حبيبتيْ ، أكبر دليل أن خالجْ يحبجْ انه بعد مايعصب عليج يرجعْ يشوفجْ ويراضيجْ
المشكلةْ أن خالجْ مايعرف يعبّر عن خوفه عليج وعلى مصلحتجْ بالطريقة الصحْ
خصوصاً ان انتي لجْ علاقاتْ سابقة ، والحمدلله اللي الله فكجْ من هالطريجْ ، لكنّه
خايف عليج تردينْ لنفس المصيبةْ ، شتبين اكثر من ان حد يخاف عليج لهدرجة ؟
لاتسيئين الظنْ فيهْ، لو هو مايخاف عليج وعلى مصلحتجْ جان ماتابعْ سلوكجْ ولافكر
فيج حتى ! ، خالجْ يحبجْ لكنْه مب قادريعبّر لاعنْ حبه ولاعن خوفه عليج بالطريقة الصحْ.
ليش ماوقت ماتشوفينهْ رايق وصافي البالْ تروحين له ، تكلمينهْ .. ادري انتي كارهه التصرفات اللي
يسويها ، لكنْ ماتكرهينه كشخص .. ابدي وياه باللينْ . قوليله انت خالي ، ادري انكْ تحبني وتخاف عليْ
وتعرف مصلحتي أكثر منيْ .. وأنا اعتبرك اقرب شخص لي ، انت تعرف الظروف اللي مريت فيها ، صعب
وايد أتأقلم أعيش بهالحالة ، خف علي شوي ، تراني مهما غلطتْ ومهما سويتْ ابقى بنت اختكْ ، مالي غيركْ
اعترفي بغلطتجْ في علاقاتجْ السابقة وقوليله اني تبت عن هالطريجْ من زمان ومالي رجعة لهْ .
اكسبي ثقته فيجْ ، عامليه باللين وصدقيني مرده بيلين وياجْ .
بس مسأله وقتْ ، اصبري واضغطي على نفسج شوي والله بيّسرْ
،
أمْج : اقعدي وياهاْ ، سولفي باي شي .. استميليها صوبجْ بعاطفة الامومة اللي فيها
لاتعاتبين ولاتعصبينْ ، خليها تحس بحاجتج لها وبمعاناتجْ ، كل يوم طرشيلها مسجْ
خليها تحس باهتمامج فيها وهي بدورها بتعرف شكثر شعور الاهتمام حلوْ ، لاتلومينها
ترا ظروف الطلاق مب سهلة عليها ، حتى لو من فترة طويلة لكنْ يخلف آثار وجروح ماتبرى
امج نفسيتها تعبانه ، وتحاول تعوّض باللي فيها بشغلها .. تحاول تنسى ذيج الفترة وتبدي حياة يديدةْ.
عاونيها ، وكوني وياها
/
أبوجْ :
أنا ماعرف اسباب الطلاق او غيره ، لكن مهما صار يبقى ابوجْ مالجْ غناة عنه
ماعليه ادري صعب عليج ْ وايدْ ، بس ابدي انتي اسالي عنه ، سوي وياه نفس اللي بتسوينه
ويا امجْ وصدقيني بيلينونْ ، بس انتي اصبري شوي وربج ْ كريم
.
و. قال من لاينطق عن الهَوى : { لايتمن أحدكم الموت إما محسناً ، فلعله يزداد ، وإما مسيئاً فلعله يستعتب }
لاتتمنين الموت ولا الانتحار لاي سبب من اسباب الدنيآ ، الدنيا صغيرهْ ، الدنيا كلها بكل اللي فيها وبكل مصايبها
ماتساوي عند ربج جناح بعوضه ، تتخيلين! شوفي مشاكلجْ اي جزء من ذرة في هالبعوضه ولاشي !
تعوذي من الشيطان وكل شي بيتعدل باذن الله ، لاتنسين الدُّعاء ، ادعيلهم في كل وقتْ
وربجْ كريمْ ماينسى عبيدهْ
اهم شي ركزي على دراستجْ ومستقبلجْ ، مب كل من انفصلوا امه وابوه ضاعْ ، هذا ابتلاء
من ربجْ كوني قويةْ ولاتضيعين او تضعفين
،
الله يوفقجْ ويسهل امرج ويحنن قلب امج وابوجْ وخالجْ عليجْ ويبارك فيج
