لو انا ابله جان سويت

[فوفو22]

انا ولية امر لابناء بعدة مراحل

رياض ابتدائي متوسط جامعه

مع مرور لسنوات

ومع قربي لعيالي اسم الله عليهم

اكتشفت

ان فيه ابلات تسوي المطلوب منها تدرس وتطلع وبس

في ابلات من تدخل تصرخ وتهاوش وتسوي فيلم رعب بالصف.

في ابلات يا حلوهم من تدخل تتفقد فلانه وعلانه وتضحك مع هاذي وتتغشمر مع ذيج اول 3 دقايق من الحصة وعقب ما تنشرح صدور اليهال تبتدي بالدرس


قصدي



لازم

من بداية السنه تكسبين حب الطالبه او الطالب

والله اذا الطالبه حبت الماده من اسلوب ابلتها وتعاملها في الفصل

من كيفها تدرس الماده

واذا كرهوا الماده ودهم ذاك اليوم يغيبون


قصه صغيره حقيقية

عندي ولد مؤدب حيل اذا سمع الابله تصرخ على صبي قاعد وراه او جدامه

ياكل اظافره ...ويفصل ما يقدر يستوعب الدرس.....

والسبب الخرعه من الصوت العالي

******

شوفوا الاجانب

اذا طفل تشاغب

ما تصرخ وتسوي رعب للصف

تعاقبه بطريقة تربوية .......مافيه مجال الحين اذكر الطرق

بس لانه المدارس بعد ايام تفتح

وانا خايفة على اليهال من بعض المدرسات

حبيبت افضفض

فوفو

وسلامتكم

 

[كرز حالي.]

رد : لو انا ابله جان سويت

كلامج 100%
يعطيج العافيه يا فوفو
مادري شنو تستفيد الابله اللي تصرخ اتييب لنفسها عوار الراس وتخسر محبة الطلبه

 

[Turquoiseya]

رد: رد : لو انا ابله جان سويت

صاجة والله

كلما صرخت الابلة وتنرفزت كلما اكبرت عشرين سنة جدام

 

[مخلصة للاسلام]

رد: رد : لو انا ابله جان سويت

اي والله كلامج صح احترم الابله اللي تكلم بهدوء وتسوي اللي تبية بدون اصراخ كانها مجنونة

 

[أحاسيس ومشاعر]

رد : رد: رد : لو انا ابله جان سويت

المصيبة اللي تطق
اذكر كان معاي معلمة ما تدخل الصف الا بمسطرة خشب
ولما انكسرت المسطرة راحت واشترت مسطرة حديد
ولما الادارة يسألونها ليش داشه بالمسطرة تقول ااشر فيها لمن اشرح وعندنا بالقسم تسولف عن انجازاتها بالتعذيب
آخر شيئ من كثر الشكاوي امنعتها الادارة تدش بالمسطرة وكان عذرها انها ما قصدت تطق بس اعصابها فلتت تدرون شنو سوت ؟؟؟
يابت اريل رايو عشان يتصفط وما ينشاف لما تدش فيه الصف واستمر مسلسل التعذيب والناس ساكته خايفين تحط على بناتهم مثل ما سوت بغيرهم
وربعها بالقسم يسترون عليها ويدافعون وأنا كنت تعيين يديد ومو عارفه اتصرف

 

[لحظة شوق]

رد: رد : رد: رد : لو انا ابله جان سويت

المصيبة اللي تطق
اذكر كان معاي معلمة ما تدخل الصف الا بمسطرة خشب
ولما انكسرت المسطرة راحت واشترت مسطرة حديد
ولما الادارة يسألونها ليش داشه بالمسطرة تقول ااشر فيها لمن اشرح وعندنا بالقسم تسولف عن انجازاتها بالتعذيب
آخر شيئ من كثر الشكاوي امنعتها الادارة تدش بالمسطرة وكان عذرها انها ما قصدت تطق بس اعصابها فلتت تدرون شنو سوت ؟؟؟
يابت اريل رايو عشان يتصفط وما ينشاف لما تدش فيه الصف واستمر مسلسل التعذيب والناس ساكته خايفين تحط على بناتهم مثل ما سوت بغيرهم
وربعها بالقسم يسترون عليها ويدافعون وأنا كنت تعيين يديد ومو عارفه اتصرف

الله لايكثر من امثالها:yaaaaaarb:

وعسى ايدها تنكسر

كلش ماعندها حنيه

 

[فوفو22]

رد : رد: رد : لو انا ابله جان سويت

المصيبة اللي تطق
اذكر كان معاي معلمة ما تدخل الصف الا بمسطرة خشب
ولما انكسرت المسطرة راحت واشترت مسطرة حديد
ولما الادارة يسألونها ليش داشه بالمسطرة تقول ااشر فيها لمن اشرح وعندنا بالقسم تسولف عن انجازاتها بالتعذيب
آخر شيئ من كثر الشكاوي امنعتها الادارة تدش بالمسطرة وكان عذرها انها ما قصدت تطق بس اعصابها فلتت تدرون شنو سوت ؟؟؟
يابت اريل رايو عشان يتصفط وما ينشاف لما تدش فيه الصف واستمر مسلسل التعذيب والناس ساكته خايفين تحط على بناتهم مثل ما سوت بغيرهم
وربعها بالقسم يسترون عليها ويدافعون وأنا كنت تعيين يديد ومو عارفه اتصرف

من صجج احاسيس

لو واحد من عيالج معاها بالصف ...تسكتين

حرام هاذي تصير مربية اجيال

هاذي مكانها بالسجن لتعذيب المجرمين

لو انا منج ما اتردد دقيقة وحده بمواجهتها

ولازم الادارة يصير عندها خبر

فوفو

 

[واقعية حـلـم !]

رد: رد : رد: رد : لو انا ابله جان سويت

موضوع حلوووو

و الله يعين مدرسات الابتدائي محتاجين طووووولة بال على اليهال لان نفسية الطفل حساسة و اتاثر بسرررررررعه


انا اخترت اكون مدرسة ثانوي لان ما ابي احط بذمتي تعليم اليهال حيل صعب




و شكرا على الموضوع الحلو و الله يخلي لج عيالج و تشوفينهم باحسن المراكز ..

 

[travel]

رد : رد: رد : رد: رد : لو انا ابله جان سويت

انا معاملتى هاديه ويا طالباتى ما اصارخ واحترمهم وشنو كانت النتيجه انهم ماينعطون ويه ابد ويمصخونها
من تجربنى لابد من الشدة وما تضحكين مهاهم ابد بنات الحين غير عن قبل الحين بنات النت والتلفزيون ومايعرفون اشلون حت يكلمون الابله وجنها خدامه عندهم يعنى بيبلهم تجعم والطالبه الشاطرة والهاديه هاذى لها معامله خاصه ادلعها

 

[Un-6be3iya]

رد: رد : رد: رد : رد: رد : لو انا ابله جان سويت

اصلا المعلمة الي هذا اسلوبها ماكو احد يحترمها ويظل الطالب يذكرها بالشينة حتى لو 15 سنة جدآم وبيظل يقول الله لا يوفقج وين مارحتي :\
فـ شتسوى عليها : \

 

[Winter Q8]

رد: رد : رد: رد : رد: رد : لو انا ابله جان سويت

أنا الصراحة أبلة قشرة و ما أعطي ويه ..
مو علشان شي و لا عاجبني هالأسلوب بس لاني أدرس بنين و بمنطقة × .. و لا شي ينفع معاهم ..
و حالياً منتقلة منطقة ثانية بس هم بنين و ان شاءالله الوضع أهون لاني تعبت من الشدة وودي أدش حصتي ادرس مو أصرخ و أزف ..
و امنيتي ادرس بنات بس الصبيان لعنة علي ما ظنتي تزول =× ..

 

[(كويتيه عسل)]

انا النوع الاخير اتعامل معاهم بمحبه واحن عليهم


وأسأل عنهم اذا غابو واتحرش فيهم واضحكهم بس بحدود لان في من طالبات ماينعطون وي


لما يشوفون الابله تعطيهم ريج حلو يمصخونها ويتمادون


واول حصه عندي اهم حصه لان من خلالها اعرفهم على طريقتي واسلوبي

 

[^ليلاس^]

رد : لو انا ابله جان سويت

موضوعج حلو وانا ابلة روضة وماعتقد ان اليهال ما يحبوني على هالترقص والتنقز وما يحبوني يا ويلهم لووووول

 

[سـعـاد]

بصراحة الأبلة اللي تصارخ .. تأكدوا انها ما تعرف تسيطر على الصف فتاخذ آخر الحلول .. وهذا غلط طبعا


واحنا عندنا مدرسة مصرية .. لما امر على صفها اسمعها تقول ما تتكلميش يا حـمـ .... // اسكتي يا غلســـ .. ومن هالمسبات اللي حرام تقولينها للطالبات وخصوصا ابتدائي

 

[DKNY]

والله التدريس فن تقدرين تسوين كل شي فيه معامله حلوه + صراخ + اهتمام + عقاب ايجابي + عقاب سلبي في النهايه راح تكونين = ام ثااااااااااانيه للطفل او البنت اللي بتدرسينها

انا شخصيا ماني مع المعلمه اللي تطبق جمييييييع اساليب التربيه بدون ماتدخل الشده والعقاب لان احنا نتعامل مع فئات واشكال والواااان من الشخصيات فلازم احنا نتلون للطالبات بكل الالوان اذا سوو شي ايجابي نتعامل باشد ايجابيه ونعزز الموقف بكل نواحيه ووقت مايكون وقت الشرح هنا تطبق الاساليب التربويه والمفروض وقت الدرس نبتعد تماااااااااما عن الشده والسلبيه

لكن في معاملة الطالبة بعد الدرس نمسك العصا من النص لا افراط ولاتفريط لا نصير حبوبييين واجد ونسولف بكذا البنت تأمن ان مافيه اي نوع من العقاب وتتجرا تغلط باي وقت ولا نصير شدديين بالمره ونتلفظ عشان نفس الشي الطالبه ماتحس ان ابلتها رعب بالنسبه لها وفي بعض البنات خصوصا طالبات الثانويه يستانسوووون لما يعصبون الابله العصبيه تصير مسخره عندهم ويضحكون عليها

عشان كذا انا طريقتي استعمل كل الاساليب حسب الموقف بين قوسين ( ام ثانيه للطفل واخت للمراهقه )
وانصحكم بهالطريقه
وعلى فكره انا مره كلفوني بالارشاد الطلابي وتقربت بشكل كبيييير للطالبات وحسيت ان مافيه احسن من معاملة الطالبه بهذا الشكل

 

[DKNY]

رد: رد : رد: رد : لو انا ابله جان سويت

المصيبة اللي تطق
اذكر كان معاي معلمة ما تدخل الصف الا بمسطرة خشب
ولما انكسرت المسطرة راحت واشترت مسطرة حديد
ولما الادارة يسألونها ليش داشه بالمسطرة تقول ااشر فيها لمن اشرح وعندنا بالقسم تسولف عن انجازاتها بالتعذيب
آخر شيئ من كثر الشكاوي امنعتها الادارة تدش بالمسطرة وكان عذرها انها ما قصدت تطق بس اعصابها فلتت تدرون شنو سوت ؟؟؟
يابت اريل رايو عشان يتصفط وما ينشاف لما تدش فيه الصف واستمر مسلسل التعذيب والناس ساكته خايفين تحط على بناتهم مثل ما سوت بغيرهم
وربعها بالقسم يسترون عليها ويدافعون وأنا كنت تعيين يديد ومو عارفه اتصرف

هذي لو عننا كان عاقبووووووووها واقلعوهااااااااااا بمكان بعيد عن ديرتها لين تعرف ان الله حق

هذولي عيال الناس ماتخاف يسووون في عيالها كذا

والله لو انهم اغبى الغبااااااء بكييفهم فلحو ولا مو لازم بس ماشيل ذنبهم

ياحرااام والله

 

[غرور وايل]

رد: رد : رد: رد : لو انا ابله جان سويت

اممممممممممممم بصصراحه في ابلات كل اي شيء يصرخوون ويطقوون

بسس الله يهديهم ياارب

 

[قـہۈه فـرنسيـہ™]

رد: رد : رد: رد : لو انا ابله جان سويت

حشى وحووش مو مدرسااات ... اللي مو مجربه التدريس وتتكلم على البلاطه تسكت أحسن ...

صح انه لازم تعامل حلووو مع الطالبات ..لكن بنفس الوقت نسيتوا ان هالمعلمه ...انساااان ...كائن حي ...له أحاسيس وتمر عليها باليوووم 10000 شغله وضغط ...وغير هذا الظروووف

يعني مراات تدشين الحصه ...تكونين متضايقه من شي سواء بالبيت ولا الدوام ... وتطلع لج طالبه تستعبط وتستخف دمهاا ...

هنيه بالله شنوو تسوين فيها !! وانتي أسااسا مالج خلق ...


ترى المدرسه مو آله ولا روبوت تبونها 24 ساعه مبتسمه وتسولف وتتغشمر مع الطالبات ...


هم بنفس الوقت أكلم البعض ... من وليات الأمووور انهم يربووون بناتهم عدل ....

 

[رضاهم جنه]

انا ادرس بنين وصعب الي تقولين اني اول 3 دقايق تضحكين معاهم لان ما ينعطون وجه اذا ضحكتي معاهم تصير حصتج كلها ضحك

بس انا من النوع الي اول اسبوع اكون جاده بس مو بصراخ وثاني اسبوع ابدا معاهم مسابقات منها يتعلمون ومنها يحبون الحصه ويحبوني والله ان اول ما يطق الجرس القى كل الصف بغرفتي يقولون ابله انتي علينا ويشيلون اغراضي بسرعه وودهم يشيلوني بعد:eh_s(13): بس علشان ما يضيع الوقت حق المسايقات ويبون :jbdwjbd:

 

[مظلومه ياناس]

رد : لو انا ابله جان سويت

والله انا مدرسه ابتدائي حاولت بكل الطرق مع الطلبه ولمدة 13 سنه .......... اني ما استخدم الشده بس مع الاسف الجيل هذا ما يبي الا هالاسلوب ...وطبعا انا ضد الطق والمسطره ........فيه اساليب ثانيه للعقاب واشد اسلوب عاقبت الطلبه فيه هو اسلوب تكثيف الواجبات والنسخ _03BA:_03BA:..واذا كلش كلش استدعيت ولي الامر واقوله عن كل شي.........
ويييييييييييييه بنات الله يرحم ايام السبعينات والثمانينات لمن كانوا يدرسونا المصريات والفلسطينيات .. الا ياهي فناقر وطراقات وترفس ......وهذا احنا ماصار فينا شي ولله الحمد ... وياويل ويلي اذا رحت لامي والا ابوي اشتكي على طول يطلعونا الغلطانين
فعلا قبل يطبقون بيت الشعر ( قف للمعلم ووفه التبجيلا كاد المعلم ان يكون رسولا)
الحين المعلم كلن يزفه الناظره الموجهه المشرفه ولية الامر الطالب ............. :gathering:وكل من يبي من صوب ...كل واحد يطلب ويتشرط:cxxxp::cxxxp: والله لو يرد الزمن فيني ما ادخل هالمجال ولا اقرب صوبه​