لولو كاتي

[أم مشموش]

:0bee2e8d89:السلام عليكم اشلونكم بنات عفيه تكفون بنتي اذتني بالحنه تبي اكسسوارات لولو كاتي لقيت بالمهلب بس اسعارها نار الصراحه لي تعرف احد يبيع نفس هالاشياء باسعار ارخص ادليني تاخذ فيني اجر تكفون

 

[زهور الجمان]

والله ما اعرف اذا لقيتي منهم قوليلي

 

[ام عفاف الكويت]

انا عندي سنطه لولو كاتي بالخام الناعم وداخلها عطر مسويتها لوحدة بعيد ميلادها

اذا جاده من عيوني

 

[dyaanah]

ما اعرف شلون صايرين بصراحه

 

[الاسطورية]

قصدج هيلو كيتي صح؟

 

[ام عفاف الكويت]

انا عندي جنطة داخلها عطر هدايا

 

[ام مضاوي]

اذا هلو كيتي

اختي انا اخذتهم من المهلب لبنتي ومثل ماقلتي اسعارهم نار

والله نفس الي اخذته لبنتي بالضببببببط ب15 لقيته اول كلمه 4دنانير
بمحل (الحفار)

شفت محلهم الي بمجمع الايوب
واختي شايفتهم بحولي بلازا
وعلى فكره انا الي ماخذتهم بهالسعر صغااااااااااااااار نتفه على قد بنتي عمرها 9شهور

والكبار تلاقين تشكيله اكبر واحلى

 

[*مستانسه*]

وين صاير محل الحفااار؟. بنتي عمرها سنه وسبع تشهر وطايره بهلووو كيتي ,, اول مره تلزم على شي بمحل اعجبتها شباصات وسعرهم 3 دنانير وماحبيت اخليهم بخاطرها

 

[ام مضاوي]

الحفار موجود مثل ماقلتلكم
مجمع الايوب
حولي بلازا
المهلب بالسرداب(كشك)
وناسيه بعد اتوقع النقره

 

[أم مشموش]

مشكورين يابنات ماقصرتو بس بنتي تبي اكسسوارات ماتبي عطر وجنطه وبروح الحفار ماقصرتو

 

[زهرة اللوتس]

يمكن بالحفار تلاقين

 

[شانيل نمبر 5]

الحفار عندهم اشكال والوان واحجام
وعندكج بالفروانيه بعد

 

[ام مضاوي]

انا هذيا الي اخذتهم ب15 تقريبا
معاهم كلبسات شعر 2 صغااااار على قد بنوتي

ولقيتهم بدون كلبسات الشعر ب4 عند الحفار

وعلى فكره هالصورتين طلعتهم من موقع تسوق كويتي يبيعهم على 20،500دينار

 

[بنات حواء2]

البنات لا إله إلا الله كفوا و وفوا

 

[قطوه^برونزيه]

انا عندي نقشه كتي سويتها بالشوارفسكي حق بدله بنتي طلعت تينن

 

[أم مشموش]

اصدقون بنات رحت الحفار لي بسوق السالميه مخلصين مافي ولاشي

 

[حسينه حلوه]

السلام عليكم حبيبتى انا عندى اكسسوارات هاللو كيتى اللى شفتيها بالمهلب الحجم الكبير اللى سعرها 15 دينار انا ابيعها ب10 والوسط ب5 وعندى اكسسوارات وايد غريبه وحلوه للى حابه تشوفهم تراسلنى على الخاص