*لوجين وحسين* أول روايه لي ..

[fdk_q8]

بسم الله الرحمن الرحيم
اللهم صل على محمد وآل محمد

انا نزلت هالقصه من قبل بمنتدى ثاني لاقت نجاح صغير لا بأس فيه ..
والحين بنقلها لكم اهيا 8 اجزاء وعندي اياهم كاملين ..بس اتمنى بنات اي انتقاد شي تقولولي اياه عشان ما اكرر الاغلاط بروايه ثانيه وان شاء الله تعجبكم ...

اسرة ال .. تتكون من ام خالد (ربة بيت متقاعده..بوفصيل متوفي وعندها ولدين وبنت)
خالد (عمره 30 سنه..متزوج من مريم بنت خالته وعندهم بنت صغيره اسمها ملاك)
فيصل(24 سنه..أسمر .. جسم رياضي .. طويل .. عيونه محكله .. شخصيته..حبوب مرح للغايه

... يشتغل بالجيش)
لوجين(23 سنه..حنطاويه..عيونها عسليه..)متخرجه حديثا وادور على وظيفه عندها دبلوم سكرتاريه

و تتكون اسرة ال... من حسين وساره
حسين(26 سنه ..وسيم طويل..عيونه مرسومه..) كان متزوج وانفصل .. متعقد من شي اسمه حريم بسبب امه وطليقته ...
امه كانت اجنبيه وكانت تخون ابوه لين ما خلت ابوه يموت من القهر .. وزجته الي حبها وايد وهم خانته ..
صار يكره الحريم وايد ماعدا وحده عمته ساره الي اصغر منه واحب وحده على قلبه يشوفها غير عن كل الحريم .. حسين يشتغل بشركته الخاصه الي مآخذه وقته كله
ساره(23 سنه عايشه مع حسين بشقته .. تشتغل مدرسة روضه واهيا تقريبا تشبه حسين بس على ملامح بنوته ...

حيدر صديق حسين الوحيد من ايام الروضه يحاول قد ما يقدر يخلي حسين يتأقلم مع الحياه ويشتغل معاه بالشركه ونفس عمره

بيت ام خالد
جريدة الوطن ..
مطلوب فتاة تتحدث الانجليزيه بطلاقه بشركة ال.. للمقاولات من يرغب بتقديم بياته يتصل عالرقم التالي ...


ام خالد : يمه لجون قومي شوفي اخوج خالد بيي وله لا بنتغدى يمه
لوجين:امي طالعي شكاتبين بل الاعلان بدق بشوف حظي
ام خالد:اكيد يبون وحده خبره يمه مو توها متخرجه
لوجين:عاد شخسرانه امي بدق .
دش فيصل عقب ما القى السلام ..
فيصل:لجون ما تملين راسج كله بالجرايد
لوجين:شسوي شقيقي ابي اتوطف مليت من قعدة البيت
فصيل:موفقه لوجين خانم ..ام خالد نجبي غداج ولدج خويلد على وصول
ام خالد:فيصلوه ليش ام خالد ماني امك
فيصل:احلى ام يما نتغشمر وياج صايره نجريه
لوجين:بدق عاد قصرو صوتكم ... الوو السلام عليكم
حيدر:وعليكم السلام .. آمريني اختي
لوجين:اخوي بس بغيت اسألك عن الاعلان الي بجريدة الوطن .. ايب اوراقي يعني وله عندكم ايميل ادز عليه
حيدر:لا هاج العنوان اختي والمقابله الشخصيه تكون عقب باجر
لوجين:يعطيك العافيه سلام
حيدر:سلام .. (ادري انك بتقوم الدنيا وبتقعدها اذا دريت انه السالفه فيها بنت بس رياييل مو نافعينا وكل يوم منفشين واحد وتعال توهق عاد بقوم اكلمه والي فيها فيها )
دش مكتب حسين ودرعم على طول ...
حسين : يا اخي طق الباب في عداوه بينك وبينه ؟
حيدر:امممم مو موضوعنا اسمع انزين
حسين:سكرتيره لاااا والف لاااا بنات لا والف لاااا
حيدر:حسون هذا من مصحلة الشركه افهم عاد جم واحد منفشين لي الحين البنت بتكون احسن بتسنع الامور محد بيوردر الشغل غير عنادك خو ما قتلك اتزوجها انا ومكتبها بروح
حسين:اممممم انزين عيوز مكحينه
حيدر:عن الينون حسون احط اعلان مطلوب عيوز مكحينه يوجد لدينا وظائف شاغره :/ انا حطيت اعلان وخلصت اصلا
حسين:اوووه مللتني من هالسالفه يا تنغز عليها يا مادري شنو خلاص الي تبيه سوه
حيدر:المهم انك اقتنعت واخيرا حنتي يابت نتيجه
حسين:زين يالله قوم خل نتغدى ... حيدر :يالله
.....
اما لوجين راحت السوق شرت هدوم ومكياج واملها هالمقابله عقب ما قبلو بيانتها ودشيت البيت
لوجين:السلام عليكم .. الجميع:وعليكم السلام
خالد:بوي بوي شالجياس
مريم:خامه السوق لجون
راحت ملاك تركض حق عمتها ولوجين نزلت لي عندها وباستها
لوجين:وي ما قتلج عندي مقابله وهالمره متفائله ف رحت تشريت لي بدلات اقايس وايي
كل شوي تبدل وتنزل
خالد:بديت اشك انه بنتج ينت يما
فصيل:اوافقك الراي يا بوملاك عرض ازياء صار
لوجين:مش هرد عليكم !
ام خالد:ماعليكم من بنيتي خلوها مستانسه
مريم:امممم لجون احلى شي عندي الجينز والجاكيت روعه شكلج رسمي
لوجين:والمكياج
مريم:لجون شركه يعني رياييل وايد مكياج خفيف حيل وخلاص
لوجين:اممممم اوكي خل ادق على ساارون نسيت اقولها ... الووو حياني فديتهاااا
ساره:هلا لجون شصار عليج ها نقول مبروك عالوطيفه
لوجين:باجر مقابلتي ابئي ادعيلي يا سوسو
ساره:موفقه عمري ولي تمت غداي عليج
لوجين:من عيوني بس غداج ريوقج وغداج وعشاج
ساره:نشوف يالله خل احط حق حسين الغدى باي .. لوجين:باااي سوسو
(ساره عمة حسين صديقة لوجين الوحيده والمقربه للغايه

)
وصار يوم ثاني راحت عند حيدر عشان المقابله ..دشت مكتبه
لوجين:السلام عليكم .. اخ حيدر ؟
حيدر:وعليكم السلام ..آمري اختي ( مشاء الله شالعيون )
لوجين:معاك لوجين ال... الي دقيت قبل امس وانقبلت بياناتي ..
حيدر:اي هلا والله اشوف اوراقج بس
لوجين:اكيد تفضل
حيدر (ابتسم) اوكي كلو تمام بس لازم المدير يشوفج (الله يستر بس بي عيوز مكحينه وهذي ورده مفتحه الله يعيني عليه بس ).. اخت لوجين متزوجه ؟
لوجين:مو السؤال شخصي شوي
حيدر:عشان وقت الشغل بشوف ارتباطاتج
لوجين:اها لا مو متزوجه

حيدر:اوووكي تفضلي وياي لوجين عند المدير
رن تليفون لوجين .. والمتصله ساره ..
ساره:ها شصار سويتي كل شي قوليلي الحين
لوجين:هههه خل اتحجى ما صار شي اخلص وادق
ساره:اوووكي انطرج بااي .. لوجين:باي
بعدها راحت لوجين ويا حيدر عند المدير
حيدر:حسين هذي سكرتيرتك جيك على اوراقها بس عشان نعينها اذا اوكي
مارفع راسه ولا عبرها حتى ..
حيدر متوقع التصرف
حسين:مابي اشوف شي اذا شايفها اوكي عينها وبس
حيدر:اوكي تفضلي وياي لوجين انقبلتي مبروك
لوجين اضايقت من تصرف حسين بس قبولها نساها على طووول
شكرت حيدر ودقت على ساره


اوقف لي اهنيه ... لي عجبتكم البدايه قولولي عشان اكمل اوكي

يعطيكم الف عافيه
​

 

[taboolaaaa]

رد : *لوجين وحسين* أول روايه لي ..

امممم شقول شقول ؟؟ :bbbiu:
لوووووووول اتغشمر :krkrkr:
بس الرواية من بدايتها حدها تشويق .. تهبل .. ونوعية حسين من الناس المعذورين انا لو مكانه جان سويت اكثر :eh_s(4):
كملي حبيبتي كملي ناطرينج :ggdw: :ggdw:​

 

[fdk_q8]

لووول بعد جبدي قولي الي بدج اياه:eh_s(3):
تسلمين وان شاء الله بكملها من عيوني ..
اشكرج على هالتشجيع

 

[fdk_q8]

الجزء الثاني ..
لوجين: الوو ساررون احم احم معاج السكرتيره لوجين
ساره: اوووه مبروك سكرتيره وحركات المهم غداي
لوجين: تعالي بيتنا عشان نغديج
ساره: اوكي يالله كا الحين اطلع من الروضه وايكم فرشو الزل الاحمر وبخرو البيت
لوجين: ويهج سوير يالله باي
سكرت من ساره ودقت على امها عشان ما تسوي غدى لانها بتيب غدى
وصلت ساره عند بيت لوجين ودقت قالت لها انها تحت .. طقت ساره الباب الي بطله فيصل .. فيصلل من وره الباب : منو ؟
ساره:ساره رفجية لوجين
فيصل:هلا ساره شلونج ؟ (ابتسم وبطل الباب وتسند عليه )
ساره: هلا فيصل تمام

(ان شاء الله يوخر عشان ادش بنطول وايد عند الباب )
فيصل:حياج تفضلي
ساره: (اطالعه واهوه سرحان فيها)
واهوه عباله انه وقفتها وياه منوستها من جذي ما دشت
ملت ساره وقالت له :فيصل ممكن توخر عشان اتفضل
فيصل:اها من جذي ما دشيتي سوري
ودشت سلمت ولقت لوجين عند الدري
تغدو مع بعض وعقب الغدا ..
ساره:واي اخوج يهبل تصدقين يتحرش فيني ويتبوسم شزينه
لوجين:ههه استحي على ويهج خابره البنات يستحون شوي مهما يكون وياج اخته
ساره:ومستانسه وايد يعني؟ ادري انج اخته بس بعبر يختج بعبر ...المهم لجين قوليلي شنو الفكره الي خذيتها عن دوامج؟
لوجين:ماكو حيدر هذا اوكي لبق وياي وايد مزيون بعد لازم تشوفينه بس مديري نفسيه ومغرور وشايف نفسه مادري على شنو اليوم كان لازم يشوف اوراقي وله رفع راسه طالعني حتى جني مو موجوده
ساره:ماعليج منه مغرور حق روحه المهم شغلج وبس
لوجين:المصيبه شغلي كله وياه كريه سكرتيرته انا بجرم فيه وبتيج الاخبار
ساره:ههه فقير الله يعينه دامج حقدتي عليه هالكثر ماتدرين يمكن مضايق وله مشغول وايد ما يبين من الحين ... المهم دامي تغديت بروح بيتنا بريح
لوجين:يايه بس تلطين يعني خلج وين
ساره:فيني نوم دايخه شغل وايد بالروضه
لوجين: (نسدحت بكرفايتها وتلحفت) فارجي عيل وصكي الليتات والباب وراج
ساره:لجين يا شقول انا ضفيه نزليني تحت
لوجين(سوت روحها تشخر )
طفت الليتات ساره ودعت بقلبها الله لا يفرقها عن لوجين تحس وجود لوجين بحياتها الشي الي محلي حياتها كلها تحسها الاخت الي ما يابتها امها ...صكت الباب ونزلت تحت لقت ام خالد ويفصل قاعدين بالصاله يشربون جاي
ام خالد: وين يمه ساره تو الناس
ساره:من عمرج خالتي بروح اشوف ولد اخوي اكيد يحاتيني ما دقيت عليه
فيصل:

الله حافظج لا تقاطعين
ردت له الابتسامه وراحت شقتها اهيا مع حسين ( ساره ماتدري انه لوجين انقبلت بشركة حسين وانه المغرور يصير ولد اخوها )
يووم دشت لقت حسين عالعاده مجابل لابتوبه مو حاس بلي حوله
ساره: (بصوت عالي) السلااام عليكم
حسين: (طالعها ببرود ومندمج بلي بيده) وعليكم السلام في احد قالج اني اصمخ؟
ساره:لا صفقت الباب حيل ولا حسيت فيني وبعدين لي كلمتك طالعني وقولي لقيتو سكرتيره وله لا ؟ الاعلان نفع؟
حسين:امبله نفع وظف حيدر وحده اليوم قايله عيوز مكحينه انا بس اليوم ما شفتها كنت مشغول ما رفعت راسي
ساره:اممممم عيوز مكحينه ؟ تبيها تموت عندكم يعني .. المهم انا بروح انام
صار يوم ثاني دش حسين الشركه لقى وحده صوب مكتبه ومنهمكه بلي بيدها .. شعرها متناثر على ويهها ومندمجه وما حست بوجوده
حسين: خير انتي منو ؟؟ وشتسوين اهنيه ؟
لوجين: (عقدت حواجبها نفس تعقيدة حواجبه) انا لوجين الموظفه اليديده حيدر اليوم علمني شغلي وقالي انه هذا مكتبي
حسين:اها اي تذكرت اسمه استاذ حيدر مو حيدر حاف
دش حيدر بقمة الروقان كالعاده ويدندن واستغرب من صوت حسين العالي
حيدر:يالله صباح خير شفيك حسين عالصبح ؟
حسين:هذي نسيت انك معينها لاه وتقول حيدر حاف بدون لا استاذ ولا شي :/
لوجين: (عصبت)يا مدير يا استاذ حسين اسمي لوجين مو هذي هذا مستحيل يكون اسلوب مدير ! وثاني شي حيدر طلب مني اني اناديه باسمه
توه بيرد حسين بس حيدر خذاه ودششاه المكتب
حيدر:حسون شوي شوي على بنت الناس طول بالك هد اعصابك ارحم اعصابك هالمشدوده على طول
رن تليفون حسين .. :هلا سارون مو اليوم لأ قتلج لا تين يــه باي ساره باي
حيدر طلع عشان يهدى حسين شوي .. قلبه يعوره عليه الي بس صاير يصرخ ويتذمر جنه الوحيد الي صادف مشكلات بحياته تعب واهوه يقوله يحمد ربه واكيد انه ربه بيعوضه خير .. مستعد يضحي بحياته كلها بس يشوف حسين يرد لطبيعته
اما عند لوجين ساره صكته من حسين ودقت على لوجين ..
ساره:الووو .. لوجين: (صوتها مبين معصبه) الو هلا سارون
ساره: شفيج لجون قلبي ليش صوتج حذي مو على بعضج؟
لوجين:موديري ويع ويع كريه تخيلي يقول عني هذي انا هذي سارو بموت قهر
ساره:ليكون سكتيله بعد قوليله عمتك لوجين جليل حيا هذا شلون مدير شالاسلوب هذا
لوجين:ما خليتها بخاطري قتله محتاجه الوظيفه مابي اكلف على امي وفيصل اكثر مضطره اسكت له ما علينا منه .. وينج انتي ؟
ساره:بروح اشتري العاب حق عيالي ههه عشان العيد الوطني وبرد البيت
لوجين:ههه عيالج ها زين يالله فارجيني عندي شغل باي
ساره:اوووكي ماي لوف باي .. ( واي ماكو احد بيحاجيني :/ مسج هالرقم الغريب ابلاني بحياتي مسجات حب وغرام ! )
لوجين خلصت شغلها وردت البيت تتوعد المدير الي قاهرها .
باليوم الثاني دشت مكتبها لقت ولد صغير يلعب !
لوجين:السلام عليكم (ابتسمت له ورد لها الابتسامه ورد السلام )
لوجين:مع منو ياي حبيبي ؟؟
احمد:مع ماما قطتني وقالت لي روح عند ابوك لاني مابيك ويوم ييت منيه قالي الحارس اقعد مني انطر البابا
لوجين: (استغربت ! يقول كلام كبير ما يعرف معناته كسر خاطرها حيل مسحت على راسه )زين حبيبي هاك حلاوه قعدت تسولف وياه واهيا تفكر ( حسين متزوج يعني ... في مره بالدنيا تستحمله دامها قطت الولد اكيد مطلقها بس حرام عليها شحلاته وموؤدب وهادي يشبه ابوه حيل نفس الملامح الحاده )​

اوقف لي اهنيه .. وان شاء الله بكملها لكم اذا تحبون ..
يعطيكم العافيه

​

 

[taboolaaaa]

رد : رد: *لوجين وحسين* أول روايه لي ..

وااااااااااااي لالالا بليييز ليش وقفتي ؟؟
والله كنت مندمجه
كملي حبي كملي ;p

 

[fdk_q8]

تبوله شكرا على التشجيع .. تستاهلين اكملها لج يا مشجعتي الوحيده اكلمها حقج واروح اكمل قصتج



الجزء الثالث ...


لوجين تمت بأفكارها وما حست بقدوم حسين .. حسين يات له فرصه يتأملها دايما تلعب بخصل شعرها الطويل حس لو الموضوع بيده تتحجب .. وين قاعدين بنيه بعمرها مو متحجبه انا ما علي منها بس المفروض وعيونها عسليه وفيها لمعه ورموشها طوال .. مع انها مو جميله بس مملوحه وايد
انتبه على نفسه انا شفيني نسيت انه كلهم خونه ما عدا ساره شقام افكر فيه يعني ...
احمد قطع على حسين سرحانه هد الحلاو الي بيده وركض حق ابوه على طول ولوجين استغربت هذا من متى اهنيه ! ولي متى لي دش لا يسلم ولا يطالعها .. ( ماتدري انه سرح فيها سرحان طويل )
احمد:بااابااا لا توديني عند الماما كله طقني وما تبيني انا احبك وابيك وابي عمه ساره
حسين: (شاله وباسه ) ان شاء الله بابا ما راح تروح عندها بعد هالمره حسابي معاها عسير
احمد: يبا شفت لوجين حلوه عطتني ككاو وقالت لي قصص وايد وقالت لي راح تيب وياي بنت عشان العب وياها اسمها ملاك
حسين: ( انتبه عالجمله الاخيره بنت اسمها ملاك يعني معقوله متزوجه امممم مو مبين عليها بعد شوي اسأل حيدر طالعها وابتسم ) راضي عليج حد الرضا حلوه ما تنقال حق أي أحد ( عاد صاج ولدي حده حلوه )
لوجين : أهوه الي حلو

الله يخليه لك ( وانته رضاك من رضا ولدك يتبوسم اشوف الله يا عليه غمازات تينن جي احس ودي على طول يتم يبتسم )
حسين : يالله بابا عشان تآكل
دش حيدر .. : اووه بوشهيب اهنيه يا هلا يا هلا ... على طول ركض له احمد .. : عمي حيدررر
حيدر: روح عمي انته يمه فديته انا ( ويقرص خده حيل ) وخذاه ودش ويا حسين المكتب
تمت لوجين تفكر يتحجى من خشمه ومغرور لكن عالقوه الي اهوه فيها وايد مشاكل عنده ونظرة عيونه فيها انكسار ودي اعرف شيعاني منه :/ وبعدين شفيني حللت شخصيته قطع عليها سرحانها التليفون المتصله ساره ...
ساره:الوو اخبارج لوجين
لوجين:هلا قلبو تمام انتي شخبارج ؟؟ ما تخلين احد يفكر براحته ازعاااج مزعجه
ساره: تمام الحمدالله حدي مستااانسه ولد حسين امه يابته عندنا على طول وبيقعد عندي احسن من حسين الي كله يا طالع يا مشغول ...ما قلتيلي شتفكرين فيه عشتووو بس زين تمام كل مره مو زينه عيل وين مديرج يكدرج
لوجين:دوووم هالوناسه يااارب سكتي طلع مطلق وعنده ولد وهم امه قاطته شسالفة امهات هالايام
ساره: الله يهديهم ناس ماعندها وتتشفق عالياهل وناس هلي تشوفين تقط ...بس تعالي اشوف قمنا نيب اخباره ونهتم فيه وما قمنا نسبه
لوجين:ههه ويهج سويره شتسوين شخبار الرقم الغريب عيل ما غثج اليوم عيل
ساره:ماكو مسجات ولي دقيت افجر غضبي فيه يسكت ويسمع صوووتي معذبته تدرين :q
لوجين:ههه بلاه ماعنده ذوق ان شافج هون
ساره:هذا حجي تقولينه لي ماشي يا لجينه يالله روحي الحين عشان عندي شغل وله جان عرفتج ارد عليج بااااي
لوجين:باااي حبيبتي
عقبها تمت لوجين تنطر حيدر عشان يجاوب على اسألتها
اما بمكتب حسين .. حسين هم عنده اسأله حق حيدر
حيدر:حسون ابي بوشهيب باخذه وياي اوكي
حسين:ماشي بعدين قطه الشقه لانه سوير بتأذيتي عليه ( منو ملااااك معقوله بنتها) اقول حويدر
حيدر:هلا
حسين:لوجين متزوجه ؟
حيدر:ها ليش هالسؤال
حسين:اسألك ترد تسألني :/ جاوب
حيدر:ايواااا جنه في ناس بدت تنجذب اهنيه ها أجل ملجتي ونملج سويا :q
حسين:اقول فارج بس فارج خل اشوف شغلي
حيدر:يالله احمد سلام يا بوعلي ( يبتسم ابتسامه تنرفز حق حسين )
طلع حيدر وخله حسين مع افكاره اول ما طلع صار دور لوجين الحين ...
لوجين:اقول حيدر ولد حسين صح
حيدر:يقوله بابا يعني خدامتهم اكيد ابوه
لوجين: ( حست صج سؤالها غبي بس هذا تمهيد حق باجي الاسئله ) انزين اقولك يعني اهوه كان متزوج وطلق
حيدر:شفيج عالاسئله الغبيه !!
لوجين:اممممم غريبه اهوه حسين يحس مثلنا يعني ويحب ويحن عالناس عادي
حيدر: (طالعها وابتسم ) الريال القاسي دايما يكون حنون على فكره بس حسين كان متزوج وطلق عشان صارت له وايد مشاكل من امه وزجته وكله من نفس الموضوع خيانه واثرت عليه هالمشاكل لين صارت نفسيته الي تشوفينها وسببتله عقده من الحريم
لوجين:أها بس اصابع ايده مو سوى مو حكم يحكمه عالحريم كلهم خونه حرام
حيدر:هذا الي دايم انا وعمته نحاول نوصله حقه اهوه يقول بس عمته الزينه ومو الخاينه وباجي الحريم كلهم نفس امه و زوجته ! حسين شكله غير عن الي بداخله حسين حبوب وطيب وحنون بس السوالف الي صارت له مو شويه واساسا اهوه يببن عكس الي فيه دايما غير طبعه يعني
لوجين: طلع متعقد هذا تفسير سلوكياته وياي
حيدر:

بالضبط يالله ست لوجين لازم اروح
احمد: باي خاله لوجين
لوجين : ( لمته وباسته حيل ) باااي حمود مثل ما قتلك بيبلك ملوكه
عند حسين الي مازال يفكر مع انه حاول يلهي روحه بالشغل قرر يسالها ويرتاح ناداها
لوجين طقت الباب ودشت عقب ما اذن لها ..
حسين: ( امممم شلون اسال ياربي ) تعالي شوفي حسابج غلط
قربت من عنده بالصوب الثاني
خذت الملف وقامت تراجع الحساب وحسين ساكت يطالعها
لوجين:الحساب صح استاذ حسين
حسين:يعني انا قام اخرف ؟ يبا حسابج غلط :/ ( خل اطالعها شويه بعد وعقب بسالها )
جيكت لوجين بعد مره ( اوووف الحين يدور عليه الزله لو ما الحاجه جان فلعته بالملف وقاعد يخوزر مادري شعنده اربكني) ..
لوجين:استاذ حسين انا ما قلت مخرف والحساب صح
حسين:اقول لوجين
لوجين: (يا ساتر اول مره ينطق اسمي شحلات اسمي على لسانه ) هلا استاذ
حسين : انتي متزوجه ؟
لوجين : لأ ( شكو السؤاااااال الحيين) اروح مكتبي ؟
حسين:اي خلاص تفضلي
راجت قعدت عالمكتب ( هذا ليش يسال اممممم يمكن على قولت حيدر يشوف ارتباطاتي )
شوي ودق تليفوون المكتب
لوجين:السلام عليكم شركة حسين ال... للمقاولات
...:وعليكم السلام يا هلا بغيت المدير
لوجين:اوكي ثواني بس واحولج عليه ( الصوت مو غريب علي اول مره وحده تطلبه :/ يمكن مرته الي مطلقها ) استاذ حسين في وحده تبيك عالخط
حسين:حوليها .. هلا سارون يالله خل السايق يقطج انتي مع حماده اوكي يالله باي
عند لوجين .. خلصت شغلها ودقت على ساره
لوجين:الووو ها حجيه منتي متغديه بره ؟عازمتج
ساره:عازمتني امممم خليها باجر عشان بروح اتغدى مع حماده او ولد اخوي
لوجين:بديت اغار منه تره خذاج مني يالله روحي والعزيمه تكنسلت
ساره:هههه حبيبتي انتي
السايق قط ساره الشركه ونزلت ساره وصعدت فوق وراحت عند مكتب حسين وانصدمت !!!
شافت لوجين تلعب بخصل شعرها وتتحجى بالتليفون
يعطيكم العافيه

​

 

[taboolaaaa]

رد : رد: *لوجين وحسين* أول روايه لي ..

حبيبتي تسلمين والله قصتج تستاهل الواحد يقراها
وااايد تشوق وتهبل ..
واممم اكيد حسين بينعجب بلوجين ويحبها بعدين يتزوجها
بس اكيد راح تزيد الغيره ويمكن يشك فيها
بس بالنهايه راح يعرف ان اصابع ايده مو سوا
كملي حياتي كملي .. والله متشوقه حدي ;**

 

[fdk_q8]

الله يسلمج يا قلبي تسلمينلي على هالحجي الحلو :*
توقعاتج تقريبا صح *_* وان شاء الله اكملج اياها

 

[fdk_q8]

الجزء الرابع ..​

ما استوعبت لوجين طالعت البنت الي داشه ... ماتو ضحك على اشكالهم ..
ضحكهم ملا الشركه كلها
ساره:هههه مستحيل ما اصدق امبيه هذي شركة حسون ولد اخووي المغرور
لوجين:اهوه بس مغرور ما ظل شي ما قتله كريه ومليق ومغرور ماقصرت فيه هههه بعدين لا تقوليلي انه انتي الي دقيتي توه !!
ساره:ههه اي ولا تقولين انه انتي الي راده يعني ذربه مع الوي ( تقلد نبرة صوت لوجين الناعمه ) شركة حسين محمد ال... للمقاولات يختي
لوجين:هههه ويهج زين ( عيونها غورقت دموع من الضحك ولمعتها زادت )
طلع حسين من مكتبه من صوت الضحك العالي .. انصدم لوجين وساره ماسكين ايد بعض ويضحكون
حسين: ( ابتسم على شكلهم ) شفيكم ؟ تهسترتو ضحك جذي ؟ ضحكم ملا الرشكه كلها حتى الشركه الي يمنا سمعت يمكن :/
ساره:حسون تعرف الي قتلك مديرها مأذيها وابيك توظفها هذي اهيا لجون الي اذيتك فيها ههه
لوجين ( طقت ساره عشان لا تخر الحجي كله )
ضحك حسين عليهم ..
ساره يوم شافت ضحكته استانست حيل من يضحك تعيد ساره .. لوجين عجبتها الغمزات الي برزت اكثر وتنحت فيه وبعيونه المكحله ..
وقف ضحك استغرب منهم شلون يطالعونه لوجين سرحت فيه ومتنحه وساره شاقه الحلج
ساره:يعلها ماتفارقك يا بوعلي
دش حيدر واستانس لما سمع ضحكة حسين .. حيدر: شمسوين الي ضحك جذي عيدو الحركه كل يوم شنو شسالفتكم ؟
لوجين:ماكو انا كنت اشكي من استاذ حسين حق ساره وطلعت عمته

ومرات ساروه ادق وارد عليها واقول ياربي صوت سوير اعرفه انا
ساره:سوير بعينج جم اقولج سوير هذي ما اعرفها لا تقولين سوير جنج يدتي الله يرحمها
لوجين:كيفي يا سوير
حيدر:هههه حظي عليكم بعد بتخانقون الحين وله شنو
ساره:لا تسوي روحها شوح لين ما عرفت صوتها
ضحك حيدر وسوى حق لوجين كفج
حسين: ( ما عجبته الحركه وين قاعدين تلمس ايد الرياييل وملاحظ عليها تصافح:/ ) يالله ساره نتغدى حمود ينطر بالسياره .. لوجين شوفي شعلج خلصيه عشان ضروري اليوم يكون خالص وباجر استلمه ماشي !!
لوجين:اوكي (ابتسمت له ... حسين رد عفس حواجبه ومشى )
ساره: يالله لجينه حيدر باااي
حيدر:يالله انا هم بشوف شغلي سي يو
حسين وساره راحو السياره .. وعقب تذكر جسين انه نسى تليفونه فوق دش المكتب لقى لوجين مندمجه تحسب وشعرها الطويل مثبتته بالقلم !! ضحك على شكل القلم شلون حاطته برآسها وتغني بعد !
لوجين: يــه يــه يا واد يا تئيل يا معذبني يــاه انا بالي طويل وانته انته عاجبني بس يا ابني ما بلاش تتعبني عشان عمرك ما هتغلبني يــه يــه يا يا واد يا تئيل .. ( اهيا ماخذه راحتها لانه الموظفين راحو خلص الدوام )
حسين ساكت يطالعها رفعت راسها انتبهت عالظل يوم شافته على طول شالت القلم من راسها وشعررها الطويل انفل على معفس شكللها حيل عجب حسين الود وده يلعب فيه من حلاته .. وقام يقول بقلبه ( ضروري تتحجب مابي احد غيري يشوفه :/ )
حسين:عفوا شركه وله استديو القاهره ؟
لوجين(تفشلت) ااا محد موجود الموظفين راحوو ف خذيت راحتي شوي آسفه ما بتكرر
حسين: ( وده يضحك بس قمتها ) لا عادي ..خذا تليفونه وطلع
لوجين:الله يا الفشله حشى قاعده بيتنا حدي نسيت روحي
يوم دش السياره لقى ساره تتحجى بالتليفون
ساره:امبيه اي شي واي تخيلي عيوني قام ادمع من الضحك الله يغربل ابليسج بس بزعل منج صوتي ما تعرفينه شكثر اكلمج يا حظي شنو ههههه تخيلي يطردج بحرضه عليج صبرا جميلا انتي بس الله يخس ابليسج شيطرد فيج عشان مغنيه يالله زين اوكي باااي
التفت عليه :ليش مهبب بالبنيه جذي
حسين:ما اسوي لها شي شقايلتلج اهيا
ساره:كل سوالفكم وسبتك سب هههه
حسين:منو بيته اهم ؟؟
ساره:بيت ال....
حسين:فيصل وخالد ال.. شيصيرون لها
ساره:اخوانها تعرفهم شنوو ؟؟
حسين:اي فصول وخويلد ايون الدوانيه ... ( عايلتها والنعم فيهم ) المهم شنو تبين اي مطعم ؟؟
ساره:اي مطعم تبي احمد ؟؟
احمد:ابي باستا
حسين : باستا باستا جم بوشهيب عندنا
وراحو المطعم وعدى اليوم ...
مرت الايام والاوضاع بين لوجين وحسين مره حلوه مره لا .. حسين بدى ينعجب فيها ... ولوجين بس تشكي عند ساره منه !!
يوم من الايام لوجين كانت متواعده ويا ساره يتمشون بالممشى وكان معاها ملاك .. وقامت تتمشى عما تيي لها ساره ...
سمعت صوت طفل يناديها وكان احمد ..
لوجين:هلا حمود حبيبي شلونك زين ؟؟ هذي ملوكه الي قتلك عنها مع منو ياي حمود ؟
احمد:مع بابا .. ملاك تين تلعبين معاي
ملاك خذت ايده ومشت عند الالعاب ..
لوجين:هههه البنيه خربانه من هالطول ماعندها وقت على طول خذت ايده
....:تحاجين روحج ؟ اخاف معين وحده مو صاحيه
لوجين: ( قامت تحس بحب حق الصوت الي سمعته لا الصوت وله صاحب الصوت يغيبون عن بالها ولا اراديا تفكر فيه .. وتنطر اليوم الثاني عشان تشوفه حتى لو ثواني .. ابتسمت له ) هلا حسين لا ماكو اضحك على ملوكه احمد قالها تلعبين معاي خذت ايده ومشت على طول

حسين:اممممم دام عمتها اطق كف وتصافح الرياييل توقعي منها عادي
لوجين: ( ما استوعبت قصده شنو اطق كف وتصافح يعني تجاهلت كلامه ) يالله سي يووو
خلته وراحت واهوه تم يطالعها
يات له ملاك
ملاك: انته ليش تكلم عمه لوجين ؟؟ تبي اقول حق عمي فيصل يعضك
حسين:هههه وفيصلوه عمج ما بطل عض لي الحين متوحش (نزل لي عندها ) حياتي طالعه عسل على عمتج .. انا اشتغل وياها بالدوام حبيبتي
احمد:ملاك هذا بابا سلمي عليه لا تهاوشينه
ملاك( نسخت لوجين بس على صغيره ابتسمت له ) شلونك عمي
حسين:هلا عمي زين انتي شلوونج
مرت لوجين من صوبهم
لوجين:ها استاذ حسين قاعده معاهم عسى ما اذتك ملوكه بل الاسئله
حسين:لا اسمله عليها قمر وليش استاذ
لوجين:عشان ما تخصم علي بعدين

حسين:لا عادي دامنا مو بالشركه قوليلي حسين وما بخصم عليج
(تعلقت عيونهم بعض فتره قطعت عليهم الجو ساره )
ساره:متيمعين عالخير ان شاء الله
انتبهو لها
حسين:تلاقين الخير ( وقتج غلط !)
ساره:يبيلكم صوره لايقين على بعض نظرات وحركات غريبه مو قام تتهاوشوون
لوجين: ( لو تسكتين وتحطين لسانج بحلجج وايد احسن .. ويها صار احمر دزتها) يالله امشي (من بين اسنانها)لا ايي منج اكثر بروحج تاخرتي علي .. يالله ملاكي
ملاك:مابي بعلب ويا احمد
احمد:خالتي لوجين خليها تلعب وياي مانروح مكان بس نلعب اهنيه
لوجين: ( باسته) يا حلاتك انته اوكي ديربالك عليها قلبي
ساره:حسون ياي بروحك ؟ وين حيدر
حسين:حيدر مجابل مرته الله يعينها من ملج واهوه كل يوم بيتهم ما يفج اقوله تغلى شي يقول ما يحب يسوي شي على حساب نفسه يشتاق لها لازم يشوفها
ساره:هههه يحليله حيدر زين عيل امش معانه
لوجين طقت ساره على ايدها ( تستحي تتمشى ويا حسين )
حسين: ( يا حبي للعانه لو مو طاقتها جان ما ييت بس عشان هالطقه بيي شحلاتها لما تستحي ويها يورد ) يالله ( ابتسم ابتسامه تنرفز حق لوجين )
مشو وساره بنصهم .. راحت ساره تشتري بريد
حسين ساكت ولوجين حاطه سماعات .. حسين قام يتأملها ( عيونها تلمع وحاسه بنظراتي ومستحيه حيل مبين عليها احسها شفافه كل شي فيها يبين من عينها )
لوجين: ( استحت من نظراته حيل ) حسين لا طالعني جذي بس
حسين: ( نسيت روحي ) احم بكلمج بموضوع بخصوص الشركه
لوجين: اووكي
حسين:بنروح لندن انيب لنا اجهزه حق الشركه من شركه حابه تستضيفنا عندهم اسبوع واحنا الي رداين وراح تكون ساره موجود ويانا وانتي سكرتيرتي ف ضروري تكونين موجوده معاي
لوجين:اممممم اقول حق امي واخوي واعطي خبر حق ساره
حسين:حاولي خلال هاليومين عساس نحجز الاسبوع الياي
لوجين:خلاص ان شاء الله على حساب الشركه يعني ؟
حسين: (ابتسم لها ) اي يا البخيله ما بتدفعين وله فلس حمر
لوجين:ههه لا والله مو عن بس بشوف كنت عشان ميزانيتي تسمح وله ونو
ساره:يالله مشينا
كملو الممشى لي الآخر واهما يسولفون وحسين ساكت..
يوم ردت البيت لوجين وياها ساره عشان يقنعون ام خالد
ام خالد:قلت لا يعني لا قلبو ويوهكم عني اهووو فارجوني ماكوو
لوجين: ( دموع التماسيح ) اهئ اهئ يما شغلي هذا مو بكيفي وشفيها لي سافرت بيآكلوني يعني اهئ اهئ
دش فيصل المبسوط اوي انه ساره موجوده شاف سيارتها عند البيت
فيصل:شفيكم صوتكم واصل لآخر الشارع
ام خالد:اختك المصون بتروح لندن سفرة عمل وبروحها
فيصل:حبيبتي قضبي ارضج ماعندنا بنات يسافرون سفرات عمل
ساره:خالتي .. فيصل .. سفره عمل هذي ولد اخوي وانا خلوها مافيها شي
فصيل:امممممممم راح اسافر معاكم ( عشان تكونين قبال عيوني لمدة جم يوم يا عيوني انتي ) شقلتوو ؟؟
ساره:اي اوكي عادي نحجزلك معانه شالمشكله
ام خالد:دام فيصل معاكم توكلو على الله
دقت ساره على حسين وقالت له يحجز حق فيصل .. وعقب يومين سفرتهم ...​

يعطيكم العافيه​

 

[mantoosha]

وااااااااااي القصه تينن وايد حلوه بليييز كمليها تشوقت اعرف شبيصير

ويعطيج ألف ألف عافية :ggdw:

 

[MiSs FoOoFoOo]

رد : رد: *لوجين وحسين* أول روايه لي ..

عجييييبه رواايتج وناطرين البارت الياي

 

[بقايا قلب مجروح]

رد : رد: *لوجين وحسين* أول روايه لي ..

القصة وااااااااااااااااااااو
كملي حبيبتي تشوقت ابي اعرف شنو بصير

 

[بقايا قلب مجروح]

رد : رد: *لوجين وحسين* أول روايه لي ..

القصة وااااااااااااااااااااو
كملي حبيبتي تشوقت ابي اعرف شنو بصير

 

[taboolaaaa]

رد : رد: *لوجين وحسين* أول روايه لي ..

الله وناسه وناسه قام يحبها شوي شوي لوووول
ينيييييييت هههههههه
كملي حبيبتي كملي ناطرينج يالغلا ;p​

 

[صعب الكلام]

رد : *لوجين وحسين* أول روايه لي ..

يإإإإأأأإأي تهبـــ ل القصــه ناطرينج
واي بدى يحبهــا وناااسه,..:eh_s(9):

 

[fdk_q8]

وااااااااااي القصه تينن وايد حلوه بليييز كمليها تشوقت اعرف شبيصير

ويعطيج ألف ألف عافية :ggdw:

حبيبتي تسلمين على هالتشجيع .. كلج ذوق ان شاء الله من عيوني بكملها تسلمين:eh_s(7):

 

[fdk_q8]

رد: رد : رد: *لوجين وحسين* أول روايه لي ..

عجييييبه رواايتج وناطرين البارت الياي

تسلمين حبيبتي ان شاء الله بكملها لكم المنتدى الي كنت كاتبتها فيه ايرور وانا مو مسيفتها جان حطيت لكم بارت الحين بس خل يتعدل وانقله حقكم

 

[fdk_q8]

رد: رد : رد: *لوجين وحسين* أول روايه لي ..

القصة وااااااااااااااااااااو
كملي حبيبتي تشوقت ابي اعرف شنو بصير

حبيبتي تسلمين كلج ذوق :eh_s(17):

 

[fdk_q8]

رد: رد : رد: *لوجين وحسين* أول روايه لي ..

الله وناسه وناسه قام يحبها شوي شوي لوووول​

ينيييييييت هههههههه

كملي حبيبتي كملي ناطرينج يالغلا ;p​

لوول حبيبتي ان شاء الله بس يبطل على طول انقل الباجي :eh_s(17):

 

[fdk_q8]

رد: رد : *لوجين وحسين* أول روايه لي ..

يإإإإأأأإأي تهبـــ ل القصــه ناطرينج
واي بدى يحبهــا وناااسه,..:eh_s(9):

حبيبتي تسلمين ونستوني وشجعتوني كلج تظر :eh_s(7):