لولو اشلون اسبحها ؟

[دانه البحر]

حبيباتي عندي قطوتي لولو سبحتها مرة قبل شهر بس لاني مبتداة بتربية القطاوة ما اعرف تاذيت معاها وايد ما توقف اشلون تسبحون قطاوتكم ؟ وشكرا

 

[hope p!Nk]

والله مؤؤدري
بـــــــس اكييييد البنــات بــيفدوونج

 

[الكرزي]

اول شي حطيها ابحوض ماي دافي ومسحي عليها شوي شوي عشان تهدى وحطي الشامبو على جسمها وفركي كل مكان طبعا انتبهي لا يدش الماي باذونها او عيونها لين اتخلصين عدل بعدين نشفيها بالفوطة عدل ونظفي عيونها واذونها بقطن وانتي املحفتها بالفوطة عشان ماتحرك واتأذيج واخيييييييييييرا استشوري شعرها خلي السشوار على الوسط والدافي عشان ماتخاف

 

[miss cupcake]

الكرزي ماقصرت بالشرح ...
بس اذا انتي مومتكنه منها وديها الدهماء قبال سوق الحمام وسبحونه لج ويقصون اظافره يخلونه يلق لق *_(
وانتي شوفيهم عشان تعلمين.. ويكلفج 7ونص

 

[ZoooQa]

مرحبا

انا كنت اتأذى مع قطوتي وايد بالسبوح

لين اكتشفت انها اوكي ماعندها مشكله بس لا تعردين وياها

قمت اهدها هدد بالحمام واحط تب في ماي دافي لي النص - مو تب عميق لا جنه باديه عوده مال غسال الهدوم

المهم وقم اخليها تحوس على كيفا وانا اصب عليها ماي من الشطاف - كل مكان ماعدا راسها

القطاوه طفارتهم الويه والراس يخافون

بعدين احط الشامبو اوفركها فراك بيدي كل مكان حتى بين اصابع ريولها - تكيف

ورقبتها وبطنها وكل صوب - سلم قلبها شوقتيني اسبحها الخميس لوول _03ba:

المهم ارد اغسلها من الشامبو - الماي دافي

اذا محتاجه فوم ثاني ارد احط شامبو

بس العاده قطوتي نظيفه فوم واحد يكفيها

المهم عقب ما اغسلها من الشامبو

بعدي اخذ شويه شامبو وماي افرك راسها من فوق نتفه وحنجها ومارش ماي عليها لا احط بيدي وامسح لين يروح الشامبو ويصير راسها يلق
تالي

اقوم اخذ ماي بيدي شوي وامسح ويها
صوب شواربها - حنجها صوب عيونها بس ماي ماله داعي صابون لايدش بعينها او خشمها بس مادي حطي بالج

بعدين خلاص الفها بالفوطه و اروح داري المها لين ترتاح من الشاور لانها تتعب حرام

تالي ابدي انشف بالفوطه اللي اقدر عليه وبعدين بالسشوار على مو يطلع صوت عالي ترى يخترعون ويشمخون

حاولي انه احد يمسكها معاج وطلعي شي شي من تحت الفوطه ونشفيه

بس ماله داعي الويه

بس اهم شي البطن علشان لايحوشها اسهال


وبس سلامتج انشالله اكون فدتج

 

[سكارف.فوشي]

ماقصرو البنات

 

[lolita q8]

توني اول امس مسبحا بنوتي لوليتا

والله انا اول مرا اربي قطوا يعني مييييح ماعرف شي بالقطاوا

بس الله يخلي الYouTube كل شي كل شي يحطونا و يعلمونج شلون تسوينا

دشي و استفيدي

و اختي زوغا ما قصرت بالشرح

بس الي بضيفا

اني اكون تارسا البانيو ماي دافي و احط شوي من الشامبو فيه

و وانزلها شوي شوي ابدي بريولها و اخليها تطبش بالماي

و شوي شوي ليما تتعود بس اخلي راسها و ابدي افركها

و شغلا ثانيا بعد

اني حاطا بالحمام عزج الله Grooming Table واكون مشغلا سشوااار قبل 5 دقايق عشان الحمام يدفي و تكون متعودا عالصوت و ما تخاف

و الفها بفوطتها الكبيرا و احطها عالTable و ابدي انشفها و انظف اذونها و عيونها و تالي اسشورها و امشطها ... ماحب اطلعها برا عشان ما يحوشها هوا

و بسسسس

 

[ســكــّر]

طريقة استحمام القطط
(لكل من يجد الصعوبة فى هذا)

[/COLOR]محتاجين الاتى بانيو اطفال ( او طبق غويط )
وفوطه كبيره للتنشيف \ فوطه صغيره لتنشيف الوجه \ شامبو للاطفال ( لا يؤذى العين )
وابريق لسكب الماء.

نضع القط فى الطبق ويكون تلته ملى بالماء حتى يبتل
الجزء السفلى من جسمه


ونقوم بسكب الماء على القط ....حذارى ووجهه
لا تبلل وجه القط اطلاقا

ثم نقوم بوضع الشامبو ودعك القط جيدا ثم شطفه

قم بلف القط بالفوطه بسرعه حتى لا يبرد

ثم قم بتنشيفه جيدا بعدها بالفوطه

ثم يجفف بالاستشوار ويسرح جيدا

 

[sweet cake]

ما قصروا البنات بس على حسب مزاج القطوه..
انا قطوتي لازم اسولف معاها ولا تخاف.. وغير هذا انا امسكها واختي تفركها بس ما تأذيني

 

[Joo.Joo]

لووووووووووول يحليلكم

انا اخلي كوكي بالمغسله واصب عليها ماي دافي ,, مرات تهدى من نفسها ومرات تنحاش بس امسكها بإيد وافركها بإيد ,,

طبعا ويهها ما اخليه يحوشه الماي بس انظف راسها من فوق وتحت اذونها وحتى رقبتها لان هالاماكن اكثر شي تتوصخ


عقب الماي ,, شامبو ,, مره ولا مرتين ,, وبعدين اخلي الماي بروحه ينصب عليها لين يروح الشامبو و اعصر شعرها واطلعها غرفتي بفوووووطه



احطها بـــ البيت المتنقل مالها ,,

واشغل السشوار عليها لين تنشف وعقبها امشطها ,,


وكان الله غفور رحيم ^_^

 

[Aboosah]

اي اشوااااااااااااااااااااء استفد انا بعد لوووووووووووول

 

[Kawaii GiяL]

لووول البنات ما قصرو فديتهم