لو قعدت بالشمس 6 سنوات متواصله هم ما راح اصبغ برونز :(

[DoDoPe]

مساكم الله بالخير بنات

انا كلش ماصبغ من الشمس ان قعدت بالشمس اصير حمره لو شنو احط ماصبغ وبس اخذلي دوش ارد لوني الطبيعي مع اني مو وايد بيضه تقريبا حنطاويه ..

عالعموم راح ادبج بالموضوع سيده ..

:: ابي اعرف شنو احسن سلف تان استخدمتوه ؟ ::
( يعني اللي يصبغ بدون ماتقعدين بالشمس )

انا استخدمت واحد من الصيدليه للاسف موعارفه اسمه بس رووووووووووعه والحين اقطعوه للأســـف الشديد ..
واستخدمت مال شسيدو هم نايس !!
ومال لانكستر كلش مافادني .. سووو ................


عطوني خبراتكم

وفي بنات قالو عن واحد من "بنفت" .. وين اقدر احصله ؟
وشكرا .. عفوا :>

 

[الغجريه]

انا اقولج

كنا حاجزين بشاليه وشفت وحده لونها برونز عجيب
طبعا اهي مو متحجبه
بعدما تعرفت عليه وسألتها ( من اللقافه )

تدرين شنو تسوي
تحط على جسمها ميرندا ولما ينشف تحط بيبي اويل

والله وجدامي سوتها
لون مو طبيعي اينن

 

[DoDoPe]

ميراندا ؟؟؟؟؟؟؟؟؟

والله شي غريب :>

بس مايدبق ولا يروح بالسباحه ؟؟

اتوقع بس اتسبح بيروح

مشكوره حياتي وماقصرتي بجرب وبقولج

بصير حقل تجارب :>

 

[مريوما الحلوه]

في سلف تان قاعده استخدمه الحين من لوريال اسمه جلو ينباع بس بمركز سلطان شرق وايد حلو ومع الايام يصبغ على طول لان مرطب

 

[DoDoPe]

مشكوره حياتي .. هم بروح اشوفه واقولج :>

 

[noty]

هلا قلبي

والله انا كلش ماعرف بالتان و هالسوالف

بس افيديج وين اتحصلين بينفيت << موجود بوجوه الافنيوز


و في هالشغله بعد :

(88)

{52

{53

[/COLOR]

 

[مريانا ام ماريا]

هلا حبيبتي انا افيدج توهم منزلين باث وركس اند بدي طقم كامل عجيييييييييب للتان يخلي الشغره تصير برونزيه انا مجربته لان برد الكويتت بلوك يديد صج حلو وبعد انت تختارين درجه التان الي تبينها اذا تبين رابطهم ادزلج ياه واتوقع يمكن نزلوه بالكويت بدبنهامز

 

[DoDoPe]

مشكورين والله ماقصرتو

بشوف اللي قلتي عنه نوتي من بنفت وهم مشكوره انج قلتيلي وين احصله :>

ومريانا حياتي ماقصرتي وياريت اتدزيلي الرابط .. ومنكم نستفيد

يعطيكم العافيه

 

[SILVER ROSE]

اخذي التان البخاخ مو الكريم ولي خلصتي وجريب تقومين دهني بيبي اويل وقعدي شوي

 

[بنت الدلال]

انا نفس حالتج اصير حمره واحترق

 

[موفقـ@]

زيت الزيتون لو تحطينه وتقعدين تحت الشمس يسمر البشرة بسرعة

 

[DoDoPe]

تحت الشمس مايفيد ياعسوله

جربت جميع انواع التان اللي اعرفها تحت الشمس من لانكسر وغير من لانكوم وكلارنس و خلطات الجزر وغيره والبيبي اويل كللله ماينفع معاي

اصير حمره ويبدا يمشق ويهي ويتقشر وحتا يحترق

كلش ماينفعني غير السلف تان

ومشكورين حياتي :*

 

[LaDyA]

انا اقولج شي والله اهني شمسنا لو تقعدين تحت الشمس وتحطيلج امية كريم وخلطااات ما يطلع اللون حلو << احبااااااط :bbbiu:

بس اذا بخاطرج اللون البرونز سوي هذا الرش اللي بصالون يورز انا اذكر من سنتين سويته كان حلو والله احسن لج من مقابل الشمس وتدهين بالهالكريمات التجارية

 

[جوك احلى جو]

والله ماعندي فكره

 

[شندوخه]

ترى صح كلام ميراندا وفي بنات يحطون باربيكان وحتى على شعورهم يحطون باربيكان يصبغ شقار الشمس الحلو انا بسوي ان شاء الله

 

[q8sweeta]

انا شريت سيلف تان من N7 من صيدلية بوتس طبعا اتحطينه 10 دقايق وبعدين تلبسين هدومج عادي وتقعدين ساعتين وتسبحين وفي درجتين من لون انا ماخذه الفاتح ويقعد اللون معاج من 4-7 ايام وان طول 10 ايام مو اكثر وشريت معاه لمعة برونز منه كريم قوطي شكبرة امبيه عجيييييييييييييييييييب ينعم يسويج زبده ولمعته اتينن وايد وايد ..وانا استخدمه حق المناسبات مع تان او بدونه