكو خطاب يبونها ... فلان اللي عنده ماجستير واللي يشتغل مادري وين واللي ولد الفلاني و و و إلخ

أما أنا .. محد ياب سيرتي وصرت أحس محد يبيني !
والسبب أحس إنه من شكلي ( كلللللش عادية ) فوق هذا إني وااايد طويلة وضعيفة ..
وهذا السبب اللي مخلي محد يفكر يقرررب مني خير شر
مع إني والله بالعكس أستانس لين فلانة تزوجت أو انخطبت ... اقول ما شالله نصيب وجذي
بس من داخل نفسي أحس إني غير عنهم .. والله العالم شنو راح يصير بالمستقبل...

ادري قلتوها وبتردون تقولونها ، الزواج مو بالشكل ..
فإذا عن طيبة النفس والأخلاق فهي موجودة ، بس هالأشياء قليل اللي يلتفتون لها للأسف.. أول ما يلتفتون حق الشكل

وآنا مادري صراحة وين نصيبي... بس صارت قصة تووووها وما شاء الله استغربت منها وما توقعتها..
شخص آيــــــة في الجمال وأبيض حيل وأشقر ، ولد عايلة ، محترم ، طيب ، خلووووق ، منصب ...
ولو بعدد فيه من اليوم لي باجر ما أخلص
خطب بنت ( أولاً مافي بينهم معرفة مسبقة ولا شي ) سمرة غامجة شوي .. ملامحها كلللللش بسييييييطة وعااااادية
حتى مافي تجانس بلون بشرتها ، جهة أغمج من الثانية ... مع ذلك يمووووت فيها ويحب التراب اللي تمشي عليه ..
مع إنه بالأول كان يقول أبي وحدة ستايل وتشبهني >> أقول اسكت بس خخخخخ
بس يقول من شافها ( خطيبته الحالية ) ارتاح لها ... يا سبحان الله نصيب !



بس انا بالنسبة لي عادي لو ما تزوجت .. بغض النظر عن نظرة الناس لي
بغض النظر عن النغزات اللي تنقط علي >> روحي كشخي خل يشوفونج ويخطبونج وإلخ من هالكلام والحنة
وبغض النظر عن أي شيء آخر ...

ما انتهت الدنيا ، أصلا انا وااااااايد مرتاحة بحياتي جذي
ومثل ما قالوا الخوات قبلي .. لاحد يقول لي وين رايحة ولا من وين ياية
أصحى وقت ما أبي ، أنام وقت ما أبي .. أطلع وقت ما أبي
عايشة حياتي على كيف الكيف والحمد لله
الكورس الياي أخلص جامعتي الهلاك :cxxxp: اللي ما خلت شعر برااااااسي :eh_s(14):
وإن شالله بعدها أشتغل ..


ومب حاطة بخاطري الزواج .. أصلاً خايفة منه ... بس اللي إيي من الله حياه الله
وأعرف إن ربي كريم ،،،

 

[مستشاره قانونيه]

عدل كلامج انا مو متزوجه ونفس تفكيرج اذا مافي واحد احبه وابيه عادي شحقه مطيووره عالزواج بالعكس ابي اعيش حياتي ولاحقه عالزواج والمسئوليه واليهااااااال واااااااي عوار راس
الحييييين حدي وناسه حرة نفسي

 

[blue ocean]

بغض النظر عن ان الزواج ستر وعفه والخ..)

انا اللحين بيصير عمري 25 سنه وتستغربون لما اقول لكم مو مهتمه بالزواج .. انه مثل ماذكرتي مافي احد متمنيته

حتى لو تزوجت اتوقع بتزوج بطريقه تقليديه .. هذا مو معناته اني اكره الزواج او مابيه .. بس ماحس بشعور اني متشفقه عليه ..

بس في فترات مرت من حياتي تمنيت اتزوج بس كان احساس عابر ومو ملح ..

مشكوره حبيبتي عالموضوع الحلو

 

[miss_lymoona]

هلا حبوبه شوفي انا ماكنت احب الزواج واخطبوني 3لا ورى بعض قبل مااتزوج زوجي ورفضتهم عشانه لاني اعرفه
وكنت ميته واتزوجه حدي كنت ابيه والحمدالله خذيته
واكيد استانست لما خذيته لاني احبه
والبنات اللي يحبون الزواج من حقهم الزواج حلو بيت وعيال في كل الحالات الزواج في شغلات حلوه يعني في الزين وفي الشين
تسلمين حبي

 

[*&* المميزهـ *&*]

ماكنت اكر بالزواج ابداااااااااااااااااااااااااااااااااااااااااااااا

انخطبت شكثر بس ما صار نصيب
وبالخير تزوجت زواج تقليدي 100 %

الزواج مو كله وناسه بالعكس
يوم حلو و100 يوم تعيس

ساعات نفكر بالطلاق واذا فكررنا شوي قلنا لااا نخاف من لقب مطلقه<< هذي الدنيا جذي تحد الواحد

صج العيال زينه الحياه
بس تعب وشقا الله ياجرنا عليه ان شاء الله

هذي الدنيا

ومشكووره خوووووووش موضوع