لو يسألونج ناس بيخطبون شنو تقووولين

[7andoosa]

الصراحه قبل جم سنه لو سالتني هالسوال جان قتلج .. لا و الله بكون صريحه و بقول شفيها هذا زواج ...
لكن الحين .. لا ... بحاول ادور الاشياء الزينه فيها و اقولها و امدحها حرام اوقف نصيبها ...
لان محد كامل للاسف حتى انفسنا مو كامله ... و يمكن البنت مع الايام اتسنع ....
لان حرام نظلمه على صفه وحده ... اكييد فيها اشياء واااايد زينه ...

 

[مشتاقة لاهلي]

لوو احط نفسي مكانج ما امدحها حيل ولا اذمها حتى لو شايفه منها شي @
يمكن تدور الدنيا @كما تدين تدان @

 

[الحلللوه]

يووه مرا صععبه

 

[Noor AlQ8]

لو اني مكانج ماقول

امدحها او اقول علاقتي فيها سطحية

 

[المـــــها]

لو كان فيها عيب و مو زينه
راح أقول معرفتنا سطحية الله أعلم

 

[عادت ذكرياتي]

موقف صعب شوي ..

 

[یاقوت]

انا راح اقول ماعرفهااااااااااااااااا

 

[لبيه يا شووجي]

اكيد بقول مادري لانو اذا قلت الصدق يمكن اقطع رزقها >>وانا اعرف نفسي بعدين اندب حضي واقوول ليش انا
سوييت في البنت كذا حرآآآم ياربي انا قطعت رزقها ووالخ
اما اذاقلت والله فلانه ماااحلى من اخلاقها وتـــهبـــل يانااس وكذا برضو نفس الشي ماآآيجوز >>لاني غشيت الاوادم
{فالاافضل والاحسن اني اقول البنت ماأعرفها عدل واسألو غيري}
وبكذا بريت ذمتي من الصوبين

 

[D a m a s]

رآيي من رآي البنآت بقول علآقتي فيهآ سطحية وبذكر الإيجابيات اللي أعرفها فيها بشكل عآم

 

[jowls]

لاحرام أقطع نصيبها يمكن الله يهديها لي تزوجت اقول عنها كل خير

 

[عظيمة الشان]

هلا حبيبتي

سمعي لازم تقولين الصج بس اذا عيب خفيف وبسيط عادي تسكتين عنه تطنشينه

بس انه اخوي خطب وحده يوم سال قالوا له زينة طلعت عقب

لعاااااابه وكلللش مب زينة ليش لان مدحوها وغطوا عنها واخوي انجرح وانكسر قلبه

حرااام والله حرام لازم تقولين الصج او انه تسكيتين خير شر

بس لاتقولين زينة واهي مكلش مو زينة

تحياتي​

 

[الجو رايق ~]

بصراحة هم اكيد بيسألوني عن اخلاقها اهم شي مستقيمة
ومالها علاقات ولا تدق حنك مع الموظفين او االي يتصلون على المكتب
يعني متأكدة من ثقلها وادبها وانها تقدر تصون الزوج ليش لا
بقول زينه عاد تحش ياكثر الي يحشون
ليه اصد الي بيخطبونها على شغلة انها تحش ولا بخيلة
الله يهديها مايندرى يمكن الزواج يغير فيها اشياء

هذا رايي انا ..

مشكورة
​

 

[الغلا كله لبوي]

انا راح اقول علاقتي فيها سطحيه
لانه يمكن مع الايام او الزواج راح تتغير

 

[Tom ♥ Jerry]

.،


لو انا متأكده أنه فيها هالـ عيب 100% !
الصراحه رآح آقول لانه اذا مآ قلت رآح يتوهقون الناس فيها
و ذنبهم بيصير في رقبتي

 

[Ray.Bana =$]

اقول اللي اعرفه عنها الساكت عن الحق شيطان اخرس هههههههههههههههههههههههههآآي

 

[shai5at al3arab]

تقولين الصج بهالموقف تجوز الغيبة

بس تقولين اللي فيها بالضبط من غير زيادة

 

[a7la-elbanat]

أكيد بقول الصج
انسانه حقوده او نمامه او مبذره او اخلاقها موزيينه ليش اوهق الناس فيها وباجر يدعون علييي؟

لايبا اقول الصج واريح نفسي واريح الناس والارزاق بيد الله
واذا اهي شينه راح تاخذ اللي مثلها واذا اهي زينه الله بيعوضها خير

 

[عروس مطيريه]

أقول الصراحه ..
ليش أجذب عالناس ؟​

 

[ṦάЯỢηά ĚŁђĻώạ]

صراحة عن نفسي اناا اقوووول الصرااحة

 

[دنياي وشفيها]

امشي بجنازه ولا تمشي بجوازه