لو كنتي مكاني، تتزوجينه أو ترفضينه؟

[منو انت]

من صجج شكو اجمل منج ترى لو تاخذين واحد اجلح املح بعد بيشوف نفسج عليه هذا عيالنا كل واحد فيه عيب هالكبر ويقول حق مرته انا احلى منج اقل شي المزيون لو قال احلى منج مايكون جذب * _ *

بس بتكلم معاج جد ترى مو سبب شكثر اعرف بنات اقل من عاديه او بمعنى اصح جيكررررررررررررره وزوجها احلى بمليون مره تحصلينه مزيووووووووووووون ومع هذا متزوجين وحياتهم تهبل ترى على النصيب اهم شي الاستخاره وخلي اهلج يدرسون اخباره وعلومه وتوكلي على الله

 

[الليدي ديانا]

لو انا اوافق بدون تفكير دام اخلاقه زينه و يبيني

 

[منقار نمله]

وااااااافقي دااااامه شارييكـ ...

 

[Tutti-Frutti]

حبيبتي ماله شغل

عمره ما كان الجمال مقياس لنجاح الزواج او استمراره

اعرف بنات مو بيض وازواجهم بيض وعيونهم ملونه وشقر
من عايلتنا بعد
والحياه مستمره الحمدلله ماكو مشاكل !!

اهم شي الاخلاق

لا تحطين هالسوالف فـ بالج

وافقي عشان عيالج يطلعون حلوين :d << عليج وعليه طبعا ياخذون الحلات من الجانبين

 

[آتعــبني غـلآآك]

الله يتمم لج على خير
وهو لو مايشوفج حلوه مافاتحج بالموضوع

 

[عاشقة هواك]

اهم شي الاخلاق حبوبة

 

[krkooora]

حبيبتي
لو اهوا يبي مرته شقرا راح دور على البنات الشقر
ماراح شافج انتي يالاسمرانيه !
اهوا حبج و حب شكلج مثل ما انتي
و انتي ماتدرين وين نصيبج يمكن مع هالاشقراني مو شرط تكونين شقرا عشان تصيرين مرته و تحسين موضعج بالعائله غلط
يا ماااااا عوايل شقر و سمر و سود و عادي الحياه سعيده !
و بعدين انتي قاعده تقليلين من نفسج من ناحيه الجمال ديييييييري بالج تروحين تقولين حقه انتى احلى مني بجذي راح تخسرين كل شي
و الناس بعقولهم و شخصيتهم مو بشكلهم و جمالهم

 

[زوجة عزيز]

الجمال مو كل شي حبيبتي استخيري اول واسئلوا عنه وربي يوفقج

 

[manal 4]

مشكووووووووووورين بنـــــات ما قصرتوا معاي

رفعتوا من معنوياتي فديتكم

إنشاءالله اليوم بعد الصلاة بستخير

و إذا ارتحت للموضوع راح أنتظر لين ما يرجع يفاتحني بالموضوع و يسألني عن رايي

 

[انوار87]

انا لو منج اوافق
انا ابوي الله يرحمه كان احلى من امي وكانوا عايشين حياه سعيده
واحسنلج خاله اجنبيه احس ماراح تناشبج مثل الكويتيه

 

[شتاء الحب]

هو يشوفج جميله !
كوني واثقه من نفسك !
اذا حسستيه انج متردده عشان هذي الامور راح يدقق اكثر

عيشي حياتج بثقه و ما تقدم لج الا لانج بنظره جميله

 

[حكاية شهرزاد]

عندهم بياض وعين ملونة, ويبون سمره حنطية خليجية .. خليهم يتهنون فيج وانتي تهني فيهم ..

واذا على الشكل انه احلى منج ملامحه او شي ..

يكفي انه جمالج بواقعيتج يوم قلتي الولد احلى منج .. على هالكلمة انتي عندي جميلة لانج طبيعية وواقعية ..

وبعدين مهند احلى من نور ..
والوسيمين حيل ,, زوجاتهم عاديات ..

توكلي على الله ووثقي بسمارج الفتاك الفتان ..

ترى خالتي سمرة (( نفس امل العوضي + شجون وهذول )) وزوجها اشقر ابيض حيل ..

يحب لونها وتحب لونه .

 

[مولاي الفرج]

لا تقارنين!!!

دامه زين واهو عاجبه شكلج واخلاقج

خلاص شالمشكله

تكفين لا تقارنين لا بجمال ولا شهاده ولا اي شي

الدنيا ارزااااق كل واحد ياخذ اللي الله كتبه له

يعني محد احسن من احد

الا بالتقوى والعمل الصالح

موفقه
​

 

[my twin soul]

لا حياتي مو شرط تكونين احلى منة واهوا ماتقدملج الا لانة شافج حلوة لا ترفضينة دامة خلوق ومدحتية انتي بعد يعني احسن من الي يكلمها سنين اخر شيء مايبيها او ماتبية انتي الي يبيج مشالله علية حلوة الطريقة الي سواها انة اطلبج وماكان بينكم ولا شيء بس سلام ((( طولت الله يحفظج وانشالله يكون كلامي عند حسن ضنج ))) لاتستغربين عمري 15 وكلامي مو على قدي الكل يقول انا بشتغل اعلامية بالجرايد عشان جذي كلامي اكبر مني الله يوفقنا

 

[غلا الأيام]

امبيه انتي من صجج انا اقول توكلي على الله وبدون تفكيررررر


كااافي انه شاااريج واختااارج من بين البناات


اكككيد شاااف اخلاقج غير عن البناات وفيج شي غير عن البنااات وما فكر بالشكل انتي اتفكررين بالشكل ليش ؟؟؟


ويااما رفيجااتي تزوجوا رياييل ايه في الجمال واهمه جيااكر ومع هذا ما يطالع غيرهاا وميت عليهااا

حبيبتي الشكل مو مقياس وسؤلوا عنه اذا ريال زين توكلي على الله حبوووبة

 

[محل ثقتكم]

الله يختاارلنا اللي فيه الخيير دائماا وهذا هو الاهم

 

[هنوو العنزي]

ياحياتي يا اختي يا قلبيي


الجمااااااال جماااااااال الاخلاااااااااااااااق >> حطيها ببالج يا عمممري

ومافيها شي اذا كان الولد زين وانتي زينه تزوجيه وعيشي معااه >> وانشاءلله تكونون سعيدين وبسس

 

[سكوتي بذوقي]

أهم شي أخلاقه

استخيري والله يوفقك اختي

 

[حرم جسومي]

انا اقول وافقي اولا الجمال مو كل شي وبعدين لجمال بعين كل شخص يفرق يمكن اهو يجوفج اجمل وحده شافها بحياته ماتدرين حبيبتي اهو شلون يشوفج بعيونه ولا تطيحين حظ عمرج وتقولين اهو احلى مني لا حبيبتي لا تحسسينه بهشي بالعكس اهتمي بنفسج وبرزي جمالج ولاتنسين الاستخاره والله يوفقج

 

[ام ووليد]

استخيـــــــــــــــــــــــــــــري