لهالدرجه الطلاق صار مثل شربة الماي ؟

[mmloo7a]

هاي :eh_s(8):

احنا نسمع ونشوف سوالف الطلاق ممكن اغلبها من الرجال
ولكن

ليش في بعض البنات ماتحمد ربها على نصيبها او بالاحرى عقولهم صغار ؟

انزين يابنت الناس
الله رزقج بخوش ولد
علا نياته
انزين ليش يوم يت النعمه بيدينج ترفسينه اللي كل البنات يتمنونه ؟

ليش ياترى ؟
مهرج 5 وعقب ماتزوجتي اختج تزوجت ومهرها 6 ؟
انتوا على قولتكم شارين الريال هذا كلامكم بالخطبه
وبعدين غيرتوا بكلامكم ؟

ريلج ماقصر هدايا وحاجزتج خوش سفره ويالله من فضلج أثثلج احلى الأثاث وفوق هذا
دوامج يم شقتج بالضبط بفريجكم
وبالمنطقه بنفس قطعه بيت عمج
وبيت ابوج بالمنطقه اللي وراها
انزين
والعرس عطاج 1000 وشوي عشان تسوونه بصاله فلانيه على حنتج ابي 3000 الا بسوي حفله كبيره
تقول اختي ريلها مسويلها عرس بمكان فلان الفلاني
وهو مومسوي ولا شي امه المسكينه اهي اللي دفعت فلوس العرس ريل اختها معاشه ضعيف

وريل اختج موحاجزلها سفره ولا حطلها شقه بروح
مقعدها ببيت اهله غرفه وحمام الله وكيلكم ومن رابع يوم يجعمها
بخطبتهم قالوا عادي يقعد مع اهله عقب الملجه قالوا لا نبي شقه


وتروح هذي عند ريلها المسكين تقوله شوف اختي بيسفرها امريكا وباني شقه كبيره ببيتهم
ويايبلها مادري شنو

انزين من اول ماتزوجتوا مايابلج ( جنطه ساعه بوك اكسسوارات ورود عطور دب الخ)
كل هذا وموعاجبج ؟
ولا عيد الميلاد ماقصر

شتبين ؟

تقول رفيجاتي كل رياييلهم فاتحين لهم سيايير ومادري شنو
انزين والمطلوب ؟






بنرفزك عشان تطلقني ياخي مابيك غصب ؟
اوكي شنو شايفه عليه ؟
لاهو راعي خرابيط ولا هو راعي بنات شنو هذا ؟


لاعت جبده الريال منها
وبالاخير طلقها ولعن ابوالساعه اللي ملج عليها لاتحترم امه ولا اهله شنو لعنبودارج
الريال من عذر طلقج شلون يعيش مع وحده غلطت على امه ؟

واخرتها اختها لاسوت عرس ولا شي كنسلوه لان اهل ريلها حاشتهم حاله وفاة ولا سفرها ولا شي قعدها ببيت اهله غرفه وحمام وماكله تبن يالله هذي اختج اللي تقولين بتروح امريكا مادري وين

سبحان الله

شماله متزوجة ؟
وتظلمين ولد الناس ؟


اوكي منو قالج توافقين ؟
عمرج بيطق ال30 وهذا تفكيرج ؟

شبيقولون الناس عنج ؟
ثوله غبيه ؟

وبعدين ؟ خذيتي نص المهر شنو استفدتي ؟؟
حتى بالمحكمه تخربط تقول حق الاستشاريه يالله سوي اجراءات الطلاق مالي خلق اتحجى


امبيه في ناس جذيه :eh_s(10):


ماشي الريال مايكسره طلاق باجر ياحبيبتي يتزوج وانتي خلج قاعده :eh_s(4):

اكو وحده ترفس النعمه ؟


استغفرالله

___________________________
تم تعديل الموضوع من قبل المشرفه العامه Dancing^Queen
السبب : استخدام الفاض غير لائقه ارجو احترام ادب الحوار وقوانين القسم

 

[شادن33]

في ها لحاله أهي الخسراااانه
والريال الربحاااان الله يسخرله اللي احسن منهاااا

 

[Perfume]

حبيبتي الاسباب وايد
في بنات تعودوا في بيت اهلهم عالدلع وطلباتهم مجابة ومحد يقول لهم لا ويتوقعون الشي نفسه من الزوج
وفي بنات يقارنون حياتهم بغيرهم وهالشي يدمر الحياة الزوجية كل زوجين لهم ظروفهم ممكن اختي زوجها بخير ونعمة ومو مقصر عنها وزوجي على قد حاله بس مو مقصر معاي ما يصير اقارن حياتي بحياتهم واطلب منه يوفر لي مثل ما زوج اختي يوفر لها
المقاااااااااارنة سبب الخراااااب

 

[iLLuMinaTion]

الله يعين

 

[o s h i]

حبيبتي. الحين الزمن تغير واايد وايد

والسبب انه هالزمن جدا جدا مرررفه بشكل مب طبيعي


يعني البنت لما اتزوج اتكون حاطه ابالها شي ولما ما يعجبها تقول شزيني ف بيت اهلي ومب مجبوره اتحمل هالشي ويكون اسهل حل الطلاق


.
وعادي بطلق وباخذ الي احسن منه

الحين الحياه غير غير اللي تطلق عشر مرات عادي اتزوج مو مثل قبل المطلقه لها نظره سوده فالمجتمع

الحين اتطلق وتقول الحياه حلوه

 

[baby lolo]

اب اب اب

 

[afaf]

أي والله كلامج صح ياربي تستر علينا وتصبرنا ع ازوجنا يارب

 

[Gifts&Occaions]

الله يعين

 

[al-musk]

القناعه كنز والي يقارن نفسه بغيره بيعيش بجحيم والنوعية هذي فرقاها عيد وحتى لو خذت نص المهر ميخالف فكه ودفعه بلا ولا مجابلها طول العمر والعوض من رب العالمين

 

[mmloo7a]

صح كلامكم بعد الحين البنات ماقاموا يثقون بالرياييل
يعني ريال طلق مره مرتين تسأله وايد ليش طلقت وليش طلقت اكيد انت تأذي حريمك وتفكر وايد ان ماعافوه الا من سوالف اهو مسويها والريال اهو الضحية
لان الريال اذا تزوج مطلقه مايسألها تلقونه بيستقر
الريال يقط وياخذ قرض وايجمع فلوس تلقونه من اهو صغير ابوه يخشله او اهو يشتغل يخش فلوس او ياخذ قرض اخر شي لي قرر يتزوج عادي بعد شهرين سنه سنتين مطلق ؟
ويقعد قعده طويله عشان يقدر يفتح بيت مره ثانيه

على قولتكم اذا كل وحده ماعجبها الوضع وترد بيت اهلها موحاله هذي الوحده لي وافقت عالزواج لازم تعرف ان حياتها مع زوجها غير وشقى وتعب واستقرار لي متى هالبنات يتدلعون

ويطق عمرها 35 ولا 40 45 يالله تحس انها تبي اي ريال يطق بابها

للأسف اغلب الخليجيات شايفين عمرهم
لكن شوفوا بعض العربيات والاجنبيات يخضعون للريال مهما كان وماتتطلق الا بحالات سيئة جدا وتأثر على حياتها ماتطلب وتطلب وتطلب وتطلب

شنو هذا قطع

 

[شادن33]

حبيبتي مو كلهم مثل ماتقولين في بنات سنعات ومتربيات وشايفين خير يبون الستر والريال الصالح
ما يهمهم الفلوس والماديات وبعد يكونون في العشرينات

الرك عل التربيه والاختيار الصحيح للزوجه وأنها تكون من بيئه صالحه ومتربيه وبسسسسس

 

[انثى عاشقة]

كل وحدة عقلها براسها وتعرف الصح من الغلط
اذا ع المظاهر تبي تتطلق كيفها
هي الي راح تخسررر
الغلط من اهلها لازم يوعونها ان الي تسويه غلط كبير
​

 

[الأميرة جوري]

الحين الاغلب رياييل ما يتحملون المسؤؤؤؤليه والبنات يبون الحريه ومايبون ريال يتحكم تبي تطلع وتدخل علي كيفها يعني مرات من الريا ل مرات من المره العيب والله يهدي الجميع

 

[موكا لاتيه]

الله يعين

 

[كويتية بروما]

انا مع شادن كلامها صح

 

[بطوووطة$بيضة]

والله الصراحة الشرها على الرياييل

لي بغى يتزوج يخطب العوية والمنكسرة

ويتشرط ابيها حلوة وابيها تشبه مادري منو ....والاخلاق والسنع اخر شروطه

اكيد اهوا اللي ابياكلها

 

[mmloo7a]

والله الصراحة الشرها على الرياييل

لي بغى يتزوج يخطب العوية والمنكسرة

ويتشرط ابيها حلوة وابيها تشبه مادري منو ....والاخلاق والسنع اخر شروطه

اكيد اهوا اللي ابياكلها

اكييييد حبيبتي يبيها حلوه عاد ماقال ملكة جمال

اهو اكيد يبيها حلوه واخلاق

لان اغلب الرياييل مايحب البطوطه لان سمنه البنت تقتل انوثتها
ف اكيد يختارها حلوه حليوه موملكة جمال + اخلاق

ولكن ينصدم بعد الملجة او بالملجه تطول لسانها

لا وبعد كل هذا تطول لسانها على امه ؟

وتبين هدايا وبتسافرين امريكا ها :krkrkr:

اي خير ان شاء الله حبيبتي قضبي الباب احسنلج :eh_s(8):

جبح ويوه

 

[نـعـومـه]

ترا حدج بالغتي

ماشوف هالفئه الا قلللليييييييل !!

وعليه على اللي اشوفهم ياتدفع للسفره ولا تدفع ولادتها ولا اهيه تودي اليهال المدرسه ولا تحجز فندق حق يوم زواجها

هذيل بناتنا

اللي كتبتيه مبالغه

 

[نـعـومـه]

والعربيات والاجنبيات اللي على قولتج احسن ناس هذيل لانه عيشتهم بيت اهلهم اسوء من اي ريال وذاقت المر

بجذي ساكتين ولا مواحسن منا

 

[M!SS.LOBY]

سبحان الله وبحمده
سبحان الله وبحمده