لمن لديها أولاد من واحد وأكثر متى وقت إخراجه من الغرفة والممنوع والمسموح له برؤيته؟؟؟

[آلمآسـﮧ]

هلا والله بكم جميع ..

وش أخباركم بنوتات صغار وأمهات كبار <<< كأني بأكاديمية ألقي محاضرة

المهم:

لمن ربي وفقها ورزقها بولد سواء ذكر أو أنثى متى تطلعينه من غرفة نومج ؟؟ وشلون لبسكم أمامه ؟؟

ومتى تحسين أنج تخجلين من عيونه>> يعني أنه بدأ يفهم الحركات؟؟

ولو شافج واحد من عيالج في وضع العشرة مع زوجك كيف التصرف الامثل ؟

رجاء المشاركة والإثراء لأن هذا الشيء يصير لنا كلنا .. ونبي نعرف التصرف الأمثل ..


وحياكم الله مرة ثانية.

 

[M!SS.LOBY]

موفقه

بس انتي في بيت بروحج ولا مع بيت حمولتج ممكن عشان نفيدج ؟

 

[نونهQueen]

انا للحين مايبت عيال بعدني حامل بس لازم ناخذ الحذر والحيطه لانه موضوع جدا كبير وخطير ولايسمح لنا بالتساهل فيه ..

وان شاء الله البنات رح يفيدونا في هالشي

 

[مكاييل]

شوفي حبيبتي من كثر قرائاتي بهالموضوع بحكم تخصصي الدراسي فيه اكدت الدراسات ان الطفل من عمر اربع شهور اقري العمر زين من عمر اربع شهور يبداء يستنمي اذا شاف امه وابوه وقت المعاشرة ويصعب جدا جدا علاج هالمشكله لديه وراح تتطور حتى بعد مايكبر ويتزوج لان يكون عنده شبق جنسي كبير وافكار انحرافيه والعياذ بالله فرجاىي لكل ام تكون حريصه من ناحية هالموضوع ولا تتساهل فيه لاي سبب من الاسباب واحب انوه ان يكفي للطفل انه يشوف امه وابوه مرة وحدة بس عشان تحدث له هالمشكلة اسال الله لكم السلامة ولاطفالكم ولي ولاي اطفالي

 

[آلمآسـﮧ]

نورتووني فديتكم

 

[آلمآسـﮧ]

نورتووني فديتكم

 

[امـ خــزامـى]

عندي بنت وحده ومعي بالغرفه قريب بطلعها
واحس تأأأخرت مرره بس الظرووف ماخلتني

اما اللبس عاادي جدااا البس من غير قيووود

وسالفة انها تعرف وتحس ماادري
بس تغار على ابوها لو شافته يبوس او قريب مني
تجلس تصيح وتحشر نفسها بيننا وتبيه يبوسها

ماادري عالتصرف غيره ولا تعرف وتفهم على قولتهم

 

[Dam3t Daloo3a]

خووش موضوع

يعطيج العافيه حبيبتي

ان شالله نستفيد منه
انا عندي ولد عمره ٩ شهور
احب اخذ حذري منه عشان ما يشوف شي غلط اخاف ياثر عليه

 

[اميره بعيونه88]

اكبر خطا الطفل يضل مع امه وابوه الافضل بعد الاربعين علي طول يخصصون له غرفه بروحه

 

[غلايو]

احب هالمواضيع

لاني ابي اعرف

اغلبهم يقولون بعد السنتين طلعيه بغرفه!! احس كبير ويفهم

وانا مقرره من يعتدل رقاد بنوتي بخليها بغرفه مع جهاز الصوت الي فيه كام عشان اجوفها بعد

و اظن انه بعد الثلاث شهور راح اطلعها اذا مو قبل

 

[لمى الهاجري]

المشكلة الطفل محتاج عناية اول الشهور ورضعة وتنومين وما يتعدل نومه يعني ممكن نحطه بسرير بنفس الغرفة بس بعيد وعليه ستارة ومايقدر يشوف شي شرايكم بالفكرة او نخليه بممر قريب للغرفة

 

[[ نور عيني ]]

فكرة لمى حلوة
صعبة تخلين البيبي بروحة في بداية الشهور
عادي خلية بالغرفة و ستارة وسرير بعيد
في ناس ما تسمح لهم الظروف ان يسسون غرفة
اهم شيء انه ما يشوف حتى لو عمرة شهر ..
تفاديا للمشاكل

 

[M!SS.LOBY]

اعتقد للفترة سنتين من عمر الطفل خلاص ينعزل

 

[عزيز قلبي]

انا ولدي عمره سنتين وانومه معاي اخاف ينام بروحه لانه يفز بالليل
طبعا مستحيل نسوي شي الا لمن نتأكد انه في سابع نومه اسم الله عليه
في سريره ومغطي بستاره في يوم الظاهر طلع مني صوت لقيته قام
من ورا البرده يقولي ماما واوا كااااااااااك فديته حسيت انه خلاص لازم
غرفه بروحه لانه بدا يفهم الله يحفظه

 

[orchidia]

آنا نفاس حاليا بس أول ما أرد بيتي بأشتري له سرير بروح وأحط عليه ستارة

أعرف لكم حريم تنومه وياها بالسرير ويجيها ريلها ويييييييع

والله لو عمره شهرين ما أسويها جدامه ..

وأذكر وحدة كانت تقول انها تسوي هالشغلة والليت مبطل وبنتهم صوبهم ع السرير وكان عمرها جم شهر ويع ويع ويع

وتقول ان بنتهم كان باين من نظراتها انها مستغربة الموضوع ..

أول شي بسرير بروحه وعليه ستارة والليت مو مبطل يعني لو شي خفيف ..

وأأكد انه نايم ..

اللي براسها تنبسط طلعيه حزة الحزة ثم ردي ولدج عن التكيسل والخبة مو كل شي قدام الياهل يتسوى

ومن عمر سنة راح أحط له غرفة برووح وبيكون نومه طول الليل سوي له رضعته مالت الي يفز من نومته وخلي الممية صوبه بياخذها ويرد ينام ..

بليز بنات حركات تخلف ما نبي يجيج ريلج وولدج صوبح ووووووويع

 

[BubbLe87]

انا بنتي عمرها سبع شهور الله يحفظها و للحين معاي بالدار بس ما سوي شي الا و اهي ناااايمة مستحيل اسوي و اهيا قاعده و بنطلعها من الدار عما قريب باذن الله

 

["دلوعة حبيبي"]

اولادي عمرهم سنتين وشهرين ..
بالنسبه للبس بديت احاسب البس قمصان نوم احسهم بدوا يفهمون ..
اما النوم لسه عندي بالغرفه و هالشهر باذن الله بنقلهم .. س ما نسوي شي الا لما اتاكد انهم في سابع نومه
غير انهم بعيد عن سريرنا غير انا النور مطفي ولازم تحت المفرش هههههه حراميه عشان لو صحى احد
منهم ما يشوف شي وبصراحه مره بس صارت صحى واحد منهم و ستوووووووب على طول

 

[مشتاقة الى الله]

انا عندي ولدين وكلهم بغرفتي الكبير عمره سنه وسبعه اشهر والصغير عمره خمسه اشهر والحين مقررة الكبير من يكمل السنتين بوديه بغرفة بروحه ان شاء الله لاني ساكنه ويا حمولتي فوضعي صعب شوي بس ان شاء الله راح تتيسر

 

[وردة وطني]

انـُـْـmeـّــا عندي بنوته عمره سنه وتسع اشهر ولد سبع اشهر وناوين نبني ونطلعهم ان شاءالله

 

[أم يزيد &سديم&]

أنا بنتي وولدي من عمر السنة أطلعهم وقبل لا
لما يكونون بسابع نومة نسوي اللي نبي