ليش اغلبية البنات يقللون من قدر نفسهم .. :(

[((الجوري))]

السلآم عليكم ورحمة الله وبركآته



شخباركم بنآت شمسوين ؟؟


عندي موضوع حآبه اتكلم فيه لانه الصرآحه مضآيقني ..
ليش دايما البنيه اهيه اللي تسكت عن حقها بس خوفا من انها تخسر ..

اذا خانها ريلها اهيه المفروض تسامح عشان لا يدور غيرها !! اشحقه !!
اهيه سامحته ؟ بس هل اذا الريال اكتشف مرته تخونه راح يسامحهاا ؟ مستحيل سابع المستحيلات

بشنو افضل منا الريال !! اثنينهم لهم نفس العقاب عند رب العالمين ؟ ليش احنا نفرق ..

اكو وايد بنات يدرون عن سوالف رياييلهم بس ساكتين عنهم اشحقه !!!
ليش ما تعاقبه ؟

او بعض البنات يردون على موضوع الخيانه .. عادي الرياييل تسري بدمهم الخيانه او ماكو ريال ما يخون .. وين قاعدين !!

هل الريال تعود على الخيانه لانه شاف ضعف المره .. : (

ان شاءالله ما يتهنون اللي يخونون زوجاتهم .. لانه صج المره ما تستاهل عندها ارق قلب ..


وشكرآ
بس حبيت افضفض وآنآ مو متزوجه بس اشوف سوالفكم بهالقسم


..

​

 

[امل يائس]

انتي مو متزوجة و من الحين تتحلطمين على الريايل عيل باجر لا تزوجتي شبتسوين فيه

بس عموما حنا مجتمع رجالي و بطبيعة الزوجة كانثى ما تحب المشاكل ولا تحب الطلاق فتغفر و تسامح عشان حياتها و حبها و عيالها و بيتها و مكانتها بالمجتمع (خاصة مجتمعنا ما يرحم) يعني في اولويات فتقوم الزوجة تبدي شي على شي عشان تستمر دوامة الحياة

 

[هيا البرقاوي]

حبيبتي .. اولا المره تغلبها العاطفة بكل امورهااا ,, فاتسامح والسلطة بيد الزوج ...
ثانيا بعض الحريم مجبورين يسكتون عن سوالف ازواجهم لسببين ... اما انها قاعده معاه عشان عيالها وصابرة وساكته ومتحملة ماتبي عيالها يعيشون متشتتين بين الام والابو
او عشان ماعندها ظهر "اهل" ... تجي تقولج وين اروح اقعد عند اهلي بغرفة اتكود انا وعيالي ... يتحكم فيها الابو والاخو ولا اللي تقولج امي متوفية واقعد عند اخوي ومرته صعبة نار زوجي ولا جنه اهلي ... وبعدين المره مالها الا بيتهااا وتقدر تغير الرجال مثل ماتبي صدقوني .. بالدعاء بالكلمة الطيبة بالابتسامة الحلوة تبعد عنهم المشاكل ...

 

[قلبي سلومي]

ياربي شنسوي اذا صدناهم بنقعد نقاطعهم لمتى

واذا صادونا لا تنسين سمعة وشرف

دايم اقول لزوجي اذا سويت شي غلط قولي شسوي اقلعك لبيت اهلك ولا اطلق يضحك علي

بس هم السلطة بايدهم

ولا تنسين نمشي المركب عشان عيالنا

الله يهدي الجميع

 

[انصاريه قمره]

انا عن نفسي مالي شغل بالحريم واصلا ما احب المره اللي تسكت عن خيانات زوجها احسها مغفله ولو عندي مليون ياهل منه مستعده اعيش بغرفه بيت اهلي ولا اعيش مع انسان خااين مستغفلني وقعد يلعب بذيله ويتبع شهواته

 

[امل يائس]

على فكره ترى الزوجة الي تغفر و تسامح و تستمر مع زوجها حتى لو خانها مو معناتها تقلل من قدر نفسها مثل ما انتي كاتبه بعنوانج لا حبيبي هذيله هم الزوجات الصالحات الي عارفين انه ابغض الحلال عنده الله الطلاق و هذيله هم الزوجات الصابرات
ومتحملات وانشالله ماجورات عند الله

 

[هيا البرقاوي]

انا عن نفسي مالي شغل بالحريم واصلا ما احب المره اللي تسكت عن خيانات زوجها احسها مغفله ولو عندي مليون ياهل منه مستعده اعيش بغرفه بيت اهلي ولا اعيش مع انسان خااين مستغفلني وقعد يلعب بذيله ويتبع شهواته

لا تنسين ان مافي احد كامل ... وتقدرين بيدج تغيرينه صدقيني ...

 

[Tulips]

لانه ثقافة " الريال شايل عيبه " اهي السائده للاسف ..

و تلاقين الريال يقولها بكل افتخار انه يقدر يخون وبالنهايه محد خسران غير المره لانه " شايل عيبه " واذا الناس بتتكلم بتقول اي نزوه بس اهي اذا سوتها خراب بيوت !

واهي لما زوجها يخونها اكيد بتسكت لانه ابعض الحريم ظروفهم تحدهم مثل العيال او يمكن العيشه مع زوجها ارحم من انها تكون مطلقه عند اهلها ..

الله كريم

 

[ترجمة احساس]

اب اب
طموووشه

 

[جلكسيه اس 3]

اتسامح الريال لانه ماتبي اعيالها
يعيشون مع ام وابو حياتهم كلها مشاكل بمشاكل

 

[Beauty is Me]

لو صج الريال ما يعيبه شي جان كل الرياييل بالجنه من غير حساب
وبعدين لو الريال مو ادمي ليش اضيع حياتي معاااه ألزم ما علي كرامتي مو منطق اعيش متزوجه مهانه عشان لا يكون اسمي مطلقه وليش اغربل عيالي مع ((أبو)) ما يعرف طريج الله وين يعني وجوده بس اسم عالفاضي انا استغرب من عقلليات بعض الناس الله عطى كل انسان حقوق وواجبات وعطانا عقل نفكر فيه ليش انا اقدم واجباتي وحقوقي مهضومه لا والله الحياه الزوجيه مشاركه من الطرفين مو بس من طرف واحد انا تطلقت بملجه وفخوووووووووووره اني انا طلبت الطلاق لانه طلع راعي سوالف وبنات ما توقف الحياه عنده والارزاق من الله انا تعلمت درس اني لا يمكن اسمح لاحد انه يهين كرامتي لو منو كان الله بجلاله وقدره يعاقب الانسان اذا خان واحنا بس نسامح ونسامح ؟؟؟ لا والله يا اني اعيش معززه مكرمه او بيت اهلي اللي رباني وانا صغيره مو عيزان عني وعموما تعلمت درس انه الانسان اللي ما يحفظ على كرامته محد راح يحافظ عليها وراح تنداس ويقول المثل من امن العقوبه اساء الادب

 

[زوجة عزيز]

بس هم السلطة بايدهم
اي والله صاجه قلبي سلوومي السلطة بيدهم والله يصبرنا عليهم

 

[Beauty is Me]

وشنو يعني ((ريأل)) ترا والله ادمي حاله حالي وايد بنات يبطون جبدي يشوفون الزوج جنه امبراطور واهيا جنها عبده بين ايديه قال يمين راحت يمين قال يسار راحت يسار انا ما اقول لا تسمعين كلامه بس نفس الوقت ما تصيرين مسبهه يعني انتي مرته يعني الند بالند والله سبحانه وتعالى قال بما معنى الايه الكريمه انه الله جعل بين الزوجين الموده والرحمه وبطلو القرأن وشوفو احكام الشرع الدين منصف حقوقنا سواء بالزواج او الطلاق كله تكون فيه كرامه وقدر البنت محفوظه امبي ما اقصد اسلوبي يكون حاد بس من القهر لانه انا كنت من هالنوعيه سابقا والحمدلله عرفت انه هالزمن مو زمن تنازلات حق ناس مو كفو

 

[معلمة شيسمونه]

تعليقي من تعليق البنات

بس اب لانه فكره الموضوع عجبتني

 

[جولينار]

حبيبتي الله لايحطنا بهالموقف كلنا


وغالبا المره تمسك بيتها وتقعد فيه مو عشان سواد عيون زوجها لا عشان ماتخرب بيتها وتشتت عيالها


وجود الام في بيت الزوجيه يعطي العيال ثقه اكثر


بعكس لو تطلقت وراحت بيت اهلها حتى لو توفرت لها كل سبل الراحه ,,,


والله يبعد عنا الفتن والمشاكل يارب

 

[مخدوشة الوريد]

السبب الاول عشان المرأه عاطفيه .. والسبب الثاني لو كان عندها عيال عشان عيالها

 

[dectora 7elwa]

اذا تزوجتي بتعرفين

 

[ام شووووق]

موضوعج حلوو

ردي عليج انه كل بنت تبي تحافظ على بيتها

 

[زمرد Q8]

الله المستعان

 

[سوسن1980]

كل شئ ممكن اسكت واسامح الا موضوع الخيانه الله يبعده عنا