لهواة الغوامق

[NOORAN]

عندي قطو شيرازي ألماني اللون أسود ملكي ذكر عمره 8 شهور هو مدلل وربيته من وهو صغير خالي من الأمراض ومطعم ...ياكل أكل خاص وحنوون ويحب اللعب ويحب البحر وأنا معودته أخذه معي وين ما أروح ويموت على الطلعات والوناسة والتنزه وكل ما كنا نروح يلعب وينط مع الأطفال وكانو كلهم يجتمعون عليه وهو يستانس ويصير يلاعبهم كأنو ربي معهم ويمكن شفتوني شي نهار وأنا بتمشى معه على شاطئ الخليج ^_^
طبعا كل أغراضه معه (صندوقه وأكله والرمل المخصص ودفتر تطعيماته وألعابه وفيتامين بودرة وفرشايتين لشعره ومنشفته وبودرة قبل الحمام وشامبو وطوقه ازرق سماوي نفس لون صندوقه والحبل المخصص للقطط أشبكه بطوقه وقت التنزه)
بس أمانة يلي تبيه لازم تكون حنونة معاه وتعامله كأنه طفل لأنو حساس وحنون وقلبه طيب
وأنا والله لولا ظروفي القاهرة وسفري ما كنت بخليه يبعد عني ...وهو رفيقي وين ما أروح حتى لما أصلي القيام يقعد جنبي ويستناني لما أخلص صلاة وأسلم التسليمة الثانية يقوم ويقعد بحضني يعرفني إني خلصت صلاة سبحان الله
اسمو drago ويلي تحب تاخذه تكلمني علوتس أب :99158280
هذي الصورة لما كان صغير :

وهذي جديدة :
​

 

[عـيّــآره]

انا شفت الصوره خفت منه حسيته مرعب

لكن لما رجعت وقريت مواصفات حبيته

للاسف ماحب القطاوه

الله يرزقج ان شاءالله​

 

[RHS_95]

شكله يشوق بس للاسف ما احب شي اشمه قطاوه

الله يرزقج حبيبتي