لندن والا النمسا

[سنبلة]

انا رايحه لندن مرتين وكل مره اروح استمتع بس ودي على الصيف اروح النمسا اغير ومحتاره 00 اشرايكم تنصحوني ارد حق لندن والا النمسا فيدوني يالخبيرات *

 

[القصيدة]

السلام عليكم و رحمة الله و بركاته

لو تروحين النمسا يا قلبي بإذن الله ماراح تندمين خاصة انو جربتي لندن ،، جربي شي جديد :eh_s(7):

النمسا متنوعة سياحياً ( طبيعة + حضارة + تزلج ع جبال الألب + شعب فريندلي + ممكن تطلعين لدول مجاورة .... etc. )

لكن في الشوبنغ ،، لندن أفضل بكثيــــــــر

بالنسبة لي رحت لندن و رحت النمسا ،، أوكي لندن حلوة و حبيتها لكن النمسا حبيتها أكثر

ممكن تدخلين المنتديات السياحية و تقرأين عن النمسا و تقررين إذا يهمك تروحين الأماكن اللي قريتي عنها أو لا

لأن ممكن الأشياء اللي تعجبني ما تعجبك لذلك أقرأي أكثر من تقرير أفضل :eh_s(17):

موفقة الغاليــــــــــــــة :eh_s(17):​

 

[سنبلة]

تسلمين يالغاليه ماقصرتي

 

[كنوز78]

غيري حبيبتي انا عن نفسي ما احب اكرر ..احب ازور اماكن جديده ... لندن حلوه و سوقها حلو بس النمسا شي ثاني .. انا رحت زلامسي و كابرون و حيل استمتعت ..و ناويه علي فيينا علي شهر ثلاثه اذا الله كتب .. والله يكتب لج اللي فيه الخير

 

[عزاااه]

حبيبتيغير روحي النمسا تقدرين تروحين منها الي سويسرا المانيا ايطاليا

 

[سنبلة]

مشكورين حبيباتي اللي ردوا علي جزاكم الله خير

 

[عيون مبارك]

سوي جدول ميونخ سالزبورج زيلامسي فيينا
لا تكررين الدول اللي رحتيها

 

[ام مهاوش]

انا رحت لندن ورحت النمسا ثنتينهم حلوين
بس النمسا احلى بوااااايد
نصيحتي روحي النمسا عشان تغيرين وتشوفين دول ثانيه غير لندن
ومثل ماقالو البنات روحي معاها المانيا وسويسرا لانه المسافات قريبه وسهله الروحه لهم

 

[سنبلة]

يعني اذا رحت النمسا بس مااببي اروح فينا على طول من ميونخ لي زيلامسي جم يوم تكفي

 

[سنبلة]

؟؟؟؟؟؟

 

[dreamer_33]

بالعكس فيينا حلوه وغيييييير عن زلمسي

بس اذا ماتبينها && من مطار ميونخ روحي سييييده لزلمسي ٦ ايام او ٧

و4 ايام ميونخ اذا تبين تتسوقين


10 ايام اعتقد كافي اذا ماتبين تزيدين منطقه ثالثه

 

[كنوز78]

دريمر حبيبتي انا ناويه علي فيينا ان شاءالله .. اذا تقدرين تفيديني باحسن الفنادق و الاماكن السياحيه و الاسواق اكون شاكرة لج

 

[سنبلة]

اذا بغيت اطلع الفيزا من وين اروح السفاره الالمانيه لاني بحجز ميونخ اول شي ومنها زيلامسي وجم مدتها

 

[<miss botamba>]

سويسرا احلى من النمسا

النمسا اشوفها وايد كئيبه مقارنه مع سويسرا


سويسرا فيها طبيعه و حياه

تحسين الناس فريش

عرفتي قصدي


النمسا احسها مالت عيايز

 

[Maybe_87]

حبوبة روحي النمسا
وضيفي بلد يديد لذكرياتج

 

[ام العامر]

انا نفسج رحت لندن مرتين وناويه هالصيف اروح لزلمسي يلا روحي وقوليلنا رايج بصراحه
ناطرينج

 

[وردة البيضاء]

الصراااااااااااااااااحة اكيييييييييييييييييييييييييد النمساااااااااااا
تقبلي مرور&*
حوحو

 

[اصايل]

على حسب انتي شنو تحبين اذا تحبين التسوق واللويه والناس روحي لندن
واذا تحبين الهدووء والطبيعة روحي النمسا أنا عجبتني سازبورج وايد
زلمسي حلوه بس مافيها شي بس بحيره وجو
الكابرون فيها ثلج
فينا عاديه مافيها زود حتى سوقها عااادي
ميونخ نفس لويه لندن بس سوق لندن أحلى

 

[سنبلة]

خلاص ان شاء الله عزمنا على ميونخ وزيلامسي بنغير هالسنه