ليش آلبنت قبل لا تتزوج تكششخ وبعد آلزواج [ آلعكس ] !! دخلوآ وشوفوني شنو آقصد =)

[ielmazyona]

والله موضوعج دايم يدوور في باالي انا مادري ليش المتزوجه تهمل بنفسها


بس اكتشفت اخر شي انه مااايمدي وكثر ماتقدر تحاول تكوون طبيعيه


اتوقع جذيه


بس انا اللاحظ اهمال اهماال موطبيعي هههخخخخخخ

 

[ام منوره]

هلا حبيبتي الطموووشه ... الله يرزقج بالزووج الصاااالح اللي تلقيين معااه أجوبه على كل أسألتج خخخخخخ...

شووفي انا بقوووولج ... انا وحده من اللي كانوا يهتموون بأنفسهم قبل الزوااج اكثر ... وترى احب زووجي وزوجي يمووت فيني ... بس هالشي لاسباااب واجد ثانيه مالها دخل بعلاقة الزوج بزوجته ... يمكن لها علاقة بطبيعة الزووج ...

اول شي انتي المفرووض ماتحطيين في بااالج انه الزووج يعني ميك اب وكشخه ووووو ... ترى مو كل الرجااال يحبوون هالاشياااء ... بعلمج عننني ...

تخيلي انا كننننت فن مو طبيعي بالمييك اب .. والمكيااج علي حلوووو يجنن ... اول اسبووع ملكه قاالي زووجي ... عيني عليه ترى انتي بدووون ميك اب أحلى بواااااااااااجد ... صار مكيااجي بس كحله وبلاشر ورووج وردي خفييف ... صرت انا اصلا مااحب المكياج ع رووحي .. كرهني فييه ...

تخيلي ألبس من الاروااااب والمشخلع والمخلع اللي لو تشوفيينهم تنهبليييين ... الا يقوولي في اول شهر زوااج عيني عليييه ماابييج على طوول مشخلعه مااابي اتعود على جسمج ... خليني اذا بين منج شي تطلع عيووني علييه مايصير عندي عااادي .... اذا لبست الرووب عاادي عنده ... وتعالي شووفيه اذا لبست جينز وبدي ... والا بيجامه عاااديه عشاان التنظيييف والطبخ

والا اللي موتني ضحك اني ارووح دوورة دينيه .. ولازم ألبس مريووول خااص .. طبعا نفس مراييل المدرسه شي نفس الجلابيه .... وانا جاايه توني فسخت عبااتي ... الا انفتح زراريين من ازاريير الجييب حق المريووول ... الا اشووفه يبتسم لي ابتساامة ماكره ويقوولي يلعن ام الاغرااااااء .... انا تسدحت في الارض من الضحك ... هذا اغرااااء ؟؟

والامثااال شكثرها ...

نجيييج لجاانب ثااني ... واهوه جانب الحجااااره ويعني أني اغااااار ...

انا وانا بنت الكحلة ماتطييح من عيني ... والجزم انوااع الانااقه ... والعباياااات بأحدث الموضااات ... الحييين الكحل ممنووووع اذا جييت بطلع مايبي حتى أثر ... صار بس شغلي الشاغل امسح في هالكحل وارجع احط ... هونتتتت عه كرهته حتتتى ... ولاازم تطلعيين وانتي لابسه جواااريييب ... فطبعا مو كل الجزم يصلح معاها جواريب يخترب الموديييل ... صرت اختاار الجزمه اللي شكلها مقبووول مع الجوارييب :eh_s(2): << تحطيم صح ؟؟

طيب حاطت لي خزاامه ماادري زمااام مادري شتسموونه ... اذا جيتي تطلعيين شيليييه .. ماابي احد يشووفه علييج .. ملفت للنظر ... صار ماشغلي الا اشييل واحط ... ليين عفته ... شلته ولا رجعت حطيته ...

غيير عااد انه وانتي بنت فااضيه لاشغل ولا مشغله .. بس تراقبيين كم حبة طلعت بوجهج وكم شعره طاحت منج .. وطيراان ع المستشفى ههههههه ... الحييين بيييت وزوووج والبيبي بعد اذا جا اسم الله عليييه ... زييين تنامييين بس ...

تبيين بعد أسباااب والا خلاااص ؟؟؟ خخخخخخ

معاااااج بكل كلمه جنج تكلميني عني

 

[ام منوره]

والللحين برد احط ميكب خفيف لاعت جبدي عالاقل كحله اخيرا سكت احط واهو مايدري خخخخخخخخخ يدري بس مل من كثر مانعيد الحجي وزعل واطنقر قام يطوف بس للحين مايرضي شي يلفت مثل كعب مثل ملافع ملونه مثل عبي ملونه

 

[shy rose]

شوفي ياقلبي هو على حسب البنت وانشغالاتها وظروفها
انا بتكلم عن نفسي بصراحة احب اهتم بنفسي كثير وعنايتي الشخصية واحب اقرا عن الجمال وسويت ليزر عناية ببشرة وسويت ليزر ازالة شعر < هذا بالنسبة للنظافة
بالنسبة للمكياج مستحيل اروح الدوام من غير ميك اب لازم احط والبس اكسسورارات بعد واستشور شعري
وبالنسبة للبيت احط خفيف عشان زوجي والبس بجامات
يعني باختصار مهتمين لاننا نروح ونجي وطلعاتنا كثيرة فنحطها حرتنا بالاسواق

 

[yam_yam]

اللي هي كشخه و اصلا تلبس و تمكيج مايفرق عليها الوضع بعد الزواج

 

[شذى الحب]

ابا

 

[om . alzeen]

مثل ماقالو البنات يمكن زوجها مايرضى يغااار


وعن الحف انا اعرف بنت قريبه حيل مني زوجها لو تقوله بروح الصالون مايرضى الا وين ووين دعله وحجر يقول لها شيلي بالبيت انزين في اماكن مثل الوجه ماتعرف تشيله بالبيت شلون يعني !!!


فالله يكون بعونها

 

[امـ خــزامـى]

واالله قبل ببيت اهلي فاااااااااااااااااااااضيه لاشغله ولا ممشغله

ماغير اشوف وجهي وبلعي ووين اروح

بعد الزوااااااااج

اه بس بيت وطبخ وتنظيف وغسيل

هذا غير المشاااكل ووجع الرااااااااااااس


ليش مسغربه حبيبتي ؟؟؟؟

انا بستغرب اكثر لو بشوف بنت ماكشخت مو متزوجه

 

[سارة ة]

شكو احط مكياج بالجامعه
كيفيها البنت يمكن ماتحب المكياج او ماعندها وقت تحط
بس سالفه الحف هذي ضروريه

 

[فراشة الرغد]

انة متزوجة ونفس الشي استغرب اذا وحدة متزوجة
هىملة نفسها بشكل علامة استفهام ..
واللي يكسرون خاطري اكثر .. اذا وحدة حلوة ورشيقة
انصدم لاشفتهى متنانة وايد و عافسة بنفسها كانها كبرانة وايد

بس عن نفسي كل من يشوفني يقولي حليانة
بعد يومين اكمل سبع سنين زواج وعندي اثنين يهال

 

[دانة_ دبي]

مرات روتين الحياة و العيال و الشغل يخلي الحرمة ما تكشخ وايييد
بس هذا ما يمنع انها تتعدل و تسنع و مو عذر لها

 

[mrs.abk]

شوفي ما بحط لج احتمالات كثيرة .. بس بخبرج نقطة وايد بنات يغفلون عنها في الحكم على هذا الموضوع تحديدا .. هي مسألة الوقت ..

أنا موظفة ومتزوجة وساكنة بروحي وحامل .. + ما كان عندي شغالة .. تصدقين يا دوب كنت أقدر أحط عنايتي .. وأححط بودرة وكحل وماسكرا ..

كنت ما أصدق يوم ريلي يروح يصلي أركض أرتب شكلي عقب أغسل المواعين وعقب أشغل الغسالة ..

يعني والله تستوي الحياة ركيض بركيض ..

يوم يبت شغالة بديت أتنفس .. ومع ذلك لأن سياستي إن ما تخدم ريلي بأي شيء وأنا موجودة تلاقيني أنا أطبخ وأنا أشرف وبعد الوقت يضيع ويا دوب يكون شكلي مرتب ونظيف ومتعطرة ( لدرجة حاطة واحد من عطوري بالمطبخ أترشرش به على السريع)!


ما بقول لج المزاج ولا ريلي ما يحب ولا غيره وغيره .. أنا أساسا أغطي ويهي لا طلعت من البيت لكن أحط ميك أب تحت الغطوة يكون لو قعدنا بمكان برايفت أرفع غطوتي وأكون كاشخة جدامه .. بس مثل ما خبرتج تمضي الحياة الزوجية برتم أسرع من حياة العزوبية بسبب وجود شخص ثاني معاج تبين تقضين معاه وقت أطول وغالبا الزوج ما يحب الانتظار ويمل في ربع ساعة فما يمديج

 

[Artq8]

اول شي الزواج مو كله وناسه و في بنات في بدايه زواجهم تحوشهم صدمه مو من الزوج من المسؤليات قبل الزواج عندها الي يضرب ملابسها اوتي و الي يغسلهم و الي يعدل غرفتها بعد الزواج بتكون مسؤله عن غسيل و كوي و طباخ و غسيل صحون و تنظيف بيت فاعتقد مجرد فترة و راح تقدر تنطم امورها و في رياييل ما يرضون حريمهم يروحون الصالونات و لا تحط مكياج برة البيت و يبيها كشخه له و برة يبيها مستورة ما تغري لان ما يحب ان حلاله يطالعه الغريب و بس ... و الزواج قسمه و نصيب بس ايي نصيبج ان شاء الله راح تنفتح نفسيتج على الاخر ?

 

[ليدي بجد]

يعني لو قلنا لك الزواج عادي يسوي كذا واكثر ما بتتزوجين!!!!


مدري ليه بعض البنات يحسبون الزواج عباره. سهرات وليالي حمراء طووووول الوقت ولبس إغراء ومكياج ووفرح وسعاده !!!دار دعاره مو زواج