هلا حبيبتي طريقتي بسيطه و يطلع مكياجي طبيعي 100 %
اول شي انظف ويهي عدل و امسحه بالتونر
احط بيس لتقليص المسامات من بينفيت هذي صورته
بعدها احط بيس كريمي لونه اخضر من ماركة ميشا و يحتوي على حمايه للبشره اسمها بي بي كريم هلماركه مو موجوده بالكويت انا ماخذتها من دبي بس روعه معنه كريم بس يصفي الوي اشلوون ما ادري و بنفس الوقت يرطب و حمايه
بعدها احط بيس شمعي من لوريال يمنع افراز الدهون بنسبه حق البشره الدهنيه وهذي صورته
بعدها اةزع الكونسيلر تحت العين و الاماكن الي يبيلها تصفيه و استخدم كونسيلر ماركة ديرماكول لانها ثقيله و تغطيتها حلوه قطره وحده تغطيلج الوي كله لو تبين
وهذي صورته هو كوفر لاكن استخدمه استخدام الكونسيلر
بعدين احط كريم اساس ديور خفيف و حلو و استخدم لمعة الستن الي يلمع مثل لمعة الماي و بجذي يصير ميكابج طبيعي و لا كأنج حاطه شي و صافي و حلو و هذي صورته
ما اوزع على الاساس بودر نهائيا لانه حلاته بلمعته مالت الستن لاكن ممكن توزعين لوس بودر على الوي كله انا ما اسويها لاكن مايمنع اذا حابه تسوينها
و اهم شي عندي عشان يطله الميكاب حلو و مرتب عملية نحت الوي مو مثل ما انتو متخيلين ما تاخذ وايد وقت و انا اسويها ببلشر ماخذته من بينفيت الي بدبي ما ادري اذا موجود هني و لا لا هذي صورته ولونه بين المشمشي بين البرونز يعني لون ينفع على كل انواع و الوان المكياج
استخدمه على الاماكن البنيه الي بصوره هذي
و يبين الوي طبيعي 100 بالميه
و بنسبه للعين اوزع شدو بصلي فااااتح من ماركة ميكاب فور ايفر و في منه مائل علبيج
وكحله داخل العين و بعض المرات احط كحل من بوبا على حسب لون لبسي من تحت العين او من فوق و اوزعه او اخففه بالفرشه الي براس القلم يصير جنه تمويه و هذي الوان الاقلام
و حمره لحميه مثل هذي مرات مايله للوردي او البني البرتقالي انا ماخذتهم من دبي ماركة ميك اب فور ستار هي تقليد ميك اب فور افر بس هي هي مثل هذي
و حواجبي ما اسويهم تاتو بس شوية بودره نحاسيه على الحاجب املي الفراقات فيها و يصير طبيعي
شفتي كل هلخطوات يصير مكياجج طبيعي و رونق مثل هذا
