**لندن**

[عاشقه المطر]

مرحبا بنات

حبيت اخذ منكم معلومات عن لندن
مطاعم
كفيات
اسواق ((محلات لو في دواعيس مو واضحه بس تكون حلوه))
ترفيه

مشتريات مو موجوده الا في لندن
مشتريات مميزه
اي شئ تعرفينه لاتبخلين فيه علي:tek:
​

 

[اميرة الغيد]

عزيزتي عاشقه المطر
انا رحت لندن كم مره وودي اروح لها بعد والله تونس وحلوة واسواقها تهبل كل شي فيها حلو الله يهنيج ويوعدنا نروح بعد
اذا بتروحين بره لندن عندج بلاك بول ودرام وليدز ونيوكاسل تقدرين تحجزين لهم رحلات من اهني طبيعه ومناظر تهبل وجوهم احلى من لندن ، بالنسبه لداخل لندن عاد مثل مايقولون عد وخربط ، المتاحف عندج london dungon وهو متحف الرعب سوي حسابج واحد يطلع لج من اي مكان بالظلمه ، عندج british musuem هذا المتحف الرسمي لهم على مستوى تلقين فيه الجثث مالت الفراعنه ، الحدايق الهايد بارك طبعا مالت الكويتيين وحديقة الزهور regent park كلها هنود بس حلوه ، اذا بتتمشين روحي ساحة الحمام،المطاعم عندج مطعم ماليزي يهبل بشارع متفرع من الاجوارد روود طبعا هالشارع فيه مطاعم عربيه ومحلات ذبح اسلامي، الاسواق عندج ماربل آرش واكسفورد وللماركات بوند ستريت وبرنت كروس وهو مجمع ، الاسواق الرخيصة سوق الاحد وسوق السبت وشبرد بوش .
موتنسين متحف الشمع .

 

[اميرة الغيد]

عندج بعد london tower ,وبعد london bridge اللي عندهم ساعة بج بن
بالنسبه للتنقل بلندن التكاسي غاليه احلى شي الباص الاحمر موغالي والاندر جراوند اكيد بيطلع ارخص،لندن عموما تعتبر غاليه شوي اغلى شي فيها السكن بالذات بالصيف وسوي حسابج تحجزين السكن من اهني اضمن يمكن تروحين تلقين الفنادق والشقق فل الكويتيين والعرب ماخلوا شقه فاضيه ههههه ، الاكل غالي بس صج اكلهم حلو بالذات الحلو اخذي ماجله معاج احسن عشان توفرين الفلوس للسوق والوناسه مو تصرفينها على الاكل ، لندن مشهورة بككويات لندن واحلى شي بمحل wool worths وهذا يمكن المحل الوحيد اللي ماعندنا بالكويت وlittle woods و c&A و argos هذيل بعد مافي بالكويت ، في شغلات بشبرد بوش مافي منها بالكويت مثل الملافع المخمل الطايح مو اي مخمل اللي معاه شيفون ، ودراريع شبرد بوش ومحل يمه تبيع فيه هنديه خام يهبل مخمل اسمه محل رقم 1 .وان شاء الله اكون فدتج .

 

[عاشقه المطر]

الف شكر اختي السالميه

ماقصرتي يالغلا

سجلت كل شئ قلتيه عندي

بانتظار البقيه

 

[اميرة الغيد]

العفو عاشقة المطر اذا تبين اي استفسار انا حاضر انتي بس آمري

 

[malekatsabaa]

بنات اتصدقون اختي يابت شالات من شبردبوش وايد حلوه وتطلع عليها ب7 دنانير وماشفنا مثلها بالكويت

ومكتوب عليها صناعه سوريه...لوووول

 

[*ستار*]

للرفع

 

[GOLDEN_FISH]

up
up
up
up

 

[اميرة الغيد]

انا صادمتني سالفة انهم صناعه سوريه اشلون جذييييي

 

[kuwaitya_zoGaa]

ماعندى فكرة