لو يرجع الزمن تختارين نفس تخصصج والا تخصص ثاني ؟؟ تعالوا خلونا نتناقش

[شوكولاته وردية]

UpUpUpUpUpUpUp

 

[طبعي مزاجيه]

مشكوره شوشو

وينكم بنات خلونا نشارك شوي

 

[طبعي مزاجيه]

ااااب

 

[ام حديجان]

:eh_s(8):

تخصصي ( انقلش / تربية )

لو يرجع فيني الزمن ..

ادش آداب / انقلش

لاني كارهة كلية التربية

والاداب مجال التوظيف اوسع

ولهمم مساند مفتوح اقدر اخذه برا الكلية واتوظف عليه اذا بغيت

بعكس التربية :eh_s(1):

..


شوكرا عالموضوع القميل

 

[غلا دنيتي جابر]

(تربيه -تخصص كيميا / بيولوجي)

انا حولت من العلوم لي التربيه بس علشان هالتخصص

ادري بتقولون هالتخصص موجود بالعلوم بس انا احب التدريس

يعني لو ارجع ورى
ادش التربيه على طوول بدال الفلم الهندي الي سويته هع

 

[~.ąvȍƈaȚ.~]

لو يرجع فيني الزمن لي الثانوية جان تخصصت علمي مو ادبي

و لو يرد فيني الزمن لي الجامعة جان اخترت رغبة اولى حقوق مو ادارية

دخلت ادارية و حولت حقوق

دان ما ضيعت سنة علي

بس بالنهاية الحمدلله على كل حال و اللحين انا مرتاحه

 

[قطوووة]

تخصصي علوم صيدلانية

احبه حيل .. ولو يرد الزمن مااغيره

 

[moo-0-oon_14]

انا كنت كلية البنات وحولت اجتماعية تخصص جغرافيا gis
ولو رد فيني الوقت ادخل هندسة ):

 

[honey lust]

تخصصي تمويل و يمكن مو اكيد لو يرد فيني الزمن اتخصص محاسبه

مع اني ما اواطن هالتخصص عشان جذي قلت يمكن بس اكتشفت ان اكثر تخصص مطلوب حزة الشغل و من اول ما تتخرجين

ينزل اسمج بالديون

 

[وحشني شوف الكويت]

السلام عليكم ..
بالنسبه لي قبل اتخرج من الثانويه كنت محتاره اي تخصص اختار ،/
بعدين لما فكرت قلت انا الحمدلله اكثر ماده اجيب علامات مرتفعه فيها هي الانجلش
وكمان أحبه يعني كويس لو اتخصص بـ شي احبه عشان أبدع فيه !
وفعلن بعد ماتخرجت دخلت التخصص اللي ابيه !
بس ما أدري ايش جاني سبحان الله

ماتوقعته أبدن بهذي الصعوبه ! وكمان حاطين الترجمه و الأدب مع بعض ! يعني تدرسينه كله سوا ! جد إنصدمت ! لأنو اللي اعرفه إنتي تختارين تدرسين يا أدب أو ترجمه مو كلووو سوآ :eh_s(14): و من أول مدري ثاني سيمستر يقولو لنا يلا اكتبو تعابير طويله وهم اللي يختارو المواضيع ، فا هنا حسيت إني غرزت شوي
فا درست سنه ونص بعدين فكرت أحول لجامعه ثانيه بس نفس التخصص !
فكرت فكرت قلت ماله داعيه اعيد التجربه وتصير فاشله مره ثانيه الانجلش أمره هين إذا حبيت آخذ دورات و أستفيد زياده مو لازم أدرسه دراسه و حاله
بعدين قالت ماما بما إنها مدرسه بجمعية الاطفال المعاقين ، إنو ليش ماتحولين لـ قسم "تربيه خاصه"
قلت معليش ما احس إني راح أقدر أمشي أنا من النوع الذروق يعني ما أحس بيقوى قلبي

قعدت تقنعني وأنا قعدت أفكر و توكلت على الله ! جبت واسطه

و رحت جامعه ثانيه و سجلت تخصص "تربيه خاصه" والحمدلله ماشيه فيه انا الحين ليفيل 6 مسار "تخلف عقلي" والأمور للحين تمام ومرتاحه فيه ، وبعدين لما اقيسه من جانب ثاني أقول يكفي إنو تخصص إنساني يعني الحمدلله هذا شي مرا حلو

قلت قصة حياتي ميخالف السموحه :*
الله يوفقني يارب و يوفقكم جميعن وتتخرجون بأعلى المعدلات

!


​

 

[طبعي مزاجيه]

يعطيكم العافيه وماقصرتوا بالردود اللي تبرد على الجبد،،،

ااااااااااااب

 

[نور النـور]

انا علمي بس ميووولي حيل ادب وفنون

فا تخصصت تربية موسيقيه , ولو يرد الزمن هم بختار تربية موسيقيه لان حييل احب تخصصي واحب دراسته

 

[طبعي مزاجيه]

عسى الله يوفقج نور

 

[shai5at al3arab]

حلو السؤال ويبجي بنفس الوقت

انا دشيت شريعة واتخذت قراري بتعجل ومن غير تفكير

مع انه معدلي كان عالي وكنت ناجحة بقدرات الانجليزي والرياضيات من اول مرة

ولو رديت اختار كنت راح اختار الهندسة

قدر الله وما شاء فعل من اتذكر قراري المتسرع يعورني قلبي حدي ودي ارجع ادش الهندسة

بس الحين تخرجت وخلصت الجامعة ب 3 سنوات ونص واشتغلت

بس ما احس ابدا اني حققت طموحي

حتى لما افكر اكمل ماستر انصدم انه كليتي كلها واسطات للاسف

خليها على الله

 

[طبعي مزاجيه]

لا حول ولا قوه الا بالله

يابنت الحلال يمكن الامر خيره

وعسى ان تكرهوا شيئا وهو خيرا لكم

ماتدرين وصدقيني هذا اللي الله كاتبه لج واذا تبين شي الله مو كاتبه لج ماراح يصير لو شنو

الحمد لله على كل حال

واسعدني مرورج

 

[FoFa stylish]

انا تربيه تاريخ مم نظرا احب التاربخ ما اقول مو حلو ماشي حالي بس انا ضد فكرة التدريس و هي رغبت اهلي
لو يرجع الزمن اختار اداب تاريخ او الرغبه الاولى حقوق

 

[طبعي مزاجيه]

حلو التاريخ وموفقه باذن الله

نورتي موضوعي

 

[طبعي مزاجيه]

تصدقون انا ملاحظه اكثر الردود يكونون داشين علمي وميولهم ادبي او العكس

ادبي وميولهم علمي سبحان الله يعني طلعت مو بس انا بروحي انا ميولي ادبي بس للاسف تعبت نفسي بالعلمي

الحمد لله على كل حال

 

[shai5at al3arab]

لا حول ولا قوه الا بالله

يابنت الحلال يمكن الامر خيره

وعسى ان تكرهوا شيئا وهو خيرا لكم

ماتدرين وصدقيني هذا اللي الله كاتبه لج واذا تبين شي الله مو كاتبه لج ماراح يصير لو شنو

الحمد لله على كل حال

واسعدني مرورج

حبيبتي اي والله الحمد لله علىىقضائه وقدره .. الحمد لله الف مرة .. بالعكس دوامي الحين حلو والكل يبي يشتغل فيه ..

 

[~ miss NERD ~]

و الله لي الحين توني مستجده
خوش موضوع