ليزر فيلبس المنزلي

[موزة ام فارس]

ماجربته واحس مو مثثل مال العيادات
اشلون طريقته بالضبط ؟؟

 

[Um 3aBooD]

أنا عندي الجهاز تقريبا صارله سنه ونص خذيته من لندن قبل لا يوصل الكويت والحين موجود بالغانم أذكر كان ب 200 دينار بس البنات يقولون انه الحين 150 عشان فبراير

المهم انا بلشت ليزر بالعياده وخف الشعر وماحتاج أروح العياده وايد عشان جذي خذيته

اهوا طبعا أقل قوه من ليزر العيادات عشان جذي استخدامه آمن وحاطين بالكتيب انه ممنوع تستخدمونه على الوجه بس انا استخدمه حق ويهي لان ادري انه اخف من ليزر العياده ف ماراح يأثر وطبعا الألم اقل ب 10000 مره من ليزر العياده الا الاماكن الي فيها شعر كثيف وطبعا يعتمد على الجسم وقوه تحمل الألم

في انواع وايد ليزر منزلي وكل نوع يختلف عن الثاني : ميزه هالجهاز انه ينشحن لي مده ساعه تقريبا ويعطيج ربع ساعه اذا استخدمتي متواصل بدون واير الشحن عشان يكون التحكم اسهل وعندج عدد محدد من ضربات الليزر حسب ما اذكر 90،000 ضربه ليزر ومن بعدها سلمي على الجهاز يعني خلاص قطيه .. في اجهزه ثانيه تتبدل الاضاءه مالت الليزر ف ما تقطين الجهاز بس هذا لان رخيص ف يعطيج عدد محدد

الجهاز يفيد البشره البيضه والي شعرتها سوده سميكه و ماينفع حق البنات الي يكون لونهم غامج وشعرهم فاتح وخفيف

بالنسبه حق النتيجه: اذا كنتي تستخدمين الليز اول مره راح تلاحظين الفرق بعد جم جلسه وحسب جسمج بس بالنسبه لي لان جربت الليزر الأقوى ف احس انه وايد خفيف ولازم اسوي كل شهر بس عالأقل ما احتاج آخذ موعد واطلع من البيت واحلى شي فيه انه بدون ألم

الي تسأل عن طريه استخدامه : تقدرين من بعد ما تشيلين الشعر بالشفره تسوين ليزر على طول لان اذا كان في شعر راح يعور وتطلع ريحه حرق . وفي مع الجهاز نفس فوطه صغيره نفس الي تي مع النظاره تنظفين فيها الليزر مكان الاضاءه بعد كل استخدام


انشالله اكون فدت الكل واذا عندكم اي سؤال انا حاضره
​

 

[زينه البنات2012]

ااب توه وحده حاطه الموضوع

 

[روج لاميعي]

فيه نوعين للجسم و للجسم والوجه

طبعا الثاني احسن

في بووتس موجود والصيدليات الكبيره

اااااب لعيونج

 

[جالوس]

بنات الحامل تقدر تستعملة او لا ما يصير

 

[منال $]

ام عبود
معلش يعني انتي تنصحينا ناخدة او انسي

 

[lovely lovely]

يبيعونه بصيدلية بوتس ذاك اليوم شفته وسعره 150 دينار بعد الخضم عشان العيد الوطني وسعره الاصلي 200 دينار
وتقول راعية المحل انه مثل نتايج العيادات بالضبط
واستعماله سهل
مادري حلوه التجربه يعني شخسرانين جربوا
على الاقل يخفف الشعر

 

[طيبة83]

في موضوع في هذي القسم عنه

في بنات تمدحه وبنات لا

وفي الانترنت يمدحونه بس يقولون نتايجه بطييييييييييئه لانه ضوء مب ليزر وقوته خفيفه لازم تكررين استعماله كل اسبوعين

انا كنت معزمه اخذه وهونت اخاف مع كثره التكرار ياثر على جلدي ولا شي الليزر 6 جلسات وانتي مخلصه

 

[Um 3aBooD]

بنات الحامل تقدر تستعملة او لا ما يصير

في دكاتره يقولون عادي لانه خفيف بس طبعا المناطق البعيده عن البطن يعني من الركب وتحت واليد والويه.

س مستحيل كل الدكاتره يتفقون على انه عادي تستخدمه الحامل

 

[Um 3aBooD]

ام عبود
معلش يعني انتي تنصحينا ناخدة او انسي

انصحج اذا بشرتج فاتحه وشعرج اسود وسميك واذا تبين مناطق معينه لان صعب تسوين كل جسمج فيه, يبيلج 3 ايام لان يخلص الشحن بسرعه ولازم كل شوي تشحنينه