لو معاج وحده بالقسم نفسها شلون تتصرفين

[zena80]

اكثر النجره والهواش اللي تصير بين الابلات على الاكل والريوق

علشان جذي قطييييييييييييييييييعه انا تلوووع جبدي

ومااحب اتريق بالمدرسة ولا آكل في المدرسة

اذا الابله مادفعت للريوق ناجروها

اذا الابله دفعت وطلبت ريوق من مطعم قطو عليها نغزات

اذا الابله قعدت تاكل معاهم يعيبون عليها وعلى طريقة اكلها

اذا الابله ماكلت من طبق ابله ثانيه حقدو عليها وقالو عنها محتره وردولها الحركة

اذا الابله ماكلت قالو عنها نفيسه ومتكبره

صج حريييييييييم ومايعجبهم العجب

زين اذا ما ابي اكل معاهم شنو اسوي احس احراج قاعده معاهم وماتاكلين

 

[مس لوتس]

انا كانت رئيسه قسمي جذيه بس تبين الصج اشعليكم منها تدفع ماتدفع يعني احرم نفسي منها ماعتبرها ولاحط لها وجود ناكل ونخليها وان كلت بميزان حسناتكم ان شاءالله

 

[ام طلال]

اذا على هالسالفة تهون ياما في مشاكل اكبر من جذي وبالعينها وساكتين

 

[cheese cake 84]

شوفي انا بقولج اهى غلطانه وماتستحي بس ترا مو ضروري عشان اهى بنت عايله معرووفه تكون مليييييوونييره ترا انا اعرف وحده عايلتها معروووووووووووفه وولا تشوفين منو يناسبووون عوايل تخررع بس البنت وانا اعرررفها مو بخلللل لاااا اهى تزوجت واحد عادي واهى موظفه عاديه مو مدرسه كلللللل لبسها من بوخمسه ومرات يخلص الشهر وتسلف من خدامتها على مايطلع المعاش يعني مو شرط العايله هذا شي الشي الثاني طلبوو على قدكم بالضبببط يعني قبل لاتطلبون بوجودها قولو منو يبي من المطعم ولا قولو كل وحده تدفع دينار حق الطلب وطلبو بالعددد بالضببببط لاتيبون زايد وان وصل وزعوا الاكل عليكم بالضبط ليين تحس على دمها وتييب ريوقها من البيت ولا تطلب معاكم الواحد يطوف مره مرتين مو على طووول شنو هذي نشف ماي ويهها

 

[غلاا الرووح]

قطيعه شالنفس اللي عليها !! اطلبوو بالحبه ولي جت تمد إيدهاا ما تلقى شي خخخخخخخ ما تسوى عليهااا

 

[كـــكـــاوة]

أنا عن نفسى زهقت منها وغسلت أيدى بصراحه صارلى بالتربية 14 سنة مامرت على وحده جذيه وخصوصا احنا الكويتين معروفين بكرمنا وأيدنا مفتوحه بس هذى كسرت القاعده ( لكل قاعده شواذ ) بس أنا أحس بهالأمور فشله بس ، الأخت اللى تقول أنا ما اـريق بالمدرسه عشان سوالف الحريم أنا معاج صح سوالفهم ما تخلص بس أنا طول عمرى استانس مع ربعى الصبح ولا عمرنا ضايقنا بعض ورئيسة قسمنا عسسسسسسسسسسسسل ومعانا وحده منا بس لما انضمت الحلوه احس الوضع تغير أول ..... وترى على فكره أنا لما قلت أنها بنت عايله معروفه أنا صاجه وما أعتقد ما عندها دينارين حق ريوق بس هذا اللهم ياكافى بخل الله لا يبلانا فيه وأهى للأسف حتى البنات عارفينها ...

الحمد لله الذى عافانا مما ابتلاهم

 

[هواجيس الفجر]

الله يعيييييينج انا عمتي معااااها وحدة ملوعه جبدها كل يوم تتهااااااوش مع الي بالقسم

انا مو موظفة بس والله احاتي مشاااكل الدوام من الحين من كثر مااسمع لووول

 

[فديت قلبه]

يبا خلاص اعتبروها صدقه عن اعماركم وعيالكم عدوها مسكينه << واهي فعلا مسكينه!!
يعني لو شايفه خير ونعمه ماتتصرف جذي ويابختكم في كل يوم بتنحسب لكم صدقه اذا احتسبتوها "في كل كبد رطبة اجر"
الحمدلله اجر وجا وانتوا مرتاحين شفتي النعمه؟؟
ويارب العفو الأكل نقطه كل يوم بهالهبل ندور من ياخذ بس.
بدال ماينقط خل تاكله بالعافيه واشتروا راحة بالكم وكبروا عقولكم ماله داعي احر نفسي
والاجر مايضيع عند ربج.. ريحوا نفسيتكم.. انسوها وعيشوا حياتكم الدنيا ماتسوى

 

[فله]

والله ضحكتوني هل أشكال هذي مرضى نفسييين

و الله ما آكل وأنا مو دافعة لو يحلفوون علي

حتى لو أكلت أقول لهم باجر الريوق علي كل بنت حمايل تسوي جذييه ما ترضى على نفسها الناس تدفعلها

هذا شي في نفس الوحده وكرامتها ما ترضى هذي الظاهر بخيلة ونفسها رخيصة وووووووووووويع عليها

بس هم ما أقدر أطردها وأقولها لا تاكلييين إنتي ما دفعت ما تسوى الوحده تتهاوش على النعمة مصاروة إحنا كويتييين

الملخص :-
لا تتعرضولها قطع واعتبروها صدقة

سيم شسم كلام انا

 

[البندري22]

عيل شتقولين عن مدرسه من قسم ثاني هاه ركزي معاي من قسم ثاني ايام التصحيح ترز ويها تقول ابي من اكلكم قسمي ماكو احد طلب وتاخذ المقسوم وتروح والايام هذي اللي ماكو تصحيح كلها لي العشر ونص ونروح بيوتنا بس تدري ان قسمنا يطلب ريوق ترز ويها تقول ابي وتاخذ وتروح ولاتدفع ولافلس

 

[البندري22]

بس اللي اتكلم عنها موكويتيه من جنسيه غير عربيه بلاد ماوراء الخليج مناااااك هذاك الصوب اييييه ايوا ايييه ايه هذاك

 

[معلمة انجليزي]

السلام عليكم
عندكم حليين
الأول ترفعون بنفسكم عنها وتحسبونها صدقه بشرط انكم ناوينها بقلبكم يعني مسامحيينها ومو ساكتيين لأنكم مستحيين وراح تحسيين براحه نفسيه
و الثاني انك تجينها قدام الكل وتقولين لها:
شوفي يافلانه كلمة تستحي منها بدها وحمار يوم ولا صفار دوم احنا مو عاجبنا سالفة اننا على طول نطلب وانتي ولامرة ذوقتينا ريوقك ولأننا نحبك وبنفس الوقت ما نرضا نصير حمير حشاك ينقص علينا والحق ما ينزعل منه
اذا تبين تكملين معانا لازم تلتزمين بالدور واذا ما تعرفين انا اعطيك الطلب والعنوان و الساعة ورقم التيلفون وانتي تدقين قبله بيوم وتتأكدين من وصوله ولا ريوقنا يتعذرك وهذا حق وما ينزعل منه !!!!!!!!!!
وطبعا يا راح تزعل وتبي احد يراضيها او بتقول ان شاء الله فقبله بيوم تذكرينها واحتمال يا تغيب فخلي غيرك يدفع وثاني يوم احرجيها وقولي ترى فلانه دفعت يا تقول ناسيه فلوسي وقوليلها انا ما معاي دبري نفسك واذا اخذت من احد اصري انه ترد الفلوس