لو ريلج في منتدى كويتيين و مدمن على قسم " الحياه الزوجيه " ؟!

[Tom ♥ Jerry]

.


طرى على بالي شي .. :ggdw:

تخيلو في منتدى اسمه " كويتيين " و في قسم الحياه الزوجيه
و ريلج مدمن على هالمنتدى .. و يدخل قسم الزواج وايد :eh_s(22):
و راح يكتب عنج موضوع سواء يعرض مشكله او يبي الشباب يساعدونه بشغله
يستفسرها عنج .. ؟!

تتوقعين شنو رايح يقول عنج و شنو راح يكتب ؟!
شنو العيوب الي وده يغيرها فيج ؟! و شنو الشي الي مضايقه فيج ؟!
" بكل صراحه " كل وحده لها عيوب محنا ملاك :eh_s(22):

انا وياكم بجآوب بعدين :$ :eh_s(17):

 

[لوفيه]

اول شي جان زين فيييييه منتدى وهالقسم عشان يستفيد ويقول الحمدلله عالنعمه

اللي عندي اللي لاتقدر بثمن لوول

ما احب الريال اللي يتشكى من زوجته عند الناس

سواء يعرفهم او ما يعرفهم

لان هذي عرضه وشرفه وام عياله

بالنسبه لي اذا عندك ملاحضات على زوجتك من الافضل ان توججها لها واهي تسنع امورها

اما انك تقول حق هذا وهذاك ماحد راح ينفعك بشي

 

[لوفيه]

خصوصا نصايح الرياييل مثل ويهم

احنا ننصح لبسي وكشخي وقولي على امرك سي السيد

وطنشي وتحملي عشان عيالج وووووووو الخ

اهم نصايحهم صكها بزوجه ثانيه عشان تتأدب

او ياكثر البنات رافجلك وحده تقزر معاها للوناسه

وخرابيطهم وااايد الا من رحم ربي طبعااا مو الكل عشان لاحد يهاجم

في عيال الحلال يبون الخير لغيرهم

عسى الله يهديهم

 

[شادن33]

وييييه جان بألف كتاب عني

انا بقولج شنو بيكتب عني
هالمره لوعت جبدي واهي مجابله هالمنتدي خخخ<<<شسوي احب اساعد البناات لووول
هالمره لوعت جبدي بصراخها عل اليهال واهي تدرسهم
هالمره لوعت جبدي من الساعه عشر تبي تناااام
وبعد ماادري شنو بقلبه هالريااال *
بس ادري ماراح يسويها فديته

 

[نعوووووومه]

ههههههههههه خووووش موووضوع

 

[نعوووووومه]

اب اب اب اب اب اب
اب اب اب اب اب
اب اب اب اب
اب اب اب
اب اب
اب

لعنووووووونج

 

[مشتاقة الى الله]

ما ودي اتخيل..... منتدى كويتين وريلي يتكلم عني

لااااااا مو صحيح

وبعدين ليش يتكلم عني خليه يصارحني ويواجهني

احنا من نتكلم عن مشاكلنا وياهم المقصد من كذا نبى التغير والصلح والحفاظ عليهم

بس هم طبعا غير عنا نصائحهم وارائهم اللهم الكافي غير الا من رحم ربي

الله يهديهم ان شاء الله

 

[صديقت قوقل]

موضوعج رهييييييب ههههههه

 

[Reelax]

يووووووووووه بيقوول زوجتي يااهل اذا زعلت ويااي خخخخخ

وعنييييده شسويلها ... لانه داايم يقول عني يااهل مع اني والله العظيم اعقل منه .. وابد ابد مو تصرفاات يهاال

 

[Reelax]

بس اهما وش بيردوون عليه تخيلوو
يقولون له .. استغفر بنية هداية زوجتك لك وتزهب لها والبس بجاامة حلوه مو سروال وفانيله

والثااني ينصحه .. اقرا البقره كل ليله
ووااحد يقوله اصبر عليها علشان عياالك وطنش وعيش حيااتك مصيرها بترد لك

هههههههههه والله مااظن جذي ردوودهم

 

[شادن33]

^^^^^
والله مااظن بردون علي جذي
الرياييل مافيهم صبر مثلنا

 

[ماني من الناس]

الريايييل يساعدون بعض على خراب بعض خخخ


واحد من الف اللي يساعد على التطور خخخخ

 

[مريم القلاف]

يسلمووو عجييب الموووضوع

أنا اتوقع اقول مرتي لوعت جبدي كل يوم تبي طلعه ماتعرف تقعد راحه
واذا زعلت أبتلشنا هع
وحنانه اذا أبي شي لازم اسويه
وغيوووره لاطالع أحد يعني أغمض عيوني وأمشي
ماأدري بعد شنووههههههه


​

 

[شادن33]

تو اند جيري انت من فيلجا
احبها وااااايد

 

[kuzime]

الريايل مو تافهين نفس الحريم احنا ناقصين عقل
الريال ماراح يكتب غن مشاكل ولا شي لان الريايل مايهمهم شي كلش
يطقونكم بالطوفه و يمشون هههههههههههه

 

[Gifts&Occaions]

حلو موضوعج بس مااتوقع يدخل منتديات

 

[زوجة عزيز]

حلووو لو كان في منتدى وريلي يشارك فيه حتى لو كتب شي عني انا بااحس انه شاريني ووده يعيش بسعاده وراحة معاي اتوقع انه بيكتب عني اني شكاكه ومااصدقه

 

[كات إيز]

انا بنط له في المنتدى شتقوووووووووووووووووول
تخيلت تعابير وجهه لما انط له مثل الائدر المستعجل ههههههههههههههههههههههه
طبعا بيقول تحب الفخفخه واللبس والماركات
موضوع نايس

 

[انونا]

هههههههه


عادي بالعكس يمكن اهو يتعدل معاي ويتغير ويتفهم تصرفاتي

خو محد بيعرفني ولا بيعرفه

 

[love love]

ااخيييييه جان زيييين


ابي يكتب اشلون افاجأ مرتي ابي افكار لووووووول عاد يقولون له سو ليالي خخخخخخخ{{{{ بالمشمش


او اتخيل واحد يكتب مشكلته بعدين يقول ترا انا مزيون ونظيف وحبوب والكل يحسدها علي لووووووووول


لا لا خوووش موضوع