ليش الركضه والهيله ورا الزواج ؟؟؟ لي هالدرجة الزواج حلو ؟؟؟

[amwaj]

كل الي اقدر اقوله مقطع من أغنية عبد الحليم حافظ..."لو كنت اعلم خاتمتي ما كنت بدأت":0bee2e8d89:

يعني شاللي حادني بالله في بيت اهلي اقط ملابسي وسخة ترد لي نظيفه..
انام اي حزة ابي واقوم متى ما بغيت..
ما احاتي شي ولا احاتي احد..
ما افكر الا بوناستي واهتماماتي وبالي مرتاح...
ما اراعي مشاعر احد ولا اجامل هلى حساب نفسي..لا زوج ولا حموله ..
اكلي زاهب اي حزة بغيت...
ماكو احد يناجريني على طلعة وروحة وييه وشنو لبستي وشنو سويتي...
ماكو واجبات زوجيه ملزومة تسوينها حتى لو مالج خلق..
مو لازم تتكشخين 24 ساعة عشان تعجبين وجان زين عاجبه..
واااااااااااااااااااااااااااااااااي صج ياحلوها من ايااااااااااااااااااااااام:0bee2e8d89:
ما اقوول الا الحمد لله على كل حال

 

[Tangled]

اتفق مع وايد بنات ان الزواج سنة الحياة وهو قسمة ونصيب والحمدلله على قسمة الله سبحانه

يعني اللي تحب قبل الزواج شخص ليش تتزوجه ؟؟ يعني ما بقا بينهم الا الجنس وسوري حق هالكلمة لأنهم استهلكوا كل كلام الحب والمشاعر والعواطف والشوق بفترة قصيرة او طويلة لدرجة ان بعد ما يمر بينهم فترة راح ينصدمون بوايد اطباع و تصرفات ما كانو يعرفونها عن بعض وعرفوها بالعشرة ،، اهي نقول ان سبب الفشل الرئيسي اهو العلاقة قبل الزواج وراح نعتبرها شماعه نعلق عليها كل غلط وكل سلبية في حياتهم ،،، ولو كان في ايجيابيات ما راح تقول اي اهو يحس فيني غير لن كان يعرفني لا راح تمر حياتهم الزينة مرور الكرام لأنهم من قبل لا يتزوجون بعض اهما اغلب الوقت سمن على عسل ولا تكاد مشاكلهم تعتبر مشاكل اللهم اختلافات بالراي او سوء تفاهم


اما لما تتزوجين زواج تقليدي وللاسف قاموا يسمونه بهالاسم مع ان اهو اصح زواج تقدر اي بنت او اي ولد يعيشونه اهني غير
اذا نجحتي فيه هذا دليل على انج سلكتي الطريج الصح خطوة خطوة وبديتي تتعرفين على شريك حياتج مرحلة مرحلة واي مشكلة تمر عليج كانج داشة امتحان تمتحنين نفسج اذا كنتي ذكية وقادرة وعندج قدرة تحمل او انج انسانة انهزامية وفاشلة وبسرعه راح تنسحبين والعكس صحيح

واذا فشلتي ولا سمح الله وصلت للطلاق فاهني ما راح تندمين على شي كثلار انج حاولتي كل محاولاتج وما راح تندبين حظج وتقولين حبيته في يوم ووين اخلاقه يوم عرفته قبل لا اتزوجه وين وين لا انتي عشتي كل لحظة بوقتها


طبعا هذا يتماشى مع اغلب الزيجات وهذا رايي والحمدلله على نعمة العقل
ان الواحد لازم يطالع الجزء المليان من القلاص مو الفاضي

الزواج حلو والحلال احلى وكل تجربة يديدة نعيشها واحناما نعرف شنو خاشتلنا بحلوها وبمرها وماله داعي نشوف الصح بنظرة سوداوية جذي شكرا وتقبلوا مروري

 

[om 7amody]

أنا عن نفسي تزوجت 18 سنه والحين عمري 22 كنت صغيره وخايفة بس الحمدالله اول 3 شهور بتخافين بعدين تتعودين هذي سنة الحياه ونصيب

 

[القبله]

و الله انا بصراحه عمري 24 و الحمدلله شكثر يخطبوني بس أنا مابي استعجل لأني بصراحه أبي أتزوج انساااااان أحبه و يحبني و بعدين انا متأكده وواثقه من شي أسمه نصيييب و اللي الله كاتبه بيصير

 

[ام هباش]

بصراحه انا بعدى ما تزوجت يعنى المسالى عاديه بالنسبه لى
وما اتمنى هالشى لانه يخوفنى
ومشكوووره

 

[* فطامي *]

موضوع حلو وصريح أشكرج حبيبتي على فتح مجال للحديث لهذا الموضوع ...

أول شي الزواج قسمة ونصيب وكل واحد ياخذ من الدنيا تصيبه ولازم الواحد يكون راضي باللي ربه كتب له

بالنسبة لي ... أنا مو متزوجه وعمري اللحين 19 وكل جم شهر وأدخل 20 ومن أول ما خلصت الثانوية ياولي خطاب وماصار نصيب ما كنت أرتاح لهم ومشت الايام مثثل ما اهيه ايه واحد ومايصير نصيب مو معناته مو حاطه ببالي الزواج ولا في واحد معين لكن سبحان الله مايصير نصيب ....

بالنسبة لأسئلتج :gr4uu:

ما أقولج مو ميته على الزواج اتمنى أتزوج ولي اسباب وايد
- ودي أغير حياتي ودي يكون لي إنسان أهوه اللي يقولي سوي وروحي مو بتسلط لا لكن غير عن حياتي اللحين الوالد يعطني الاختيار باس شي اسويه
- صح اني لمن اللحين أدرس لكن أحس اني قد هل المسؤولية اني افتح بيت واهتم بريل و أوفر شنو يحتاج صج بتكون حياة يديد وهذا شي لابد منه ومع التعود كل شي يصير عادي
- شي خاشته ومحتفظة فيه وأهوه الحب ودي أعطي الشخص المناسب هذا الحب اللي عندي مو أعيش بقصة أحب واخر شي أفشل لا اذا بعطي أعطي للشخص اللي يستحق
- غريزة الامومة وايد تلعب دور ودي يكون لي طفل أنا المسؤوله عنه بكل شي من لبس واكل واهتمام فيه وشخص ثاني واللي اهوه الزوج يساندني ويساعدني على تربية هذي الثمرة اللي انتجناها وربي وعطانا ياه
- الستر الزواج ستر للبنت والولد فالافضل الواحد يتزوج ويحص نفسه والخوف من المستفبل وايد من الاهل كان لهم اسباب غير مقنعه للرفض واللحين ينصحونا بان ما نخلي الزواج على طرف ما دام يه الريال الصالح وحسيتي بانه المناسب ليش ترفضين

أدري الزواج مثل الرقيه يا حلوه يا لا لكن الواحد لازم يتوقع الخير وياخذ الجانب الحلو من الزواج ما في شي ايه بالساهل وكل شي لازم يكون له عواقب وصعوبات لكن السهاله من رب العباد والله يعطي الكل على قد نيته وحتى لو كان الزوج مو زين الوحده لازم تصبر وتاخذ الاجر لكن اذا شافت ما منه فايده الحمدلله في شي اسمه طلاق وكان له حكمة لمن وجد

وبالنسبة لشعوري بالغير ولا الحسد ..

لا الحمد لله قنوعه بان اللي ربي كاتبة لي باخذه حتى لو المتزوجه اصغر مني دايما الوحده لازم يكون لها رضا بنفسها ورضا باللي مكتوب لها

بس عندي تعقيب الجمال مو كل شي ولا اساس من اساس انه الوحده تتزوج والحمدلله كا في أحد جيييكر خلقة ربنا هذي وربي خلق الانسان بأحسن صورة ولله الحمد

ادري وايد قرقرت بس الموضوع وايد عجبني وخلاتي أطلع اللي عندي وسلامتكم

 

[om 7amody]

دانة البيت .. كلامج عيييييييييييييييين العقل .. وانشالله ربي يرزقج بالريال الصالح

 

[رحيق الحياة]

انا مو متزوجه بس راح اتمنى الزواج اذا لقيت الشخص الي اتمناه
اما جذي زواج خبط ولزق يعني واحد ماعرفه ولا يعرفني لا والف لا

 

[e3feni]

انا ما كملت ال24 بعد
والحين ملجت من شهرين تقريبا
واحس عادي وضيقة خلق اكثر من لما كنت بنت على الاقل قبل مستانسه وبالي مرتاح الحين لويه ومشاكل بسم الله هذا من اولها
اهلي فرحوا بهالزواج اكثر مني كوني اصغر العايله
بس والله لو قاعده بحظن امي وايد ابرك لي
عاد والله ماكنت مفكره بالزواج ولا كنت احتر من البنات اللي يتزوجون لان مبدأ وكنت حاطته براسي لا للزواج الحين ما ابي احد ينكد علي عيشتي لان مثل البيبي فبيت اهلي واحلام ورديه هذا حدي مع ان من عمري 18 والخطاب ماشالله بس كان الرفض وهذي قسمتي ​

 

[SILVER ROSE]

من رايي الزواج ستر وعفة للبنت
وطبيعي لي وصلتي سن معين تتمنين الزواج
لان بيت اهلج مو دايم لج

 

[bedour18]

الزواج سنة الحياة و بنظري الزواج استقرار

الله يرزق البنات جمييييييييييييييييييييييييييييييييييييييييييييييييعا

 

[Miss_Moon]

الله يرزق البناات المومتزوجات الزووج الصاالح اللي يخاف عليها ويدلعها يااارب .. اكيد سما البنات بيفكرون بالزواج لان الزواج بالنسبة لها وناسة وهم تلقينها تخاف تعنس مع ان الحين في بنات تبارك الرحمن فوق ال30 ويتزوجون عادي .. لكن اللي بالتعش اشوفهم توهم شماااااااله متشفقييين على الزواااج ركدووووا .. بس اذا يالهم شخص زين وخوش ريال وماينعاف فصعبة انها ترفض .. ومشكوووره على الموضوع

 

[كويتيه مذهله 87]

شوفي
كل وحده تتمني أو تحلم أن تلبس الأبيض وتمسك الورد وتمشي بالصاله وتطلع مع ريلها وسافرون ويحبون بعض ودلعها وأيبون عيال وكل البنات يتمنون هاللحظات يوم من الأيام ولي تقول لا جذابه
أنا تزوجت وعمري 18 سنه صج يوم أخطبوني عادي بس كنت فتره مراهقه ومتشوقه بحياتي اليديده

 

[[..كـــــرك..]]

واللي مو متزوجه شرايها بالموضوع ؟؟؟
يعني انتي يلي بعدج ما تزوجتي قوليلي بكل صراحه .. ميته على الزواج؟ تحترين اذا اختج والا بنت خالتج والا رفيجتج انخطبت قبلج؟؟ وليش؟؟[/size][/font][/b][/color]

ولاافكر فيه

بالعكس استانس مع بنت خالتي ورفيجتي اذا عرست

ماعندي هالحزازيات احس معقده اللي تعطي هالموضوع اكبر من حجمه ومافيها ثقه بعمرها

 

[NaNoOSha]

انا مو متزوجه

من ناحية ميته عالزواج عشان الزواج نفسه ؟!! ف لا مو ميته عالزواج عادي عيشتي طبيعيه انام اطلع اداوم بالجامعه و ارد ولا عندي مسؤوليات غير نفسي

بس بصراحه حاليا ميته عالزواج و اتمنى اتمنى يا رب بحق هالشهر الفضيل الله يحقق لي امنيتي و اتزوج اللي احبه
ادعولي بنات تكفون

و صج انا من رايج اذا الوحده ما كانت تحب ولا تبي شخص معين فما اعتقد انها بتحن عالزواج بالعكس الموضوع بيكون بالنسبه لها عادي
اما اللي في بحياتها شخص و تتمناه هذي اللي اكيد بتحن عالزواج و تتمنى انها تتزوج اليوم قبل باجر

و بالنسبه لانج تحترين او تغارين اذا وحده عرست لا بالعكس افرح لها من كل قلبي و اتمنالها الخير و ادعي الله يرزقني مثل ما رزقها و يوفقها
ماتوقع الموضوع يستاهل حسد و حره و غيره
كل تأخيره فيها خيره و اللي الله كاتبه بيصير

تسلمين حبوبه على هالموضوع يعطيج الف عافيه و الله يوفقج بحياتج يا رب

 

[~RouNa~]

واللي مو متزوجه شرايها بالموضوع ؟؟؟
يعني انتي يلي بعدج ما تزوجتي قوليلي بكل صراحه .. ميته على الزواج؟ تحترين اذا اختج والا بنت خالتج والا رفيجتج انخطبت قبلج؟؟ وليش؟

أنا مو متزوجه

بس ماكو بنت ما تتمنى انها تتزوج

كلنا نتمنى هـ الشيّ

انا مو ميتة عـ الزوااج بس اذا بـ هـ الوقت تقدم لي واحد زين مثل ما انا ابي راح اوافق

بالعكس اذا اختي او بنت خالتي او اي احد من اهلنا تزوج قبلي راح افرحلهم

بس لو تشوفين الناس الحين الكل يكلم و يقزر حياته قبل الزواج نادر ما تلقين وحده محافظة على روحهاا وما تكلم مع ان فيها مشاعر لي الراس بس مالقت اللي يستاهلها شي طبيعي تتمنى الزواج بسرعه

لأن الكبت ساعات يودي بـ ستين داهيه

تقبلي مروري​

 

[د-سوسه]

الموضوع عجبني حيييييييييييييييييل:eh_s(2):

[/SIZوالله بنات انا تزوجت وانا صغيره لاكنت ميته عزواج ولا افكر فيه بس كنت بروحي بالبيت لان كل اخواني وخواتي وخواتي تزوجوا وكانت الطلعه والروحه ممنوعه وحتي بالاعياد والمناسبات مانطلع لان امي الله يرحمها كانت الكبيره بخواتها فالزواره اتصيرببيتنا يعني والله حتي بالعيد مرات ماكنت اشتري بدله كافي دراعه لاني ادري ماكو طلعه ..اول ماياني ريال اهلي كانو مقتنعين فيه رضيت خصوصا اني عرفت ان اهله فري وماعندهم الممنوعات الي عندنا تزوجته وكان يحبني مووووت ولي يومكم يحبني بس انا ماقدرت احبه تصرفاته كانت سخيفه معاي وطبعه مايعجبني كلش مع ان يحبني ويبت منه بنتين حاولت اني اغيره ماكوفايده ومثل ماقالت الاخت الي قبلي قررت اني ماموت وانا علي ذمته خصوصا اني صغيره وكنت اشوف بنات وايد عندهم علاقات وخرابيط مع ان رياييلهم زينين معاهم فخفت انجرف بهالتيار لان علي قولتهم جرفتي سهله الريال الي عندي ماكان مهتم فيني كلش مع اني حلوه واهتم بنفسي وسبحان الله صرت ام وانا ماعشت شعور الزوجه!! المهم كنت حابه اني انهي حياتي معاه واقول يمكن ربي يعوضني بريال ثاني واحلم بهالشي بس ماعندي الجراه اني اطلب الطلاق وسبحان الله يابيوم وطلقني علي سبب تافه حييييل وكان متوقع اني بردله خصوصا ان كان مامر علي وفاه امي ست شهور وانا كنت ماازور بيتنا لاني اتضايق من عدم وجودها لكن اهو كان قاط الكلمه علشان ايحسسني اني خلاص مالي ظهر ويبي يبهدلني اشوي تخيلو ..خذيت بناتي وعشت ببيتنا والله ان اول الايام نوم ماكنت انام بس عدت الايام والحين مر اربع اسنين سبحان الله كل ماياني واحد اخاف اربط نفسي معاه وخايفه حيل من الزواج مع ان هاليومين قلبي ايرف لاشفت ياهل ودي ببيبي بس يمكن الله موكاتبلي وطبعا الحبيب زوجي سابقا ليلحين ايحن ويطرش البنات يقولولي ان يبي يرد ولاشافني طلعت ولاشي ايطق البنات ويتهاوش معاهم عشان يعرف وين ووين راده بس مستحيل افكر بالرده ..
نسيت اقولكم ان بعد كل هالاحداث المختصره انا الحين عمري 28 وبناتي وحده 11ووحده 10 سنين عسى الله يخليهم لي انشالله:q8: [/I][/U][/COLOR][/COLOR][/COLOR]E]

 

[ســــــــــما]

الموضوع قديييييييييييم

وقريت باجي الردود وعجبتوني ماشاءالله

ننوشه الله يرزقج الي تتمنينه

رونه

الله يسهل امورج يا رب ويرزقج بالزوج الصالح


د. سوسه

قصتج وايد اثرت فيني

الله يعوضج بالي احسن منه

سبحان الله انتي اصلا ما تحبينه ويات منه طلقج مني والطريج

سبحان الله

ياالله ان شاء الله ربي يرزقج الي يعوضج عن كل هالسنين

 

[جوك احلى جو]

اعتقد اللي تزوجت وجربت الحياة الزوجيه غير اللي ما جربت وودها تجرب :eh_s(15):


يعني مثال بسيط ..وحده سافرت لبلد ما ... وردت ويت وحده بتسافر لنفس الديره جان تقولها هذي اللي سافرت ويع لا تروحين هناك !! خل تروح وتشوف اذا حلوه ولا لا تجرب بنفسها ....فهمتوني

فعلا مثال مقنع

 

[ســــــــــما]

يعطيج العافيه اختي ســـــــــــــــــمــــــــــــــــــــا

وسوالج والله ما عندي جواب له بس انا اقولج يعني ادعيلها وربي يوفقها ان شاء الله
ويرزقها بس يعني شنو اقول شلون اعبر ماني قادي يعني اني اقول جمله مفيده

بس عفيه بنات ما بيكم تزعلون مني والصراحه انا جديده على المنتديات واول متنتدى اشترك فيه وياليت انكم تحسبوني مثل اختكم


واختي ســــــــــــمـــــــــــا مشكوره على الدعوه الحلوه والله يسمع منج يارب

ويحقق لج الي في بالج ويرزقج بالزوج الصالح واذا انتي متزوجه ان شاء الله

يحفظج ويستر عليج ويرزقج بالذريه الصالحه

آآآآآآآآآآآآآآآآآآآآمييييييييييييييييين

مشكوووووووووووووووره على الدعوه الحلوه





بناااات ماني عارفه ارد على منو والا منو

بصراحه ردودكم بتخليني اغير رايي واشوف نوعيات ثانيه من البنات المتفهمات الواعيات :q8:

عسى ربي يرزق المو متزوجه الزوج الي يحبها ويموت فيها

ويعدل امور المتزوجات ويحفظهم من المشاكل ويهنيهم مع رياييلهم يااااااااارب :eh_s(6):