لو معاج وحده بالقسم نفسها شلون تتصرفين

[كـــكـــاوة]

أدرى هالنوعيه اللى بتكلم عنها يمكن موجوده بكل الوزارات وبكل مجتمع بعد

بس لأنى مدرسه حطيتها بهالقسم ، طبعا خلصت السنه واحنا معاناة مع هالإنسانة حتى رئيسة قسمنا تقول هديت شغلى

الأساسى وقعدت لها بس الواحد شيقول بهالنوعيه من الناس ، حطة الريوق بالغصب طلعها بعد مارئيسة القسم تقولها ، وإذا

بنشترى شغله خاصة فينا حق القسم آخر وحده تتدفع وتنحش وتصدد ، يعنى صج صج تنرفزنا ، المهم تدرون الحين فترة

امتحانان وتصحيح ومراقبه قلنا كل وحده تطلب مطعم بيومها ورئيسة القسم سوت جدول وقالت جدام الكل رجاءا كل وحده

تلتزم بيومها وتطلب من الصبح عشان اللى وراها مراقبه وتصحيح ( طبعا الكلام بطريقه فيها جد وضحك بس كلنا عارفين

أهى تقصد منو )والكل التزم إلا أهى لدرجة مره قاعدين ننطر ويم شفنا مافى ريوق درينا دورها تخيلو الموقف بس حده

احراج طبعا بعضنا ساكت يستحجي يتحجا يوم شافتنا رئيسه القسم قالت دورها قلنا أى راحتلها بنفسها على الصف اللى قاعده

تراقب عليه وقالتلها اليوم دورج طلبتى قالت لأ قالتلها طلبى تصدقون ولا طلبت ، وطلعت وقعدت معانا ورئيسة القسم راحت

الإدارة صار عندها شغل وعبالها احنا تريقنا يوم رجعت الحلوه كانت طالعه تقولنا كليتو قلنا ولا شى ...قالت شتبونى اسوي

معاها أكثر من جذيه ، والمشكله لى طلبنا تقعد وتبلع عادى ،بصراحه لو بقول مسكينة وظروفها ماتسمح أقول ماعليه والله

العظيم بنت عايله معروفه حيييييييييييييل بس شهالبخل والشح اللى ما مر على أحد ،



لو معاكم وحده وسويتو معاها كل هذا وماتحس شتسون

 

[الجود دهن العود]

ووووووووووع صراحه بس خلاص خل وحده تصير جريئه وتقول انتي مو معانا بالقطيه ولاشي لأنج ماتلتزمين وخلاص

 

[كـــكـــاوة]

ووووووووووع صراحه بس خلاص خل وحده تصير جريئه وتقول انتي مو معانا بالقطيه ولاشي لأنج ماتلتزمين وخلاص

جم مره كلمتها رئيسة القسم جدامنا ، بس اهى احساسها ميت الكل يتحجي عنها اصلا لما نحط الريوق محد يناديها كلش ولا نعبرها بروحها تسحب كرسى وتقعد تخيلى بس لأى درجه

 

[منال القلب]

الغلط منكم انتوا بعد لازم تقولون الي ما يدفع ما ياكل

انا على ايام التصحيح كنت ما أكل وانطر ارجع البيت وماكنت أدفع ولا شي. بس لا اييبون الغدا ما أكل وياهم لأني مو دافعة هالشي

مافيه زعل. بس انه ما تدفع وتاكل هالشي غلط لازم تقولون لها ومبين انها بخيلة

 

[منال القلب]

الغلط منكم انتوا بعد لازم تقولون الي ما يدفع ما ياكل

انا على ايام التصحيح كنت ما أكل وانطر ارجع البيت وماكنت أدفع ولا شي. بس لا اييبون الغدا ما أكل وياهم لأني مو دافعة هالشي

مافيه زعل. بس انه ما تدفع وتاكل هالشي غلط لازم تقولون لها ومبين انها بخيلة

 

[شمووووع الليل]

فشلة\\\\\\الله يعينهاااا ويعينكم\\\\\\

 

[رماني زماني]

هي نفس قصة ابله من جنسية عربيه عندنا اا بنسوي بوفيه لابلنا وماتقط ويانا ولاتييب شي معاها من بره ولاترتب ويانا الطاولات عشان نحط البوفيه ولما نقول حياكم عالكل ياابلات اول من يرتز اهي؟؟؟؟؟؟؟؟؟؟؟؟؟؟

 

[فراولة حمراء]

واااي هالشخصية منتشرة للاسف تصدقووون قبل كنا نقول اذا شخصية غير كويتية تكون بخيله وصعب التعااامل معاها بس الحين اللي قاعد يحصل ان الغير كويتيات اهم احسن من بناتنا اللي منا وفينا
تدرين هالنوعية تبيلها حزم وجد وكلمة الحق ماتزعل ... باين اصلا ان هالانسانة مااكو احساس كلش.
وحدة فيكم ويفضل رئيسة القسم تسحبها على طرف وتقولهاا اذاا انتي مو حابة الالتزام بقطية رفيجاتج قولي مافيها شي وانتي عارفة ان اللي مايقط ماله حق بهالاكل وانتهى الموضوووع

 

[فراولة حمراء]

واااي هالشخصية منتشرة للاسف تصدقووون قبل كنا نقول اذا شخصية غير كويتية تكون بخيله وصعب التعااامل معاها بس الحين اللي قاعد يحصل ان الغير كويتيات اهم احسن من بناتنا اللي منا وفينا
تدرين هالنوعية تبيلها حزم وجد وكلمة الحق ماتزعل ... باين اصلا ان هالانسانة مااكو احساس كلش.
وحدة فيكم ويفضل رئيسة القسم تسحبها على طرف وتقولهاا اذاا انتي مو حابة الالتزام بقطية رفيجاتج قولي مافيها شي وانتي عارفة ان اللي مايقط ماله حق بهالاكل وانتهى الموضوووع

 

[tmtmt]

وييييه ..

خو كله بكر عليها يوم شدعوه ..
تطلب فطاير ارخص شي وبس ...

الله يعينكم بعد ما يهها منجب
اذا اشكه رئيسة القسم تقول وماكو فايده

اذا ما تبونها تاكل معاكم
طلبوا بالعدد حده حده

 

[غير كل الناس]

لو انا منكم اذا ريوقها اجيب ريوقي من البيت او اطلب لي ولا اهلك علي بو دورها قطيعه

 

[بحر الرمال]

هذي مو مشكله
تعالي اخذي فره ببعض المدارس و شوفي المشاكل على حقيقتها
اما عن هذي المعلمه طاف اعتبريها صدقه..شدعوه على لقمه موضوع!

 

[رفرف]

طلبو ع العدد وقولوا اشكره اللي ما تدفع ما تاكل !!
يعني لا تطلبون شي راهي .. بعد اذا ما تفهم الا بهالطريقة الله يعينكم ..

 

[بنت حمايل2]

والله ضحكتوني هل أشكال هذي مرضى نفسييين

و الله ما آكل وأنا مو دافعة لو يحلفوون علي

حتى لو أكلت أقول لهم باجر الريوق علي كل بنت حمايل تسوي جذييه ما ترضى على نفسها الناس تدفعلها

هذا شي في نفس الوحده وكرامتها ما ترضى هذي الظاهر بخيلة ونفسها رخيصة وووووووووووويع عليها

بس هم ما أقدر أطردها وأقولها لا تاكلييين إنتي ما دفعت ما تسوى الوحده تتهاوش على النعمة مصاروة إحنا كويتييين

الملخص :-
لا تتعرضولها قطع واعتبروها صدقة

 

[ديناا كوليكشن]

يامعودة احنا بنات خير ونعمة خلاص قلتولها اكثر من مرة

ما نفع اعتبروها صدقة لوجه الله بس ديروا بالكم لا تطردونها حزة الريوق

كلش ولا هالشى كل وحدة تسوى باصلها وترى هالاشكال اشكثر بالمدارس عادى تعودوا مثل ما تعودنا

 

[كـــكـــاوة]

والله الواحد شيقول الموضوع على قولت وحده من الخوات موضوع لقمه وماكو أكثر منا احنا الكويتين بالتبذير أنا قصدى هالنوعيه شلون تتصرفين معاها وهذى ترى من وجهة نظرى مشكله إذا البعض يشوفها عادى لانه لا الذوق ولا الزف ينفع مع هالأشكال ، عن نفسى ماودى اتجاوز رئيسة قسمى وأهى ماقصرت معاها جان بنغزات ولا أشكره ، بس أهى تحسب احنا عادى ماندري عن كلام رئيسة ااقسم معاها ، بصراحه أكره هالنوعيه وطيح من عينى ، أوكى مادفعين براحتج محد يلزمج نفس ماقالت وحده من الخوات بس هذى عندها احساس تقول ما آكل معاهم لأنها مودافعه لكن اللى مودافعه وترتز الظاهر ماباقى الا الطرد اشكره لانع كلنا صار هالموضوع يضايقنا لأنه متكرر باكثر من موقف ، بس هذا اللى حبيت أقوله

 

[كـــكـــاوة]

اللى قالو اعتبريها صدقه ( فعلا هذا اللى قالته رئيسة القسم اليوم ) لما حسن إنه عصبنا وتضايقنا وقالت كله واحد يتعامل مع الناس بأصله وأخلاقه ، بس أنا أحس تقهرنى أنتو ماتشوفونها شتسوي وشلون تبلع جنها دافعه بس موقادره اتكلم لأنه فى بالقسم ناس أكبر منى بالعمر والخبره وساكتين

 

[كـــكـــاوة]

والله الواحد شيقول الموضوع على قولت وحده من الخوات موضوع لقمه وماكو أكثر منا احنا الكويتين بالتبذير أنا قصدى هالنوعيه شلون تتصرفين معاها وهذى ترى من وجهة نظرى مشكله إذا البعض يشوفها عادى لانه لا الذوق ولا الزف ينفع مع هالأشكال ، عن نفسى ماودى اتجاوز رئيسة قسمى وأهى ماقصرت معاها جان بنغزات ولا أشكره ، بس أهى تحسب احنا عادى ماندري عن كلام رئيسة ااقسم معاها ، بصراحه أكره هالنوعيه وطيح من عينى ، أوكى مادفعين براحتج محد يلزمج نفس ماقالت وحده من الخوات بس هذى عندها احساس تقول ما آكل معاهم لأنها مودافعه لكن اللى مودافعه وترتز الظاهر ماباقى الا الطرد اشكره لانع كلنا صار هالموضوع يضايقنا لأنه متكرر باكثر من موقف ، بس هذا اللى حبيت أقوله

 

[ضحـاوي]

وياما حتشوفي من الدوامات وايد ناس نفس هالاشكال

فوق البخل ماكو احساس

 

[أماني الورد]

الله لايبلانا