لو انتي بمكاني شتسوين ؟؟؟؟؟؟؟

[خفايا الروح]

الله يعينج ويهديه ..

كلميه فهميه انه اهلج خلاص ما يقدرون يتحملون اكثر هم يودونج ويجيبونج ..

اهلج قايمين فيج وهو مرتاح ..

 

[فديت اسمي]

قوووه
يااقلبي انا بنصحج وانتي كييفج
انا الحين زووجي بيساافر ويدرس وعندنا ولد صح انه استشارني وخذا رايي بس الكل كان يدري وانا مادريت الا عقب ماخلاص صمم على رايه
صحيح اني زعلت وتنرفزت وعصبت ويمكن ضايقته بالكلاام وطنشته
بس لما استوعبت لقيت انه على الاقل عبرني قبل لا يسجل فقعدت معاه وقلت له صج انك رجال وشايل نفسك بنفسك بس انك تستشير الكل وبعدين لما
تصمم على رايك تجيني هذا اكبرر غلط وعيب بحقي اللي مرت اخوك تدري بالموضووع وانا لا حط نفسك بمكاني وراح تفهم شعوري وقعدنا نتفاهم بالعقل
ماعصبنا ولا علينا صوتنا بالعكس حلينا القضيه والحين بعد ماسجل صار حتى بوقت السفر يستشيرني ضبطنا حساباتنا وضبطنا كل شي
يعني قصدي من هالكلاام

ابيج تقعدين معاه وتقولين له اسمعني للاخر بعدين كييفك انا قبل كان وضعي عادي تساافر ومااحاتي عيالك اما الحين ماشاء الله عيالك كبروا و
صاروا يروحون للمدرسه يعني يبيلهم مجابل انا مااضغط عليك بس كل اللي ابيه تحط لي سايق يوديهم ويجيبهم ومسأله اني اتكل على اهل ترى
هذا غلط بحقك انك ماامنت امورنا وضبطتها قبل لا تروح وخليه يحط بحسابج مصرفج ومصرف عيالج واذا عندج خدامه خليه يحط معاشها لاينساها
بس هذا اللي عندي

انا حبيت انصحج وافهمج يمكن غيرج ماانحط بموقفج بس انا وحده وانحطيت بموقف اصعب منج
وفاهمه وحاسه باللي تحسين فيه يعني لاتتسرعين عيدي حساباتج كلها وضبطيها عشان يروح يكمل دراسته والله يوفقه فيها
*

 

[" ام حمود "]

شيء يقهر !!
مايدري اهوه وراه مره وبيت وعيال شلون يفكر وحاجز ومسوي كل شي
ومو حاسب اموركم مو عزابي
لازم لازم تكلمينه وتقولين له شلون انا وعيالك وانا مااعرف اتصرف بروحي
شلون تقرر وتخليني جذي مع عيالك ؟
كلميه وهالشيء مو عادي لما تفكرين فيها عدل هذي دراسه ماراح يقعد
هناك يوم او اسبوع لا يقعد شهوور هناك
اذا مانفع لا يبا كلمي ابوج او ابوه دخلي اي احد كبير من العايله
الله يهديه

 

[فديت اسمي]

الله يهدااج ياام حمود شحقه تدخل اهلها واهله بالموضووع هي اذا ماتفاهمت معاه الحين بنفسها شنو بتسووي بعدين
وحتى لو دخلت احد بالموضوع بتطلع هي الغلطاانه

*هي تقعد معاه ويتفاهمون وان شاء الله الله بيهديهم

 

[الخاتم الذهبي]

انا عندي 3 اقتراحات

يا تصرين عليه مايسافر
يا تروحين معه والعيال تاخذونهم بعدين لما تستقرون هناك
يا يضبط لك امورك من سواق ومصاريف وغيره


وانا اشوف 2 اقتراح احسن شي (خليه يعرف انك جزء من حياته مو بكيفه يحل ويربط)

 

[Miss^NeozZ]

وقفيه عند حده بعد شنااااااااااااااااااااااطره !


دام بيشوف حياته ومو ماخذ رراي احد انتي بعد شوفي حياتج وسحبي عليه سحبه بنت كلب رديله الحركه بشغله تقهره

 

[ام زهقانه]

والله راح ودرس واعيالي بمدراس وخلص. لما راحو المتوسطه نصيحه لا تعاندينه الان راح يسوي الي. باباله

 

[*الأثــــــــير*]

شوفي اهو غلطان من ناحية وحده اللي اهي حجز وجهز كل شي ويوم يا بيسافر قالج وين اغراضي بسافر

المفروض حاطلج اعتبار من قبل قايلج ترا بسافر اكمل دراستي حتى لو ماراح تشاركينه بالقرار لان هذا مستقبله ومستقبل عياله

لكن مسالة انج ترفضين !!!!!!!!!!!!!!!!!!!!!!

ماأدري والله

حبيبة قلبي

انا عندي واحد من أهلى أهي مرته تحن عليه كمل كمل واهو كان يحاتي بيته

واهو عنده 4 ماشاءالله يروحون المدارس ومدارسهم بعيده عن بيتهم منطقة ثانية درب ربع ساعه

والحمدالله الحين عنده ماجستير ولله الحمد ومرته صبرت ونالت

الله يوفقكم ويهديكم ويهدي سركم

بالعكس انا اول لمن قال لي بكمل شجعته وقلت ولا يهمك بهتم بعيالي وتوكل على الله بس اول لمن سافر عيالي مايدرسون ورحت ببيت اهلي اما الحين ما اقدر لان عيالي مدارس وراح اقعد عند حمولتي وانا مابي اصير ثقيلة عليهم

وعيالي يروحون للمدرسه بباص

 

[*الأثــــــــير*]

قوووه
يااقلبي انا بنصحج وانتي كييفج
انا الحين زووجي بيساافر ويدرس وعندنا ولد صح انه استشارني وخذا رايي بس الكل كان يدري وانا مادريت الا عقب ماخلاص صمم على رايه
صحيح اني زعلت وتنرفزت وعصبت ويمكن ضايقته بالكلاام وطنشته
بس لما استوعبت لقيت انه على الاقل عبرني قبل لا يسجل فقعدت معاه وقلت له صج انك رجال وشايل نفسك بنفسك بس انك تستشير الكل وبعدين لما
تصمم على رايك تجيني هذا اكبرر غلط وعيب بحقي اللي مرت اخوك تدري بالموضووع وانا لا حط نفسك بمكاني وراح تفهم شعوري وقعدنا نتفاهم بالعقل
ماعصبنا ولا علينا صوتنا بالعكس حلينا القضيه والحين بعد ماسجل صار حتى بوقت السفر يستشيرني ضبطنا حساباتنا وضبطنا كل شي
يعني قصدي من هالكلاام

ابيج تقعدين معاه وتقولين له اسمعني للاخر بعدين كييفك انا قبل كان وضعي عادي تساافر ومااحاتي عيالك اما الحين ماشاء الله عيالك كبروا و
صاروا يروحون للمدرسه يعني يبيلهم مجابل انا مااضغط عليك بس كل اللي ابيه تحط لي سايق يوديهم ويجيبهم ومسأله اني اتكل على اهل ترى
هذا غلط بحقك انك ماامنت امورنا وضبطتها قبل لا تروح وخليه يحط بحسابج مصرفج ومصرف عيالج واذا عندج خدامه خليه يحط معاشها لاينساها
بس هذا اللي عندي

انا حبيت انصحج وافهمج يمكن غيرج ماانحط بموقفج بس انا وحده وانحطيت بموقف اصعب منج
وفاهمه وحاسه باللي تحسين فيه يعني لاتتسرعين عيدي حساباتج كلها وضبطيها عشان يروح يكمل دراسته والله يوفقه فيها
*

والله تفاهمت معاه بس مصر انه مو غلطان كلش وان هالشي مايزعل واني كله ازعل من اتفه الاسباب

بنات الكلام معاه ضايع

 

[*الأثــــــــير*]

مشكورات خواتي والله يوفقكم

ام حمود لا ياقلبي ما احب احد يتدخل بيني وبينه وما ايد هالشي كلش

الخاتم الذهبي صعبه اني اروح معاه ومدارس عيالي ومستقبلهم وبصراحه امل اذا كنت برا الديره وطولت

 

[*الأثــــــــير*]

Miss
فكرت فيها واعرف شاللي يقهره وشكلي بسويها

ام زهقانه والله مصخها اول راح وكمل دراسته وشجعته والحمدلله والحيين يبي الماجستير والله طفشت مو عيشه انا اتحمل كل شي مافيني صبر وخاصة اول كنت اشوف اعيال اخواني كل واحد مع ابووه وولدي يقولي ماما وين بابا والله انقهر صج مو حلوه

 

[جنون الهوى]

الله يعينك​

 

[قــل مـا تـشـاء]

ياحبيبتي بالعكس هذي دراسة ومستقبل المفروض تشجعينه عليها
وبما انج ماتبين تروحين معاه أنتي وعيالج ( مع انه تصير لج فرصة تكملين دراسة وعيالج يدرسون هناك ) فـ بقول لج وأسمعي مني ,,
تراها فترة وتعدي ان شاء الله كلها 3 سنوات ويخلص دراسته , والأيام بسرررعه ترركض
أما من ناحية جلستج عند أهل زوجج وتخافين تصيرين ثقيلة عليهم كللللش كلام مو منطقي
هذا بيتج وبيت عيالج وملزوم الزوج يوفر السكن لزوجته .! تبين تجلسين عند اهلج عندج الويك إند روحي عندهم وتالي ردي
و عيالج ألحين هم كبار ويفهمون فمو كل مره بيسألوج ماما وين بابا .!
أنا أشوفج انتي تحطين أعذار لأنج مو متقبلة فكرة دراسته من الأساس وما أقلمتي نفسج المرة اللي طافت وجلستي تنتظرينه
ماشغلتي وقتج ولهيتي نفسج عن التفكير في غيابه , مع أنه الوضع ألحين أختلف عيالج يدرسون وطول الوقت لاهية معاهم
ما أقول لج أنه ما غلط يومنه ماقال لج ولا اشركج في الراي الا غلط بس كان ضغطتي على أعصابج وناقشتيه
لاااازم تتعلمين المواجهة وتتركين العصبية تعلمي حبيبتي وبتقدرين تتحكمين في أعصابج ,, ويمكن خاف من ردة فعلج فعشان جذي سوى كل شي بسكات ماعلمج الا حزة الحزة ,, أفهمي منه شنو قصده من هالشي أنج آخر من يعلم .!
عالعموم اذا زوجج مصر على رايه في إكمال دراسته بره شجعييييه لأنه هالشي بيرجع عليكم وعلى حياتكم بالفايدة .,,

 

[Beautiful soul]

حركته حدها سخيفه يعني بله هو بيروح انتوا من بيتولاكم شدعوووووووووووووه عالاقل نقاش بالموضوع مو امام الامر الواقع

 

[om_7san]

يحليله عايش حياته بروحه ضحكني الصراحه
شنو زهبي جنطتي وينك من قبل
انا ابسط شي اقوله انت مادريت عني ولا خبرتني ولاقتلي اي شي
زهب جنطتك بروحي

 

[om_7san]

محد ضد الريل يكمل بالعكس هشي مردوده حق العيال
بس اهيا تتكلم انه ماقالهاا
ولا خبرها
امور الدراسه لازم يكون برضا الزوجين خاصة اذا في عيال