لولي والفراكسل خطوة بخطوة

[ريمه الكويت]

شوفي حبيبتي عياده فرجينا اهي الي فيها دكتور عادل قطينه الي قبال مطافي السالميه والي سوتلي الجلسه دكتوره منال
انا مجربه الجهازين فراكسل1 واللحين الجهاز المطور فراكسل2 يختلف بالشكل والالم والفراكسل الاولي لازم يحطونلج ماده زرقا على ويهج قبل الجلسه اما الثاني لا بس كريم التخدير وبعدها ماده نفس الجل الشفاف بعد الالم فيه اخف

اختي عادل زهير يعطيج ابره تخدير كلي مدتها ربع ساعه عشان لاتحسين بالم مادري دكتورتي قالت انا ماايد التخدير الكلي كل جلسه وخصوصا الكورس ياخذ 5 جلسات فيه بنات ارتحاو حق عادل زهير انا خفت من سالفت التخدير

سعر الجلسه 225

لولي تدرين الدكتوره كانت تشتغل برويال وايد نقدتهم ونقدت باميلا قالت هذي لاعندها شهاده تخصص ولاحتى ممرضه تخيلي بس ياييبينها شكل ماتعرف شي واي مشكله تسير عندهم يدقون عليها واهي طالعه منهم اشوه انج زفيتيهم:eh_s(21):

 

[أحاسيس دافئه]

لسلام عليكم بنات وعيدكم مبارك ولو انها يت متأخره بس شسوي والله بتي وولدي طاحو علي غير طيحه حرارة وربو والحاله حاله الله يعين
مبروك ريمة الكويت على أول جلسه ويالله ابيج تكتبين اول باول شصير معاج علشان انقارن بين الجهاز اليديد القديم
انا جلستي يوم الثلاثاء ان شا الله واحتال اجربها من غير بنج كلي لأن وايت روز سوتها قبل امس بتارخ 5 /12 بدون بنج كلي لأن الدكتور قالها انهم جايبين مخدر موضعي أقوى
بجرب وبشوف
المهم الحين طبعا صار لي شهر
راح ابلغكم بنتايج الجلسه الثانيه
البشره تحسن لونها بشكل كبير
المسام الكبيره تقلص حجمها بنسبة 50 بالأميه
الحفر الصغيره احس انه اشوي تغير حجمها ولكن الناس ما لاحظت هالشي انا اللي لاحظت
الحفر الكبيره انسوا ما صار لها اي تغيير
السمار اللي حوالين الحنك خف بنسبة 70 بالأميه
احس البشره شدت اكثر من الجلسه الأولى
المهم يا بنات ادعولي اني القى نتيجه مضبوطه بالجلسه الثالثه
وها يا ريمة الكويت مو تنسين ما تكتبين ابي النتايج اول باول علشان نستفيد ولبنات يعرفون الفرق بين الجهاز القديم والجديد
جلستي يوم الثلاثاء الساعه سته ونص المغرب 8/12 ادعولي بالتوفيق
واطلب من الأخت وايت روز انها تكتب لنا نتايج الجلسه الثانيه معاها في مركز الزهير الطبي
ادعولي بالتوفيق

 

[ريمه الكويت]

انشالله تشوفين النتايج الي تريحج اختي لولي انا متفائله لانج شفتي نتيجه بالجلستين انشالله الثالثه تبشرينا عن الحفر الكبيره تروح والكل يلاحظ
وجربي بالبنج الموضعي احسن وهذا كلام دكتورتي تقول ماتفضل البنج الكامل

بالنسبه حق الجهاز اليديد وايد يفرق عن الاول سواء شكله او الالم الي فيه ودرجات قوه الليزر على كلام الدكتوره تقول الجهاز الاول اذا حطو لكم درجه 8 تقول يوصل لطبقات الجلد نسبه 6 واثنين منهم يظيعون برا الجلد وهذا الي يسبب الالم القوي بالجلد اما جهازهم الليزر كله يوصل لطبقات الجلد الداخليه وحتى سوتلي منطقه حوالين العين طبعا خففتلي درجه الفراكسل حول العين وحتى فوق الشفايف وتقول ان حتى الشفايف راح تتحدد وتبرز شوي اكثر من اول وطلبت مني ازورها عقب الجلسه بيوم اويومين عشان تحددلي موعد حسب تقبل الجلد لليزر بس مثل ماقلتي هاليومين وقت امراض وربو والعيال طايحين كحه وربو ومشغله جهاز التبخير ماحب اطلع هاليومين
بس الي لاحظته الاحمرار كان بس اول يوم قوي وبعدها مع الكريمات اشوف وايد خف يعني لوني سار وردي واليوم احس البشره بدت تخشن شكلها بتتقشر مثل الرمل وصج حسيت الشفايف صج شوي تحددت والنتايج طبعا ماتبين عدل الا لما تمر فتره وتتقشر الجلد ويروح اللون الوردي وراح اقولكم شسار معاي

 

[أحاسيس دافئه]

اطرتج ريمه على احر من الجمر بس ابيج تعطيني انا والبنات نبده عن نوعية بشرتج حفر والا تصبغات والا مسام وشنو لونها ابيض والا حنطي والا شنو لأن نتايج الفراكسل على البشره البيضه أسرع اتمنى تكتبين لي المطلوب علشان انعرف اشلون أثر الفاكسل على بشرتج

 

[ملاك-77]

مشكوووووووووره

 

[ريمه الكويت]

انا بشرتي بيضه وكان فيها تصبغات ومسامات وخفو مع الجلسات الي سويتهم من قبل المسام خف 70 بالاميه مع الوقت الاحظ كل مامر الوقت يخفون اكثر وبعد سويت جلسات عند اخصائيه بشره هم خففتلي المسام واللون يمكن 80 بالاميه يعني المسام الاحظه اذا شفت نفسي بالمنظره الي تكبر وهم ودي تروح كلش بس كان عندي على جنب خدي مثل اثار حب الشباب بالشمس يبينون اوضح او بالاضائه القويه هذي ودي تروح ومتامله تروح مع الجهاز اليديد اهو وابي توحد اللون@@ وعلى فكره واهي الدكتوره تسويلي الجلسه كان عندي اثر جرح وانا صغيره صوب الجبه فوق صغير مرت الجهاز عليه وتقوووووووول راح يروح يعني الجهاز يروح اثار الجروح والعمليات

اليوم الاحظ بشرتي مسمره وخشنه شوي

واي جديد راح اعطيج خبر

 

[عنود الحب]

مرحبا لولي

شحاااااااالج

امممممممم انا بعد عندي حفر تقريبا وسط او قريبه للكبيره ف ويهي .. وابا افتك مننننننننننهم تعبت نفسيا

سويت كذا جلسة تقشير بس للأسف .. ضيعت فلوووسي عالفاضي

والحين ابا اسوي ليزر الفراكسل

بس خايفه واااااااااايد

متشجعه بس بعد خايفه

والمشكله اني أداووم .. وحالياً عندي اجازه اسبوعين من الدوام .. بس مالقيت مكان ثقه اسوي فيه الفراكسل غير كوزمسيرج لانه وايدين مجربينه عندنا .. و مافي حجز لين بداية الشهر الياي ..

وعيادة د. سعاد لطفي بعد حسافه ماعندهم جهاز الفراكسل .. لانها ماشاءالله عليها شاطره بس حسافه ماعندهم الجهاز

والحييييييين مب عارفه شو اسوي ..

خاصه اني سمعت منكم .. انه لازم الجلسات تكون شهرياااا يعني قريبه من بعضها

وانا ما اقدلا كل شهر آخذ اجازه عشان اسويه

شووووو اسوي انصحوووووني بليز

والله يتمم عليكم النتيجه وتفرحوووون فيها .. وتكون ويوووهكم صااااااااافيه ومافيها أي آثااااااااااار بالمره ,,, آآآآآآآآآآآآمين

 

[عنود الحب]

=== Up ===

 

[أحاسيس دافئه]

عنود الحب يالغاليه ما له داعي تاخدين اجازه احنا بالكويت اجازتنا جمعه وسبت شنو انسوي؟
الجلسه انسويها يوم الاثنين مساء وناخد مرضيه ثلاثاء واربعاء وخميس وعندج عطله جمعه وسبت يعني خمس ايام ممتازين واتداومين الأحد وجديه ماله داعي تاخدين اجازه
وبالنسبه لكوزمسيرج عندنا بالكويت فااااااااااااااشل نصابين بس عندكم بالآمارات ما ادري
بس انا اقولج لا اتسويين شي الحين لما اخلص جلساتي واقولج الحفر الكبيره اتروح والا لأ لأن انا ما لاحظت اي فرق على الحفر الكبيره ولا تنسي قيمة الجلسه مو اشويه يعني حرام اتقطين فلوس على الفاضي
نطري انا بقالي جلستين واقولج شنو يصير معاي
وعندج بعد ريمه اتبلغنا وعندج بعد وايت روز راح تقولنا شنو يصير معاها بعد الجلسه الثانيه

 

[أحاسيس دافئه]

ريمة الكويت بنات ما رجت جلستي المقرره يوم الثلاثاء أمس اجلتها ليوم السبت لأن اللوز عندني اتعبوني وحرارتي ارتفعت الظاهر اعيالي اعدوني
المهم ريمة الكويت ما عليج امر أبي اسم الدكتوره للي عالجت لج المسام وخففتهم لج
ومن كلامج ريمه انتي ما عندج حفر يعني تصبغات ومسام بس
أنا كوكتيل حفر
ان شا الله اطيب واروح السبت ادعولي

 

[عنود الحب]

مرحبا اختي لولي

الصراحه فكره حلوه سالفة الاجازه المرضيه

خلاص .. ان شاءالله انا بنتظر لييييييييين ما انتي اتخبرينا بنتيجة كورس الفراكسل ونشوف تأثيره كيف عالحفر

اهم شييييييييييي الحفر .. حتى الميك اب ماينفع مع هالحفر

خلاص حبيبتي .. انا بتريا منج الاخبار

وان شاءالله ياااااارب تحصلين النتيجه اللي تبينها .. وترووووووح هالحفر

ويكون ويهج احلى من المرايه

وسلااااامتج حبووبه .. ماتشوفين شر ان شاءالله ف عدويييييييييينج

 

[رهوف]

لولي موفقة ان شاء الله اخيرا بينتي ونشطتي الموضوع

وان شاء الله تلقين نتيجة حلوة

بس توني ادري ان النتايج تبين عالبشرة البيضا اسرع !!!!!!!

وريمة حلوة فكرة الجهاز الجيل الثاني وبالتوفيق يارب

 

[Qea]

ريمه ، لولي :

شكرا على الافاده

وان شاءالله من خلال تجاربكم اقدر اقرر اي عياده اروح

ومازلت متابعه



تحياتي

 

[ريمه الكويت]

هلا لولي ماتشوفين شر شسالفتنا حتى انا لوز وعيوني مورمه شكلنا ماخذين برد بالنسبه للمسام خفو من جلستين الي سويتهم برويال وبعدها بشهر تقريبا سويت جلسات تخفيف الدهون بالبشره عن اخصائيه بشره اسمها زيبا رفيق باكستانيه اذا تبين رقمها وعنوان صالونها اعطيج اياه
اليوم رحت مركز عادل قطينه والي تسويلي الجلسات اللحين اهي دكتوره منال مو دكتور عادل تقول قبل كانت تشتغل بمستشفى رويال واهي الي انتقدت الي يسون الفراكسل برويال تقول لااهم دكاتره ولااخصائيات ولاحتى ممرضات وتعرف باميلا تقول ماتعرف شي بس مدربينها على الجهاز حسبي الله عليها اشوه ماحرقت وييهنا

المهم الدكتوره فالت لي اليوم انها بدتلي الجلسات من اول ويديد يعني ماكملت على الي سويناه قبل يمكن لانا جهازهم مختلف ولا بعد عشان الفلوس الله اعلم وقالت اي شي مظايقج او اي شي تلاحظينه بويهج لازم تقوليلي حطي منظره الي تكبر واكتبي ملاحظاتج وقالت النتيجه تبين اكثر بعد 4 اسابيع وعلى فكره حطيت موعد بعد شهر

ونشوف على الله تبين نتايج زينه وابشركم

ومع السلامه

 

[white-rose]

السلام عليكم يا بنات وكل عام وانتو بخير :aha: انا سويت الجلسة الثانية يوم السبت اللي طاف 5 يناير واليوم كانت مراجعتي عند الدكتور وتوني ياية منه ( مركز الزهير الطبي) د محمد ، والله وانا رايحة مستانسة احس بشرتي وايد متحسنة عقب التتفخ والتحقن تقشرت البشرة وبين وويها صح في احمرار بس المسام اختفت والله والحفر حيييييييل اصغرت الحمدالله وان شالله تستمر هالنتايج ما تغير الا للاحسن والدكتور بعد وايد مستانس من النتيجة يقول وايد فرقتي لو مصورج جان بعد تبين لج اكثر :eh_s(6): ومشكورين .

 

[white-rose]

اي صج نسيت اقولكم ان جلستي الثانية لما سويتها سويتها بمخدر موضعي مو مثل الجلسة الاولى بمخدر كامل والله لما دشيت عالدكتور قالي شرايج اتجربين الموضعي ترا يايبين مخدر اقوى وشتغلين عليه اسبوعين ومحد شكى قلت عيل اتوكل على الله والله لما حطت المخدر خلته تقريبا اكثر من ساعة وعقب لما ياني الدكتور عشان يبدي الجلسة اول مرة خفت بس والله مع تشغيل الهوا البارد ما حسيت الا بلسعات بسيطة بس والله وايد احسن وانتي صاحية يسولج الجلسة على الاقل اتعرفين اشصاير ما صاير عقبها طبعا لما خلص قمت غسلت ويهي من المادة الزرقا بس هالمرة حسيت بالانتفاخ طول يعني اكثر من يومين بس الحمدالله الحين صرت تمام وزي الفل :eh_s(6):

 

[فيرونا]

الموضوع وايد حلو ومتابعته من اوله {حشا مسلسل}oster_av1:

وعجبنى الموضوع ....ولماا يخلص المسلسل{ اقصد الموضوع }:eh_s(9):واعرف النهايه ان شاء الله السعيده ..راح اقرر وين اروح
لانه من زمان خاطرى اسويه بس كنت مانى عارفه اذا راح يفيدنى ولا لا:080402ask_prv:

وحيبيتى لولو اذا رحتى حق موعدك الجديد سالى دكتورتك اذا يفيد حق بقع الوجه
لانى سويت ليزر عند دكتورة دلال التركيت والله يسامحها زيدت البقعه بدال ما تخفيها
5 جلسات وماكو فايده بل {ولاحظو بل}زادت البقعه وزادت الخساير:lkmnkl:

 

[أحاسيس دافئه]

الموضوع وايد حلو ومتابعته من اوله {حشا مسلسل}oster_av1:

وعجبنى الموضوع ....ولماا يخلص المسلسل{ اقصد الموضوع }:eh_s(9):واعرف النهايه ان شاء الله السعيده ..راح اقرر وين اروح
لانه من زمان خاطرى اسويه بس كنت مانى عارفه اذا راح يفيدنى ولا لا:080402ask_prv:

وحيبيتى لولو اذا رحتى حق موعدك الجديد سالى دكتورتك اذا يفيد حق بقع الوجه
لانى سويت ليزر عند دكتورة دلال التركيت والله يسامحها زيدت البقعه بدال ما تخفيها
5 جلسات وماكو فايده بل {ولاحظو بل}زادت البقعه وزادت الخساير:lkmnkl:

حبوبتي دكتوره دلال التركيت أتلوع الجبد كنت أروحلها لما كانت عيادتها ابخيطان وخربت ويهي وبقعته مالت عليها شاطره كات بس كريمات الدنيا تصرف لنا ما كبرت لنا المسام غيرها وشاطره بعد بالتقشير الكريستالي بس هدا اللي فالحه فيه خليها اتولي عنج
بالنسبه للبقع انا اقولج ايه الفراكسل يوخر ابقع والكلف وسواد اللي يكون حوالي الحنج هدا اضمنه لج لأنج لو اتقلبين بصفحات الموضوع راح اتشوفين شنو سوالي الفراكسل من جلستين روح البقع والكلف بنسبة سبعين بالأميه ولكن الحفر ماسوالهم شي نطريني انتي والبنات لما اخلص جلساتي وابلغكم أول بأول لأن نتايج الفراكسل على البشره البيضه اسرع من البشره السمراء وانا بشرتي سمرا ولونها نفس لون الممثله شيماء سبت علشان اتعرفين لون البشره
تابعوني

 

[عنود الحب]

مرحبا لوووولي .. شحالج .. ان شاءالله صحتج الحين احسن؟؟؟؟

ماشاءالله على جو الكويييييييييت .. يقولون وايد وايد برع .. سمعنا انه الحراره عندكم وصلت 2 !!

ههههههههه احنا وصلنا للـ 12 ومتجمممممممممممدييييييييييين !


اممممممم

بخصوص الفراكسل ..

احنا ان شاءالله متابعينج

وان شاءالله يارب تحصلين عالنتاااايج اللي ترضيج قولي آمين

وان شاءالله ريمه بعد تلقى النتيجه الحلوه وتبشرنا

نتريااااكم ونتريا الاخبار ..

 

[mishmisha]

up...