ليش اعصابنا تعبت

[سيدة الكويت]

السلام عليكم خواتى الحبيبات:gathering:


ليش وقتنا تغير ليش شايلين هم عيالنا بزود بالدراسه شوفو اهلنا قبل ما يدرون عنا والحمدالله تخرجنا من الجا معات

ليش نحاتى اذا اسقطوا ولا ما يابو درجات :0bee2e8d89:

والمشكله اهما كلا لعب احنا الى ندرس ونحل معاهم الواجبات وتخلص بالغصب عقب ما الأحبال الصوتيه تنتلف : وهما لعب ولا على البال ومجابل التلفزيون _03BA: وطبعا نادر ما الأب يدرس عياله ولا يجابلهم

شرايكم نبى مقترحات ..............بكيفيه تدريس الأطفال وتعليمهم الأعتماد على النفس وايضا مع المراهقين

 

[توتة27]

اشكرج على الموضوع المهم واللي بنفس الوقت يضيق الخلق
انا بصراحه دائما افكر بهالشي لي متى وخصوصا اذا عندج واحد متنح مثل ولدي مع العلم عندي غيره بس هذا الله يهديه صعب بالتدريس يعني المسكين مايلحق يكتب بالصف مع الابله ولا اللي يزيد الطين بله كثرة الواجبات والمناهج الجديده و الصعبه انا بصراحه ذاك اليوم اتناقش مع اختي عن صعوبة المناهج ووصلنا حق الاتي انه الواجبات لاولياء الامور مو للطالب ولا بالله عليج في سؤال بالعالم حق 3 ابتدائي طبعا لمادة الرياضيا ت يقول.....انا عدد من رقم واحد اذا جمعت الي العدد2ومن ثم طرحت مني العدد4 كان الناتج 5 فمن انا........بالله عليكم هذا سؤال ولا لغز؟؟؟؟؟؟؟؟ يكفي طريقته تعجيزيه وماتبون اعصابنا تتلف الا يبيلها شد براغي وسيرفس آخر الاسبوع
ادري طريقتي بالرد عشوائيه بس هذا من اللي فيني والله ولقيت احد افضفض له
وللاسف ماعندي حل اساعدج فيه بس نشوف ردود البنات

 

[زي العسل]

والله والله نفس معاناتي اقول لي متى وانا حارقه اعصابي تعبت مالحق وفوق هذا اذا درست وقمت اصارخ يضحك ولدي موصغير بخامس بس مايفيد معاه لا تدريس لازف لاطق اقول احنا كنا محد يدرسنا والحمدلله ماشين ونجحنا وشوفو عيال المصرين والفلسطينين محرومين من شغلات وايد بس ماشاالله ينجحون ونسب عاليه واحنا عيالنا كل شي عندهم وسفر ولبس وماركات وناسه وفوق هذا غصب ودي اخليهم يحسون بالمسؤليه انا اسطر وااكتب لهم واذا خلصت احط جدولهم واهم ماهمهم شرايكم بنات ليش مانخليهم يعتمدون على نفسهم اعرف وحده والله تقول امنا مادرستنا ولا تعرف تكتب ولا ابوها وماشالله اهي وخواتها كلهم ماجستير اووووووووووووووف موضوعج بوقته تسلم ايدج

 

[سيدة الكويت]

تونه 27...... زى العسل مشكورين على المشاركه

تدرون المشكله شنو قبل يوم كنا صغار نخاف من ظرب اللأبله او انها توقفنا على طوفه يعنى بالعكس العقاب له دور كبير

تدرين الفلسطن والمصاروه ............حيل حازمين مع عيالهم لا تلفزيون لا شئ بس الخميس والجمعه ترس الحدايق تشوى وقعدات

احنا لازم التلفزيون ينفتح بوقت ويتسكر يوقت ..........مشكلتنا ماعندنا حزم .........مع عيالنا

والله اعرف وحده ما تدرى عن عيالها اهيه كلا بره البيت وعيالها كلهم امتياز ..........تقول عيالها لازم يتعلمون يدرسون بروحهم وتعطيهم نصايح من بعيد لبعيد بس اولى ابتدائى تشد شوى عقب الأولى تقول لهم باى بروحكم والى ما ييب درجات حرمان ونظام صارم

 

[أمواج البحر]

هلا امهات

عيالي اسم الله عليهم اعلمهم يعتمدون على نفسهم

ولدي الحين اللي برابعه ابتدائي يدرس بروحه و ساعات يدرس اخوانه ماشاء الله تبارك الرحمن

يعني الحين ولدي اللي باولى مثلا عنده واجب عربي افهمه الواجب واقوله يلا اكتب بروح مثلا المطبخ او اصلي وارجع لك القاك خالص

وفعلا ارد القاه حل الواجب يمكن مايكون كله صح بس اعتمد على نفسه و حله

والحزم الحزم يا بنات وقت الدراسه كل شي يتسكر لا تلفزيون ولا لعب ولا شي

الدراسه دراسه

ولا تشتكون من صعوبة المناهج خلاص المناهج حطوها و لازم يدرسها

واذا كنتي مو فاهمه كتبي نوت للمدرسه عادي ساعات انا اسوي جذي

اكتب نوت لمدرسته عشان افهم احسن من اني ادرسه غلط

والله يعيينا

 

[سيدة الكويت]

ماشاء الله أمواج البحر ..........الله يخلى عيالج صح شفتى الحزم له دور كبير فى الدراسه والتفوق

 

[الصابرة المحتسبة]

يستاهل النقاش

 

[شيــوخه]

واااااااااااااااااااي صراحه موضوعج صراحه شي مو طبيعييييييييييييي

انا عندي بنتي الي ابرابعه مو متنحه الا مخها رايح بطلعات وردات ولبس وناسه ولا هي مهتمه حق شي اسمه دراسه

اما ااختها بثالثه والله متفوقه شوفي التناقض يعني اشلون صاير وادرس اختها الي باولى وتحل واجباتها ابنفسها اما العوده امتعبتني وايد

والله خايفه لا تسقط هسنه والله حاطه ايدي على قلبي

 

[الصابرة المحتسبة]

قبل كنت أحاتي وأدرس وأضغط على نفسي زيادة عن اللزوم لكن ألحين تغيرت:
- الإبتدائي أجابله من بعيد.
- المتوسط يدرس ويحل واجباته بروحة ما علي إلا التسميع والمراجعة العادية.
- التلفزيون والبلاي ستيشن وغيره من الترفيه ينحرم منها حزة الدراسة لي خلص له فترة بسيطة يرتاح فيها.
وسلامتكم
نصيحة: عودوهم على الإعتماد على النفس.

 

[حلم الطفولة]

موضوع حلو سيده .. المشكله الأولى إن أول المدرسات كانو فطاحل ولهم هيبه .. والحين للأسف اليهال ما يخافون من الأبله .. والمناهج ضعيفه وركيكه والمدرسات بعضهم (( مو الكل )) . . تقولين تبي بس ثقول الدرس وتمشي .. العيال ماخذينها لعب لأن مايشوفون لاهتمام من المدرسين ولا جديه في التعامل .. وفوق هذا مو فاهمين شي !! ..
وزاد على هذا : ماكو سقوط لغاية الصف الرابع ..

مو من شويه يا سيدة الكويت .. قامو الامهات يتجهون للمدارس الخاصه والامريكيه والانجليزيه ..

 

[سيدة الكويت]

سبحان الله حتى بين الأخوان القدرات والذكاء يختلف .................يعنى ياهل بسرعه يفهم وياهل نعيد ونزيد وبالأخر نسيان

بس الحمد الله الجنه تحت اقدامكم شعليكم

الله يهدى عيالنا ويصلحهم وعيال المسلمين