ليش الجمال مهم في مجتمعنا

[شهد ~]

I dont no:gr4uu:

الجمال جمال الروووووووووووووووح

 

[NaYoob]

ما ادري ليش جذي صايرين وخصوصاً اذا بيخطبون كله يبون بيضه وحلو انزين والاخلاق والتربيه شفايدتها

امبدين الجمال فوق كل شي في ناس مقبوله بس فاهمين السالفه غلط يبونها اطيح الطير من السما وتشوفين

الولد اجلح املح مافي جمال

 

[روح مغليهاM]

رد: رد : رد: ليش الجمال مهم في مجتمعنا

والله انا اعرف بنات متزوجات ويهبلون حتى اللي يشوفهم يقول ياحظ ريايلهم فيهم واهي بالعكس عايشه حياة تعيسه
واجوف بنات هم حلووووووووين انصدم لاقالولي متطلقين اقووول كل هالجمال ومتطلقه منو المينون اللي يعاف هالزين
وبناات جياكر وموحلوين ومشاءالله عايشين عيشه ولا احلى مرااات اقول حظ الجياكر قايم مشاءالله >>>بس ودي اعرف شالسر اللي يخلي ريايلهم يحبونهم

:rerrerek:
100% وانا ملاحظه بعد
لان الرسول صلى الله عليه وسلم دعاء للشينات
والزواج قسمه ونصيب

 

[*أم*خالد*]

حريم اخواني ثنتين خفس .. جكر .. واخواني مسوينهم يا دهينه لا تنكتين

اعرف بنات كانو معاي بالمدرسة جكررر تعرفين شنو جكرر ؟ تزوجو وانا بس اسم ام خالد لوووول افاول على روحي

هالاشياء قسمه ونصيب مو بجمال ولا بخياس يا وخيتج

 

[حلاتي بذوقي]

انا اعتقد الحلوين مالهم حظ والبنت العاديه تشوفين حظها قايم هذا اللي لاحظته

والله انا معاج بهالتقطه :rerrerek:
كل البنات اللي اعرفهم اللي ملكات جمال حضهم مو شي
واللي جمالهم عادي اهم اللي حضهم قايم

 

[بيان2011]

الجمال مطلوب
والاخلاق مطلوبه
من الجميع سواء الزوج او الزوجه
ومثل ما قالو بعض الاخوات عندم يشاهد الزوج زوجته يحس انه في وناسه حتى لايطالع غيرها او يغارنها باخرى
والجمال ذكره القران والرسول

 

[سنووايت__]

انا اعتقد الحلوين مالهم حظ والبنت العاديه تشوفين حظها قايم هذا اللي لاحظته

هذااااا شي صحيح الف بالاميه

 

[عادت ذكرياتي]

قسمة ونصيب

 

[طـفولية]

اول شي لازم نتفق ان الجمال " نسبي " .. يعني يمكن الي تشوفينها ملكة جمال انا اشوفها شيفة والعكس صحيح
ونظرة الرجل تختلف من واحد لي واحد ..

البياض محد يختلف فيه ان علامة من علامات الجمال .. بس انا ما احب البياض لا بالبنت ولا بالصبي .. وعادي ارفض واحد ابيض .. واموت باللون الحنطي .. الناس اذواق

شرايج سمعت ريال مرة يقول ان يموت على الويه الآسيوي نفس الفلبن ويشوف ان هذا اهوا الجمال ..

والي يقولون جياكر وقايم حظهم .. تكون اخلاقها وروحها أجمل من الجمال ..

ترى الريال بيستانس بالجميلة شهر شهرين .. سنة .. بس اذا كانت اخلاقها واطية وما تعرف السنع مغرورة يعافها ويشوف هالجمال قبح ..

الشكل سواء حلوة او عادية بيتعود عليه الريال .. ومرده بيحب روحج واخلاقج ومواقفج
واهم شي " البركة " و " المودة الرحمة " ماكو شي اسمه حظ !!
هذا رزق .. والحدة تدعي بالزوج الصالح .. والمتزوجة تدعي ان الله يحفظ بيتها وعيالها وزوجها ويرزقهم البركة ..

والجمال اشكااال وانواااع .. حراام الواحد يحدده بمقاييس هابطة مستوردة من الاعلام .. يا اكون جذي او اكون جيكرة !!

هذي وجهه نظري وسامحيني عالاطالة

 

[دآنة آلرشآيده]

الجمال مطلوب بس الاخلاق الاهم
وانا احس المزيونه مالها حظ دايما تطلق
ولا حياتها تكون مو حلوة ​

 

[mf6nt el3lat]

يعني مو معقوله نقضي اعمارنا مع انسان مايهتم بشكله وجيكر ويعني من حقنا انه نشوف اشياء تفتح النفس .. طبعاً مو ضرط يكووووون جميل ويطيح الطير من السما بس يكووووون مرتب ونظيف