لو كنتوا مكاني جاوبوني

[بكيزة هانم]

الله يعينج

 

[umm-7asson]

شلون احط حدود

 

[نسمات 26]

خلاص سافرتي واستانستي

انسي الموضوع وردي مثل قبل ومردها بترضى

 

[om . alzeen]

انتي ماسويتي شي غلط خليها على راحتها لا تكلمينها ولاشي ترضى بروحها


يعني اهيا اساسا عيب تقول بروح وانتو اساسا ماعزمتوها حتى لو ولدها وتمون عليه بس الحين ولدج تزوج وله حياته الخاصه

وفوق هذا انتو بتعوضونها بسفره وهذا كرم منج بس اذا على حساب ولدها فهذاا بر لمه والله يجعله بميزان اعماله


الي عليج الحين خليج عاديه بدون لاتفتحين الموضوع معاها جنه ماصار شي وبس

 

[بدوني تتضايقون]

مثل ما قالو لج انتي عداج العيب على قولة المصريين
بس المفروض لما رديتي وجف تيها مخبره اهلج تكلمينه تقولين لها أن أنا مسافره لان عيد زواجنا يصادف هالايام فشلون كنتي تبينه ناخذج وأحنه بنعيش عيشة المعاريس أكيد كانت بتتفشل وجان هم قلتي لها على أي أساس تشتكيني عند هلي أظن أنا مرته ومن حقي اختلي بزوجي وإذا تبين اكا رجعته لج اخذيه وسافري معاه عيشو حياتكم على أنها صفعه لشكوتها عند هلج

 

[umm-7asson]

انتوا كلامكم عين العقل واشكر مشاركاتكم بس انا حاسة بضيجة لما اشوف اهلي شايلين بخاطرهم علي بسبة هالموضوع واهي منفسة علي وانا اعتبرها بحسبة امي وربي شاهد وضايق خلقي انها شايلة بخاطرها علي وانا علي يقين اني ماغلطت بحقها بس سالفه اني اكلمها بالموضوع ابدا مراح اسويها جني ابرر لها وانا غلطانة وتبون الصج هم يحز بنفسي ان ريلي الاحظه يقعد معاها اكثر مني لا تغدي قال بتغدي عند امي ولا سهر بسهر عند امي ولا تعشي بتعشي عند امي وانا ارد عليه اي هذي امك قوم فيها لا تخليها واروح انام او اقول ماشتهي اكل غدا ماحب اتغدي بروحي لان اهو يطلع قبلي من الدووام والعادة ينطروني احس بضيجة حيييل

 

[Tom ♥ Jerry]

,


حياتي آنتي مآ سويتي شي غلط و الموضوع صار و خلص
و لو فرضا كنتي متفقه و مزهبه و مخططه حق السفره على قولتهآ
عآآآآآآدي من حقج تبين تستانسين ويا ريلج
و كل الحريم يسوون جذي شفيها يعني !

آنتي سلمي عليها عآدي و بوسيها على راسها و لا كأنه صار شي
و مآ ردها بتطخ مثل مآ قالو البنات :*

 

[umm-7asson]

كلكم ما قصرتوا

بقولكم شنو صار أمس :

رحت بيت اهلي ولقيت ابوي ليلحين شايل بخاطره لي درجة انه ما يبي يسلم علي وحقدت على خالتي وايد وحتى لما رحت بيتي كنت ابتسم بويها عادي وانا ودي اطقها على اللي سوته فيني المشكلة مادري شنو قايلة حق امي وامي شنو راده عليها ولا بفتح الموضوع مع ريلي عشان ما انبه واعطي الموضوع اكبر من حجمه لكل اللي حواليي لي درجة اني ما قمت اروح بيت اهلي عشان ماحب اشوف ابوي شايل علي ولا قمت ادق عليه مثل اول

والمشكلة اروح لها احس بنظراتها حقد ومادري شلون مادري شقولكم من احساس وتمثل خصوصا جدام ولدها وانا نفس الشي امثل جدام ريلي واهو طايح بالطوشة

وانا معطيتها طاف

 

[ناتشوو]

تصرفج صح مع ام زوجج

بس مو صح عند اهلج
اشدعوة
سولفي مع امج
وتناقشي
شنو قالت وشنو ردت
شنو صار
لدرجة ابوج شايل عليج
من صجج
انتي

 

[كويتية توتة]

والله اللي اشوفه ورايي
انج ماغلطتي بعد انتي من حقج تسافرين مع زوجج وامه ما ضريتيها بشي
وكا بتعوضونها
بعد اهي لازم تستوعب
اقولج شي لاتصيرين حساسة وتعورين قلبج طنشي
وسافروا السفرة الثانية اخذوها مهما يكون امه

 

[Zinab BH]

طنشي حبيبتي من حقج تقعدين مع زوجج مثل ماامه لها حق انتي لج حق حبيبتي و لازم تكون لكم خصوصية
وانتي كان لازم من بداية زواجكم تخلوون لكم خصوصية مو كل شي بالمكشوف
طنشيها حبيبتي مردها بطخ واذا اهيا ماخذة على خاطرها انتو بتسفرونها خير منكم
الله يسخر لج زوجج حبيبتي

 

[umm-7asson]

الصراحة انا اهم شي عندي حاليا أبوي شايل بخاطره علي والله مضيق خلقي وايد وانا هالشي اللي قلتي عنه اخت زينب حاولت فيه بس اهو بكل شي يدخل امه لين مره قتله ابي خصوصية معاك مو كلشي مع امك ابي اطلع معاك بروحنا لازم امك بالموضوع ولا اختك لا زم تعزم اهلك ماكو خصوصية والمشكلة ابوي مرة قالي انتي رضيتي بهالعيشة انج عايشة عندهم بس انا مو راضية بالتدخلات الاهلية يعني قبل كانت وحده من اهلهم عايشة عندهم ما كان احد يتدخل بحياتها تسافر وتخلي اليهال عند الخالة و24 ساعه طالعه ولا تطبخ ولا تدري عن البيت وشوفة عيني محد قايلي حتى لما تسافر ويه ريلها تخلي اليهال عند الخالة وفجاآة خالتي تشوف الجناط منصدمة انها توها تدري ولا تدخلت بشي خاص بقرارها

 

[umm-7asson]

والله اخت ناتشو انا اروح بيت اهلي اشوف ابوي شايل بخاطرة ولا احب اشوفه شايل بخاطره وادق علي امي واسولف معاها واروح بيت اهلي بس ابوي شايل بخاطره ماحب اشوفه شايل بخاطرة

والله وانا اكتب هالرد دمعت عيني

 

[كويتية توتة]

توني اقرا ردج
حبيبتي
لاتخلينها تخرب حياتج وعلاقتج باهلج
غلط جذي
روحي بيت اهلج وفهمي من امج شصاير
ترا انتي مو مسوية جريمة
وقولي لزوجج شقايلة لاهلج امه بس باسلوب ما ينرفزه
انا قبل مثلج اخاف واحاتي وحيل افكر
عقبها قعدت تمادى معاي وانا والله ما ضريتها بولا شي ولا شي كلش قلبي نظيف
اخر شي
خربتها لان اذتني تحرش ولدها علي وانا اكلها

 

[umm-7asson]

اخت كويتية توتا انا كإمرأة ابي ريلي يدلعني ويحسسني بأنوثتي ساعات أشوف بالتلفزيونات وعند ربعي صور أبي أعيش هاللحظات مع ريلي واحس اني محرومة منها بسبب تدخلات ام زوجي ساعات أقول اذا انتي ما تبين تهدين ولدج ليش تزوجينه من الأساس اذا تبينه 24 ساعه مجابلج وعلى فكرة قبل الزواج مخلي البيت فندق ينام يقعد عند ربعه ونادرا ما يكون في البيت عادي يطلع من الشاليه لي الدوام وبعدين يرد الشاليه بس من تزوج قام يقعد في البيت ولا عمري قتله لا تسويلها ولا تييب لها ولا تحط لها ولا شي كل مرة اقوله هالله هالله بامك بس واخر شي تقول حق ولدها اهي ماخذتك مني !!!

 

[umm-7asson]

كويتية توتا انا مابي أحسس اهلي ان ماخذه الموضوع جذي بس انا احس منقهره من داخلي حيييل منقهره ولا كلمت ريلي بالموضوع مع ان ودي اكلمه والطامة الكبرى اهلي يدرون عن كل شي يعني امي احها دايما بالصورة عشان لو اخطأت بشي تنبهني وابوي طيب وطيبته توديه ورا الشمس يقولي حطي خالتج فوق راسج اوكي انا معاك انا ماضريتها بشي بس لي حياتي الخاصة يقولي انتي وافقتي تعيشين معاهم يعني ماكو حياة خاصة انزين انت كنت ساكن في شقة بروحك يدتي الله يرحمها كانت وايد تدخل بحياتك وانت كنت في شقة منعزلة عنهم مو مقياس لما أقول حق ريلي ابي اطلع بروحنا يعني ابي استقلالية بعيد عن غرفة النوم وشقتنا مثل هالسفرة انا استانست واهو استانس بس يافرحة ماتمت