لو كان الزوج يحب يشرب !

[سارووه الاموره]

انا عن نفسي طلب الطلاق شرب الخمر مو شي هين

يمكن يتغير الريال ويسوي بلاوي من وراي ويمكن فيني

وماراح اثق فيه من ناحيه عيالي

استغفر الله .. الله يهديه ان شاء الله

واهو قاعد يغضب ربه اذا الله محرمه واهو قاعدله شرب بنص اليالي ..

والله احس الحياه مع واحد يعصي ربه كللش مو حلوه ومافيها راحه ..

لاتقولون يصلي في واحد يقابل ربه بعدين يغضب ويشرب الخمر @@

 

[جميله مو مغروره]

رد : لو كان الزوج يحب يشرب !

طول ما انه ماغلط عليج ولا على عيالج وواضح انج مو متاكده انه يشرب فخلاص

لاتظلمين الريال

وحتى لو تاكدتي طول ما انه ماسببلج مشاكل لا تسوين شي ولاتفضحين ريلج

علاقته مع ربه شي يخصه ولو تاكدتي انصحيه بهدوء ألفتي لانتباهه لاضرار الخمر سواء الدينيه او النفسيه او الماديه او الصحيه

بس طلاق ما انصحج انا لو مكانج اتغابا واطنش

 

[hayaq8]

انا مع الاخت اذا ما شفتي شي بعج مو بيدج بس حبيبيتي
لازم لازم تغيريينه الموضوع مو هين لنا الي يشرب يسوي كل شي الحين ايهو هادي بس راح تتطور الأمور
فمن الحين غيريييه حااولي

اشكرج يا عمري على حسن التجاوب .. للعلم انا صارلي خمس سنين معاه و على هالحال

 

[برونزيه شقرا]

رد : لو كان الزوج يحب يشرب !

حبيبتي هيا q8
كلام فرحة عمر عيييييييييين العقل وكفت وووفت
واشتياق عطتج مثال
وياعيوني سمي ماقصرت
خلج مع زوجج المره مو كل يوم لها ريل وقولي الحمد الله وادعيله واستغفري ربج
ولا تتهاوشين ترى الرجال يحب العناد بالعكس استانسي معاه ووقت السوالف يبيله امثله عن النصايح الحلوه وقصص عن التوبات ولا توجهين له الكلام مباشره يملج وينحاش ولا تسمعين اللي تقولج زعلي وتطلقي والمشكله اهيا مندعسه عند ريلها ((انا مااقصد احد ))
لا يبه قضبي ارضج وهذا اللي الله اكتبه لج واختبار من الله لج بيشوف مدى صبرج على الابتلاء
وتقبلي مروري

 

[hayaq8]

للرفع

 

[فديت نفسي..~]

رد : لو كان الزوج يحب يشرب !

اختي ترى ذي معصيهه كبيره وتسبب مشااكل كبييره
بكره بعد ماتطيح ميانه يمكن يقولك شربي معي
ولااا تدرين خالي ذاك يوم يسولف لنا احنا بنات
ويقول تدرون ان الي يشرب لازم ....يبول ب سريره وهو نايم >وانتو ب كرامه و اسفه على كلمه ذي
و هذاا غير بلااوي وريحته خايسه و نفسيته زفت و الخ الخ
وثانين الي يشرب شي طبيعي يعني مايعرف شي اسمه صلاه ولا الله

 

[@فطفوووطه@]

الله يهديه ياااارب

 

[لوولووة]

ادعي له بالهداية

 

[احلام q8]

رد : لو كان الزوج يحب يشرب !

الله يهديه
حبيبتي كثري من الاستغفار بنيه ان الله يهديه وانتي حاولي تخلينه يتركه ذكريه انه حرام من اكبر الكبائر وانج خايفه عليه وخايفه على نفسج منه .

 

[صدفه!]

اوكي بس حبيبتي خوفج هذا مايشرب هذا يحشش او مخدرات ديري بالج بعد
تاكدي وشوفي خل احد من الكبار اخوانج او ابوج يراقبه
والله يهديه

 

[eman84]

دام مايقووولج سكتي و صبري

وادعي له بالهدايه و شغلي قرآن بالبيت و ادعي الله يرده عن هالغلط ولالالالالا تقوووولين له او تبينين له انج تعرفين خووفج باجر يسويها اشكره جدامج واهو ماخش هالشي عنج الا لانه محترمج و عاارف ان اللي يسويه منكر

ولاتخلينه اذا زين ومومقصر معاج قومي بواجباتج وان شاء الله تكون هدايته وتوبته على ايدج

وادعي ان الله يبعده عن اعيال الحرام و عن هالطريج اللي ماوراه فايده وكله ذكريه بالله و بالصلاة و الاستغفار

 

[$الماسة حساسة$]

رد : لو كان الزوج يحب يشرب !

ادعي له بالهداية

 

[eman84]

بالناسبة حق الرد اللي تقول خلي اخوج او ابوج يراقبه !! مع احترامي لج بس اكبر غلط

هذي اسرار بيت و لازم اهيا تحل هالمشكله بروحها يمكن الريال يتووب و ويعيش مع زوجته احلى ايااام و يتموون اهلها يعايرونه طوول العمر هذا غير ان زوجها وابو اعيالها (مادري اذا عندج اعيال منه ) المهم لازم تستر عليه ولاتبطل الموضوع حق ولا احد لي الحين كل شي بيدج دامه مو مصارحج و لا قاثج بالمشاكل ولايمد ايده و يزف والخ ؟؟؟

انتي كبيره ومتزوجه وحلي امورج بروحج ماتسوا باجر يعايرونج والا يعايرون اعيالج في ابوهم وترى انا اعرف ناس جذي ما زوجوا بنتهم حق واحد واااايد زين لان ابووه قبل كان يشرب وترى اهم اهل بس شوفي شلون يذكرون ومايغفرون !!! @@

 

[..فروحه..]

الله يهديه

 

[ice_cream]

لا ما يقولي إن يشرب , بس أنا أحس لأن ألاحظ في شوية اختلاف بالمزاج و بلإسلوب .. لأن بلأوقات العاديه يكون جدي و صارم و كلمه مقابلها كلمه .. و لما يرد بليل يكون مبسوط و يضحك معاي و ما يرد لي طلب .. و ما يسبب مشاكل نهائيا

مافهمت شلون يعني اهو مايقول وانتي حسيتي؟؟؟

الي يشرب ريحته تكون فايحه مبين انه شارب المشروب فيه ريحه!!!!!!!!!!!!!

اخاف انتي غلطانه

 

[ورق عنب]

مدام مسوي كنترول على نفسه وعارف انه حرام وغلط ومستمر فيه ... انصحه واقوله يبطل واذا مايبي .. مايشوف شر يتزوج وحده ترضى بهالشي ويطلقني ............

 

[Ameeraaaaaa]

حبوبة
بقولج الله يعينج ويصبرج ويهدي لج زوجج , انتي اكثر وحده تقدرين تحكمين علي الموقف وشلون تتصرفين , لكن انا راح اقولج قصة وحده اعرفها قريبه مني حيل .
تزوجت شاب مثل الورد ومن عايلة محترمة وملتزمين دينيا ما شاء الله عليهم وهو يصلي ويصوم ويتصدق لكن !
مبتلي بالشرب
نفسج كانت محتارة ,, من يكون شارب فرحان ومبسوط وكل امورها مجابة
ولكن سبحان الله مرة من المرات صار خلاف بينهم والمفروض انه انتهي لكن من شرب رجع لها وبدأ يطق فيها
عقله قام يجيب كل الاشياء اللي مو زينه
طبعا موضوع الطق تكرر كذا مرة وبطريقة همجية لانه مو حاس على نفسه
من يصحي يبجي ويصيح ويطيح علي ريولها ويطلب انها تسامحه
وحاولت وااايد تساعده انه يبطل ويخفف بس ربج ما قسم لهم عيش مع بعض ( تطلقوا ) وللعلم للحين يحن عليها ويبيها ترجع له بس اهي ما تبي .
لانه اخر مرة طقها بقسوة وسبب لها اصابات
بس حبيت انقل تجربة , والله ينور بصيرتج .
صراحه موضوع صعب ومو سهل

 

[Maaya]

الله يهديه يارب
الصراحه والله مادري شقولج بس اعتقد لو انا منج بصبر
دام يشرب بطريقه مو مفضوحه فيه مجال يتعدل ويتوب

 

[حلوه ولمآحه]

الله يهديه انشاءالله غصبن عليه ويسخره لج يااارب

 

[انا مو هني]

رد : لو كان الزوج يحب يشرب !

لا طبعا
يعني واهوا يشرب ويغلط برا يدش داخل جنه مو مسوي شي