لو تقدملج واحد يدرس الحين ترظين فيه ؟

[Dr.Nouf]

اي عادي اذا هو قد المسؤوليه
و الحكومه تمشي راتب للطالب المتزوج يعني يقدر يصرف ماعدا التناتيف اول شي مهر و تجهيز سكن
انا اخوي اسم الله عليه ملج عمره ١٩ و ياته بنته اهو عمره ٢١ فديتهم الحين توه اول الثلاثينات و بنته اطول منه لووول

ماشالله =)

 

[إستبرق]

انا تزوجت كنت برابعه ثانوي وزوجي كان باقي له كورس ويتخرج والحمدالله ماشفت منه الا الخير
الحكومه تمشي له معاش وبدل اجار ووايد تزوجوا واهم مو متخرجين للحين ومافيهم الا الخير
وخل يكلم امج مافيها شي
والله يكتب له الخير يارب ويسهل عليه

 

[كتكوته و اموره]

انا لما تقدملي زوجي كان يدرس ضلينا مخطوبين سنة كاملة و في اتصالات بين اهلي و اهلة لما تخرج ملجنا و تزوجنا عادي اذا اخوش خوش واحد و مايتطوف اكيد في بنات راح يوافقون حتى لو خطبة على الاقل

 

[فوقهن و تسواهن]

رد : لو تقدملج واحد يدرس الحين ترظين فيه ؟

تو الناس عليه للحين صغير خليه علأقل يتخرج ويشتغل وبعدين يتزوج انشاله الله يرزقه ببنت الحلال انشاله

 

[الـــغـــلآ]

رد : لو تقدملج واحد يدرس الحين ترظين فيه ؟


عآدي مو على العمر على نصج العقل
يآمآ كبآر و عقولهم مآفي أصغر منهآ

 

[الـــغـــلآ]

رد : لو تقدملج واحد يدرس الحين ترظين فيه ؟

وانآ الحين مملجه و زوجي ثآني سنه عآدي مع إن العرس بعد سنه يعني رآح يكون بثآلث سنه أو توهـ مخلسهآ

 

[سالم الروح]

راي من راي ليمون جوس

وموفق ان شاء الله

 

[أم عليوي]

انا اشوف ان عادي والزمن هذا ينخاف منه دام هو طلب معناته مستعد والله يوفقه ويرزقه بنت الحلال

 

[غلآ مطير]

رد : لو تقدملج واحد يدرس الحين ترظين فيه ؟

احسه توه صغيييير

انا اذا جاني بالعمر هذا اكيد برفض ..

ولا وظيفه بعد شلون يعني ..


بسس خلوه يملج الحيين وبعد سنتيين اول مايتخرج يتزوج