لو سمحتو استفسار

[glby7sas]

السلام عليكم ورحمه الله وبركاته
بنات عندي استفسارات وايد
اول شي الحمدالله رب العابمين الله من عليي بالحمل من بعد سنين انتظار وطبعا سوين عمليه الحقن المجهري ومحد يدري عنها والكل عباله اني حامل طبيعي

الموهم اول مادريت اني حامل بلغت الكل
بس الحين الحمدالله يارب طلعت حامل بتوأم ماشاءالله وريلي مو واضي اقول حق احد الا لما اولد اقوله مايصير عالاقل امي انا ما الومه اهو وايد فرحان فيهم وخايف يصيرلهم شي الله لا يقوله
بس ابي اسأل البنات اللي احملو بتووم متى قلتو انهم توم حق امج واهل ريلج وخالاتج بأي شهر ؟!
وبعد انا قالتلي احتمال اسويلج ربط عنق الرحم ممكن اللي مسويلي تشرحلي شنو يعني وهل احتاج اخذ مجلس طبي واقعد بالبيت ماكو دوام وله امارس حياتي عادي ؟! اذا ممكن احتاج بالتفصيل وبعد جم كلفتكم وبأي شهر يسوونها ومتى يفجون الربط ؟!
بعدين متى راح يوقفون المثبتات وانا ماعطوني حبوب فيتامينات وحديد بس عطوني فوليك اسد والباجي كله تثبيت واسبرين ؟!
وبعد اخر سؤال متى يبين نبض البيبي
سوري ادري اسألتي وايد بس انا بكر ومالي معرفه بهالسوالف كلش

 

[.:lady bug :.]

الله يتمم عليج ويهون عليج
رفيجتي وبنت جيرانا بلغتو اهلهم بالتاسع
بلغو امهم وام ريلهم بس
ونصيحه لانقولين لامج اذا تخاف عليج لانها بتخاف زياده.

اكيد اخذي مجلس طبي حماله ومن زمان ناطرتها
والب مثل حالتج وتوئم ع طول يعطونها مجلس


وبنت جيرانا سوت ربط وفجته بالثامن
رفيجتي ماسالتها
النبض لاتستعيلين عليه اعتقد نص الثاني
ناسيه والله بس الدكتورة اتقولج

الله يهون عليج ويثبتهم وتقر عينج فيهم

 

[glby7sas]

مشكوره حبيبتي عالردود والله انا من الفرحه ودي اقرل حق الدنيا كلها لووول بس زوجي ماسكني وشكلي راح اسوي مجلس طبي ان شاءالله بس يجدد المجلس الطبي وله خلاص لي التاسع

 

[شيخه كويتية]

الف مبروك والله يتمم عليج نطري شوي تطمني عليهم بعدين بلغي القراب حيل
والله يتمم عليج وكله حطي ايدج وادعي

 

[.:lady bug :.]

اي اهما يبلغونج متى اتجددين المجلس عادي ي قلبي


ونصيحه لاتعلمين احد فيج توم
الناس ماتعطي خير والله يستر عليج

 

[fofowa_q8]

مادري والله حبيبتي بس حبيت ابارك لج واقولج ديري بالج على نفسج

واكييييد اخذي مجلس طبي انتي حامل بعلاج وتوأم الله يخليهم لج

يعطونج ان شاء الله على طول

وامج وخالتج لازم يدرون الحين ولا بعدين بس الباجي لاتقولين لهم

واذا سألوج قولي لهم مفاجأة وبس احسن لج

والله يتمم عليج يارب

 

[مسك أبيض]

مبروك قلبي الله يثبتهم ويفرح قلبك بشوفتهم

 

[ام الحلوااات]

مــــا شــــآء اللــــه لا قـــوووة الا بـااللــــــه
الــــف مــبـــرووك حـبـيـبـتـــي
عـــســى اللــه يــثــــت حــمــلـج ويـتـمــم عــلـيـج
نــصــيــحــــــه
لا تـقــــولــيــن لاحـــد عــن حــمـلـج الا بـعـد الـشـهـر الـثـالـث لـيـن يـرتـفـع حـمـلـج
وســـالــفـــه الــتــوأم لا احــد يـــدري بــهــا الا امـــج
ومـــو الحــيـن بـاالــشـهـور الاخـيـره
الــنـــاس مـاتـعـطـي خـيـر ومـاعـنـدهـا الا الـقـيـل والـقـاال
وانــتــي اللـي بـتـعـبـيـن مـن كـلامـهـم​

 

[om_saleem]

مشاءالله الله يتمم عليج يارب وتفرحين بشوفتهم .. نصيحه لا تبلغين احد ترى ما يحسد المال الا صحابه واقري وارقي نفسج كل يوم .. انا الحين حامل عقب ولادتي بسنتين واحس مبجر واخاف اقول حق خواتي وامي لان احنا بزمن محد يعطي خير لو اقرب البشر لج .. واخذي مجلس طبي بدون تفكير انتي تونز وبعد سنين وعلاج .. والربط سويه والله يسهل عليج يارب ولا تخافين اهي عمليه بسيطه تحافظ على الجنين واحسن

 

[مذهلة2013]

استغفر الله بعض الردود تنرفز

هذه الام تاج الرااااس المفروض اوائل البشر تدري لانها راح تفرحلج اكثر من فرحتج !!

شيءءءءءءء غريب يعني الام او الخوات بيعطونج عين !!!!!!!!!!!!!!!!!!!!!!!!

صج الناس اجناس

انا اختي لما كانت حامل بتوام قالتلنا وفرحنا لها و (( دعينا لها )) ودعوه الام ماكو نفسها !! والحين خايفين من اقرب البشررررر !!

قولي لخواتج وامج و ام ريلج وبسسسس والباجي بعدين

ربي يتمم عليج

 

[Joury86]

انا لو اني بمكانج اعلم امي ،،،، طبعا بعد موافقة زوجي،،،

الصراحة بعض الردود مدري اشلون صايرة،،،انتوا امهات حطوا نفسكم بمكان امهاتكم وتخيلوا ان بنتكم حملت بتوأم بتفرحون لبنتكم والا بتحسدونها؟؟؟؟!!!!

اعتقد الجواب بتفرحون،،فرحي امج حبيبتي محد بيديرباله عليج اكثر من امج

 

[glby7sas]

مشكورين بناات على الردود ماقصرتو
بس ماشرختولي اشلون تكون الربط وجم تكلف واللي عندها خلفيه عن المجلس الطبي ياليت تقولي شنو الخطوات اللي اسويها

 

[متواضعة]

الله ينقلج لي تمامه


احترمي رغبة زوجج ولا تعلمين احد

 

[M!SS.LOBY]

الله يسهل عليج

 

[Q8_QT]

مبروك حبيبتي والله يتمم عليج يا رب
بالنسبة للمجلس الطبي اول شي خلي دكتورتج تسويلج تقرير بحالتج وبعدين تسوين كتاب بدوامج تطلبين يحولونج عالمجلس الطبي

 

[nono23]

ماشاء الله ربي يحفظهم ويثبتهم يارب ..ليش ماتخلينها مفاجاه احلى والله الكل بيستانس مب عشان العين بس احس راح يستانسون اكثر وريحي عمرج حبيبتي وعن الفيتامينات من الشهر الرابع تاخذينهم وعن النبض يبين من الاسبوع السادس لي الاسبوع الثامن

 

[glby7sas]

مشكورين حبايلي ماتقصرون والله يبارك فيكم يارب ويرزق اللي تبي الذريه الصالحه ويثب حمل اللي حامل يارب

 

[أيام السعادة]

ررررفع

 

[نبض السعاده]

الله يثبت حملج علمي اهلج اذا شفتي النبض اهم شي امج
لازم مجلس طبي ربط والله يتمم حملج يارب

 

[glby7sas]

مشكووره نبض حبيبتي والله يبارك فيج