ليش آلبنت قبل لا تتزوج تكششخ وبعد آلزواج [ آلعكس ] !! دخلوآ وشوفوني شنو آقصد =)

[sweet-kamelia]

يمكن زوجها يغار عليها ومايرضا تحط ميك

وبعدين عالحواجب يمكن تابت البنت وماتبي تحف

 

[سيلينا]

ترى الاغلب انه اهو مايرضى تحط مكياج

فيه وحده توها متزوجه شايله الكياج شيل مالها اسبوعين متزوجه كل يوم يقولها ريحةالمكياج مو حلووه
ومن يقولج انج بالمكياج حلوه من غير مكياج احلى لين البنت قامت تحط اسم مع انها توها عروووس

يمكن اهو مو راضي وبالنسبه وجهه كانها مريضه يمكن مو مرتاحه معاه او شي من هالنوع او زادت المسؤليه عليها
فتره وترد نفس قبل بس بالبدايه الوحده ما تستوعب الوضع الجديد الي اهي فيه​

 

[LuLiTa]

اهو في ثلاث اسباب ::

يا انها اول تكشخ عشان تجذب الخطاب و لما تزوجت انتهى دور الميكب و الكشخه


او انها ريلها حجر و ما يرضى اتحط ميكب


او انها للحين ما تأقلمت عـ الوضع

 

[انا لحبيبي .]

فديييييييييييييتكم وربي نفر نفر وفديت ردودكم آلذوق ... مقنعه آلصرآحه ! ​

وفديت الطموشآآآآآآت بعد حلآتهم ولله :** ​

بس البنت شخصيتهأ صآرت نطوائيه وكله تعبآنه ​

مآكآنت جذي !!!!! ​

وكل مآآسآل وحده شلون الزوآج آتقول مو حلووووووووو ولا وحده قالت لي حلو >> يآويلتي ويلتآه عقدونآآآآآآآآآآ ​

يمكن يخآفون من الحسسسسد ! بس شدعوة مو لهدرجه !!!!!!!!​

حبيبتي يلي مبسوط بزواجه بحكيلك انه الزوااج حلو

ويلي مو مبسوط بحكيلك انه الزوااج مو حلو ، وبالفعل في ناس بحكو مو حلو خوف من الحسد

انتي ماعليكي بحد اصابع ايديكي مو حلها نفس الشي ، هالشي بختلف من بيئه لبيئه ومن بيت لبيت ومن عادات لعادات

الله يرزقك يارب بالزوج الصالح واشوفك منزله موضوع بتكتبي انك مبسوطه :d

 

[noo7a]

وااااي
لاتذكريني اول ايامي بالجامعه بعد ما تزوجت
كنت توني عروس و طلعات و سهرات لي الفير انام بعد صلاة الفير
ما يمديني احط راسي عالمخده الا ررررن رن المنبه الساعه 7 عشان اقوم و اقعد ريلي للدوام
واااي وين فيني حيل اكشخ من صباح الله خير

 

[om MaRyooM]

على حسب شخصية وطبيعة الوحدة


والنظيف نظيييييف ان كان متزوج او عزوبي

 

[Time out]

انا اتوقع ريلها ما يرضى لان انا جذي ريلي ما يرضى احط الكحلة من تزوجنا ولي بغيت اطلع معاه يوقف فوق راسي يمكن احط شي من وراه وحتى بالعباية لازم ما فيها اي شي يبرزها اسود في اسود اطلع جني امبهدله بس انا ارتب حالي بنظافة عبايتي ولفتي وما يكونون معفسين اضربهم اوتي واذا قتله ودني الصالون يقول حق شنو ما فيج شي يعني مناشبني على كل شي

 

[نونه العنونه_H]

حتى انا لاحظت هالشغله وااااااااااايد

 

[لميني ياضلوعه]

ممكن حبيبتي تكوون مرتبه عمرها في البيت بس لما تطلع ماتهتم كثثييير اكوو بنات جذي يملون من الميك اب في البيت لزوجها والدوام يكوون فترة نقاهه ههههههه

 

[*رآقية*]

انا جذي قبل عرسي كنت توووووووووووووب
بس بعد عرسي تكسلللللللللت
لانج انتي لما تلقين واااحد يشجع راح تستانين وتبدعين
حتى لو كنتي ملكة جمال العالم
بس نص الرياييل برودهم يبط الجبد
بدايه العرس شي وبعد جم شهر شي ثااااااااني

" ع قولة ماجد المهندس (( وشلون الورد يعيش من دووون سااقي))......"

 

[قلبي محمد]

انا طموشه
بس ان شاءالله اتزوج عن قريب
انا عن نفسي ما اطلع من البيت الا وانا كاشخه لاااازم
حتى حق الدوام ...لدرجه ان البنات يقولون لي ما شاءالله عليج دايما كاشخه
وهم احط ميكاب ..بس مو اوفر
ولازم لبسي يكون مع الاكسسوارات المناسبه له سواء ساسله او خاتم
وان شاءالله بعد الزواج هم راح اظل جذي لاني واايد احب اهتم بنفسي ودايما احب ان يكون شكلي حلو

 

[ام سعود ديكسون]

يمكن ريلها ما يرضي تكشخ ذيك الكشخة اللي تلفت الانتباه او مانعها تحف>> له راي ديني بهالشغلة
بعدين تقدر تخش كشختها حق ريلها و بيتها مو شرط تكشخ بالكلية / او الدوام
و ترد البيت تلبس بجاما و تمسح مكياج و تقعد ابيض و اسود لول

لا تتعقدين توج صغيرة باجر تتزوجين و تعرفين الزواج مو مظهر و بس
اهو مسؤولية و نضج

 

[black_arno0oBa]

لووووووول عجبتني المقدمه وايد اسباب يمكن تكون حامل وتتنسى او يمكن يكوووون سي السيد مايرضى تحط ولا شيء ومن النوع الي قز وايد يدقق ويكرها عيشتها انا اول ماتزوجت وايد كنت اطلع ويهي اصفر لان زوجي كان دعله بس الحين عادي تدرين عموم الشباب بالذات لما يتزوجون صغار يكوووون شاد حيله ويغار اكو تكون ملت مكياج بالصبح ومكياج العصر وبالليل ف الكليه مو من الوياتها بتحط بحزه ثانيه ولا تنسين اغلب البنات تحط الصبح والعصر ولا بالليل مايكون عندها مناسبه عشان ترد تحط مره ثانيه ووايد بنات لا متزوجين ولا شيء تيييهم ايام يكووونووون هلاقه ومالها خلق لان عليها الدوره او مستعيله او امتحان وتقبلي مرووووووري :eh_s(7):

 

[شقرديه كيوت]

أخاف البنت وحام ومالها خلق

 

[جوانا2010]

اكيد كل وحده لها اسبابها والمسؤليه تزيد اذاتزوجتي مو زي وانتي بنت.........

 

[الزين كله.]

كل وحده وحسب زوجها يمكن مانعها عن الميك اب

 

[دلع انثه]

أنا بعد ملاحظه بعض رفيجاتي تغيروو عقب الزواج والسبب يقلون وراي طباخ وشغل بيت لووووول بس هم لازم تهتم بروحها حق ريلها مو تنظف البيت وتهمل روحها وآخر شي الريال يروح يدور ويلعب برى بيته وتقعد تلطم

 

[بـشـرى]

باب يجيك من الريح سده واستريح


ااذا المكياج من وراها مشاكل لا والله عني ما حطيت ؟؟؟


ومع الايام ترى بيطخ ...

 

[جولينار]

بالعكس انا اشوف اللي تتزوج خصوصا بالجامعة تهتم بنفسها اكثر لأنها عرووس والأنظار عليها حتى بالجامعه

وبعضهم اذا عدت 5 شهور او سنه خلاص يدوب تصحى وتاخذ دش ع السريع وتلبس وتجي للمحاضرات

تعرفين طبخ ونفخ وبيت وزوج وغسيل وكنيس

خصوصا لو زوجها دقة قديمة يبي البيت نظيف ع طول وملابسه جاهزة ع طول والطبخ مافي من برا


الزواج لاتسأليني عنه هالايام زعلاااااااااااااااانه من زوجي مرررررررررررررررررره

 

[زوجة عزيز]

سبحان االلي يغير ولا يتغير وكل انسان اتيي له ظروف و في بعض الاوقات مالهم مزاج يعني اشدعوه الريايل يبون زوجاتهم 24 ساعه متكشخات واهم مايكشخون ولا يدرون الكشخه وين واشدراج فيهم يمكن بالبيت يكشخون ويمكن مايبدون زيناتهم الا لازواجهم وهذا احسن شي في البيت بينها وبين زوجها