لو عندج هالخدامه تخلينها ولا تردينها المكتب؟؟حددي محتاره

[ساندريلا]

نفس خدامتي توني يايبتها ماتبي يونيفورم وايتلي مكياج وبرمودا وصبغ اظافر وقاعده تبرد اظافرها حسيتها يايه تبي تستانس ماارتحت لها كلش مع انها كانت بالسعوديه تلبس عبايه بس علبالها الكويت فري
عاد كلمت خدامة عمتي لاني يايبتها عن طريقها وقلتلها انها قايلتلي ابي لبس ضيج مااحب الوسيع وتبي بديات يوم قلتلها انصدمت وقالت انها متحجبه شلون يايتلج بدن حجاب ودقت عليها وشخلتهااا وانا بعد ماسكت لها وقلتلها هذي انا تبين حياج الله ماتبين اوديج الكتب
بس الحين عرفت نظامي وقالتلي خلاص الي تبينه بسويه
يعني لاتسكتين لها من البدايه علشان ماتتمادى وحرام في بعضهم من تكلمينهم يتغيرون يعني تحسينها قابله للتغيير

 

[{هتًان}]

رد : لو عندج هالخدامه تخلينها ولا تردينها المكتب؟؟حددي محتاره

ديري بالج منها خاصه النيباليات مثل الأندونيسيات والفلبن ....

صاجه نور

وبعدين لما تدش خدامه جديده البيت كل قشها ينشال لين تسافر موتحطه وتستخدم منه .. جناطهم كلها بلاوي

 

[silver cat]

أول مرة أدري فيه نيباليات مشغلين في لبنان ؟؟؟؟؟؟؟؟؟؟؟؟؟؟؟؟؟؟؟

على حظي شفتي مع أني يوم طلبتها على اساس مشتغله بعمان بس لما وصلت قالولي لا بلبنان بس إحنا تخربطنا بين عمان ولبنان بس صج صورها بلبنان ما تبشر بالخير لها صوره ويا معزبها البناني بالمطبخ واهو جارها يصور وياها واهي تضضضضضحك:23_asmilies-com:*

 

[ام محمد الشمري]

الله يسخرها لج ويهديها ( تري النيباليات يموت علي الرجاجيل مووت )

الله يكفيج شرها

 

[<<لمار>>]

شرطى عليها واذا ماتبى رجعيها المكتب

 

[أساور]

لانهم فه يلبسون جذي بلبنان
اذا عاجبتج خليها تلبس هدوم طلعه بالطلعة بس بحدود
يعني ماله داعي الضيج والملزق

 

[طبعي نادر!]

انتي نفسي زوجي شفتات وانا موظفه فأحسن شي تجيبين وحدة كبيرة وسيلانيه ما عندها هالسوالف والحمدالله مرتاحه ولا احاتي

 

[المدينه]

اوديها

 

[Q8_QT]

رايي من راي البنات اول كلميها وحاولي تقنعينها وإذا شفتيها معانده رديها المكتب

 

[HIFA90]

رد : رد: لو عندج هالخدامه تخلينها ولا تردينها المكتب؟؟حددي محتاره

انا لو منج اردها بعد يايه من لبنان خو مع احترامي لهم اهما يخلون خدمهم يلبسون الي يبونه ضيج عادي وتاكل وتقعد معاهم سواء بالكويت او بلبنان فكيفج
انا اعرف وحده خدماتها جذيه اذا بتطلع لبست جنيز وبدي تستحي تطلع بلبس خدم ومخليتها معزبتها او تكلمينها تلبس واسع اذا ما تبي تلبس الينو فورم بطلعه

 

[نووووونا]

كمليها بهدوء وعلميها نظامج اذا عجبها خليها الله يبارك لج فيها

واذا حسيتى مو عاجبها او قالت ماابى رديها

 

[الفدنه]

والله مادري
عطيها فرصه يمكن تتسنع

 

[كرزه سكر]

رد : لو عندج هالخدامه تخلينها ولا تردينها المكتب؟؟حددي محتاره

انا خدامتي اندونيسيه وجات لابسه بنطلون ماسك فيها والبلوزه الضيقه والعطر والمكياج والشعر فالته تقولين عرضه ازياء لكني اول مادخلت بيتي جبتلها لبس ساتر وحجاب لشعرها وبالطيب فهمتها ماتلبس الي جبته لين تسافر لاهلها و الحينتوها رايحه جلست عندي ثلاث سنوات ماشفت منها الا كل خير بس ياقلبي المعمله الحلوه وخوف الله فيهم تراهم يسلكون معك

 

[اشتياق]

اطردهاااااا من غير تفكير
وشكو تفرض رايها علي؟غلطانه توافقين تولي زين اخاف صجججججج

 

[TWEETY]

انا خدامتي كانت هندية وتلبس اي شي اعطيها عادي
بس مع الوقت لاعت جبدي منها فيها اطباع ماتحملتها
مثلا
تخز فيني اذا كلمتها من فوووق لي تحت!!!
وتشوف شنو البس وتخز بملابسي مع ان لبسي مو علاق ولا عاري او ضيق وحتى لو البس فوقه روب طويل
حتى لو البس بجايم بنطلونات تخززز>>>اللي ورا!!!!
وتحب تسولف مع رياجيل البيت وتشارك بآراءها وجذااااابة
وماعندها حيا لي شافت زوجي موجود لاااازم تخز حتى لو هي مشغوله تنظف
رايحة تخز جاية تخز ماتنزل عيونها بالقاع ونفسها في كل شي اشتريه سواء اكل ولا لبس لدرجة اني لما اقولها قطي الزباله بره تروح من وراي
تفتش وتاخذ اي شي انا مابيه ولا ابي احد يشوفه او ياخذه سواء ملابس داخلية بجايم او ميكاب او
عطورات
بعد سنة وشهرين عطيتها فنااااااقر كنت متحملتها عشان الحمال والنفاس بس
وماخذتها مسترجعة

شوفي انتي حسب ماتبين شخصيتها في ناس عادي عندهم يعتبرون الخدامة من اهل البيت تعرف عن كل صغيرة وكبيرة
انا عن نفسي ماهمني الشغل او التنظيف كثر أخلاقها وحياها وشخصيتها وصدقها معاي وامانتها
خدامات هالوقت بس يبون الوناسه والمتعة الحرام وتغير البيوت ممكن تدور الحرام داخل البيت الله يكافينا شرهم
مافي احد فقير كلهم شبعانين

 

[كوكب الدرر]

انا عن نفسي عمري ما لبست خدامة يونيفورم

حق البيت تلبس نفانيف عادية وحق الطلعة يا تلبس تنورة وقميص أو عباية إذا تحب

وانتي لا تفرضين عليها تلبس اليونيفورم حق بره

خليها تلبس تنورة أو إذا كلش تلبس بنطلون وفوقه قميص طويل وما يكون ضيج

وفهميها هالشي وقولي لها هذا نظامي تحبين تقعدين عندي والا أوديج مكتب

وشوفي شتقول لج