الجزء الخامس ..
صار يومين موعد سفرتهم .. فيصل طبعا مثل ما قال حسين كان يتردد عالدوانيه الي يروحون لها اهوه مع حيدر
حيدر يه بعد اقناع طويل من حسين لانه ما يعرف ما يسافر الا معاه وبينما اهما كانو ينطرون طيارتهم حيدر قاعد ومعفس ويهه ..وحسين يطالعه وفي ضحكه عليه وفيصل ما يصير ما يعلق والبنات يسولفون مو منتبهين لهم واحمد يلعب بألعابه ..
فيصل: حيدر ان شاء الله بتم مقدلم وعافس ويهك جذي وايد !
حسين:تركه يولي زين قبل مصدعني الشركه والشركه والحين ما يبي ايي ويدري شي مهم اساسا من اتزوج او ودي اخصم عليه
حيدر ( يطالعه ويعفس ويهه زياده و يطالع الصوب الثاني ) :حشا اخس من مرتي فصيل تدري يوم دق علي شيقولي .. حيدر يا عمري ما اقدر اسافر بدونك
ضحك فيصل بصوت عالي ...:وانته شسويت
حيدر:ما يبيله صكيته بويهه على طول كااااك
حسين: ( طالعهم ويبتسم عشان ينرفز حيدر )
لوجين :شفيك شفيك شوي شوي تره احنا مو بالبيت
فيصل:كيفي مطار ابوي شتبين ؟؟
لوجين:فيــصل عاد لا تفشلنا خلك ماك جيكن !!
حيدر:تفضل هابين لك بهبات خبونا خبه بماك جيكن !!
ساره:انا اقول امشي خنروح نشتري هالجاكيت بخاطري حيل
لوجين:يالله
حسين:بنات وين ؟ لا اطولون تره شوي واطير الطياره
لوجين: ( طالعته وابتسمت ) ما بنتأخر
حسين تم يطالعها واهيا رايحه لين وصلت المحل واهيا قامت تنقي ويا ساره .. وساره انتبهت له وتبتسم واطالع لوجين ..
لوجين: على فكره شكلج غبي وانتي طالعيني وتبتسمين جذي خلصينا تبينه
ساره:محد الغبي او مو حاس بلي حواليه غيرج يالله نحاسب
عقبها نادهم فيصل واعلنت الطياره عن الاقلاع ...
طبعا بالطياره الشباب وره والبنات جدامهم وفيصل يتنقل كل شوووي
لوجين:سوير تره بنام مو نايمه من امس وانا اخاف مابي احس بشي لو تنقلب لا تقعديني (ولفت شافت فيصل يمهاويطالع ساره ) فصيل شتبي ييت قعدت منيه :/ روح اقعد وره ان شاء الله بتقعد تغني وتغازل يمي نفس يوم كنا مع امي :/ تره ولد اخوها ورانا والله لاعلمه عليك اخليه يحذفك من الطياره
فيصل : ( يطالع ساره ويبتسم احرجها حيل بنظراته مستغربه من الجرأه الي هلت عليه ) انا اقدر ما اغازلها كتكوته عسل يااااربي
لوجين:غلطاااان قوم اقعد يمهااا بعد روووح اقعد يم الشباب ليش دابل جبدي
فيصل : قلت يمكن تخافين شي تدرين 7 ساعات وجذي اخاف عليج يا اختي الحبوبه وبعدين انا خليت كرسي فاضي وره عشان ادري فيج ( يطالع ساره ) بتولهين علي بسررررعه
لوجين ( لفت على حيدر ) : حيدر تكف اخذ محرمي وقعده يمك تره غثني مو مخلينا نسولف
حيدر:بوغازي تعال يا المحرم ابيك بسالفه
لوجين القت نظره سريعه على حسين ما شافت احمد وحسين بقمة سرحانه يطالع الدريشه ..
لوجين:حسين .. حسين ( يطالع بره ) :همممم
لوجين : ( عيونه محكله تينن ياربي تيييينن ) وين راح احمد
حسين : ( طالعها ) لقى رفيجه اهنيه وحنج الا يبي يقعد وياه وخليته يروح
لوجين : اهااااا
قعد وره فيصل يلعب بشعر لوجين الي طالع بين الفراغ الي بين الكراسي وحسين يطالعه وده يلعب اهوه بشعرها .. بس حده انقهر من فيصل بدال ما يحجبها يلعب بشعرها
لوجين: فيصل شفيك ما نتحجى اليوم بس عاد ساره حاجيه تكفاااا
ساره: ( ابتسمت له ) بس فيصل خلنا نتحجى
فيصل : ان شاء الله خلاص من عيوووني وقعد يسولف ويا حيدر وحسين سااكت ... فيصل حس روحه فرض روحه على حسين .... لانه من يوم ما ركبو الطياره ما تحجى توقع انه ضايقه كان بس يبي يسافر مع حيدر لانه صديقه الروح بالرووح .. مع حسين يموت على فيصل لانه بسرعه يدش القلب .. ويوم دره انه بيي استانس
بعد مرور 6 ساعات ساره كانت مغمضمه عيونها وتسمع اغاني بالآي بود .. لوجين نايمه ... حيدر وفيصل نايمين .. وحسين قام من النووم ... طل عليهم ولقى لوجين نايمه بطريقه غلط .. خذه مخدته وحطها تحت راسها ولحفها ورد قعد ... ساره الي حست بحركته وبطلت عيونهاا شافت الي سواه حسين واستغربت منه .. توقعت عقب المشاكل الي شافها من الحريم مافي حرمه تأثر فيه .. بس لما طالعت لوجين ابتسمت لوجين مافي احسن من اخلاقها وحلوه وكل شي زين فيها اكيد بتأثر فيه والاهم من هذا حنونه حيل ..
صارلهم 7 ساعات وصلو لندن بسلام وراحوو الفندق ...
غرفة الشباب بينما حسين يتسبح ...
فيصل:حيدر حسين مضايق من وجودي ؟؟
حيدر: لا شكووو بالعكس يوم دراا انك بتيي استانس وايد ليش اهوه قالك شي يعني ؟؟
فيصل:لا ما قالي شي بس قلت يمكن ما يحب يعني بس يبيك انته لانك رفيجه وجذي بس قليل ما يتحجى او حتى لي تحجى يختصر
حيدر:طبيعته جذي ما كان جذي بس الدنيا سوته جذي
فيصل: امممممم من متى وياه انته ؟؟
حيدر:من الروضه لي يومك
فيصل:عسى الله لا يفرقكم يارب ..
طلع حسين من الحمام ( كرمكم الله ) : ها تطلعون الجو حلو خنتعشى ونرد نرتاح عشان باجر ورانا يوم شاق بالعمل
حيدر:يا انته يا شاق بالعمل ....
فيصل:لا يالله امشوو بس اول بدق عالبنات واسبح ونمشي ...
حسين:لا يالله روح اسبح انا بدق عليهم بشوف حمود بعد ... الو هلا لوجين وين احمد
لوجين:سارون تنشف شعره توه سبحناه
حسين:زين تتعشون وله بتنامون ؟؟
لوجين:اصبر اسأل سارون (بصراخ شوي عشان ساره تستشور شعر احمد عشان ينشف وما تسمع ) سااااارون تتعشين ؟؟
حسين:عفوا في احد قالج انه ساره صمخه !! تسمع تره لا تخربين نعومة صوتج
لوجين:هههه سوري بطيت اذونك بس سارون تستشور حق حمود وما تسمعني لي خلصنا ننطركم بلوبي اوكي باااي
صكت التليفون لوجين وسرحت ... ساره تكلمها ماترد ... تنرفزت ساره فلعتها بالمخده !!
ساره:لجييين وصمخ اكلم يدتي اناااا
لوجين : ( واهيا تمشط شعرها ) ولد اخوج يقولي صوتج ناعم لا تخربينه !! ومره من المرات قال شي وما فهمته
ساره:وماذا هو يا ترى
لوجين: ذكرين يوم ملوك ويانا بالممشى حمود قالها امشي نلعب اهيا مسكت ايده وراحت تلعب وياه وتميت اضحك يوم يا حسين قتله يقولي عادي توقعي منها عمتها اطق كف او تصافح :/
ساره:بييييه شمذكرج بالسالفه !!
لوجين:مادري بس يومها استغربت من كلامه وحتى بالشركه لي ييت اصافح احسه يطالعني وما يكلمني عدل مده
بس معاملته وايد متحسنه وياي
ساره: عيل لي قتلج الي عندي شبتسوين حده تنصدمين !!
بنوتات اكمل لكم عقب ما اشوف ردودكم ان شاء الله
كل عام وانتو وكويتنا بخير ان شاء الله
