لو قالج زوجج هالكلمه شنو موقفج ؟!!!!!!!

[* أوفى الخلق *]

مرحبا خواتي ماراح اقول كويتيات او اي كلمه ثانيه بقول خواااتي
لاني اثق برايكم ودايما اخذ بشوركم

تكفووووون جاوبوني ؟؟؟؟؟؟

زوجي الحمدلله زين وعلاقتنا تمام لكن اليوم جاني جان يقولي
فلانه في موظفه جديده حيييييل تشبهج بكل شي نسخت ملامحج بس اهي اطول منج

انا سمعت هالكلام قلبي قام يعورني احس جرحني قالي ليش تزعلين انا ماغازلتها قتلج تشبهج شنو مافي احد يشبهج
قتله انا مو هذا اللي زعلني انا اللي زعلني اني بعيوني ماشوف احد يشبهك لو الاقي اللي يشبهك بتضل انت غيييييير بعيوني ......>>>>> احس كلامي مخربط لاني حييييل متضايقه يارب تكونون فهمتوا شقصد

عفيه ردوا علي لو بكلمه احس اني مجروحه

 

[Patcholli]

شوفي لو وحده بالتلفزيون او بمجله او بالسوق عادي بس اذا معاه بالدوام بخاف شوي ..

ردة فعلي اكيد بعصب وبقوله انت شكو خاز المره ومدقق فيها ومقايس طولها ومطلع الاخطاء السبعه بيني وبينها ؟؟

اذا انتي واثقه ان هالمره مالها شغل فيه وبعيده عنه طوفي بس اذا معاه بنفس الاداره وانتي خايفه لازم تتصرفين وتحطين حد عاد مادري بالظبط انتي متخوفه من شنو اذا بس عشان قالج هالكلمه فطاف بس اذا خايفه من علاقه او شي ثاني لا تكلمي وقطي الحجي بويهه

 

[شادن33]

عااادي حبيبتي ليش انتي حساسه ومافيها شي شقاال الرياال
يحليه يا وقالج عاد انتي لاتصيرين حساسه وايد خليه جذي عشان بقولج كل شي ومايخش علييييج

 

[WAAAW]

انا اكيد بتضايق وبنجرح وبموت من الحره ويمكن اروح بيت اهلي هههههههههههههههه

بس شتسوين لازم تقولين له انا اغار عليك انته ترضا انا اقولك اكو موظف معانا يشبهك حيييل ؟؟؟؟؟؟ ........... ومقايس الطول بعد بشيييييييييييه بشيييييييييييه
بس اذا معاه بنفس الاداره مصيييييييبه

 

[Sтγlish]

عادي شنو يعني
انا كل الناس اشبهم بريلي
شنو يعني بعيوني ما اشوف احد يشبهك
لاتصيرين رومانسيه زياده عن اللزوم!

 

[نشيج الروح]

اممممم أنا ممكن أقولها عادي بس العكس على حسب .....

 

[غرومه غنوجه]

انا جان قلت له انا وحده ومافي مني واذا في من يشابهني روح لهم وخلني مايملي عيني انسان يملي عينه غيري

 

[جذابه بنت ذيابه]

حبيبتي

اكيد بتضااايق بيومها وانسى

تدرين ليش بيوم واحد وانسى لان يكفي انه قال لج لو واحد ثاني وعنده هالسوالف يخاف يقول ويخش عنج ،،!


لا تصيرين حساسه زياده ،،

 

[غرور 9]

والله عااااااادي مافيها شي،،؟

وين المشكله وبعدين البنات الي قالو مدقق فيها وماخذ قياساتها اهو مادقق فيها الا لانه شافج جدامه
وشبهج حيييل فيها او شبهها حيييل فيج
حبيبتي لاتخربين بيتج ع حجي فاضي والله عادي

 

[al-musk]

شدعوة عليكم بنات مافيها شي شنو قالها .. هو مادقق الا انها تشابه مرته ومو معنا كلامه ان بتعجبه ولا شي .. وماقال شي قالها تصدقين وحده تشابهج.. الظاهر الشبه كبير وحب يقولها ..
لاتكبرين الموضوع وخلج واثقة من نفسج ومن علاقتكم .. شدعوة عليج ريحي بالج ولاتدققين

 

[LA TROO7]

عادي مافيه شي

 

[تبيني آرضى عليك]

احس الموضوع عادي

 

[Gifts&Occaions]

الله يعينج