لوطلب زوجك هل الطلب شنو تسوين ؟؟؟

[ام ريان3]

:bbbiu::s141:
اشلونكم خواتي اليوم يايبت لكم سؤال ناقلته عن لسان صاحبته كلفتني اوصل سؤالها وتبي جواب يفك حيرتها
لو زوجج طلب انه يقص شعرج بنفسه توافقين ولالاوخصوصا اذا كان مايبي شعر طويل حيل ووده يجرب يقص شعرج بيده وهل الشي يفرحه شتسوين ؟:bbbiu: سؤال محير بس ابي جوابكم لان يقولكم قصتها المؤساويه

 

[اتعبني غروري 7]

اعرف وحده يابت المقص حق ريلها وقعد يقصص فيه ويلعب وحيييل ينتف اهني واهناك
(( طبعا ثاني ييوم ركض الصالون تسنع الشعر))

لي يوم ميت عليها يقولها من ذيج الحركه مع انه ما اشوف فيها شي يخلي الحب يزيد ولا ينقص


بس الي اقولج عنه مينون ... كا ما طقها يحبها زياده ...

 

[اكسبلانكا]

والله حبيبتي مادري شقولج انا عن نفسي ريلي ذبحني الا يبيي اقصه بس ليلحين ماوصل مرحله انه يقولي انه اهو اللي يبي يقصه
بس اذا كان شعري طويل وايد يمكن اخليه يلعب باطرافه واكون ماسكه شعري من النص بس هم قويه لالالالالالالالا ماعتقد اسويها

 

[حبوبة الأطفال]

همممممم

أوكي ممكن يقص شعري على راحته لو عالزيرو بس بشرط



7

7

7

7

7

7

7

7

7

7

7

7




أحف جسمه كلها بشيرة لووووووووووووووووووول

 

[اتعبني غروري 7]

ههههههههههههههههههههه حبوبة الاطفال خوووش شرط

 

[حبوبة الأطفال]

أفا عليج

شنو أخليه يلعب بشعري إلي تعبت عليه طول هالسنين >> أخاف صج

نو وي

لازم وحده بوحده

نذله

 

[بتبوتااا]

حبوووبه هههههههههههههههههههههههههههههههه مجرمـــــــــــــــــــــه يمه منج وووواي اتخيل المنظر ههههههههههههههههههههههههه

طبعا اذا ريلي طلب عادي لانه ودي اقص شعري واهو مو مخليني :\

 

[غدووور الكويت]

عادي اخليه يقص شعري واذا ما اعجبتني القصه أروح اعدلها بالصالون
يا كثر الصالونات عندنااااااااا

 

[قرص عقيلي]

ينسى الموضوع

بخلي راسي معمل حق تجاربه خخخخخ

 

[كوارين]

اخاف اجازف
بس اذا شعري تعبان وحالته حالة وناوية اقصة بوي اعطية وثاني يوم اروح الصالون

 

[ام ريان3]

قصتها انها اتموت حيل على ريلها وعسا مايطلب منها شي الا سوته والدليل ظحت بتاج جمالها شعرها عشانه بس عشان ترضيه بيوم من الايام قعدت عصاري قالها اشرايج اتغيرين اللوك طبعا استغربت من الطلب خصوصا ان اهي ماتخلي على طول تغير بلوكها قالها اشرايج بدل ماتروحين الصالون انا بسويلج طبعا اهي اكتشفت ان هل الشي يثير المشاعر وبعد تفكير لحظات وافقت طبعا ماصدق خبر راح شرا العده وقص لها لين جتفها مع انه شعرها طويل لي خصرها بعدها يجم اسبوع هم نفس الشي قص لها حيييل قصير قريب من البوي والحين اتحاول تهتم فيه زيوت وغيره تبي يطول لكن بعد جم شهر


سافرو للعمره ولما خلصو مناسكهم ردو الفندق ولا

الاخ شاري مكينه ويبي يجربها فيها طبعا رفظت بشتى الطرق لدرجت ان قالها شيصير لوجربنا الاخ متاثر بالغرب وايد والافلام واول مره ترفظله طلب عصب اول مره يشوفها مصره وماتلبي طلبه هددها قالها شنو شعورج لو نمتي وقعدتي ولا لقيتي نفسج عصفر المسكينه مانامت من المحاتات ومن يومها وهو متغبر وهي محتاره تبي رايكم تقول اوافق وارضيه خصوصا موسم سفر مابي اعكر مزاجنه .

برايي هذا استفزاز الله يسخره لها ويبعد عنه هل الافكار

 

[بنـQ6riaـوته]

انا لو متزوجه وريلي يبي هالشي



والله اعطيه اصغر مقص عشان مايخلص بسرعه



واخليه يستانس لان الرياييل مالهم شي معين يخليهم يحبون حريمهم




عن نفسي عادي خله يعيش تجاربه كلها علي

 

[تآعِبنْ قَلْبِيْ]

انا ريلي بين فترة وفترة يطلب مني انه يقص شعري واحيانا يبي يحط لي مكياج خخخخخخخ

بس ولا مرة خليته يسويها والحين ماعاد يطلب شكله فقد الامل لووول

بس مسكين مرة قلت له حلق شعر صدرك تكفى وقعدت اترجاه ليمن وافق هههههه

وكله يقول لي هذا دليل اني ماارفض لج طلب كسر خاطري بس للحين ماوافقت انه يقص او يحط لي مكياج هههههه

<< نذله خخخخ

بالنسبه لرفيجيتج موقفها وايد صعب وريلها يطلب طلبات غريبه الله يعينها ..

 

[ليالي العاشقين]

اقوووووووله روح اشرب من ماي البحر ...
لوووووووول

 

[رينااااد]

يا يحلق شعري مكينه يايزعل من صجة هذا؟؟؟؟؟
يمه لا ان شاء الله

 

[FROLA]

لاواللة مااخلية هذا مريض يروح يعالج احسن

 

[atoootta]

والله ياليت .... أموت عالشعر القصير انا بس اهو مايداني .. يموت عالشعر الطويل

 

[Om MaLaK]

أهم شي أم ريان هذا جنى مصخها
أنا لما قريت الموضوع كنت موافقة انه يقص شعري بس بعد ما قلتي لي إن ريل رفيجتج بيحلقها
لأ رجاءا إلا هالعبط
يمعودة هذي تكون خبلة إن خلته يسويها
أصلا لازم ما تعوده إن أي شي يبي يحصلها
لأ و أهم شي زعل بعد
بالطقاق خل تقوله شرايك تنام و لما تصحى تشوفني شايله شعر جسمك بالمكينة
و اذا تمادى خل تسويها علشان يتأدب ( شريرة)

 

[emynice]

●●●

وااااي ..

الحمدلله الذي عافانا مما ابتلاه به وفضلنا على كثير من خلق تفضيلا

هذا اكيد مو صاااحي .. اكييد

في احد يطلب هالطلب .. اصلااا الشعر زينه المرااا

بكرا لاحلقها يقول شكلج ويع وياخذ غيرهااا

والله الرياجيل مالهم امان ..

اقول لاتطيعه والله ماراح ينفعها بشي

والله يهديه يارب

●●●

 

[سنعه بس مظلومه]

تنقص إيده ولا يقص شعري تعبت واطول فيه واهتم فيه وتعب امي من هالسنين حنآ وزيوت يجي هو عشآن طقت براسه اسوي اللي يبيه . افرضي قآلها اشرايج ارميج من الدريشه بشوف تموتين او لا؟ بتطآوعه ؟ عجبي رجآل آخر زمن