ليش البنت تبكي في يوم زواجها؟؟!!

["عيون الملاك"]

عندي سؤال :


وهو ليش برايكم العروس تبكى يوم عرسها مع انها


اكيد مقتنعه بعريسها وتحبه


1)دلع

3)خوف من المجهول



2)عشان فراق الاهل


4)رهبه الزواج


5)عشان تسمع كلمه حلوه من حبيبها وابوها[/color]

 

[بنتq8]

اتوقع فراق الاهل الللي دايم تعودت عليهم صبح وليل

والخوف من المجهول حياه يديده مو متعوده عليهااا

 

[σм şάяάħ]

ماصيحت في ليلة عرسي عادي لووول

 

[om_d3dod]

من 2الى 4 واستبعد رقم 1و5

لانه حده مو وقته خصوصا ان ما نشوف المعرس ولا نقعد معاه

فاكيد خوف من المجهووووووووووووووووول


بالاضافه خوووف من ليلة الدخله وهذا اكثر شي يخوف


وانا اشوف ان طبيعي البنت تبكي ليلة عرسها حتى لو تعرفه وتححبه وتموت فيه

فكره انها بتطلع من بيت اهلها لبينت ثاني تخليها تبكي


وبس يعطيج العافيه

 

[$ الـسـلـطـانـــــه $]

رقم 4

 

[@@ Strawberry @@]

2 و3 و4 هذا من وجهة نظري وشكرا عالموضوع

 

[.. Om Mr.7sN ..]

انا بعد نفس البنات 2 و 3 و4

وانا الي صار معاي اني شفت اهلي يبجون وانا بروح الكوشه يعني بجيت وقت زفتي بدال ما اضحك فهذا الشي زاد علي الخوف

هههههههههههههه :dddds:

ايام حلوه

 

[*peace*]

انا مابجيت ثاني يوم استوعبت وقعدت ابجي بجي خخخخخخخ:krkrkr:
بجيت على فراق ماامي وابوي وخواتي وبيتنا
بجيت العصر بعد مانام زوجي وقعدت بروحي مو متعودة جذي ​

 

[%عـجـمـيـه صـريـحـه%]

من الفرررررررررحه يختي من الفرحه كللللللووووووووووووووووووووووش

طبعا اتغشمر برايي من التوتر والخوف ولا تنسين الضغط الي عليها حتى قبل يوم الزواج اقصد ايام التجهيز ولما تنتهي ويقرب يوم العرس التفكير والتوتر يزيد

وكل الي ذكرتيهم انا معاج اما الدلع وعشان تسمع كلمه حلوه من حبيبها وابوها لا مو معاج فيهم

يسلمووو حبيبتي على الموضوع

 

[حسايف*]

انا مااااابجييييييييت بس تنحت وارتبكت وااااااااااااايد خفت احس ليش البجي مالة داعي البجي

 

[& حكاية حب موعود &]

مادري مااجرب هالحظه
بس اكيد تبجي انهاا خاايفه من المستقبل وشخص وحياات جديده
وعتقد الف بالاميه انه شي طبيعي واغلب العراايس يبجوون

 

[** باربي **]

احس مالة داعي الا اذا كانت مو مقتنعه فيه او قلبها مع احد ثاني اما حبيبي لشق حجلي مترين من الابتسامة
ولاحقين على البجي نخش لليوم الاسود خخخخخخخخخخخخخخخخخخ

 

[زوغه طلال]

أكيد فراق الاهل واكوووو شي ابجي غير فراقهم .......ذكرتيني بعرسي كنت اصيح على كل شي لما اشوف بنت اختي اصيح ولما شفت امي واختي يرقصون بجيت ولما وقفواااا حوالي بنات خالتي بغيت اموووت من البجي :krkrkr:

والمصيبه محد كان متوقع مني جذي لان انا الجريئه صرت ام ناصر السان طويل والحيييييل قاصر _03BA:​

 

[وردة-الكويت]

انا بجيت عشان ماكنت ابي زوجي

وخوف من المجهول وفراق اهلي

 

[حبيبته آنا]

فراق الاهل صعب وهم الحياة اليديده اللي بدخلها الواحد مايدري شيصير فيها واشلون تكون هل نفس مانرسمها بالخيال والا العكس هذي الاشياء كلها سبحان الله بليلة العرس تخلي الوحده تفكر فيها اكثر من اي وقت مر

 

[داريني]

)خوف من المجهول



2)عشان فراق الاهل


4)رهبه الزواج


انا بحيت علشان هالاسباب
وبعد انا ملجتي وعرسي صارت مناحه بنات خالتي بجوو وخالاتي
اخااااف يبون فكه مني وانا مادري ههههههههههههههههه

 

[أم أنار]

انا بجيت معني اخذت حبييبي وكنت خايفه من الرهبه

 

[بنت الارسنال]

فراق الاهل ورهبة الزواج

 

[shai5at al3arab]

احس كل الأسباب اللي ذكرتيها .

 

[عنووشه]

برايي من التوتر والخوف ولا تنسين الضغط الي عليها حتى قبل يوم الزواج اقصد ايام التجهيز ولما تنتهي ويقرب يوم العرس التفكير والتوتر يزيد

وكل الي ذكرتيهم انا معاج اما الدلع وعشان تسمع كلمه حلوه من حبيبها وابوها لا مو معاج فيهم

يسلمووو حبيبتي على الموضوع

مثل كلام اختي عجميه