لوكتبت لك الاقدار يوما اخر مع عزيز فقدتيه شنو تقولين له ؟؟؟

[الغلا كله لبوي]

ابوي
الله يرحمه ويغفر له
اقوله حياتي من بعدك صارت حزن وقهر مشتاقه لصوتك وضمتك وريحتك
ياريحته الغالين

 

[عاشقة الاسلام]

ابوي

احبك ياغله اب بهادنيا الله يرحمك برحمته ويسكنك جنه عرضها السموات والارض

اللهم امين

 

[ღ❤سـنــيـــڪـرز❤ღ]

اولا موضوووعج حللللو بس يحزن بنفس الوقت آآآآآه

انا الحمدلله اغلى مااعندي بهدنيا امي وابووي قداام عيني جعلى مااأفقدهم وربي يعطيهم الصحه وطوله العمر <آآآآمين يارب

الانساانه الي انا ماعشت معاها بس صدفه شفتها واحنا بسفر قعدنا معاها وردينا للرياض بعد فتره ياخبر وفاتها

بس ودي اقوول لها عيالك بخير وشافتهم امي بعد العزاء وودي اقوول لها ان زووجك مايستاهلك !!

يامسرع ماينسى الرجال العشره !!ولا تهوون عليييه وربي كرهته بس ماأدري لييه

تزووج ولامر على عزاء زووجته <<شهر وربي اصدمني هاالانسان آآآآآآآآآآآآآآآآآآآآآآآآآآآآآآآآه ربي يرحمج ويغفرلج رب السموات ولارض آآمين يارب

 

[سوسو الكويت-]

قسم بالله اكتب وانا قاعده ادمع من سوالف البنات مااقووول الا الله يرحم جمييع الاموات يا رب ,,

بس مدري ليشش على طول تذكرت الشيخ _جابر الله يرحمه والله اني فاقدته واحبه حيل مادري ليش محبة من الله
ومن زود مااحبه حلمت فيه الله يرحمه يارب ابي اقوله الكويت من بعدك ماتسوا فقدناك حيل فقدنا ضحكتك ودمووعك ايام الغزو
ومستحيل ننساك انت ابونا وشيخنا وحبيبنا وكل شي عسا الله يجمعنا فيك بجنات النعيم ان شاءالله ..

اشتقت لك موووووووووووووووووووووووت ..

 

[classic2004]

اقول حق زوجي حبيبي
اللي توفى من شهر ونص في حادث سيارة
احبك واحبك واحبك وباتم احبك
اسفه ع كل لحظة زعلتك فيها ~ ايامي معاك كانت احلى ايام عمري
اسفه اني مالميتك قبل لا تطلع
فاقدتك حيل راح اماني في هل الدنيا
فاقدة ضحكتك فاقدة دخلتك فاقدة لمتك لي فاقدة سوالفك
كنت تنطر التوام وربي خذا امانته قبل لا يكملون الشهرين
لا تهنيت فيهم ولا هم تهنوا في ابوهم
ونونا تحن تبيك وماعد اعرف شاقول لها

حبيبي موتك جرح قلبي وهد حيلي

 

[ام مصعب السلفي]

الله يرحم موتاكم وموتانا وموتى المسلمين

 

[ام مصعب السلفي]

كلاسيك 2004

اسال الله العلي العظيم ان يجبر كسرج

ويرحم زوجج ويعوضج ويعوض عيالج كل خييييييييير

وهدا حال الدنيا اسال الله ان يجمعكم بجنة الفردوس يارب

وربي حزنتيني وقطعتي قلبي

 

[نور مغليها]

بنآت أحرجتوني ...
أنا فاقده إنسان ..
بس حي .. مو ميت


آلله يرحم موتآكم ويغفر لهم ويجعلهم من اهل الجنه يارب

 

[منبع عبط^_^]

جدي الله يرحمه ... كنت بقوله اني احبه وفاقدته حيل وحياتي تغيرت من دونه

 

[طموحي كمولي]

وانا بعد بابا جاااااابر ...


الله يرحمه ويغمد روووحه الجنه ...

امبييييييييييه اول ما شفت صوورته فز قلبي ...

ودي اقووووووله عن كل اللي بقلبي .. واحنا حييييييييييل نحبه .. ودي ابوووس راااسه ..

الله يجمعنا مع صاالح المسلمين بالجنه

 

[kuwait_queen82]

اخوي
وحشتني ياعمري ضحكتك و طيبتك و قلبك لكبير ودي المك و ابوس راسك كنت فعلا اكبير بفعالك

 

[شذى2007]

ابــــــــــــــــــــوي بقوله يبه والله مانسيتك اتذكرك كل لحظه بس ماعندي الا الدعاء لك عسى اشوووفك بالجنه يارب يارب اجمعني مع ابوووي والله مشتاااقه له اهـ يايبه الله يرحمك يالغالي
يبـه شلـونك

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

 

[أم فهووود]

مع ابوي توفى وانا ماذكره ودي اقوله يبامثل باقي الناس واحضنه واحس ان عندي سناد

 

[ام مصعب السلفي]

الله يرحم موتاكم وموتانا وموتى المسلمين

 

[Drama.Queen]

اذا على الموت انا اؤمن انه الميت يقدر يسمع وارتاح لمن ادعي رب العالمين

بس يظل الحزن بالقلب

الله يصبر قلوووبنا كلنا


واذا على انسان بهالدنيا الحجي مايخلص

 

[Drama.Queen]

اقول حق زوجي حبيبي
اللي توفى من شهر ونص في حادث سيارة
احبك واحبك واحبك وباتم احبك
اسفه ع كل لحظة زعلتك فيها ~ ايامي معاك كانت احلى ايام عمري
اسفه اني مالميتك قبل لا تطلع
فاقدتك حيل راح اماني في هل الدنيا
فاقدة ضحكتك فاقدة دخلتك فاقدة لمتك لي فاقدة سوالفك
كنت تنطر التوام وربي خذا امانته قبل لا يكملون الشهرين
لا تهنيت فيهم ولا هم تهنوا في ابوهم
ونونا تحن تبيك وماعد اعرف شاقول لها

حبيبي موتك جرح قلبي وهد حيلي

دمعت عيني حبيبتي والله عسى ربي يصبر قلبج ويعينج على تربيه عيالج

ودايم قولي اللهم اجرني في مصيبتي واخلفني خيرا منها

 

[Jolia-007]

لا حول ولا قوة الا بالله

 

[dream_q8]

الي امي الثانيه(اختي الكبيره)
والله مكانج فاضي وماحد قدر يملان تعبتي اللي بعدج, معطيه كل واحد حقه واهتمام خاص فيه كأنه الوحيد في حياتج
واقولها صدقت الله فصدقك بإذن الله
أسأل الله ان يجمعنا في جناته ويجعا ما جاك كفاره يارب

 

[ام مصعب السلفي]

الله يرحم موتاكم وموتانا وموتى المسلمين​

 

[مسك حياتي]

مع ابوي الله يرحمه و يغمد روحه للجنه ان شاء الله ...

بقوله يبا حياتي صعبه بدونك احتاجك حييييل و مشتاقتلك و اتمنى انك راضي عني و الله يجمعنا بالجنان ان شاء الله و بلمه ...