لوكج بالدوام

[بنات حواء2]

السلام عليكم يا ابلات
شلونكم باول يوم دوام ....................ادري ما يحتاج تقولون
فديتج ام زنوب ( بنات حواء 2 ) عساج طلعتي احلى ابله اليوم ...جم وحده مدحتج انشاء الله دعوتي جابت نتيجه
خل اقولكم شصار معاي
امس رحت بيضون عشان اشتري اللوس باودر مال جفنشي اللي حطت صورته الاخت العزيزه ( بنات حواء 2 )
فقرقت على راسي الخبيره اللي هناك فخذيت كريم اساس جفنشي مع اللوس باودر مع كريم مرطب اللي ما يخلي البشره تعرق و تصب ماي مع ميلك كله من نفس الماركه
و لله الحمد كان اختيار موفق جدا جدا جدا جدا . بصراحه ما عمري رحت الدوام و رديت الساعه 1 و كان المكياج مثل ما هو
و الفضل يرجع لنصائح الاخت ( بنات حواء 2 ) الله يجزاها خير لا تقولون اعرفها لا و الله ما عرفتها الا من هذا الموضوع
و اللي اسعدني ان الكل استفاد

الف الحمدلله و عساج دايم باحلى صوره
تبين الصج اي نمدحت بس على خفيف
هههههههههههههههههههههههه
حبيبتي انتي عليج بالف عافيه الي خذيتيه و اذا عندج اي استفسار لا تتردين حبيبتي
و انشالله كل يوم تكونين بطلة عروس يارب
و صج جفنشي حلو و تحسين مثل لاضائه بويهج
عليج بالف عافيه




اللهم اعني
بالعكس لوكج حلو و ناعم
بس الصومال
هههههههههههههههههههههههه
ذبحتني ضحك

 

[سمراء كويتية]

كنت بجمعيه المنصوريه وشريت غسول ومنظف كلين اند كلير ،،، وهم شريت ماركه بوند التونر والمرطب النهار اللي متعدد الفوائد ،،،وبجرب وان شاء الله ايييب فايده ،،، لان ابي قبل عرسي تكون بشرتي صافيه نوعا ما ،،، انا ما فاد بجرب الخاص بعد امري لله ،، اما لوكي باجر جبكلوت تايقر وقميص مشمشي للي حوض وشيله بيضه ايشرايكم:bbbiu:

شكلو حلوووووووووووووووووووووو
من وين التايغر ؟؟ حبوبه

 

[jen2n]

مشكوره حياتي لا تروح وجربت المره واحسها زودت السالفه اكثر جنها صار المكان ملتهب واحمر

ام زنوب تسلمين يا قلبي انا قاعده اشوف اصور بالنت عن حب الشباب واقارن بينهم وبيني واشوف ان حالتي ولا شي جدامهم فالحمدالله ونقطه ثانيه اني ابي شي سريع المفعول هذي مشكلتي الثانيه وبالنسبه لماي الورد والمره هيجو بشرتي اكثر :/ بس بجرب اللي قلتي لي عليها اللي اهوا الماي والشكر والكريمات ما نفعني بروح الخاص امدحو لي مشعل الغريب

اما الميك اب بمر عليهم خلال بالويك اند

وناسه انا وياج متفقين رمادي ووردي او كحلي ببيج

سمراء كويتيه التايقر شريته بسفره الصيف من مانشستر محل تون ايفل

انا اليوم حطيت ميك اب من ماركه Glow تعطي لوك جنيفر لوبيز شاريتها من استراليا من 5 سنين اليوم حطيت منه البنات ماكو احد ما سألني من وين على بالهم حاطه تان برونزي لووول بس كان كريم اساسه مع بودرته عجيبه يخلي الوي يلمع بس مو البرونزي مال شوجي لا على افتح بوايد وبدلتي كانت كارديغان طويل بيج على لون النسكافيه يعني غامج شوي بأسود وقميص ابيض طويل وبنطرون سكيني اسود وشيلتي وجنطتي وشوزي عزكم الله ابيض

 

[MISS SMAIL]

ماشالله عليكم بنات ..
حبيباتي ابيكم تفيدوني بشغله ........انا بشرتي جافه جدا جدا جدا لدرجه مرات تقشر
بغيت مرطب وحمايه للدوم قبل كريم الاساس ... ويكون قوي وغسول يومي

 

[أبرار النبهان]

مشكووووووورين وعساكم عالقوة

 

[الغلا كله حمد]

صباح الخير

أنا عندي مشكله و اهي كريم الأساس مافي ماركة اللى و جربتها ماكو فايده نص الدوام اللى ويهي متقطع و مشوهب استغفر الله

بطلت اشتري و الحين استخدم بودرة ماك و احط فوقها اسبري بس و بودرة اخدود مشمشي و حمره لحميه او ورديه و شادو بني
خفيف و اضائه تحت الحاجب و اخط عيني من الزاويه اللي تحت و مسكرة سان لوران بس بغيت لوك يديد احس نفسي باهته وايد تخيلو حتي بكل مكان هذا لوكي مليت احس زوجي مل مني شسوي

 

[catt]

هاي بالنسبة لي ما احب اشوف الويه الاصفر ابدا ههههه
طبعا اول شي انظف البشرة بمنظف خالي من الصابوووووووون مهم جدا الابتعاد عن اي نوع من الصابون لبشرة الويه (الوجه)

بعدين بودرة حق الدوام لان احس الكريم ثقيل عالصبح وبلاشر ومسكرا وشدو فاتح وكحل

وبالنسبة للبس عملي بس ذرب يعني مو اي شي لان مهما يكون الوحدة تحب تطلع بشكل حلو خاصة احنا العربي نجابل الطلاب حصتين ورى بعض يعني الميك اب يختفي هههه من التعب

 

[بنات حواء2]

جنووووووووون
اشتقتلج سوري طولت برد لهيت بدوره
اي احنه متفقين بوايد شغلات على فكره اولها الاسم
ههههههههههههههههه
مو بس الالوان
الله لايفرفقنه يارب
جربي الماي و الشكر ممتاز
و قللي دهون مثل ماقتلج
و على طول عقمي ويهج بالتونر
و انشالله ميه ميه
بس لاتهملين الحبوب و ظلي راجعي
و انصحج بالمركز الي بالسالميه الي يم مركز سلطان اذا عندج واسطه روحي مناك يفتحولج ملف هناك دكاترتهم مالت الجلديه ممتااازين


MISS SMAIL
حبيبتي يمدحون مرطب اولاي الي بجمعيه

ابرار
العفو حياتي

الغلا كلا
اقري ردي في اول الصفحات و انشالله يعجبج لوكي و الافكار




كااااااات
رايي من رايج متفقه معاج بكل شي
و حلوه ملاحظتج عصابون
لانه ياجماعه في شي اسمه حمضيه و قلويه
و لمن يكون الوجه قلوي هذا يسمح لوجود انواع من الفطريات الي تسبب الحبوب و الامراض الجلديه
بينما اذا حمضي فلوي بيكون معرض للبكتيريا الهوائيه الكرويه
فبتالي نحافظ على ان تكون بشرتنه متوسطه او متعالدة البي ج عشان ماتصير ويانا هلمشاكل
فممكن تلجئون لاستخدام غسول غير قلوي يعني خالي من الصابون و بتالي يحقق لنه هشي
اانا برايي الاهتمام بالبشره يحتاج قرائه و تطلع و وعي و ثقافه اكثر


و حياكم الله

وينج صاحبة الموضوع افتقدتج نبي دعواتج الي احبها
هههههههههههههههه

 

[دلوعة مغليها]

بناءاً على رغبه بنات حواء 2 ( ام زنوب ) رجعت
اللي اسعدني و افرحني شفت تفاعل من الابلات و الكل استفاد ... مع اني كنت خايفه ما اشوف استجابه من العضوات بس الحمد لله
حب لاخيك ماتحبه لنفسك .... يعني اللي شفته بصراحه في هالموضوع ان الكل كان صادق في سرده لتجربته وكان صادق بعد في طرح مشكلته
واللي احلى و احلى لقينا عضوات متفاعلين معانا بكل صدق و امانه ويرجعون للموضوع اكثر من مره و ماتبعين ردود و استفسارات الخوات
بارك الله فيكم
انا عن نفسي ارتحت على جفنشي ............... بصراحه كلمه روعة شويه عليها و الله لو اعرف انزل صور جتن نزلتها لكم

 

[قلب راشد]

اب اب

 

[خجل؟!]

سبحان الله

 

[اللهم أعني]

بنت حواء عفية ... أنا استخدم كريم اساس ووااايد حلو بنفس لون البشرة س المشكلة اللي صوب الفم المنطقة اللي حول الفم تجي مقشرة ماادري ليش؟؟ وحطيت قبله كريم مرطب ع الوجه نيفيا وحسيت وجهي الطبقة اللي عليه ثقيييله وايد ماارتحت ماادري شتنصحيني؟؟؟

مع العلم مااغسل وجهي .. اذا غسلته يطلع نااااشف بالمره وكله قشور :/

وفي لاحظت بنات يستخدمون بودرة بدال الكريم انزين شنو احسن بودرة؟؟ عندي بودرة ميبو تنفع ولا لا؟؟

وشلون اخلي الميكب ثااااابت لنهاية الدوام؟؟

وغير جذي اي كحل احطه لااازم يسيل مع انه ضد الماي ليش ماادري .. ماانتبه الا وتحت عيوني سواد شكبره

آسفه كثرت اسأله لاني توني بديت اطقطق بالميك اب

مع ان بشرتي توب بس كرهتها

 

[كلنا للخفجي]

يسلموووووووووووووووووووو

 

[حلوه بس بلووه]

اب اب اب

 

[أم حسيب]

كل ما يكون ناعم وطبيعي احلى

 

[إنسانه]

ينن هالموضوع

 

[كويتية222]

خوووش موضوع ​

وانصحكم بصابونة









​

تعطيججججججج انتعاااش من تشمين بس ريحتها
​

​

ولاتحتارين كل انواعها منعشةةةةةةةةةةةةةة اخمطي الانواع والالوان كلها ​

​

الصج عااد اغسلي ويهي بماااي بارد ​

والمكياج فقط ماسكرا وحماية وتضبيط للحواجب وألبس ملابسي وبالدوام أحط حمرتي وعطري واعطر مكتبي بعد​