لوكتبت لك الاقدار يوما اخر مع عزيز فقدتيه شنو تقولين له ؟؟؟

[sweet dashttya]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

يدتي من امي ابوس رآسها والمها
ويدتي من ابوي ابوس رآسها واقولها سامحيني ما قدرت ايي عندج
ويدي من امي ودي اقوله مشتاقتلك وايد
واختي مريم احبج وايد الله يرحمج
وخالي حسن الله يرحمك واحبك وايد ودي اقوله اتذكر يوم سويت لك بيباي جان تعطيني بوسه على الطاير لووول كل ما اتذكر ادمع
الله يرحمكم

 

[myaar]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

لأختي الله يرحمها بعد جم يوم يصادف سنه على وفاتها

توفت وفاة طبيعيه وعمرها 30 سنه

الله يرحمها يا رب


نونو

اشتقتلج وايد

كل يوم انام واقول ان شاء الله تجيني بالحلم

ان شاء الله تكونين مرتاحه متهنيه في جوار الرحمن

كل يوم أفكر فيج وأسولف لج

الناس ماتشوف ولا تحس لان بالظاهر مانبين لهم احزاننا

الناس ماتقول اسمج جدامي

ع بالهم بجذي ماراح يذكروني فيج

أقول بقلبي ماتدرون انها كل يوم على بالي

عساج متهنيه يارب

والله يجمعنا في نعيم الجنه يا رب

 

[][ sarah ][]

ااااااااااااااااااااااااااااااااااااااااااااااااااه العزيز .... بدون ذكر اسماء
لكن اتمنى يرجع الزمن سنين وايد لي ورا وينكتبلي يوم يديد معاه واقوله لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ومستحيييييييييييييييييييييييييييييل , واكمل حياتي بدون عذاب وتعب

 

[بطوطة @]

صارلي ساعه اقرى رد رد وابجي بجي ماصار ولا استوى
جدي << توه متوفي صارله6 شهور والله احس انو امس مات يابنات تدرون اذا رجعالزمن لي ورا
1- كلما امي تروح بيت خوالي اروح معاها عشان اشوف يدي << ومااكابر واقول لامي وع انا اروح لاهلج مااحبهم نفسيه لا يمه روحي بروحج احسن ... اه اه اه
2- وكلما اروح بيت خوالي ادش غرفت يدي واسلم عليه <<< كنت اروح حق بيتهم وماادش اسلم عليه كنت اقول اهوه مايعرفني كبير اكي نساني
3- وكلما اروح بيتهم اقعد معاه بالغرفه>> مسكين محد يقعد معاه بالغرفه كله قاعد بروحه وعياله قاعدين بالصاله ضحك واكل وسوالف بس كان وحيد بغرفته>> بس ابي اشوفك بس
4-عاداتنا لما البنت تتزوج لازم تعطي يدها يدتها هديه عاد انا بعطي يدتي هديه بس يدي شلون بعطيه الهديه<< احبك يدي
5-مواقف وااايد بس موقادره اذكر انا اكتب وميته بجي والله احبك يا يدي احبك والله احبك
6-اخر موقف لي معاه رحنا انا وامي بيتهم وكانا كلا قاعدين بالصاله مع يدتي وخالاتي ويدي بالغرفه بروحه محد عنده مسكين نور عيني عاد لما طلعنا رحنا سلمنا عليه انا وامي وكنا واقفين وكان ياكل شندوشتين فلافل عاد قال لامي :هذي بنتج امي قالت اي قال: قعدو خلوني اطلب لكم فلافل تغدوا معاي عاد امي قالت له: لا احنا تاخرنا ولازم نمشي

وبعدهاااااا ب2 اسبوع توفى مااااااااااااااات مااااااااااااااااات مااااااااااااات
كانت صدمه لي بجيت بيجي

كنت اتمنى يحضر عرسي يشوف ريلي يدعيلي يزفني يامر علي اشكيله اقوله اهلي يبون يزوجون واحد انا ماابيه اترجاه يساعدني

يدني انا احبك حيل
واذا شفته ابي المه حيل حيل وابوسه من راسه لي رجوله واقوله
احبك احبك احبك والله بيت خوالي مايسوى من دونك واقول له ترا لا خالاتي ولا خوالي يسوون من دونك


شكلي طولت حيل بس لا تلوميني انا ماعندي احد اشيكي له والله غير ربي ومنتدانا يعني لا ام ولا اخت ولا رقيجه تسمعني كل واحد يالله شايل همومه بعد هموم غيره

 

[طويت صفحة الماضي]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

حسبي لله على بليسكم شالموضوع اللي يعور القلب ويفتح جروح وانا بدوام ماسكتني العبره وعيوني دمعت


كلمة لو ماتنفع بس الحمدالله على كل حال

لو ابوي اتقرب منه اكثر واكثر وابيه يسامحني اذا كنت مقصره بحقه موضوعج يعور القلب

 

[Angel_BElongER]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

كسر قلبي على فرقاك ليلحين مانجبر
الله يجمعنا وياك في الجنة ان شاء الله

الله يرحمك يا يبا برحمته الواسعة وعسانا دوم من البارين فيك

 

[بنت خالة هادي]

عاد امس كنت اكلم روحي قاعده بالصاله واتفرج على الجو وتخيلت ان ابوي بطل الباب ودخل

ضميته حييييل وقلته والله بدونك كلنا مانسوى شي ولانقدر العيش بدونك انت كل شي بالدنيا يكفي لضاقت الدنيا بوجهي ابتسامتك بوجهي تشيل الهموم من صدر ياااه بدري عليك يبه تروح وتخلينا كنت اظن الالعمر وياك طويل وماراح ترحل بسرعه وبصراحه فيه شي حيييل ندمانه عليه كنت مره قاعده بجنبه وودي ابوس رجوله بس استحيت اللحين اتمنى يرجع وابوس رجوله الثنتين فعلا يبه جزاك الله الجنه على تربيتك لنا ااغلى البشر ​

 

[فطووومة]

لامــــي الله يرحمها ويغفر لها ويجازيها خير الجزاء عن كل اللي سوته لنا ما ملت ولا كلت في يوم ،،،

الله يرحمج يا يمة


مــن عقـــب عينــج يـا يمـــــة ضـــاقت فينـــي الوسيـــعة

 

[رماني زماني]

الله يسامحكم سناسيني وصلت لركبي من البجي خلاص بس:eh_s(16)::0bee2e8d89:

 

[تربويه وافتخر]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

جدي الله يرحمه ........ أقوله أنا احبك مافي أبو بعدك يا بعد روحي

 

[عصير ليمون]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

الله يرحم موتانا وموتاكم ،، ويرحم أموات المسلمين
ويغفر لهم ويرحمهم ويجعل قبرهم روضه من رياض الجنه ويجمعنا معاهم
في عليين آمين يا رب العالمين

قريت 8 صفحات من الموضوع كل رد أصعب من الثاني
الله يجبر كسركم ،، ويعوضكم خير يا رب

وجبر قلوبكم يا رب ويصبركم

بس اصعب رد كان رد عمري شقا ،،،،
الله يرحم امك ويغفر لها ويصبر قلبك ويجبر على مصابج
تصبري أختي هذا قدرنا ،،، ما نعرف قيمة اللي عندنا
الا لما نفقده ،،،،
يرحم أمي وأمك وأمهات المسلمين

ودي أقول حق أمي سامحيني سامحيني سامحيني
ودي ألمج حيل حيل وابوس القاع اللي تمشين عليها
يمه من غيرك الدنيا ما لها لون ولا طعم
يمه غريبة من بعد عينج يا يمه

والله يرحم أبوي ويجعل مثواه الجنة الله يرحمه الله يرحمه الله يرحمه

 

[ShaGRa NoiSya]

اخوي الله يرحمه

اقوله: وينك يا اغلى اخو يهالدنيا وينك يالي تسوى الكون كله
تدري اني كبرت وتزوجت وعرسي قريب انشالله
قلت لي انك راح تكفخ ريلي عشان مايتجرأ ويزعلني بيوم وحلفت انك تقحص بعرسي وتفجر التواير على قولتك بس ماوفيت الموت كان اقرب
احبك الله يرحمك ويلعن السيكل الي ضيع شبابك

ياخوي يا عزوتي يا ضحكتي وبجاي
يا من على فزعتي يمينه في يمناي

 

[Air Bag]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

أخوي الله يرحمه ويغمد روحه الجنة

6 سنين مروا على غيابك كل يوم منهم مر ماغبت عن بالي
ويوم بعد يوم أحتاجك أكثر وأكثر
و أفقدك أكثر وأكثر
وأتمناك معاي بكل فرحة وبكل أزمة بحياتي
والله أن وفاة أبوي ما كسرتني كثر ماكسرتني وفاتك
لمن توفى أبوي أنت صرت أبوي
لكن من غبت عني غابوا كل أهلي عني
أحبك أحبك أحبك

 

[غلا 89]

ااااااااااااااه بس لو يرجع الزمن

جان اقول حق جدتي ام امي وجدتي ام ابوووووووي

احبكم وايد وايد وما مداني اعبر لكم شكثر احبكككككككككككككم

رحتو بسسسسسسسسرعه كنت احلم تجوفوني عرووووووس وتفرحون فيني بس الله مو كاتب

الله يرررررررررررحمكم يارب ويغمد روحكم الجنه انشالله


عمممممممي يا اطيب قلب فالدنيا

عشت معاق وما ضريت احد بالعكس كانت االبسمة ما تفارقك

نوووووووعدك يا عمي بنتك امانة في رقبتنا طول العمر وغلاتها من غلااااااااااااتك

الله يرحمممممك ويعوضك بالجنه يارب ​

 

[sho-sho_93]

اخيه اقول حق يدتي الله يرحمها والله اشتقت لج والحياه بدونج مالها طعم احبج والله بس ردي لنا محتاجتج وايد يدتي
واقول حق رفيجتي الله يرحمها اسفه والله ما سالت عنج ولمن سالت قالو رحتي عن الدنيا والله احبج وفقدتج وايد وسامحيني اذا يو اخطيت بحقج

 

[فوشيه كويتيه]

:yaaaaaarb: الله يرحمهم

 

[أماني الورد2011]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

أمي الله يرحمه

ابيه تشوف ولدي

 

[راعية الطويلة]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

حي الله الغالية أم مصعب :hjy5jewf:
وانا اقول الموضوع منوووووووووووور:080402ask_prv:


الله يرحم ابوي و ابوج و يجمعنا فيهم
بعالي الجنان آمين
غالي فقدته
مو شرط يكون الموت غيبه
ممكن التلاهي و الركض ورا الدنيا الفانية
بصراحة انسانة غالية علي فقدتها
و احب اقولها:
الله يسامحج..

 

[غلا الأيام]

اقول حق يدتي من بعد عيينج يمعتنا ما تسوى والعايلة تفككت وانتي اللي كنت دايما تجمعينا بالخير

والمحبة والتسامح ، الله يرحمها ويغمد روحها الجنه كانت انسانة رائعه

اقول حق صاحبة الموضوع ذكرتيني ونزلتي دموعي وخليتيني اتذكر يدتي في يوم اليمعه وقريت عليها الفاتحة

ذكرتيني فيها وان شاءالله في ميزان حسناتج

 

[روانتي 12]

رد : لوكتبت لك الاقدار يوما اخر مع عزيز فقدتيه شنو تقولين له ؟؟؟

الله يرحم موتانا وموتاكم وموتى المسلمين